Wakaaliinjiraa wapüshuaʼa süpüla waaʼinrüin tü kasa anasükat

«Anakaja müleka wakaaliijiraale wapüshua sünain kamaneejiraain je sünain waaʼinrüin tü anasükat» (Heb. 10:24.) Aʼyataweena maʼin na waneeinnua nümüin Maleiwa müleka anale wakuwaʼipa napüleerua jee waashajaale süchiki tü kasa anasü waainjakat sünain aʼyatawaa nümüin Maleiwa. Müsüjeseʼe anain maʼin waküjüle namüin tü kasa anasü alatakat wamüin sünain aküjaa pütchi. Anasü waküjüle namüin kasain wayuu talatüin atuma waaʼin sünain tü waʼyataainkat nümüin Maleiwa. Nnojoluinjatpajaʼa wayoʼujireʼerüin tü kasa anasü waainjakat sümaa tü kasa naainjakat na wawalayuukana jee shiale sümaa tü kasa anasü naainjakat waneeinnua wawalayuu (Gal. 6:4). Watütüleʼerapa naaʼin na wawalayuukana süpüla naaʼinrüinjatüin tü kasa anasükat, nnojotsü waaʼinrüinjatüin tia süpüla mojujain naaʼin saaliijee müin wayoʼujireʼerakai saaʼin wakuwaʼipa namaa (paashajeʼera Benefíciese, süp. 158 püt. 4). Müleka wakaaliinjiraale wapüshuaʼa sünain waaʼinrüin kasa anasü, talateena waya sünain akaaliinjaa wayuu, sünain aküjaa pütchi otta waainjeerü shia süka süpüshuaʼa waaʼin (2 Cor. 1:24).