Tü waaʼinrajatkat süpüla oʼttaa sünain ekirajaa süka tü karalouktakat kasa shikirajaka

Keeʼireesü waaʼin wapüshuaʼa ekirajaa wayuu sünain tü Wiwüliakat... Kasataalejese woʼttuin sünain ekirajaa. Sükaaliinjeena waya tü karalouktakat ¿Kasa shikirajaka maʼin tü Wiwüliakat? Tü süpanakat 3-7 ashajünüsü süpüla aashajawaa sümaa wayuu süchiki tü Wiwüliakat. Sutuma tia, mapüleejeerü oʼttaa sünain ekirajaa süchiki tü Wiwüliakat jaʼitaina matüjüin maʼin ekirajaa waya.

◼ Sükajee tü süpanakat 3 eesü süpüla paainjüin tüü:

Süchikijee püküjüin wanee kasa mojuka atuma naaʼin na wayuu püküjakana amüin pütchi, paashajeʼera namüin tü asakiraa wünaapünaakat suluʼu süpana 3 otta püsakira jamüin nanüiki süchiki. Süchikijee piiʼiyata tü ayaakuaa suluʼukat süpana 4 otta 5.

◼ Maka pücheküle, puʼtta sünain eeʼiyataa tü ayaakuaa suluʼukat süpana 4, 5:

Eesü süpüla pümüin: «Anashaatasüjee shikeraajüle süpüshuaʼa tüü, ¿aashimüin?» Jee pümüle «sünainjee tü aküjünakat yaaya: ¿Jarat püchekaka süpüla shikeraajüin?» Jülüjashaata paaʼin jamüin nanüiki.

Maka anale namüin na wayuukana wanee pütchi suluʼuka süpana 4 otta 5, paashajeʼera namaa tü pütchi aashajaakat süchiki tia süpüla piiʼiyatüin tü shikirajakat tü Wiwüliakat (paashajeʼera tü pütchi süttakat). Paashajeʼera shia maka pikirajaain sümaa wanee wayuu. Eesü süpüla paainjüin tia soʼu 5 jee 10 minuuto sünain palajatka pukua.

◼ Wanee shia piiʼiyatüle tü asakiraa suluʼukat süpana 6 otta püsakira jamüin nanüiki süchiki:

Piiʼiyata tü asakiraa suluʼukat süpana 6 otta püsakira: «¿Püsakirüirü anain tüü?» Müleka anale namüin na wayuukana piiʼiyata tü pütchi aashajaakat süchiki tia (paashajeʼera tü pütchi süttakat). Wanaa sümaa pikirajaain namaa na wayuukana oʼttushi pia sünain ekirajaa wayuu sünain tü Wiwüliakat.

◼ Süpüla piiʼiyatüin jamüin shikirajia wayuu süka tü Wiwüliakat, paashajeʼera tü pütchi suluʼukat süpana 6, 7:

Suluʼu süpana 6 süchikijee tü asakiraakat, paashajeʼera süpüshi tü pütchi ashajünakat. Süchikijee püchajaa ekirajaaya 3 otta piiʼiyata sükajee pütchi 1-3 jamüin shikirajia tü Wiwüliakat. Püküja puuyantajachin süpüla pikirajaain sünain tü asakiraa sünainkat ekirajaaya 3.

◼ Tü paaʼinrajatkat süpüla puuyantüin püchikuaʼa:

Pajaʼttirapa tü palajatkat ekirajawaa, püma namüin puuyantajachin püchikuaʼa. Eesü süpüla müin pünüiki: «Soʼu palitchon minuuto watüjaaipa tü shikirajakat tü Wiwüliakat süchiki wanee pütchi. Touyantapa tachikuaʼa aashajaweena waya süchiki tü pütchikat... [Püküja sünülia tü pütchi pikirajüinjatkat anain]. ¿Eesü süpüla tantüin maaʼulu soʼu semaanakat tüseena?»

Süka sülüʼülüin tü nükaliakat Jeowa nükaaliinjüin waya süpüla anainjatüin tü waʼyataainkat nümüin (Mat. 28:19, 20; 2 Tim. 3:17). Ana maʼin watuma nekirajia na wayuukana sünain tü Wiwüliakat süka karalouktakat tüü.

[Pütchi süttaka suluʼu süpana 3]

Ekirajawaa sünain tü pütchi suluʼujeejatkat tü Wiwüliakat, suluʼu süpana 4, 5

◻ Alateetkat Mapeena 21:4 (süp. 27, 28, püt. 1-3)

◻ Isaías 33:24; 35:5, 6 (süp. 36, püt. 22)

◻ Juan 5:28, 29 (süp. 72, 73, püt. 17-19)

◻ Salmo 72:16 (süp. 34, püt. 19)

Süsouktia tü asakiraakalüirua suluʼuka süpana 6

◻ ¿Jamüshii müliaka waya? (Süp. 108, püt. 6-8)

◻ ¿Kasa waainjüinjatka süpüla eejiraain waya sümaa tü shapaakat atuma waaʼin? (Süp. 184, püt. 1-3)

◻ ¿Kasa waainjüinjatka süpüla talatüin maʼin waya sümaa wapüshi? (Süp. 142, püt. 20)

◻ ¿Kasa alataka wamüin ouktapa waya? (Süp. 58, püt. 5, 6)

◻ ¿Kateerü noʼu nachikuaʼa na wapüshi ouktuinnapakana? (Süp. 72, 73, püt. 17-19)

◻ ¿Jamüsü watüjaaka saaʼu nikeraajeerüin Maleiwa tü nünüikikat? (Süp. 24, püt. 17)