Puunejaa naya

Wainma na wawalayuu nnojoliikana aküjüin pütchi saaʼujee nachiʼra jee shiale sutuma laülaayuuin naya (2 Cor. 4:16). Pütüjaale saaʼu eein wanee wawala makai akuwaʼipa, puunejaa nia sünain ekirajaa wayuu sünain tü Wiwüliakat. ¿Jama mojuʼitüinre nia nipialuʼujee sutuma tü nüchiʼrakat? Pümaa chi pikirajüinkai nipialuʼumüin süpüla pikirajüin nia nümaa. Eeshi süpüla puunejaʼawalin wanee wawala eekai ayuulin süpüla nüküjüin pütchi pejepünaa sünain nipia jee shiale süpüla puuyantüin eemüin wanee wayuu ekirajaweekai sünain tü Wiwüliakat. Tütüshii sünain ekirajaa na wawalayuu laülaayuukana makalaka atüjeechin pia nanainjee (Roma 1:12). Wainmeerü kasa anasü piʼreetka nutuma Jeʼwaa saaʼujee alin naya püpüla otta pükatchinrüin naaʼin (Prov. 19:17; 1 Juan 3:17, 18).