Soto paaʼin tü pütchi anakat maʼin

¿Motomaatüsüche paaʼin tü kasa pikirajaakalü anain? Alatawaisü tia wamüin. ¿Kasa waaʼinrajatka suulia sülatüin tia wamüin? Jülüja waaʼin tü pütchi anakat maʼin sünainjee tü wekirajaakalü anain.

Pikirajaapa püshaʼwaleʼera motsoʼo tü paashajeʼerakat otta jülüja paaʼin tü kasa pikirajaakalü anain. Shiayaa neʼe tia tü naaʼinrakat Pablo, nüsoʼirüin naaʼin na anoujashii hebreokana sünain wanee kasa nikirajakalü anain naya. «Tü waküjeekalü achiki yaʼayaa shia...», müshi nia namüin (Heb. 8:1). Nükaalinjain naya Pablo süpüla pansaain namüin tü pütchi nekirajaakalü anain.

Pikirajaapa anasü pükatarüle maʼaka poloo minuuto shiale süpüla jülüjain paaʼin tü pütchi anakat maʼin sünainjee tü paashajeʼerakat. Motowaire paaʼin shia eesü süpüla paashajeʼerüin süchikuaʼa tü pütchichein iipünaakat sünain tü pütchikalüirua jee shiale paashajeʼerüin tü suʼttianainjeekat tü pütchikalüirua. Pikirajaapa sünain wanee pütchi jeketü, püküja shia süka pünüiki. Jülüjale waaʼin tü pütchi anakat maʼin sünainjee tü waashajeʼerakat, mapüleejeerü wamüin sotuin waaʼin shia jee wapansaajeerü wakuwaʼipa sümaa.