Nnojo pujutüin

¿Aküjüshi pia pütchi süka tü poyeetokalüirua?

¡Eeshi Süpüla Paʼaleewain Maleiwa!

Namüinjatü na matüjüinkana karaloukta

Süküjia pütchi süka. «¿Eeshiiche süpüla naʼaleewain waya Maleiwa? [Puuʼulaa nüsouktai, paashajeʼera Santiago 2:​23.] Aainjuushi poyeetokot tüü süpüla sükaaliinjüin waya süpüla waʼaleewainjachin Maleiwa maʼaka naaʼin Abrahán.»

Eesü süpüla paainjüin tüü. Soʼu tü palajatkat pukua jee shiale soʼu puwaraijaain püchikuaʼa, pikiraja chi wayuukai süka ekirajaaya 1 jee shiale neʼe shiʼipa süpüla niʼrüin jamüin shikirajia wayuu sünain tü Wiwüliakat.

Saaʼin wayuu ouktusü ¿Eeshii süpüla sükaaliinjüin waya? ¿Saainjüin kasa mojusü wamüin? ¿Shiimainchejee eein?

Napülajatü na mmotkana seema wayuu ouktüsü.

Süküjia pütchi süka. «Nashin na wayuukana oʼunüshii eemüin saaʼinpülee ouktüsü na wayuukana ouktapa naya. ¿Jamüsüjaʼa pünüiki? [Puuʼulaa nüsouktai.] Süküjüin wamüin tü Wiwüliakat kasain alatüin wamüin ouktapa waya [paashajeʼera Eclesiastés 9:​5, 10]. Süküjüin poyeetokot tüü aneerüin maʼin nakuwaʼipa na wapüshi ouktüinnakana nasoʼiraapa aaʼin suluʼu tü paʼaraiisükat yaa mmapaʼa. Otta süküjüin wamüin tü waaʼinrajatkat süpüla nnojoluin sumojujeʼerüin wakuwaʼipa tü yolujaakalüirua.»

Eesü süpüla paainjüin tüü. Puuyantapa püchikuaʼa pikiraja chi wayuukai süka Kasa shikirajaka suluʼu ekirajaaya 6, 7, 10, paainja tia wanaapünaa sümaa tü pütchi kamalainkat namüin na wayuukana soʼu tü palajatkat pukua.