ATÜJAINJANA WAYA EKIRAJAA | TALATA MAʼIN PAAʼIN SÜNAIN EKIRAJAA WAYUU
Nakajee na wawalayuukana
Nükaalinjain waya Jeʼwaa nakajee na wawalayuukana (1Pe 5:9). Natütüleʼerüin maʼin waaʼin na wawalayuukana süpüla wountuin waaʼinrüin tü kapüleekat maʼin wamüin sünain aküjaa pütchi. Jamüshijaʼa chi aluwataaushikai Pablo, akaalinjünüshi maʼin nia natuma waneinnua anoujashii maʼaka naaʼin Áquila, Priscila, Silas otta Timoteo (Alu 18:1-5).
¿Kasa eeka süpüla nakaalinjain anain pia na wawalayuukana? Eesü süpüla nakaalinjain pia süpüla pütüjain süpüleerua pünüiki nümüin wanee wayuu nnojoika aapajeein tü pütchikat, süpüla puuyantüin nünainmüin wanee wayuu jee pikirajüin nia sünain tü Bibliakat. Naʼakajee na wawalayuu outkajaakana tamaa, ¿jarai chi eekai süpüla tachuntuin amüin kaalinwaa? Aneerü maʼin jukuwaʼipa jükaaliinjiraale (Flp 1:25).
SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. PUUʼULAA NÜKAALINJAIN PIA JEʼWAA: NAKAJEE NA WAWALAYUUKANA, JUSOUTA SHIʼIPAJEE TÜÜ:
¿Kasa saaʼinraka Neeta süpüla suʼunuinjatüin Jade sünain tü outkajawaakat?
¿Jamüsü anaka wounejaale na wawalayuukana süpüla wamaain naya sünain ekirajaa wayuu?
Akaalinjüinjana napüshuaʼa na wawalayuukana süpüla kooʼomüinjatüin nunoula wanee wayuu.
¿Kasa kamalainka sümüin Jade otta sümüin tü wawala jaʼapüikat?
Süpüla pütüjain aküjaa pütchi, ¿kasa eeka süpüla püshatüin nanainjee na wawalayuukana?