Atüjüinjana waya aküjaa pütchi: pükaaliinja chi puʼuyaajanakai

Anashii koʼuyaajanale waya. Nütüjaa aaʼu Jesuu anain naaʼin wanee wayuu koʼuyaajanale nia sünain aküjaa pütchi. Wanaa sümaa nuluwataain Jesuu akaratshishii nekii wayuu sünain aküjaa pütchi, nüjütüin naya sünain piamawalin (Luc. 10:1). Koʼuyaajanale waya, eeshii süpüla nükaaliinjüin waya sünain wanee kasa isaka wachiki maʼaka saaʼin isale wachiki wasouktüin shiʼipajee wanee wayuu (Ecl. 4:​9, 10). Eesü süpüla nüküjüin wamüin tü kasa nütüjakat maʼin apüleerua jee shiale nüküjüin wamüin tü waainjüinjatkat süpüla watüjüin maʼin aküjaa pütchi (Prov. 27:17). Jee müsia nütütüleʼerüin waaʼin waküjiraapa pütchi nümaa (Filip. 4:8).