Atüjainjana waya aküjaa pütchi: wekiraja wayuu soʼu tü palajatkat wakua süka Pütchi anasü nutuma Maleiwa
¿Jamüsü choʼujaaka? Atüjainjana waya ekirajaa wayuu otta wakaaliinjainjana naya süpüla nanoujainjanain (Mat. 28:19, 20). Anainjatü watuma nekirajia süka tü karalouktakalüirua aapünaka wamüin. Wanee karaloukta anaka maʼin süpüla wekirajüin wayuu süka shia Pütchi anasü nutuma Maleiwa, anasü wekirajüle wayuu süka soʼu tü palajatkat wakua soʼuluʼu nepia.
Puuʼulaka süpüla kashikat tüü:
Puchunta nümüin Maleiwa süpüla keeʼireeinjatüin paaʼin ekirajaa wayuu. Puchunta süpüla püntüinjatüin sünain wayuu ekirajaweeka sünain tü Wiwüliakat (Filip. 2:13).
Pikirajaa sünain tü pünüikinjatkat soʼu tü Ai puʼwaajakalü oʼu Maleiwa sümaa püpüshi jee pikirajaapa pümüiwaʼa. Müle shia putuma, aneerü pünüiki paashajaapa sümaa wayuu otta mapüleejeerü pümüin pikirajüinjachin wanee wayuu sünain tü Wiwüliakat soʼu tü palajatkat pukua soʼuluʼu nipia.