NÚMEROS

1 Pe segundo áñope, pe primer día pe segundo méspe umi israelita osẽ rire Egíptogui,+ Jehová oñeʼẽ Moiséspe pe tavernákulope,*+ pe desiérto de Sinaípe.+ Haʼe heʼi chupe: 2 “Pejapo peteĩ sénso+ ha pekonta mboy israelítapa oĩ en totál. Pekonta vaʼerã chupekuéra asegún mbaʼe familiaguápa ha máva familiarépa hikuái. Pekonta vaʼerã mboy kuimbaʼépa oĩ ha peanota herakuéra. 3 Nde ha Aarón peanota vaʼerã umi kuimbaʼe ikatúva guive oservi Israel ehérsitope, peanota vaʼerã umi orekóvape 20 áño guive,+ asegún mbaʼe grúpopepa oĩ.

4 Avei peiporavo vaʼerã peteĩ kuimbaʼe káda trívugui, ha umíva omoakã vaʼerã itúa ypykue familiare.+ 5 Koʼãva hína umi kuimbaʼe penepytyvõtava: Rubén trívugui: Elizur,+ Sedeur raʼy. 6 Simeón trívugui: Selumiel,+ Zurisadái raʼy. 7 Judá trívugui: Nahsón,+ Aminadab raʼy. 8 Isacar trívugui: Netanel,+ Zuar raʼy. 9 Zabulón trívugui: Eliab,+ Helón raʼy. 10 José raʼy Efraín+ trívugui: Elisamá, Amihud raʼy. Manasés trívugui: Gamaliel, Pedahzur raʼy. 11 Benjamín trívugui: Abidán,+ Guideoní raʼy. 12 Dan trívugui: Ahiézer,+ Amisadái raʼy. 13 Aser trívugui: Paguiel,+ Ocrán raʼy. 14 Gad trívugui: Eliasaf,+ Deuel raʼy. 15 Neftalí trívugui: Ahirá,+ Enán raʼy. 16 Koʼãva hína umi ojeporavóva israelitakuéra apytégui, haʼekuéra omoakã+ hína ituakuéra trívupe, ha haʼekuéra omoakã hína mílespe”.+

17 Upémarõ Moisés ha Aarón ogueraha hendivekuéra koʼã kuimbaʼe Ñandejára oiporavo vaʼekuépe. 18 Ha pe primer día, pe segundo méspe, haʼekuéra ombyaty enterovete israelítape ikatu hag̃uáicha oanota herakuéra por família ha asegún máva familiarépa hikuái, oñeanota vaʼerã umi orekóvape 20 áño guive.+ 19 Ojapo hikuái Jehová omanda hagueichaite Moiséspe. Péicha oñeanotapaite umi israelítape pe desiérto de Sinaípe.+

20 Oñeanota Rubén familiare, haʼe hína Israel raʼy ypykue.+ Oñeanota chupekuéra asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 21 Rubén trívugui oñeanota 46.500.

22 Simeón familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 23 Simeón trívugui oñeanota 59.300.

24 Gad familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 25 Gad trívugui oñeanota 45.650.

26 Judá familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 27 Judá trívugui oñeanota 74.600.

28 Isacar familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 29 Isacar trívugui oñeanota 54.400.

30 Zabulón familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 31 Zabulón trívugui oñeanota 57.400.

32 José raʼy Efraín familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 33 Efraín trívugui oñeanota 40.500.

34 Manasés familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 35 Manasés trívugui oñeanota 32.200.

36 Benjamín familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 37 Benjamín trívugui oñeanota 35.400.

38 Dan familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 39 Dan trívugui oñeanota 62.700.

40 Aser familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 41 Aser trívugui oñeanota 41.500.

42 Neftalí familiare+ oñeanota asegún herakuéra, por família ha máva familiarépa hikuái. Oñeanota enterovete kuimbaʼe orekóvape 20 áño guive, ha ikatúva guive oservi pe ehérsitope. 43 Neftalí trívugui oñeanota 53.400.

44 Chupekuéra oanota Moisés, Aarón ha umi 12 kuimbaʼe omoakãva israelitakuérape, koʼã 12 omoakã hína ituakuéra ypykue familiarépe. 45 Oñeanota enterovete israelita orekóvape 20 áño guive ha ikatúva guive oservi Israel ehérsitope. Oñeanota chupekuéra asegún máva familiarépa hikuái. 46 En totál oñeanota 603.550.+

47 Péro umi levítape+ noñeanotái asegún máva familiarépa, oñeanotárõ guare umi ótro trívupe.+ 48 Upéi Jehová heʼi Moiséspe: 49 “Leví trivuguápe añoite nereanotái vaʼerã ha nerekontái vaʼerã chupekuéra umi ótro israelítandi.+ 50 Enombra vaʼerã umi levítape oñangareko hag̃ua pe tavernákulore, oĩháme pe Árka del Pákto,*+ hembiporukuérare ha opa mbaʼe ojepurúvare upépe.+ Haʼekuéra ogueraha vaʼerã pe tavernákulo ha hembiporukuéra,+ ha ombaʼapo vaʼerã avei upépe.+ Umi levita omoĩ vaʼerã hóga* pe tavernákulo jerére.+ 51 Umi levita odesarma vaʼerã pe tavernákulo ojeguerováta jave,+ ha haʼekuéra jey oarma vaʼerã. Ha peteĩ ndahaʼéiva saserdóte* oñemoag̃uíramo pe tavernákulore, ojejuka vaʼerã.+

52 Káda israelita omoĩ vaʼerã hóga asegún pe lugár otokahápe itrívupe. Káda kuimbaʼe omoĩ vaʼerã ikampaménto umi 3 trívu ojagrupahápe,+ asegún pe grúpo otokahápe chupe.* 53 Umi levita omoĩ vaʼerã hóga pe tavernákulo jerére, pe oĩháme pe Árka del Pákto.* Péicharõmante ndachepochymoʼãi umi israelítandi,+ ha umi levita oñenkargáta pe tavernákulore”.+

54 Umi israelita ojapo opa mbaʼe Jehová heʼi hagueichaite Moiséspe. Ojapo hikuái upeichaite voi.

2 Upéi Jehová oñeʼẽ Moisés ha Aarónpe, ha heʼi chupekuéra: 2 “Umi israelita omoĩ vaʼerã ikampaménto pe lugár oñeasigna haguépe pe grúpo de 3 trívu+ otokávape chupekuéra, ag̃uieténte pe señál* ohechaukávagui máva familiarépa hikuái. Haʼekuéra ojekoloka vaʼerã pe tavernákulo* jerére ha ikampamentokuéra omaña vaʼerã pe tavernákulo oĩha gotyo.

3 Éste gotyo, kuarahyresẽ gotyo, omoĩ vaʼerã hogakuéra umi 3 trívu omoakãtava Judá trívu, ojekoloka vaʼerã hikuái asegún pe grúpo otokátava chupekuéra. Aminadab raʼy Nahsón+ omoakã hína Judá familiare. 4 Umi kuimbaʼe oñeanota vaʼekue ijehérsitope ohupyty 74.600.+ 5 Judá trívu ykére omoĩta ikampaménto Isacar trívu. Zuar raʼy Netanel+ omoakã hína Isacar familiare. 6 Umi kuimbaʼe oñeanota vaʼekue ijehérsitope ohupyty 54.400.+ 7 Ha pe ótro ládo omoĩta ikampaménto Zabulón trívu. Helón raʼy Eliab+ omoakã hína Zabulón familiare. 8 Umi kuimbaʼe oñeanota vaʼekue ijehérsitope ohupyty 57.400.+

9 Umi oñeanota vaʼekue pe ehérsito omoakãvape Judá trívu, ohupyty en totál 186.400 kuimbaʼe. Pe grúpo de 3 trívu omoakãva Judá trívu raẽvete osẽ vaʼerã umi israelita ováta jave ótro lugárpe.+

