EKIRAJAAYA 11

Yalayala paaʼin

Roma 12:11, TNM

PÜTÜJAINJATKA APÜLEERUA: Pütütüleʼera naaʼin na aapajakana pünüiki sükajee yalayalain paaʼin sünain aashajawaa.

Pikirajaa süka süpüshuaʼa paaʼin. Sümaʼainruʼu pikirajaain sünain tü pünüikinjatkat, jülüja maʼin paaʼin jamüin kojutuka maʼin tü pikirajeekalü anain. Pütüjaainjatü aaʼu kasain paashajaainjatüin achiki süpüla püküjain shia süka süpüshuaʼa paaʼin.
Jülüja paaʼin na aapajakana pünüiki. «¿Jamüsüche aneetka nakuwaʼipa na wayuukana sutuma tü pütchi tekirajüinjatkat?», müinjachi pia suluʼu paaʼin. Püchajaa sukuwaʼipa süpüla kojutuinjatüin maʼin tü pütchikat namüin na aapajüshiikana.
Jaʼyainjatü paaʼu yalayalain paaʼin. Yalayala paaʼin sünain aashajawaa. Jaʼyainjatü saaʼu puʼupünaa otta tü kasa paaʼinrakat shiimain tü pümakat.

Eeja paaʼin suulia shiain jülüjain naaʼin na wayuukana tü pukuwaʼipakat sünain ekirajaa. Anainjatü sukuwaʼipa putuma. Yalayala paaʼin pikirajapa tü pütchi anakat maʼin jee pütütüleʼera naaʼin na wayuukana süpüla neʼitaain sünain nakuwaʼipa tü pikirajakat. Nnojo sukulajaain naaʼin na wayuukana putuma sükajee sülanaʼaleein tü paaʼinrakat shiiʼiree yalayaleein neʼe paaʼin.