WAKUWAʼIPA SÜNAIN ANOUJAA
Aʼyataashii maʼin naya wapüleerua
Wainma kasa naaʼinraka wapüleerua na wawalayuu alapalaakana waaʼu sümaa naʼwayuuse, naaʼinrüin tia süka alin waya napüla. Eesiaʼaya tü kasa choʼujaakat namüin, eeshii mapüsawaire naya, mojuwaire naaʼin jee shapaawaire naaʼin (Snt 5:17). Mayaainjeʼe müin nakuwaʼipa, ayatüsia nakatsüinrüin naaʼin na wawalayuu nalapalaakana aaʼu semaanawai. Kojutuinjana maʼin naya wamüin sünainjee anain maʼin tü kasa naaʼinrakat wapüleerua (1Ti 5:17).
Oʼuneeshi chi aluwataaushikai Pablo namaʼanamüin na anoujashii chajanakana Roma süpüla nükatsüinrüinjatüin tü nanoulakat nünain Maleiwa jee süpüla natütüleʼerajiraainjatüin naaʼin waneʼewai nakua (Ro 1:11, 12, TNM). ¿Eeiria jülüjain paaʼin kasain paaʼinrajatüin süpüla pükatsüinrüin naaʼin na wawalayuu alapalaakana waaʼu sümaa naʼwayuuse?
SÜCHIKIJEE JÜNAJÜIN TÜ VIDEOKOT NÜCHIKI WANEE WAWALA ALAPALAAKAI NAAʼU NA WAWALAYUU KEPIAKANA WATTA SUULIA PUEULO, JUSOUTA SHIʼIPAJEE PÜTCHIKAT TÜÜ:
¿Kasa naaʼinraka na wawalayuu alapalaakana waaʼu sümaa naʼwayuuse saaʼujee alin waya napüla?
¿Kasa naaʼinraka püpüleerua anaka atuma pukuwaʼipa?
¿Kasa waaʼinrajatka süpüla wakatsüinrüin naaʼin?