10 Sur gotyo omoĩ vaʼerã hogakuéra umi 3 trívu omoakãtava Rubén trívu,+ ojekoloka vaʼerã hikuái asegún pe grúpo otokátava chupekuéra. Sedeur raʼy Elizur+ omoakã hína Rubén familiare. 11 Umi kuimbaʼe oñeanota vaʼekue ijehérsitope ohupyty 46.500.+ 12 Rubén trívu ykére omoĩta ikampaménto Simeón trívu. Zurisadái raʼy Selumiel+ omoakã hína Simeón familiare. 13 Umi kuimbaʼe oñeanota vaʼekue ijehérsitope ohupyty 59.300.+ 14 Ha pe ótro ládo omoĩta ikampaménto Gad trívu. Reuel raʼy Eliasaf+ omoakã hína Gad familiare. 15 Umi kuimbaʼe oñeanota vaʼekue ijehérsitope ohupyty 45.650.+

16 Umi oñeanota vaʼekue pe ehérsito omoakãvape Rubén trívu, ohupyty en totál 151.450 kuimbaʼe. Pe grúpo de 3 trívu omoakãva Rubén trívu osẽ vaʼerã segundo umi israelita ováta jave ótro lugárpe.+

17 Ojegueraha jave pe tavernákulo,+ umi levita kampaménto oho vaʼerã umi ótro kampaménto mbytépe.

Oviaha jave umi israelita, káda trívu oho vaʼerã el mísmo lugár otokahápe chupekuéra,+ asegún pe lugár oñeasigna haguépe pe grúpo de 3 trívu otokávape chupekuéra.

18 Oéste gotyo omoĩ vaʼerã hogakuéra umi 3 trívu omoakãtava Efraín trívu, ojekoloka vaʼerã hikuái asegún pe grúpo otokátava chupekuéra. Amihud raʼy Elisamá+ omoakã hína Efraín familiare. 19 Umi kuimbaʼe oñeanota vaʼekue ijehérsitope ohupyty 40.500.+ 20 Efraín trívu ykére omoĩta ikampaménto Manasés+ trívu. Pedahzur raʼy Gamaliel+ omoakã hína Manasés familiare. 21 Umi kuimbaʼe oñeanota vaʼekue ijehérsitope ohupyty 32.200.+ 22 Ha pe ótro ládo omoĩta ikampaménto Benjamín trívu. Guideoní raʼy Abidán+ omoakã hína Benjamín familiare. 23 Umi kuimbaʼe oñeanota vaʼekue ijehérsitope ohupyty 35.400.+

24 Umi oñeanota vaʼekue pe ehérsito omoakãvape Efraín trívu, ohupyty en totál 108.100 kuimbaʼe. Pe grúpo de 3 trívu omoakãva Efraín trívu osẽ vaʼerã tercero umi israelita ováta jave ótro lugárpe.+

25 Nórte gotyo omoĩ vaʼerã hogakuéra umi 3 trívu omoakãtava Dan trívu, ojekoloka vaʼerã hikuái asegún pe grúpo otokátava chupekuéra. Amisadái raʼy Ahiézer+ omoakã hína Dan familiare. 26 Umi kuimbaʼe oñeanota vaʼekue ijehérsitope ohupyty 62.700.+ 27 Dan trívu ykére omoĩta ikampaménto Aser trívu. Ocrán raʼy Paguiel+ omoakã hína Aser familiare. 28 Umi kuimbaʼe oñeanota vaʼekue ijehérsitope ohupyty 41.500.+ 29 Ha pe ótro ládo omoĩta ikampaménto Neftalí trívu. Enán raʼy Ahirá+ omoakã hína Neftalí familiare. 30 Umi kuimbaʼe oñeanota vaʼekue ijehérsitope ohupyty 53.400.+

31 Umi oñeanota vaʼekue pe ehérsito omoakãvape Dan trívu, ohupyty en totál 157.600 kuimbaʼe. Pe grúpo de 3 trívu omoakãva Dan trívu osẽ vaʼerã último umi israelita ováta jave ótro lugárpe”.+

32 Koʼãva hína umi israelita oñeanota vaʼekue asegún máva familiarépa hikuái, en totál oñeanota oservi hag̃ua pe ehérsitope 603.550 kuimbaʼe.+ 33 Péro umi levítape noñeanotái+ umi ótro israelítandi,+ upéicha Jehová heʼi vaʼekue Moiséspe. 34 Umi israelita ojapo opa mbaʼe Jehová heʼi hagueichaite Moiséspe. Haʼekuéra omoĩ vaʼekue ikampaménto asegún pe grúpo de 3 trívu+ otokávape chupekuéra, ha oviaháta jave hikuái,+ káda uno osẽ asegún ifamília ha asegún máva familiarépa hikuái.

3 Koʼãva haʼe vaʼekue Aarón ha Moisés familiare Jehová oñeʼẽrõ guare Moisés ndive Sérro Sinaípe.+ 2 Koʼãva hína Aarón raʼykuéra réra: pe ijypykue héra Nadab, upéi ou Abihú,+ Eleazar+ ha Itamar.+ 3 Péicha héra vaʼekue Aarón raʼykuéra, ojeporavo ha oñenombra* vaʼekue oservi hag̃ua de saserdóte.+ 4 Péro Nadab ha Abihú omano vaʼekue Jehová renondépe pe desiérto de Sinaípe, pórke ojapo hikuái Jehová renondépe ofrénda* noñepermitíriva.+ Upévare haʼekuéra omano ifamiliaʼỹre. Eleazar+ ha Itamar+ katu osegi ombaʼapo de saserdóte itúa Aarón ndive.

5 Upéi Jehová heʼi Moiséspe: 6 “Egueru umi levítape+ Aarón rendápe ha toipytyvõ+ chupe. 7 Haʼekuéra okumpli vaʼerã pe rresponsavilida orekóva hendive ha avei entéro umi israelítandi, okumplívo hembiapokuéra pe tavernákulope.* 8 Haʼekuéra oñenkarga vaʼerã entéro umi tembiporu+ ojepurúvare pe tavernákulope, ha entéro umi israelita rekovia haʼekuéra ojapo vaʼerã opa mbaʼe oñekotevẽva pe tavernákulope.+ 9 Ha remeʼẽ vaʼerã Aarón ha itaʼyrakuérape entéro umi levita oipytyvõ hag̃ua chupekuéra. Umi levita ningo oñemeʼẽ Aarónpe umi israelita apytégui oajuda hag̃ua chupe.+ 10 Enombra vaʼerã Aarón ha itaʼyrakuérape, ha ojapo vaʼerã hikuái umi hembiapo otokáva chupekuéra saserdóteramo.+ Ha oimeraẽ ndahaʼéiva saserdóte* oñemoag̃uíramo pe tavernákulore, ojejuka vaʼerã”.+

11 Jehová osegi oñeʼẽ Moiséspe ha heʼi chupe: 12 “Che aiporavo umi levítape umi israelitakuéra apytégui, entéro umi israelita raʼy ypykue rekovia,+ ha umi levita opytáta chembaʼerã. 13 Entéro umi ijypykue chembaʼe hína.+ Pórke ajukárõ guare umi taʼýra ypykue oĩ vaʼekue Egíptope,+ che aiporavo chembaʼerã umi israelita raʼy ypykue ha umi hymbakuéra raʼy ypykue.+ Upévare entéro umi ijypykue chembaʼe hína. Che hína Jehová”.

14 Jehová oñeʼẽ jey Moiséspe pe desiérto de Sinaípe,+ ha heʼi chupe: 15 “Eanota umi levítape por família ha asegún máva familiarépa hikuái. Reanota vaʼerã entéro kuimbaʼe levita, umi orekóva guive un mes pára arríva”.+ 16 Ha Moisés oanota umi levítape Jehová heʼi hagueichaite chupe. 17 Koʼãva hína Leví raʼykuéra réra: Guersón, Cohat ha Merarí.+

18 Koʼãva hína Guersón raʼykuéra réra ha umi família oúva chuguikuéra: Libní ha Simeí.+

19 Koʼãva hína Cohat raʼykuéra réra ha umi família oúva chuguikuéra: Amram, Izhar, Hebrón ha Uziel.+

20 Koʼãva hína Merarí raʼykuéra réra ha umi família oúva chuguikuéra: Mahlí+ ha Musí.+

Koʼãva hína umi família levita asegún máva familiarépa hikuái.

