Pikirajaa sünain tüü

Pütüja maʼin süchiki nukuwaʼipa Jehová

Waashajeʼerapa tü Bibliakat, anashii wekirajaale sooʼomüin süpüla wayaawatüin saaʼu tü waashajeʼerakat. Nnojotpejeʼe waaʼinrüinjatüin tia shiiʼiree neʼe watüjain maʼin, süpülajatü wayaawatüin saaʼu tü nukuwaʼipakat Jehová. Wayaawatapa saaʼu tia, aijeechi maʼin nia wapüla. Süpüla wountuin tia, wasakira waaʼin sünain tüü: «¿Kasa tatüjaka nüchiki Jehová sünainjee pütchikat tüü?».

Wanee kasa eeka süpüla waaʼinrüin shia wekirajaale süchiki tü kasa naaʼinrakat Jehová süka aipüralin nia, kekiin nia, lotuin nukuwaʼipa jee pülashin nia. Eepejeʼe waneirua kasa naaʼinraka Jehová wayaawataka atuma anain maʼin nukuwaʼipa. ¿Jalasü eere süpüla puusütüin sünain pütchi süchiki tia?

Suluʼu Índice de las publicaciones Watch Tower (alijunaikiruʼusü), alatüsü suulia 50 pütchi aashajaaka süchiki nukuwaʼipa Jehová. Püchajaa yala tü pütchikat «Jehová» jee pukonoto eere sümüin «Cualidades por nombre». Püchajaa yala tü pütchi paashajeʼerakat suluʼujee tü Bibliakat süchiki nukuwaʼipa Jehová. Eesü süpüla puusütüin sünain tia wayuunaikiruʼu suluʼu Nachajaayainjatü pütchi na aküjaliikana pütchi nüchiki Jehová eere sümüin «Jehová», pukonoteetka süchikijee eere sümüin «Nukuwaʼipa Jehová».