Tü waaʼinrüinjatkat süpüla waküjain pütchi sükajee tü karaloʼutacheinkat

Sünain tü karaloʼutakat Wekirajaayainjatü sünain tü outkajawaakat, ashajünüsü tü wanüikinjatkat sünain aküjaa pütchi, aainjünüsü tia soʼujee eneeroʼu 2018. Aküjünüsü wamüin yootuinjanain waya sümaa wayuu sükajee tü Wiwüliakat, nnojotsü waapüinjatüin neʼe karaloʼuta namüin. Süpüla wountuin tia, eeʼiyatünawaisü video wamüin eere weʼrüin jamüinjatüin sukuwaʼipa watuma waküjapa pütchi süka tü Wiwüliakat. ¿Jama tü karaloʼutakalüirua? ¿Nnojoluinjana waya aküjain pütchi süka? Aa, aküjainjana waya pütchi süka. Jamüsüjaʼa tü karaloʼutacheinkat, eeshii süpüla waashajaain sümaa wayuu süka. Anuu tü waainjainjatkat waküjapa pütchi süka:

1. Paashajeʼera tü asakiraa sünainkat tü palajatkat süpana otta puuʼulaa nüneekai chi wayuukai tü susoutiakat.

2. Paashajeʼera tü sümakat tü Wiwüliakat, pünteerü anain tia suluʼu süpana piama wünaapünaa sünain tü pütchikat «Tü sümakat tü Wiwüliakat». Nnojoire nüshapajaain chi wayuukai, pikiraja nia sünain tü pütchi suluʼukat tü karaloʼutachonkot.

3. Paapa tü karaloʼutachonkot nümüin chi wayuukai otta püküja nümüin naashajeʼerai shia jimatapa nia.

4. Süpülapünaa puʼunüin, paashajeʼera tü asakiraa wünaapünaakat sünain tü pütchikat «Püsakireʼera paaʼin» otta pusouta shia süka tü Wiwüliakat wanee sukueena.

Waleʼejapa wachikuaʼa, waküja susoutia tü pütchikat otta wasakira nia sünain wanee pütchi süpüla wasoutuin shiʼipajee wanee sukueena. Eesü süpüla waneeküin wanee asakiraa suluʼujee jw.org jee shiale suluʼujee tü karaloʼuta suluʼukat süpana pienchi suluʼu tü karaloʼutachonkot. Paapa tü poyeetokot Pütchi anasü nutuma Maleiwa jee shiale wanee karaloʼuta wekirajüinjatkalü aka wayuu.