21 Guersón familiarégui ou umi libnita+ ha umi simeíta. Koʼãva haʼe vaʼekue umi guersonita. 22 En totál oñeanota 7.500 kuimbaʼe orekóva un mes pára arríva.+ 23 Umi guersonita omoĩ ikampaménto pe tavernákulo atukupépe,+ oéste gotyo. 24 Lael raʼy Eliasaf hína pe omoakãva itúa ypykue familiarépe, umi guersonita familiakuérape. 25 Umi guersonita+ oñenkarga vaʼekue pe tavernákulore,+ umi téla oĩvare hiʼári,+ ha pe kortína+ oĩvare pe entrádape. 26 Avei umi téla+ ojepurúvare oñemongora hag̃ua pe tavernákulo oĩháme pe altár, pe kortína oĩvare pe korapy entrádape+ ha umi piolín ojepurúva umi télare. Haʼekuéra ojapo vaʼerã entéro mbaʼe oñekotevẽva ojejapo hag̃ua ko traváho.

27 Cohat familiarégui ou umi amramita, umi izharita, umi hebronita ha umi uzielita. Koʼãva haʼe vaʼekue umi cohatita.+ 28 En totál oñeanota 8.600 kuimbaʼe orekóva un mes pára arríva. Haʼekuéra oñenkarga vaʼekue pe lugár sagrádore.+ 29 Umi cohatita omoĩ ikampaménto sur gotyo pe tavernákulogui.+ 30 Uziel+ raʼy Elizafán hína pe omoakãva itúa ypykue familiarépe, umi cohatita familiakuérape. 31 Umi cohatita oñenkarga vaʼekue pe árkare,+ pe mesáre,+ pe kandelávrore,+ umi altár rehe,+ umi tembiporukuéra+ ojepurúvare oñembaʼapo hag̃ua pe lugár sagrádope, ha pe kortína hyepypeguáre.*+ Haʼekuéra ojapo vaʼerã entéro mbaʼe oñekotevẽva ojejapo hag̃ua ko traváho.+

32 Eleazar+ omoakã vaʼekue umi levítape, ha ipoguýpe oĩ vaʼekue umi kuimbaʼe oñenkargáva pe lugár sagrádore. Haʼe hína Aarón pe saserdóte raʼy.

33 Merarí familiarégui ou umi mahlita ha umi musita. Koʼãva haʼe vaʼekue umi merarita.+ 34 En totál oñeanota 6.200 kuimbaʼe orekóva un mes pára arríva.+ 35 Abihail raʼy Zuriel hína pe omoakãva itúa ypykue familiarépe, Merarí familiarépe. Umi merarita omoĩ ikampaménto nórte gotyo pe tavernákulogui.+ 36 Umi merarita oñenkarga vaʼekue umi armáhere,+ umi yvyra pukúre,+ umi orkón rehe,+ umi vaseʼi ikuávare mbytépe ha hembiporukuérare.+ Haʼekuéra ojapo vaʼerã entéro mbaʼe oñekotevẽva ojejapo hag̃ua ko traváho.+ 37 Avei oñenkarga hikuái umi póste ojepurúvare oñemongora hag̃ua pe tavernákulo, umi vaseʼi ikuávare mbytépe,+ umi estákare ha umi piolín rehe.

38 Moisés, Aarón ha itaʼyrakuéra omoĩ ikampaménto pe tavernákulo renondépe, éste gotyo, pe kuarahyresẽ gotyo. Haʼekuéra oñenkarga vaʼekue pe lugár sagrádore, ha opa mbaʼe tekotevẽvare ojejapo umi israelita rehehápe. Ha oimeraẽ ndahaʼéiva saserdóte* oñemoag̃uíramo pe tavernákulore, ojejuka vaʼerã.+

39 Entéro umi kuimbaʼe levita orekóva guive un mes pára arríva, ohupyty en totál 22.000. Moisés ha Aarón oanota vaʼekue chupekuéra por família, Jehová heʼi hagueichaite.

40 Upéi Jehová heʼi Moiséspe: “Eanota entéro israelita raʼy ypykue orekóva un mes pára arríva.+ Ekonta mboýpa oĩ ha eanota herakuéra peteĩ lístape. 41 Eaparta vaʼerã umi levítape chembaʼerã, entéro umi israelita raʼy ypykue rekovia.+ Eaparta avei umi levita rymbakuéra, entéro umi israelita rymba raʼy ypykue rekovia.+ Che hína Jehová”. 42 Upémarõ Moisés oanota entéro taʼýra ypykue oĩva umi israelita apytépe, Jehová heʼi hagueichaite. 43 Entéro umi kuimbaʼe ypykue oñeanota vaʼekue ha orekóva un mes pára arríva ohupyty en totál 22.273. Káda únope oñeanota hérarupi.

44 Jehová osegi oñeʼẽ Moiséspe ha heʼi: 45 “Eaparta vaʼerã umi levítape chembaʼerã, entéro umi israelita raʼy ypykue rekovia. Eaparta avei umi levita rymbakuéra, entéro umi israelita rymbakuéra rekovia. Umi levita opytáta chembaʼerã. Che hína Jehová. 46 Umi taʼýra ypykue oĩva Israélpe hetave umi levítagui,+ upéicha rupi hemby 273 taʼýra ypykue israelita, ha umívare ojepaga vaʼerã.+ 47 Káda únore oñemeʼẽ vaʼerã 57 grámo de pláta,*+ asegún pe kiláhe ojepurúva pe tavernákulope. Ha pe siclo ojepurúva oreko vaʼerã 20 guerá.*+ 48 Pe pláta remeʼẽ vaʼerã Aarón ha itaʼyrakuérape ojepaga hag̃ua umi taʼýra ypykue hembývare”. 49 Upémarõ Moisés ojagarra pe pláta oñemeʼẽ vaʼekue ojepaga hag̃ua umi taʼýra ypykue hembývare. 50 Ha pe pláta ojagarra vaʼekue ohupyty 15 kílo 561 grámo,* asegún pe kiláhe ojepurúva pe tavernákulope. 51 Upéi Moisés omeʼẽ Aarón ha itaʼyrakuérape pe pláta oñemeʼẽ vaʼekue umi taʼýra ypykuére, Jehová heʼi haguéicha chupe. Moisés ojapo opa mbaʼe Jehová heʼi hagueichaite chupe.

4 Jehová oñeʼẽ Moisés ha Aarónpe, ha heʼi: 2 “Umi levita apytégui, rekonta vaʼerã mboy cohatítapa+ oĩ. Reanota vaʼerã chupekuéra por família ha asegún máva familiarépa hikuái. 3 Reanota vaʼerã umi orekóva guive éntre 30+ ha 50 áño+ ombaʼapo hag̃ua pe tavernákulope.*+

4 Umi mbaʼe ojapótava umi cohatita pe tavernákulope+ sagradoiterei hína. 5 Umi israelita okontinua vove iviáhe, Aarón ha itaʼyrakuéra oike vaʼerã pe tavernákulope ha oipeʼa pe kortína+ odividíva pe tavernákulo, ha ojahoʼi pype pe Árka del Pákto.*+ 6 Upéva ári jey omoĩ vaʼerã fóka* pirekue ha oipyso avei hiʼári peteĩ téla hovy asýva. Upéi omoĩ vaʼerã hikuái umi yvyra puku+ pe árka rehe ikatu hag̃uáicha ojegueraha.

