Wasaka na antakana sünain tü outkajawaakat

Maatsoʼu 23, eejeena maʼaka toose miyoone na antakana sünain tü outkajawaakat eere Sotuin Waaʼin Ouktüin Jesuu. Aküjüneerü wamüin nüjünalain Jeʼwaa chi Nüchonkai süpüla ouktajachin nia saaʼu wayuu süpüshuaʼa otta weʼreenain kasa anasü sünainjee ouktüin nia (Isa 11:6-9; 35:5, 6; 65:21-23; Jn 3:16, TNM). Nnojoitpajaʼa nieechin yootuin neʼe nümüiwaʼa chi wawala ekirajüinjachikai, yooteena waya namaa na antakana, wapanapeena naya jee wasakeena naya (Ro 15:7). Anuu süpüshi tü eekat süpüla saainjünüin.

• Püsaka na antüshiikana otta na eemiajaakana anoula. Pukulemeraa namüin otta kamanee pia namüin. Nnojo joyotuin neʼe pia sünain aʼatapajaa suʼttüin tü outkajawaakat.

• Jülüja paaʼin na wayuu puunejaakana jee müshiʼiya na antakana sutuma saapünüin namüin wanee karaloukta ounejaaya. Püikkalaa nümaa, piiʼiyata nümüin suluʼujee Piwiwüliase tü wetsiikulo aashajeʼennakat otta piiʼiraja nümaa.

• Sujutaapa tü outkajawaakat, püsakira nia müleka eere tü kasa nüsakireekalü anain. Müleka noutkajaainjanale waneeinnua wawalayuu wachikumüin, püsakira nia joujaleechin yootuin pia püchikuaʼa nümaa. Eesü süpüla müin pünüiki: «¿Kasa kamalainka pümüin sünain tü outkajawaakat? ¿Joujaleena yootoko waya wachikuaʼa?».