Waküja pütchi sümüin «wayuu süpüshua»
1. ¿Kasa wanaawaka atuma wanee kuʼyamai nümaa wanee aküjüi pütchi atüjakai?
1 Kojuya tü kasa niʼyataakat aka wanee wayuu kuʼyamai sümaa nütüjaain saaʼu joujain choʼujaain shia nümüin otta kasapülajatüin shia waneʼewai sukua. Müshiʼiya neʼe wayakana kojuya wamaʼana tü kasa waküjüinjatkat aka pütchi. Süpüla waküjüin pütchi sümüin «wayuu süpüshua», kamaʼanashii waya poyeeto aashajaaka süchiki wainma kasa (1 Cor. 9:22). Sünain karalouktakat tüü, weʼreerü süpüshi tia, aküjünüsü jaraliin kamüinjatüin shia otta jamüinjatüin süküjia pütchi süka eere waya.
2. ¿Joujainjatü waapüin wanee poyeeto?
2 ¿Joujainjatü waapüin wanee poyeeto? Nüneekawalin chi kuʼyamaikai tü niʼyataaya anasükat maʼin. Müsia neʼe watuma waküjapa pütchi, eesü süpüla waapüin wanee poyeeto mayaapejeʼe nnojoluin shiain tü aapünajatkat soʼu kashikat tia. Jamüsüjaʼa shiale waapüinjatüin tü karalouktakat Kasa shikirajaka akatsaʼa wantiraale nümaa wanee wayuu manoulakai jee mamalainyaakai amüin tü sümakat tü Wiwüliakat, shieerü anaka waapüle wanee poyeeto nümüin jee mapa waapeere tü karalouktakat.
3. ¿Jamüshii watüjüinjanaka süpüleerua tü waküjakat aka pütchi?
3 Anasü pütchi nachiki na tütükana sünain naʼyataain saashin tü Wiwüliakat (Pro. 22:29). Nnojotsü eein wanee aʼyatawaa anakalü maʼin suulia tü ‹aʼyatawaa wulesükat› (Roma 15:16, NM). Süpüla ‹nnojoliinjanain japülin waya› watüjüinjatü apüleerua tü waʼyataayakat (2 Tim. 2:15).