7 Upéi oipyso vaʼerã hikuái peteĩ téla hovy pe mesa ári,+ upe mesa ojepuru jepi oñemoĩ hag̃ua pe pan oñepresentáva Ñandejárape. Ha oñemoĩ vaʼerã hiʼári umi pláto, umi kópa, umi tasón ha umi hárra ojepurúva oñeñohẽ hag̃ua umi ofrénda líkida.+ Ha pe mesa ári siémpre oĩ vaʼerã pe pan oñepresentáva Ñandejárape.+ 8 Haʼekuéra oipyso vaʼerã entéro umi mbaʼe ári peteĩ téla pytã asýva, ha hiʼári omoĩ vaʼerã avei fóka pirekue. Upéi omoĩ vaʼerã hikuái umi yvyra puku+ ojepurúva jepi ojegueraha hag̃ua pe mesa. 9 Ojagarra vaʼerã avei hikuái peteĩ téla hovy ha ojahoʼi pype pe kandelávro,+ umi lamparaʼi,+ umi pínsa ha umi mbaʼyruʼi ojepurúva oñemoĩ hag̃ua umi mécha tujakue.+ Avei umi mbaʼyru oipurúva hikuái omoĩ hag̃ua aséite ikatu hag̃uáicha hendy pe kandelávro. 10 Upéi haʼekuéra ojahoʼi jey vaʼerã fóka pirekuépe pe kandelávro ha hembiporukuéra. Ha omoĩ vaʼerã hikuái peteĩ armáhe de madéra ári ogueraha hag̃ua. 11 Ha oipyso vaʼerã hikuái peteĩ téla hovy pe altár de óro ári,+ upéi ojahoʼi jey vaʼerã fóka pirekuépe ha omoĩ umi yvyra puku+ pe altár rehe ikatu hag̃uáicha ojegueraha. 12 Upéi haʼekuéra ojagarrapaite vaʼerã umi ótro tembiporu+ oipurúva jepi hikuái pe lugár sagrádope, ha omoĩ peteĩ téla hovy ári ha ojahoʼi jey fóka pirekuépe. Ha omoĩ vaʼerã hikuái peteĩ armáhe de madéra ári ogueraha hag̃ua.

13 Ha oipeʼapa vaʼerã hikuái pe tanimbu* pe altár+ de kóvregui, ha oipyso pe altár ári peteĩ téla ojejapo vaʼekue lána lílagui. 14 Upéi omoĩta hikuái hiʼári umi tembiporu ojepurúva oñembaʼapo hag̃ua pe altárpe: umi válde ojegueraha hag̃ua tanimbu, umi tenedór, umi pála ha umi palangána.+ Upéi ojahoʼi jey vaʼerã hikuái fóka pirekuépe ha omoĩ umi yvyra puku+ pe altár rehe ikatu hag̃uáicha ojegueraha.

15 Umi israelita okontinuáta jave iviáhe oho hag̃ua ótro lugárpe, Aarón ha itaʼyrakuéra ojahoʼipáma vaʼerã opa mbaʼe oĩva pe tavernákulope+ ha umi tembiporukuéra. Upe rire ae oike vaʼerã umi cohatita ogueraha hag̃ua koʼã mbaʼe,+ péro haʼekuéra ndopokói vaʼerã umi mbaʼe oĩvare pe lugár sagrádope, pórke opokóramo hese omanóta.+ Koʼã mbaʼe ojapo vaʼerã umi cohatita okumpli hag̃ua irresponsavilida pe tavernákulope.

16 Eleazar,+ Aarón raʼy oñenkarga vaʼerã pe aséite oñemoĩvare umi lamparaʼípe,+ pe insiénso hyakuã asývare,+ pe ofrénda de semíllare ha pe aséite ojepurúvare ojejapo hag̃ua nombramiénto.+ Haʼe oñenkarga vaʼerã pe tavernákulo kompletoitére ha opa mbaʼe oĩvare pype: pe tavernákulo ha hembiporukuérare”.

17 Jehová heʼi jey Moisés ha Aarónpe: 18 “Aníke peheja umi cohatita+ oñehundipa umi levitakuéra apytégui. 19 Upévare pejapo vaʼerã umi mbaʼe haʼe vaʼekue peẽme, ha péicha nomanomoʼãi hikuái oñemoag̃ui haguére umi mbaʼe sagradoitereívare.+ Aarón ha itaʼyrakuéra oike vaʼerã pe tavernákulope, ha heʼíta káda únope hembiaporã ha mbaʼe mbaʼépa ogueraha vaʼerã. 20 Haʼekuéra oike vove ndohechái vaʼerã ni sapyʼaitemi jepe umi mbaʼe sagrádova, pórke ohecháramo omanóta”.+

21 Upéi Jehová heʼi Moiséspe: 22 “Rekonta vaʼerã mboy guersonítapa+ oĩ. Reanota vaʼerã por família ha asegún máva familiarépa hikuái, 23 enterove umi orekóva éntre 30 ha 50 áño, ha ombaʼapótava pe tavernákulope. 24 Umi guersonita oñatende ha ogueraha vaʼerã koʼã mbaʼe:+ 25 haʼekuéra ogueraha vaʼerã umi téla oĩva pe tavernákulo ári,+ pe fóka pirekue oĩva umíva ári+ ha pe kortína oĩva pe tavernákulo entrádape.+ 26 Avei umi téla ojepurúva oñemongora hag̃ua+ pe tavernákulo oĩháme pe altár, pe kortína oĩva pe korapy entrádape,+ umi piolín, entéro umi tembiporu ha opa mbaʼe ojepurúva ojejapo hag̃ua pe traváho. Koʼã mbaʼe oñenkarga hína chupekuéra ojapo hag̃ua. 27 Aarón ha itaʼyrakuéra ohecha vaʼerã opa mbaʼe ojapóva ha ogueraháva umi guersonita.+ Peẽ peje vaʼerã chupekuéra oñenkargataha koʼã mbaʼére. 28 Koʼã mbaʼe hína la ojapótava umi guersonita ojegueraháta jave pe tavernákulo.+ Itamar+ poguýpe ombaʼapóta hikuái, haʼe hína Aarón pe saserdóte raʼy.

29 Rekonta vaʼerã mboy merarítapa+ oĩ. Reanota vaʼerã por família ha asegún máva familiarépa hikuái, 30 enterove umi orekóva éntre 30 ha 50 áño ha ombaʼapótava pe tavernákulope. 31 Koʼã mbaʼe haʼekuéra ogueraha vaʼerã+ ojeguerováta jave pe tavernákulo: umi armáhe,+ umi yvyra puku,+ umi orkón+ ha umi ivaseʼi ikuáva mbytépe.+ 32 Avei umi póste+ ojepurúva oñemongora hag̃ua pe tavernákulo ha umi ivaseʼi ikuáva mbytépe,+ umi estáka,+ umi piolín ha opa mbaʼe ojepurúva ojejapo hag̃ua pe traváho. Peẽ peje vaʼerã káda únope mbaʼe mbaʼépa ogueraháta. 33 Péicha umi merarita+ ombaʼapo vaʼerã pe tavernákulope. Itamar poguýpe ombaʼapóta hikuái, haʼe hína Aarón pe saserdóte raʼy”.+

34 Moisés, Aarón ha umi kuimbaʼe omoakãva+ israelitakuérape okonta mboy cohatítapa+ oĩ. Oanota chupekuéra por família ha asegún máva familiarépa hikuái, 35 enterove umi orekóva éntre 30 ha 50 áño ha ombaʼapótava pe tavernákulope.+ 36 Oñeanota chupekuéra por família ha en totál ohupyty 2.750.+ 37 Koʼãva hína umi cohatita oñeanota vaʼekue, umi ombaʼapóva pe tavernákulope. Moisés ha Aarón oanota chupekuéra Jehová heʼi hagueichaite Moisés rupive.+

38 Umi guersonítape+ oñeanota por família ha asegún máva familiarépa hikuái, 39 enterove umi orekóva éntre 30 ha 50 áño ha ombaʼapótava pe tavernákulope. 40 Oñeanota chupekuéra por família ha asegún máva familiarépa hikuái, en totál ohupyty 2.630.+ 41 Koʼãva hína umi guersonita oñeanota vaʼekue, umi ombaʼapóva pe tavernákulope. Moisés ha Aarón oanota chupekuéra Jehová heʼi hagueichaite.+

