Kojutüinjatü maʼin wamüin waakajinnüin suulia waainjala
1. ¿Kasa anaka maʼin süpüla waaʼinrüin aaʼuriiroʼu?
1 Wachajaa sukuwaʼipa süpüla weeʼiyatüin aaʼuriiroʼu 14 kojutüin maʼin wamüin tü naainjakat Jeʼwaa wapüleerua. Saashin Lucas 17:11-18, talatüsü naaʼin Jeʼwaa otta Jesuu wanaa sümaa waapüin tü analuʼutkat namüin. Naʼakajee na polooshii ajaʼttakana ata, waneeshia neʼe chi aapakai analuʼut saaʼujee niiyajünüin. Nnojoleena müliain waya soʼu palit kaʼi otta kateerü woʼu waneepia süka naapajiraain nikii Jesuu waaʼu. Waapeerü tü analuʼutkat nümüin Jeʼwaa soʼukaiwai saaʼujee tü naaʼinrakat wapüleerua. ¿Kasa waaʼinrajatka süpüla weeʼiyatüin kojutüin wamüin ouktüin Jesuu waaʼu?
2. ¿Kasa waaʼinrajatka süpüla weeʼiyatüin kojutüin wamüin ouktüin Jesuu waaʼu?
2 Tü waaʼinrajatkat. Jülüjüinjatü waaʼin tü aainjünakat wapüleerua süpüla nnojoluin motuin waaʼin waapüin tü analuʼutkat. Süpüla kojutüinjatüin maʼin wamüin tü naainjakat wapüleerua Jesuu, waashajeʼerüinjatü tü pütchi ashajünakat nüchiki suluʼu tü Wiwüliakat maʼaka saaʼin tü ojuʼitakat suluʼu calendario otta Examinando las Escrituras diariamente. Paashajeʼera tia pütchikat sümaa püpüshi. Waainjüle tia, kojuteerü maʼin wamüin ouktüin Jesuu waaʼu otta aneerü maʼin wakuwaʼipa sutuma (2 Cor. 5:14, 15; 1 Juan 4:11).
3. ¿Kasa maa waaʼinrajatka süpüla weeʼiyatüin kojutüin wamüin ouktüin Jesuu waaʼu?
3 Kojuta maʼin wamüin ouktüin Jesuu waaʼu. Jaʼyasü waaʼu kojutüin wamüin wanee kasa saaʼujee tü waaʼinrakat (Col. 3:15). Kojutüsü maʼin nümüin chi wayuu ajaʼttakai ata niiyajünüin nutuma Jesuu. Makalaka mekeerüin nia nüchiirua süpüla naapüin tü analuʼutkat nümüin. Talatakajasaʼa maʼin naaʼin wamaa sümaa nüküjüin sümüin tü wayuukalüirua niiyajünüin nutuma Jesuu (Luc. 6:45). Aküjüinjana maʼin waya pütchi süpüla weeʼiyatüin kojutüin wamüin ouktüin Jesuu waaʼu. Eeshii süpüla pürekutsooliin aaʼusiliaat waya jee wakatalüin kaʼi süpüla waküjüin maʼin pütchi. Woutkajaapa süpüla Sotuin Waaʼin ouktüin Jesuu waaʼu, wasaka na antakana sünain jee wakaaliinja naya sünain tü pütchi nnojotkat nayaawatüin saaʼu. Talateerü maʼin waaʼin waainjüle tia.
4. ¿Kasa waainjüinjatka süpüla talatüinjanain maʼin waya aaʼuriiroʼu?
4 Nnojotsü watüjaain saaʼu woutkajaainjanale wachikuaʼa süpüla Sotuin Waaʼin ouktüin Jesuu waaʼu (1 Cor. 11:26). Makalaka wachajaainjatüin maʼin sukuwaʼipa süpüla weeʼiyatüin kojutüin maʼin wamüin tü naainjakat Jeʼwaa wapüleerua. ¡Kasataalejeseʼe anain maʼin wanüiki nümüin Jeʼwaa otta talatüin maʼin waaʼin sutuma tü naainjakat wapüleerua! (Sal. 19:14.)