Puuʼulaka tüü

Pütüja süpüleerua tü jayeechi weeʼirajakat nümüin Jehová

«Wanaa sümaa mojuin maʼin taaʼin sutuma jülüjain taaʼin nnojoluin kasain anain apüla taya, nükatchinrüin taaʼin Jehová sükajee tü jayeechi ojuʼitawaikat suluʼu JW Broadcasting^®», müsü Lorraine, chejeʼewat Estados Unidos.

Nnojotsü jeketüin neeʼirajüin jayeechi na anoujashiikana süpüla naʼwaajüin Jehová, kakaliairü tia (Col. 3:16). Jalouijeerü pümüin pütüjale süpüleerua tü jayeechikalüirua nnojotpa pümaʼana tü karaloʼuta jayeechimaajatkat jee shiale wanee serulaat. Puuʼulaka paaʼinrüin tüü süpüla pünaajaain suluʼu pikii waneirua jayeechi.

• Paashajeʼera tü jayeechikat sümaa jülüjain maʼin paaʼin tü sümakat. Piyaawatüle saaʼu tü süküjeekalü achiki wanee pütchi, nnojoleerü motuin shia paaʼin. Suluʼu jw.org ashajünüsü tü sümakat tü jayeechikalüirua otta tü jayeechi napülajatkat na tepichikana. Püchajaa eere sümüin «Karaloʼutairua» jee pukonoto eere sümüin «Muusika».

• Püshaja tü jayeechikat sünain wanee karaloʼuta. Paaʼinrüle tia, pünaajaajeerü shia suluʼu pikii (Deut. 17:18).

• Piiʼiraja shia sümaa emetuluin shia putuma. Paashajeʼera tü jayeechikat jee shiale piiʼirajüin shia kojuyatua.

• Puuʼulaka shia pütüjaaiwa saaʼu pünaajaale shia suluʼu pikii. Puuʼulaka piiʼirajüin shia sümaa nnojoluin puʼunajirüin tü letrakat.