42 Umi merarítape oñeanota por família ha asegún máva familiarépa hikuái, 43 enterove umi orekóva éntre 30 ha 50 áño ha ombaʼapótava pe tavernákulope.+ 44 Oñeanota chupekuéra por família ha en totál ohupyty 3.200.+ 45 Koʼãva hína umi merarita oñeanota vaʼekue. Moisés ha Aarón oanota chupekuéra Jehová heʼi hagueichaite Moisés rupive.+

46 Moisés, Aarón ha umi kuimbaʼe omoakãva israelitakuérape okonta mboy levítapa oĩ. Oanota chupekuéra por família ha asegún máva familiarépa hikuái. 47 Oñeanota umi orekóva guive éntre 30 ha 50 áño, ombaʼapo ha ogueraha hag̃ua umi kárga ojeguerováta jave pe tavernákulo.+ 48 En totál umi oñeanota vaʼekue ohupyty 8.580.+ 49 Chupekuéra oñeanota Jehová heʼi hagueichaite Moisés rupive, káda únope asegún mbaʼépa ojapo vaʼerã ha mbaʼépa ogueraha vaʼerã. Oñeanota chupekuéra Jehová heʼi hagueichaite Moiséspe.

5 Jehová oñeʼẽ jey Moiséspe ha heʼi chupe: 2 “Ere umi israelítape tomondo mombyry pe kampaméntogui umi ilépravape,+ umi hasykatúvape ha osẽvape hiʼórgano sexuálgui peteĩ líkido,+ ha umi oñemongyʼa vaʼekuépe opoko rupi peteĩ teʼonguére.+ 3 Pemondo vaʼerã chupekuéra mombyry pe kampaméntogui, tahaʼe kuña térã kuimbaʼe. Peẽ pejapo vaʼerã péicha ani hag̃ua haʼekuéra omongyʼa+ pe kampaménto, pórke che aime hína pende apytépe”.+ 4 Upémarõ umi israelita ojapo upéicha ha omondo umívape pe kampaméntogui. Umi israelita ojapo Jehová heʼi hagueichaite Moiséspe.

5 Jehová osegi oñeʼẽ Moiséspe ha heʼi: 6 “Ere umi israelítape: ‘Peteĩ kuimbaʼe térã peteĩ kuña opekáramo ojapoháicha jepi umi hénte, ha ojapo peteĩ mbaʼe Jehová heʼi vaʼekue ndojejapói vaʼerãha, upéicharõ haʼe ofalla hína Ñandejára renondépe.+ 7 Ha omombeʼu vaʼerã+ hembiapo vaikue ha omyengoviapaite la oipeʼa vaʼekue hapichágui ofalla haguére hendive, ha omeʼẽve vaʼerã hiʼári 20 por ciento.+ Haʼe omeʼẽ vaʼerã koʼã mbaʼe upe hapicha operhudika vaʼekuépe. 8 Péro pe ojeperhudika vaʼekue omanóramo ha ndorekói ipariénte serkáno orresivi hag̃ua pe oñemyengoviátava chupe, upéicharõ oñemeʼẽ vaʼerã upéva Jehovápe ha opytáta pe saserdótepe g̃uarã. Ha upévandi oñemeʼẽ vaʼerã avei peteĩ ovecha mácho, ikatu hag̃uáicha pe saserdóte ojapo pe ofrénda pe persóna rehehápe ojepaga hag̃ua ipekádore.+

9 Entéro kontrivusión sagráda+ omeʼẽva umi israelita pe saserdótepe, opytátama pe saserdótepe g̃uarã.+ 10 Umi mbaʼe sagrádo orekóva káda persóna, upéva imbaʼe hína. Ha oimeraẽ mbaʼe omeʼẽva peteĩ persóna pe saserdótepe, upéva opytáma pe saserdótepe g̃uarã’”.

11 Jehová osegi oñeʼẽ Moiséspe ha heʼi: 12 “Ere umi israelítape: ‘Peteĩ kuña omendáva oúramo hembiapo vai Ñandejára renondépe omoakãratĩvo iménape, 13 ha oreko rrelasión sexuál ótro kuimbaʼéndi,+ péro iména ndoikuaái upéva, ha ndojepillái chupe, upéicharõ pe kuña oñemongyʼa hína Ñandejára renondépe. Ndaipóriramo avave ohecháva chupe omombeʼu hag̃ua ojapo hague upéva ni avave ndopillái chupe ojapohápe upéva, upéicharõ ojejapo vaʼerã koʼã mbaʼe: 14 pe ména iselósoramo ha odeskonfia hembireko omoakãratĩ hague chupe, ndoikuaáiramo jepe siértopa térã nahániri, 15 upéicharõ pe kuimbaʼe ogueraha vaʼerã hembirekópe pe saserdóte renondépe, ha ogueraha vaʼerã avei hesehápe una décima de efá* arína de seváda ofrendarã. Haʼe nomoĩri vaʼerã aséite ni olívano upe ofréndare, pórke upéva peteĩ ofrénda de semílla omeʼẽva peteĩ iselósova, ha omomanduʼáva Ñandejárape pe kuña rembiapo vaíre ojekastiga hag̃ua chupe, oiméramo ojapo raʼe upe mbaʼe vai.

16 Upéi pe saserdóte ogueraháta pe kuñáme oñemboʼy hag̃ua Jehová renondépe.+ 17 Ha pe saserdóte omoĩta y potĩ* peteĩ mbaʼyru ojejapo vaʼekuépe ñaiʼũgui, ha ojagarráta michĩmi yvy pe tavernákulogui ha opoíta pe ýpe. 18 Pe saserdóte ogueraháta chupe Jehová renondépe, opoíta pe kuña akãranguégui ha omoĩta ipópe pe ofrénda de semílla omomanduʼátava Ñandejárape, upéva hína pe iselósova ofrénda.+ Ha pe saserdóte oreko vaʼerã ipópe pe y iróva oguerúva maldisión.+

19 Pe saserdóte heʼíta pe kuñáme ohura hag̃ua, ha heʼíta chupe koʼã mbaʼe: “Oiméramo nde ndereguerekói raʼe rrelasión sexuál ótro kuimbaʼéndi reime aja ne ména poguýpe,+ ha neremoakãratĩri chupe, ni nereñemongyʼái Ñandejára renondépe, upéicharõ ndojapomoʼãi nderehe mbaʼeve ko y iróva oguerúva maldisión. 20 Péro oiméramo nde remoakãratĩ raʼe ne ménape reime aja ipoguýpe ha reñemongyʼa Ñandejára renondépe erekóvo rrelasión sexuál ótro kuimbaʼéndi...”.+ 21 Ha pe saserdóte heʼíta pe kuñáme ohura hag̃ua oñemaldesitaha chupe oiméramo ojapo raʼe koʼã mbaʼe. Pe saserdóte heʼíta pe kuñáme: “Jehová nemoĩta ehémploramo pe puévlope g̃uarã, imanduʼa hag̃ua hikuái nderehe omaldesi ha ohura jave. Oiméramo nde rejapo raʼe ko mbaʼe, Jehová nopermitimoʼãvéima ndéve nememby* ha ombotuicháta ndehegui nde rye. 22 Ko y oguerúva maldisión oikéta nde retepýpe ha ombotuicháta nde rye ha ndaikatumoʼãvéima nememby”.* Upévo pe kuña heʼi vaʼerã: “¡Amén! ¡Amén!”.*

23 Upéi pe saserdóte oskrivíta koʼã maldisión pe lívrope ha ojohéi vaʼerã upéva pe y iróvape. 24 Pe saserdóte hoʼuka vaʼerã pe kuñáme pe y iróva oguerúva maldisión. Ha pe y oike vove hetepýpe ombohasýta chupe. 25 Pe saserdóte ojagarráta pe kuña pógui pe iselósova ofrénda de semílla,+ ha ombokacháta Jehová renondépe pe ofrénda de semílla ha ogueraháta pe altár ypýpe. 26 Ha pe saserdóte ojagarráta un púño pe ofrénda de semíllagui, ha upéva orrepresentáta pe ofrénda kompletoite. Upéi opoi vaʼerã pe altárpe ikatu hag̃uáicha okái ha otimbo,+ ha upéi hoʼukáta pe kuñáme pe y. 27 Oiméramo pe kuña oñemongyʼa raʼe Ñandejára renondépe omoakãratĩvo iménape, upéicharõ haʼe hoʼúvo pe y oguerúva maldisión, oikéta hetepýpe ha ombohasýta chupe, ha ombotuicháta chugui hye ha ndaikatumoʼãvéima imemby.* Avei pe puévlo imanduʼáta pe kuñáre oporomaldesi jave. 28 Péro oiméramo pe kuña noñemongyʼái ha ipotĩ Ñandejára renondépe, upéicharõ ndojekastigamoʼãi chupe ha ikatúta hyeguasu ha imemby.

