WAKUWAʼIPA SÜNAIN ANOUJAA
Weeʼiyata kojutuin wamüin na wayuukana waküjapa pütchi namüin nepialuʼu
Wayakana anoujashiikana müshii weʼitaanakai aaʼin süpüla shiʼrajüinjatüin wayuu waaʼu (1Co 4:9, TNM). Müsüjeseʼe nnojoluin ponuin waaʼin nanaʼlaain wamüin na wayuukana suluʼupünaa shiwentaanase nepia otta eeshii natanarüle nacheʼe paülüʼüjee süpüla naapajüin wanüiki. Eesü neʼitaale cámara sünain nepia otta micrófono süpüla neʼrüinjanain waya, naapajüin wanüiki jee nakürawaajüin waya. Jülüja waaʼin tü pütchi yaakat wünaapünaa süpüla weeʼiyatüin kojutuin wamüin na wayuukana waküjapa pütchi namüin nepialuʼu (2Co 6:3).
TÜ WAKUWAʼIPAKAT (Flp 1:27)
Kojutü wamüin nepiapaʼa na wayuukana, nnojo weirakaajakuʼu wamüin paülüʼümüin. Shaʼwatüle waya soʼuluʼu nepia, nnojo wekaain, nnojo wasüin wanee kasa, nnojo wayamaajüin jee nnojo waluwataain mensaaje.
TÜ WANÜIKIKAT (Éf 4:29)
Sümaʼinruʼu najuʼitaain na wayuukana, nnojo waküjain wanee kasa mojushiijeetka namüin naapajüle shia. Eeshii wawalayuu nnojoliika yootuin süpüla yapain natuma tü nanüikinjatkat.