Sukuwaʼipa shikirajia wayuu süka karalouktaka ¿Kasa shikirajaka? (pütchi mapüleeka)

Tü karalouktakat What Can the Bible Teach Us? (nnojoyülia alijunaikiruʼu otta wayuunaikiruʼu) meematsü aka saaʼin tü karalouktakat ¿Kasa shikirajaka? Tia karalouktakalüirua shia shikirajaka anain tü shiimain suluʼukat tü Wiwüliakat. Tü karalouktakat What Can the Bible Teach Us? mapüleechonsat shikirajia tü shiimainkat sutuma. Ashajünüsü shia napüla na kapüleekana amüin ayaawataa saaʼu sünüiki tü karalouktakat ¿Kasa shikirajaka? Sajaʼlajaayamüin tü karalouktakat What Can the Bible Teach Us? ashajünüsü jamaluʼuluin wanee pütchi suluʼu mapüleein shia. Nnojotsü eʼitaanüin tü asakinnakalü anain süpülapünaa wanee ekirajaaya otta nnojotsü tü pütchi süttakat sajaʼlajaayamüin. Shia eʼitaanaka wanee resumen süchiki tü ekirajaanakalü anain. Eesü süpüla waküjüin pütchi süka tia karalouktakat eepünaale waya. ¿Kasa waaʼinrajatka süpüla anain wekirajia süka tia karalouktakat?

RESUMEN. Ayateena waya sünain wekirajüin wayuu süka tü karalouktakat ¿Kasa shikirajaka? Kajale sünain aashajeʼeraa wanee wekirajüin, eeshijaʼa süpüla nikirajünüin süka What Can the Bible Teach Us? Eeshi süpüla nikirajünüin sükajee tü resuumenkat otta eesü süpüla naashajeʼerüin nümüiwaʼa tü ekirajaayakat. Eeshi süpüla nikirajünüin wanee wayuu sükajee tü Wiwüliakat soʼu 15 minuuto. Paliʼirü pütchi suluʼuka tü resuumenkat suulia tü ekirajaayakat. Müshijeseʼe yapainjachin maʼin wanee aküjüi pütchi otta nütüjaainjatü aaʼu nukuwaʼipa chi nikirajüinkai. Shiale nekirajaain anain tü ekirajaayakat, eeshi süpüla nüsakinnüin nüchikuaʼa sükajee tü resuumenkat.

NOOTA. Tü pütchi ashajünakat sünain tü nootakat pansaasü sümaa tü pütchi sünainkat tü ekirajaayakat. Nia aneeküinjachika chi aküjüikai pütchi nikirajüinjachire sünain tü nootakat.