29 Kóva hína pe léi heʼíva mbaʼépa ojapo vaʼerã peteĩ iselósova,+ oĩramo peteĩ kuña omoakãratĩva iménape oĩ aja ipoguýpe ha oñemongyʼáva Ñandejára renondépe, 30 térã peteĩ kuimbaʼe iselósoramo ha odeskonfia hembireko omoakãratĩha chupe, upéicharõ haʼe ogueraha vaʼerã hembireko Jehová renondépe ha pe saserdóte ojapo vaʼerã opa mbaʼe heʼíva ko léipe. 31 Pe kuimbaʼépe ndojekulpamoʼãi mbaʼevére, péro hembirekópe ojekastiga vaʼerã pe hembiapo vaikuére’”.

6 Jehová oñeʼẽ jey Moiséspe ha heʼi chupe: 2 “Eñeʼẽ umi israelítape ha ere chupekuéra: ‘Peteĩ kuimbaʼe térã peteĩ kuña ojapóramo peteĩ promésa espesiál oservi hag̃ua Jehovápe de nazareo,*+ 3 ndoʼúi vaʼerã víno ni mbaʼeveichagua vevída orekóva alkoól. Avei ndoʼúi vaʼerã vinágre ojejapo vaʼekue vínogui térã ojejapo vaʼekue ótra kósa orekóvagui alkoól.+ Ndoʼúi vaʼerã avei parrál, tahaʼe hiʼajúva térã oñemboséko pyréva ni parrál rykuere. 4 Oservi aja entéro de nazareo ndoʼúi vaʼerã mbaʼeve ojejapo vaʼekue parrálgui. Ndoʼúi vaʼerã ni parrál aky ni ipirekue.

5 Okumpli aja entéro ipromésa oservívo de nazareo noikytĩri vaʼerã iñakãrangue.+ Haʼe oheja vaʼerã okakuaa iñakãrangue oñekumplipa peve pe tiémpo ojaparta vaʼekue oservi hag̃ua Jehovápe. 6 Haʼe ndopokói vaʼerã avei peteĩ persóna* reʼonguére ojaparta aja entéro oservi hag̃ua Jehovápe. 7 Omanóramo jepe itúa, isy, iñermáno térã iñermána, haʼe noñemongyʼái vaʼerã opokóvo teʼonguére,+ pórke pe iñakãrangue puku ohechauka hína haʼe oserviha Ñandejárape de nazareo.

8 Haʼe ipotĩ Jehová renondépe entéro umi día oservi aja de nazareo. 9 Péro peichahágui oĩramo omanóva ijykére derrepentete+ ha oja hese, ha péicha oñemongyʼa haʼe oservi aja de nazareo,* upéicharõ haʼe oñemoakã perõ+ vaʼerã pe séptimo díape, upe oñemopotĩha díape Ñandejára renondépe. 10 Ha pe 8 diahápe, oraha vaʼerã mokõi tortóla térã mokõi palóma raʼy pe saserdótepe pe tavernákulo* entrádape. 11 Pe saserdóte oipurúta peteĩva umi guyraʼi ojapo hag̃ua pe ofrénda ojepaga hag̃ua umi pekádore, ha pe ótro katu oipurúta ojapo hag̃ua pe ofrénda ojehapýva.+ Upéva ojapóta pe saserdóte pe persóna rehehápe oñeperdona hag̃ua chupe ipekádo, oja haguére peteĩ teʼonguére. Péicha pe oservíva de nazareo ipotĩ jeýta Ñandejára renondépe upe díape. 12 Upéi haʼe ojaparta jeýta umi día oservi hag̃ua Jehovápe de nazareo, ha ogueru vaʼerã peteĩ ovecha raʼyrusu mácho de un áño ojejapo hag̃ua pe ofrénda por la kúlpa. Péro nokontái vaʼerã pe tiémpo oservi hague de nazareo, pórke haʼe oñemongyʼa kuri.

13 Kóva hína pe léi heʼíva mbaʼépa ojapo vaʼerã umi oservíva de nazareo: oñekumpli vove pe tiémpo haʼe opromete vaʼekue oservitaha de nazareo,+ ojegueraha vaʼerã chupe pe tavernákulo entrádape. 14 Ha oraha vaʼerã Jehovápe peteĩ ovecha raʼyrusu mácho isánova de un áño, ojejapo hag̃ua peteĩ ofrénda ojehapýva.+ Avei oraha vaʼerã peteĩ ovecha kuña* isánova de un áño, ojejapo hag̃ua pe ofrénda ojepaga hag̃ua umi pekádore,+ ha peteĩ ovecha mácho isánova ojejapo hag̃ua pe ofrénda de paz.+ 15 Avei oraha vaʼerã peteĩ kanástope pan argólla ndorekóiva levadúra ojejapo vaʼekue arína iporãvévagui ha oñembojeheʼa vaʼekue aséitere, pan pererĩ opururũ asýva ha oñemonáva hese aséite. Ha umívandi ogueraha vaʼerã avei ofrénda de semílla+ ha ofrénda líkida.+ 16 Ha pe saserdóte opresenta vaʼerã Jehová renondépe koʼã mbaʼe, ha ojapóta pe ofrénda ojepaga hag̃ua umi pekádore ha pe ofrénda ojehapýva. 17 Upéi oofreséta Jehovápe pe ofrénda de paz, upearã oipurúta pe ovecha mácho ha upévandi oofreséta umi pan oĩva pe kanástope. Pe saserdóte oofreséta avei pe ofrénda de semílla+ ha pe ofrénda líkida.

18 Upéi pe oservíva de nazareo oñemoakã perõ+ vaʼerã pe tavernákulo entrádape, péicha haʼe oikytĩta pe iñakãrangue haʼe oheja vaʼekue ipuku. Ha pe iñakãrangue oikytĩ vaʼekue opoipaitéta pe tata oĩvape pe ofrénda de paz guýpe. 19 Ha oikytĩ rire iñakãrangue ohechaukáva oserviha de nazareo, pe saserdóte ojagarráta pe ovecha mácho paléta puntare, upe oñembojy vaʼekuégui,+ ha omoĩta pe oservíva de nazareo pópe. Omoĩ vaʼerã avei ipópe peteĩ pan argólla ilevaduraʼỹva ha peteĩ pan pererĩ opururũ asýva oĩva pe kanástope. 20 Upéi pe saserdóte ombokacháta koʼã mbaʼe ojejapoháicha pe ofrénda oñembokacháva Jehová renondépe.+ Upéva sagrádo hína pe saserdótepe g̃uarã, avei pe animál pechokue ojepuru vaʼekue ojejapo hag̃ua pe ofrénda oñembokacháva ha pe ikuartokue oñemboyke vaʼekue pe saserdótepe g̃uarã.+ Upe rire ae pe oservi vaʼekue de nazareo ikatúta hoʼu víno.

