Pükaalinja na pikirajüinkana süpüla nnojoluin naʼaleewain sümaa wayuu mojulaasü

Süpüla naʼaleewajaain na pikirajüinkana nümaa Jeʼwaa choʼujaasü nayaawatüin saaʼu jaʼralin na anakana süpüla naʼaleewajaain amaa (Sl 15:1, 4). Aneerü nakuwaʼipa anale nakuwaʼipa na wayuu naʼaleewajaakana amaa (Pr 13:20; lff ekirajaaya 48).

Kapüla paaʼin nakuwaʼipa na pikirajüinkana püküjapa namüin süchiki tü naaʼinrüinjatkat süpüla anainjatüin nakuwaʼipa na wayuu naʼaleewajaakana amaa. Eesüjaʼa kapüleere namüin nooʼulaain suulia naʼaleewajaain namaa na wayuu naʼaleewajaapuʼukana amaa, sutuma tia ayataʼaya pükaalinjain naya. Puluwataa namüin wanee mensaaje, piyamaaja naya jee shiale puwaraijaale naaʼu. Kooʼomüinraapa nanoula na wayuu pikirajakana, puunejaa naya süpüla nalatirüin kaʼi namaa na wawalayuukana. Müle sukuwaʼipa putuma talateerü maʼin naaʼin na pikirajüinkana sutuma anain na naʼaleewainyuukana (Mr 10:29, 30). Talateerü paaʼin süka piʼrüin nakooʼomüinraain na wayuu aʼyataakana nümüin Jeʼwaa.

SÜCHIKIJEE JÜNAAJÜIN TÜ VIDEOKOT PÜKAALINJA NA PIKIRAJÜINKANA SÜPÜLA NNOJOLUIN NAʼALEEWAIN SÜMAA WAYUU MOJULAASÜ, JUSOUTA SHIʼIPAJEE TÜÜ:

• ¿Jaralii na nnojoliikana anain süpüla waʼaleewain? (1Co 15:33, TNM).

• ¿Kasa jülüjapuʼuka saaʼin Jade nachiki na Aküjaliikana pütchi nakotchojiraapa sünain wanee miʼiraa?

• ¿Kasa saaʼinraka Neeta süpüla saʼaleewajaain Jade namaa na wawalayuukana?