Ana watuma shikirajia tü Nünüikikat Maleiwa sünain aküjaa pütchi

Waküjapa pütchi, waashajeʼerüin sümüin wayuu tü Wiwüliakat. Süka jamüin, nnojoluin kasain isain süchiki tü Nünüikikat Maleiwa. Sünain tü outkajawaa miyoʼu waneekat kaʼi eejatka soʼu juyaka tiainka, aküjünüsü wamüin waainjüinjatüin tia. Naashajaa achikit shia chi wawala alapalaakai waaʼu sünain tü pütchikat: «Ana watuma shikirajia tü Nünüikikat Maleiwa sünain aküjaa pütchi». Wekirajaa wachikuaʼa sünain tia pütchikat.

• ¿Jamüsü nnojotka kasain isain süchiki tü Nünüikikat Jeʼwaa? (2 Tim. 3:16, 17.)

• ¿Jamüsü wuleka waaʼin, sunouktaaka tü kasa mojusü wekiiruʼukat, waaʼinraka tü kasa anasükat otta lotoko wakuwaʼipa sutuma tü Wiwüliakat? (Paashajeʼera Aapiria wayuu ojuʼitaka juunioʼu 15, 2012, süpana 27, pütchi 7, alijunaikiruʼu.)

• Waashajeʼerapa tü Wiwüliakat sümüin wayuu, ¿jamüinjatü wanüiki namüin süpüla kojutüin namüin tü Nünüikikat Maleiwa? (Paashajeʼera Benefíciese, süpana 148, pütchi 3 otta 4; Nümüin Maleiwa ojuʼitaka maatsoʼu, 2013, süpana 6, pütchi 8.)

• Waashajeʼerapa tü Wiwüliakat, ¿jamüsü waküjüinjatka sümüin wayuu jamaluʼuluin wanee wetsiikulo? ¿Jamüinjatü sukuwaʼipa watuma? (Aluw. 17:​2, 3; paashajeʼera Benefíciese, süpana 154, pütchi 4 sünainmüin süpana 156, pütchi 5.)