21 Kóva hína pe léi heʼíva mbaʼépa ojapo vaʼerã pe oñekomprometéva oservi hag̃ua de nazareo:+ haʼe omeʼẽ vaʼerã Jehovápe pe ofrénda ojejeruréva umi nazaréope. Péro oĩramo iposivilidápe omeʼẽve ha oñekompromete ojapotaha upéicha, haʼe okumpli vaʼerã upe oñekompromete vaʼekue. Ha ojapo vaʼerã upéva omombaʼe rupi pe léi oñemeʼẽva umi nazaréope’”.

22 Upéi Jehová heʼi Moiséspe: 23 “Ere Aarón ha itaʼyrakuérape: ‘Pevendesíta+ jave umi israelítape, peẽ peje vaʼerã koʼã mbaʼe:

24 “Jehová tanevendesi+ ha toñangareko nderehe.

25 Jehová tomaña nderehe* ha tandeguerohory.+

26 Jehová taimbaʼeporã nendive ha tomeʼẽ ndéve pyʼaguapy”’.+

27 Haʼekuéra oipuru vaʼerã che réra ovendesi jave umi israelítape,+ ha péicha che avendesíta chupekuéra”.+

7 Moisés omopuʼãmba rire pe tavernákulo,+ upe díape haʼe omoĩ aséite pe tavernákulore*+ ha hembiporukuérare, avei pe altár ha hembiporukuérare, ha osantifika umíva ojepuru hag̃ua Ñandejára servísiope añoite.+ Ojapopa rire koʼã mbaʼe, 2 umi kuimbaʼe omoakãva israelitakuérape+ ojapo peteĩ ofrénda, umíva hína umi omoakãva ituakuéra ypykue familiarépe. Koʼã kuimbaʼe omoakãva umi trívu, ha osupervisa vaʼekue pe sénso 3 ogueraha Jehová renondépe koʼã ofrénda: 6 karréta* ha 12 guéi. Mokõi kuimbaʼe omoakãva umi trívu ogueraha peteĩ karréta ha káda uno ogueraha peteĩ guéi,* ha opresenta hikuái pe tavernákulo renondépe. 4 Ha Jehová heʼi Moiséspe: 5 “Ejagarra chuguikuéra koʼã mbaʼe, pórke ojepurúta hína oñembaʼapo hag̃ua pe tavernákulope,* ha remeʼẽ vaʼerã umi levítape. Emeʼẽ káda únope oikotevẽháicha okumpli hag̃ua pe tembiapo otokáva chupe”.

6 Upémarõ Moisés ojagarra chuguikuéra umi karréta ha umi guéi, ha omeʼẽ umi levítape. 7 Omeʼẽ mokõi karréta ha 4 guéi umi guersonítape, asegún pe oikotevẽva hikuái ojapo hag̃ua hembiapo.+ 8 Ha omeʼẽ 4 karréta ha 8 guéi umi merarítape, asegún pe oikotevẽva hikuái ojapo hag̃ua hembiapo. Haʼekuéra ombaʼapo vaʼekue Itamar poguýpe, haʼe hína Aarón pe saserdóte raʼy.+ 9 Péro nomeʼẽi mbaʼeve umi cohatítape, pórke haʼekuéra ogueraha vaʼerã ijatiʼy ári+ umi mbaʼe oĩva pe tavernákulope.+

10 Umi kuimbaʼe omoakãva israelitakuérape opresenta iñofrénda oñeinagurárõ+ guare pe altár, pe oñeñohẽha díape hese aséite ojepuru hag̃ua Ñandejára servísiope. Umi kuimbaʼe omoakãva israelitakuérape opresentárõ guare iñofrénda pe altár renondépe, 11 Jehová heʼi Moiséspe: “Káda día opresenta vaʼerã iñofrénda peteĩ kuimbaʼe omoakãva israelitakuérape oñeinagura hag̃ua pe altár”.

12 Pe primer día opresenta iñofrénda Nahsón,+ haʼe hína Aminadab raʼy ha Judá trivugua. 13 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 14 Opresenta avei peteĩ kópa de óro orekóva 114 grámo* henyhẽtéva insiénsogui, 15 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 16 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 17 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Nahsón, Aminadab raʼy.+

18 Pe segundo día opresenta iñofrénda Netanel,+ haʼe hína Zuar raʼy ha omoakã Isacar trívu. 19 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 20 Opresenta avei peteĩ kópa de óro orekóva 114 grámo* henyhẽtéva insiénsogui, 21 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 22 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 23 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Netanel, Zuar raʼy.

24 Pe tercer día opresenta iñofrénda Eliab,+ haʼe hína Helón raʼy ha omoakã Zabulón trívu. 25 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 26 Opresenta avei peteĩ kópa de óro orekóva 114 grámo* henyhẽtéva insiénsogui, 27 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 28 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 29 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Eliab,+ Helón raʼy.

30 Pe cuarto díape opresenta iñofrénda Elizur,+ haʼe hína Sedeur raʼy ha omoakã Rubén trívu. 31 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 32 Opresenta avei peteĩ kópa de óro orekóva 114 grámo* henyhẽtéva insiénsogui, 33 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 34 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 35 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Elizur,+ Sedeur raʼy.

36 Pe quinto díape opresenta iñofrénda Selumiel,+ haʼe hína Zurisadái raʼy ha omoakã Simeón trívu. 37 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 38 Opresenta avei peteĩ kópa de óro orekóva 114 grámo* henyhẽtéva insiénsogui, 39 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 40 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 41 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Selumiel,+ Zurisadái raʼy.

42 Pe sexto díape opresenta iñofrénda Eliasaf,+ haʼe hína Deuel raʼy ha omoakã Gad trívu. 43 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 44 Opresenta avei peteĩ kópa de óro orekóva 114 grámo* henyhẽtéva insiénsogui, 45 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 46 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 47 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Eliasaf,+ Deuel raʼy.

48 Pe séptimo díape opresenta iñofrénda Elisamá,+ haʼe hína Amihud raʼy ha omoakã Efraín trívu. 49 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 50 Opresenta avei peteĩ kópa de óro orekóva 114 grámo* henyhẽtéva insiénsogui, 51 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 52 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 53 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Elisamá,+ Amihud raʼy.

54 Pe octavo díape opresenta iñofrénda Gamaliel,+ haʼe hína Pedahzur raʼy ha omoakã Manasés trívu. 55 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 56 Opresenta avei peteĩ kópa de óro orekóva 114 grámo* henyhẽtéva insiénsogui, 57 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 58 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 59 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Gamaliel,+ Pedahzur raʼy.

60 Pe noveno díape opresenta iñofrénda Abidán,+ haʼe hína Guideoní raʼy ha omoakã+ Benjamín trívu. 61 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 62 Opresenta avei peteĩ kópa de óro orekóva 114 grámo* henyhẽtéva insiénsogui, 63 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 64 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 65 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Abidán,+ Guideoní raʼy.

66 Pe décimo díape opresenta iñofrénda Ahiézer,+ haʼe hína Amisadái raʼy ha omoakã Dan trívu. 67 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 68 Opresenta avei peteĩ kópa de óro orekóva 114 grámo* henyhẽtéva insiénsogui, 69 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 70 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 71 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Ahiézer,+ Amisadái raʼy.

72 Pe día oncehápe opresenta iñofrénda Paguiel,+ haʼe hína Ocrán raʼy ha omoakã Aser trívu. 73 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 74 Opresenta avei peteĩ kópa de óro orekóva 114 grámo* henyhẽtéva insiénsogui, 75 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 76 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 77 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Paguiel,+ Ocrán raʼy.

