Yapa waya süpüla tü outkajawaakat eere Sotuin Waaʼin ouktüin Jesuu
Anuu tü alatakat wanee kaʼi süpülapünaa nuʼutünüin aaʼin Jesuu. Nütüjaa aaʼu müichinya nnojolin niküin tü paaskuakat namaa na nikirajüinkana. Niʼitaainjatü shikii tü ekawaa aipaʼajatkat nutuma chi Senyotkai. Kojutüsü maʼin nümüin Jesuu tia outkajawaakat makalaka nüjütüin Pedro nümaa Juan sünain nakumajüinjatüin sukuwaʼipa (Luc. 22:7-13). Yapainjana waya maaʼutpünaa süpülapünaa süntüin sükalia tü outkajawaakat eere Sotuin Waaʼin ouktüin Jesuu. Kojutüsü maʼin shia wamüin (Luc. 22:19). Soʼu juyakat tüü, eejeerü tia outkajawaakat aaʼuriiroʼu 3. Wekirajaa sünain tü waaʼinrajatkat süpüla yapainjanain waya süpülapünaa süntüin tia kaʼikat.
¿Kasa waaʼinrajatka waneʼewai wakua?
Ojuʼitüinjana maʼin waya sünain aapiraa na wayuukana süchiki tü outkajawaakat eere Sotuin Waaʼin ouktüin Jesuu.
Washajüinjatü nanülia na wayuu eekana süpüla wounejaain sünain tü outkajawaakat maʼaka naaʼin na wekirajakana sünain tü Wiwüliakat, na wapüshikana, na waʼyataakana amaa, na koleejiakana wamaa otta waneeinnua wayuu weʼraajakana.
Waashajeʼera tü wetsiikulo aashajeʼennajatkat suʼunnaa tü kaʼi sotokalü oʼu waaʼin ouktüin Jesuu otta wasakireʼerüinjatü waaʼin sünain tia pütchikat.
Jülüja waaʼin na wayuu antakana sünain tü outkajawaakat süpüla wasaküinjanain naya.