Nüneeküin Jesuu palitchon wayuu süpüla nikirüin wainma wayuu

Süpülapünaa suʼttüin tü miʼiraa kanüliakat Pascua, soʼu tü juyakat 32, naaʼinrüin Jesuu wanee kasa pülasü, aküjünüsü süchiki tia suluʼu tü karaloʼutakat Mateo, Marcos, Lucas otta Juan.

Ashatünüsü maaʼulu sukuwaʼipa tia naaʼinrakat Jesuu.

14:16-21

• Nuluwataain Jesuu na nikirajüinkana süpüla nekirüin wainma wayuu mayaainjeʼe eejatüin neʼe jaʼraisü pan otta piamasü jimechein.

• Naapaain Jesuu tü jaʼraisükat pan jee tü piamasükat jime otta naapaka analuʼut nümüin Maleiwa saaʼu. Nüshanaajaka shia süpüla nottonojüin shia na nikirajüinkana.

• Asetaasü tü eküütkat nutuma Jesuu. Mayaapejeʼe palitchon na nikirajüinkana wainma wayuu ekaka nanainjee.

  

• Nüküjatülia Jesuu niʼitaainjanain waneinnua wayuu süpüla naapüin tü «eküütkat wanaapünaa sümaa tü kaʼi choʼujaakalü oʼu namüin» na wayuukana (Mt 24:45, TNM).

• Soʼu tü juyakat 1919 nüneeküin Jesuu chi «achepchiee oonookai otta kekiikai maʼin» naʼakajee na chainjanakana iipünaa süpüla naapüin tü choʼujaakat namüin na anoujashiikana.

• Tü naaʼinrakat naya anoujashiikana, wanaawasü sümaa sukuwaʼipa tü kasa naaʼinrakat Jesuu wanaa sümaa nikirüin wainma wayuu.

¿Kasache taaʼinrajatka süpüla teeʼiyatüin kojutuin tamüin na niʼitaakana Jesuu süpüla aapaa tü choʼujaakat namüin na anoujashiikana?