78 Pe día docehápe opresenta iñofrénda Ahirá,+ haʼe hína Enán raʼy ha omoakã Neftalí trívu. 79 Haʼe opresenta iñofréndaramo peteĩ pláto de pláta orekóva 1 kílo 482 grámo* ha peteĩ tasón de pláta orekóva 798 grámo,* asegún pe kiláhe ojepurúva pe tavernákulope.+ Ha mokõivévape henyhẽte arína iporãva oñembojeheʼa pyréva aséitere, ojejapo hag̃ua pe ofrénda de semílla.+ 80 Opresenta avei peteĩ kópa de óro orekóva 114 grámo* henyhẽtéva insiénsogui, 81 peteĩ tóro raʼyrusu, peteĩ ovecha mácho, ha peteĩ ovecha mácho de un áño ojejapo hag̃ua pe ofrénda ojehapýva.+ 82 Avei peteĩ kavara raʼy ojejapo hag̃ua pe ofrénda ojepaga hag̃ua umi pekádore.+ 83 Ha ojejapo hag̃ua pe ofrénda de paz+ opresenta mokõi tóro, 5 ovecha mácho, 5 kavara mácho ha 5 ovecha mácho de un áño. Koʼã mbaʼe omeʼẽ kuri ofréndaramo Ahirá,+ Enán raʼy.

84 Koʼã ofrénda opresenta umi 12 kuimbaʼe omoakãva israelitakuérape oñeinagurárõ+ guare pe altár, ha oñeñohẽha díape hese aséite ojepuru hag̃ua Ñandejára servísiope: 12 pláto de pláta, 12 tasón de pláta ha 12 kópa de óro.+ 85 Káda pláto de pláta oreko 1 kílo 482 grámo,* káda tasón oreko 798 grámo,* ha en totál umi mbaʼyru de pláta oreko 27 kílo 360 grámo,* asegún pe kiláhe ojepurúva pe tavernákulope.+ 86 Umi 12 kópa de óro henyhẽ insiénsogui ha káda uno oreko 114 grámo,* asegún pe kiláhe ojepurúva pe tavernákulope, en totál umi kópa de óro oreko 1 kílo 368 grámo.* 87 Ha ojejapo hag̃ua pe ofrénda ojehapýva ojegueru 12 tóro, 12 ovecha mácho ha 12 ovecha mácho de un áño, ha káda únondi ojegueru ofrénda de semílla. Avei 12 kavara raʼy ojejapo hag̃ua pe ofrénda ojepaga hag̃ua umi pekádore. 88 En totál umi animál ojepuru vaʼekue ojejapo hag̃ua pe ofrénda de paz ohupyty 24 tóro, 60 ovecha mácho, 60 kavara mácho ha 60 ovecha mácho de un áño. Koʼã mbaʼe ojepuru ojejapo hag̃ua pe ofrénda oñeinagura hag̃ua+ pe altár, ha oñeñohẽ rire pe altár rehe pe aséite ojepuru hag̃ua Ñandejára servísiope.+

89 Ha Moisés oike jave pe lugár de rreuniónpe oñeʼẽ hag̃ua Ñandejára ndive,+ haʼe oñeʼẽ chupe umi mokõi keruvín*+ mbyte guive, oĩva pe Árka* tápa ári.+ Upépe Ñandejára oñeʼẽ chupe.

8 Jehová oñeʼẽ Moiséspe ha heʼi: 2 “Eñeʼẽ Aarónpe ha ere chupe: ‘Remyendy vove umi 7 lamparaʼi oĩva pe kandelávrope, remohenda vaʼerã ohesape hag̃ua upe lugár oĩha’”.+ 3 Ha Aarón ojapo upeichaite: omyendy umi lamparaʼi oĩva pe kandelávrope+ ohesape hag̃ua upe lugár oĩha, ojapo Jehová heʼi hagueichaite Moiséspe. 4 Pe kandelávro ningo ojejapo de óro ha oñemoldea martíllope. Umi ivráso osẽva chugui ha umi ipotykuru avei oñemoldea martíllope.+ Pe kandelávro ojejapo Jehová ohechauka haguéicha Moiséspe pe visiónpe.+

5 Jehová oñeʼẽ jey Moiséspe, ha heʼi chupe: 6 “Eaparta umi levítape umi israelita apytégui ha emopotĩ chupekuéra Ñandejára renondépe.+ 7 Péicha remopotĩ vaʼerã chupekuéra: ehypýi chupekuéra ýpe ipotĩ hag̃ua ipekádogui, ha haʼekuéra oipeʼa vaʼerã naváhape hague hete kompletoitégui. Avei ojohéi vaʼerã ijao ha oñemopotĩ.+ 8 Upéi ogueru vaʼerã hikuái peteĩ tóro raʼyrusu,+ ha iñofrénda de semíllaramo+ arína iporãvéva oñembojeheʼa pyréva aséitere. Ha nde regueru vaʼerã avei ótro tóro raʼyrusu ojejapo hag̃ua pe ofrénda ojepaga hag̃ua umi pekádore.+ 9 Upéi regueru vaʼerã umi levítape pe tavernákulo* renondépe, ha ere avei entéro israelítape toñembyaty upépe.+ 10 Regueru vove umi levítape Jehová renondépe, enterove umi israelita omoĩ vaʼerã ipo iñakã arikuéra.+ 11 Ha Aarón oofreséta umi levítape Jehová renondépe ojejapoháicha peteĩ ofrénda oñembokacháva+ umi israelita rérape. Ha umi levita ombaʼapóta Jehovápe g̃uarã.+

12 Upéi umi levita omoĩta ipo umi tóro akã ári.+ Upe rire reofrese vaʼerã peteĩ tóro ojejapo hag̃ua pe ofrénda ojepaga hag̃ua umi pekádore, ha pe ótro tórogui katu ojejapo vaʼerã peteĩ ofrénda ojehapýva Jehovápe g̃uarã. Péicha oñeperdonáta umi levítape ipekádo.+ 13 Ha regueraháta umi levítape Aarón ha itaʼyrakuéra renondépe ha eofrese chupekuéra Jehovápe, ojejapoháicha pe ofrénda oñembokacháva. 14 Ha reaparta vaʼerã umi levítape umi israelita apytégui, péicha umi levita opytáta chembaʼerã.+ 15 Péicha remopotĩ ha reofrese rire umi levítape, ojejapoháicha pe ofrénda oñembokacháva, haʼekuéra ikatútama ombaʼapo pe tavernákulope. 16 Pórke umi israelita apytégui haʼekuéra oñemeʼẽma chéve rregáloramo. Che aiporavo chupekuéra umi israelita apytégui, entéro umi israelita raʼy ypykue rekovia.+ 17 Entéro umi ijypykue oĩva Israélpe chembaʼe hína, tahaʼe umi israelita raʼy ypykue ha umi animál raʼy ypykue.+ Pórke che aiporavóma chupekuéra chembaʼerã ajukárõ guare umi egipcio raʼy ypykue ha hymbakuéra raʼy ypykuépe.+ 18 Che amboykéta umi levítape enterove umi israelita raʼy ypykue rekovia. 19 Ha che ameʼẽta umi levita Aarón ha itaʼyrakuérape oipytyvõ hag̃ua chupekuéra pe tavernákulope. Haʼekuéra oipytyvõta chupekuéra ojapo hag̃ua oñekotevẽva umi israelita rehehápe,+ ikatu hag̃uáicha oñeperdona chupekuéra ipekádo. Péicha ndoikomoʼãi mbaʼeve ivaíva umi israelítare+ oñemoag̃ui haguére pe lugár sagrádore”.

20 Ha Moisés, Aarón ha umi israelita ojapo koʼã mbaʼe umi levita rehe. Ojapo hikuái Jehová heʼi hagueichaite Moiséspe ojapo hag̃ua. 21 Péicha umi levita oñemopotĩ, ojohéi ijao+ ha upéi Aarón oofrese chupekuéra Jehová renondépe ojejapoháicha pe ofrénda oñembokacháva.+ Ha Aarón ojapo peteĩ ofrénda oñeperdona hag̃ua umi levítape ipekádo, ikatu hag̃uáicha ipotĩ hikuái.+ 22 Upe rire umi levita oñepyrũ ombaʼapo pe tavernákulope Aarón ha itaʼyrakuéra kárgope. Umi levítare ojejapo Jehová heʼi hagueichaite Moiséspe, upeichaite ojapo hikuái.

23 Upéi Jehová oñeʼẽ Moiséspe ha heʼi: 24 “Umi levita ojapo vaʼerã péicha: omboty rire 25 áño, peteĩ kuimbaