Puuʼulaa nikirajai pia Jeʼwaa

¿JAMÜSÜ CHOʼUJAAKA SHIA? Nia Jeʼwaa chi Atüjakai maʼin Ekirajaa, müsüjeseʼe anain maʼin tü nikirajakalü anain waya. Nikirajüin waya süpüla anain wakuwaʼipa maaʼutpünaa otta yapashii waya nutuma süpüla kepiaa suluʼu tü Paʼaraiisükat mapeena. Nnojotsü nüchekajüin tia wamüin (Isa 11:6-9; 30:20, 21; Alat 22:17, TNM). Nikirajüin waya Jeʼwaa süpüla wakaaliijain wayuu sükajee waküjain pütchi namüin süpüla katüinjatüin noʼu (2Co 3:5).

ANUU SUKUWAʼIPAINJATKA

• Anamiainjana waya otta nnojotsü yaletüinjatüin waaʼin (Sl 25:8, 9).

• Kojutuinjatü wamüin tü sukuwaʼipakat wekirajia nutuma Jeʼwaa, maʼaka saaʼin tü eʼitaanakat wapüla sünain tü outkajawaa aainjünakat süseʼeruʼu semaanaka.

• Weʼitaa wapüleerua kooʼomüin waʼyataain nümüin Jeʼwaa (Flp 3:13).

• Wooʼulaa suulia kachiiruain waaʼin waneirua kasa süpüleerua wekirajünüin sooʼomüin (Flp 3:8).

SÜCHIKIJEE JÜNAJÜIN TÜ VIDEOKOT ANASÜ WAKUWAʼIPA SÜNAIN ANOUJAA SUTUMA TÜ NIKIRAJAKALÜ ANAIN JEʼWAA, JUSOUTA SHIʼIPAJEE TÜÜ:

• ¿Kasa naaʼinraka waneinnua wawalayuu süpüla noʼunuinjanain sünain tü Ekirajawaa napülajatkat na Aküjaliikana Pütchi?

• ¿Jamüsü anaka nakuwaʼipa na oʼunakana sünain tia ekirajawaakat?

• ¿Kasa naaʼinraka na wawalayuukana süpüla nakaalinjain na chajanakana sünain tü Ekirajawaa napülajatkat na Aküjaliikana Pütchi?

• ¿Jaralii na wawalayuu eekana süpüla noʼunuin sünain tia ekirajawaakat? (kr-S 189).

• Puchunta sünülia waneirua ekirajawaa eekat süpüla puʼunuin anain suluʼu nupueulose Maleiwa.