¿Kasa watüjaka sünainjee tü jayeechikalüirua?

¿Jarat tü jayeechi kamalainkat maʼin pümüin suluʼujee JW Broadcasting? ¿Jamüsü kamalainka shia pümüin? Tü eeʼiyatünawaikat suluʼu tü video jayeechimaajatkat, ¿shiache tü alatawaikat suluʼu nukuwaʼipa wanee wayuu? Sutuma wainmain sukuwaʼipa tia jayeechikalüirua, eejeerü tü kamalainjeetkat maʼin wamüin.

Anuu piamasü kasa shikirajaka anain waya tü jayeechikalüirua: süpüla anain wakuwaʼipa otta süpüla waküjain pütchi. Eesü jayeechi aküjaka süchiki kamaneeinjanain waya, kottiraainjanain waya, aleewajiraainjanain waya, meimmoluinjanain waya, alinjatüin wapüla wayuu otta kanoulainjanain waya. Eesü waneʼeya aashajaaka süchiki eein süpüla waleʼejüin wachikuaʼa nünainmüin Jeʼwaa, motuinjatüin waaʼin naainjala na waneinnua, waneepiainjanain waya sünain aaʼinraa tü anasükat otta wakooʼomüinrüin waʼyataain nümüin Jeʼwaa. Eesü wanee jayeechiyaa aashajaaka süchiki anainjatüin watuma sukuwaʼipa tü serulaatkat. ¿Kasa pütüjaka sutuma tü jayeechi paapajakat?

SÜCHIKIJEE JÜNAJÜIN TÜ VIDEOKOT ¡MEIMMOLUIN TAYA PUTUMA!, JUSOUTA SHIʼIPAJEE TÜÜ:

• Sünain tü videokot, ¿jamüshii meimmoluinka na wawalayuukana mayaapejeʼe sülatüin namüin wanee kasa waneʼewai nakua?

• ¿Kasa neʼitaaka anain naaʼin naya wawalayuukana? (Gé 14:20).

• ¿Kasa eejiraajeenaka amaa waya soʼu palitchon kaʼi?

• ¿Kasa akaalinjeenaka waya süpüla meimmoluin waya waneepia? (2Re 6:16).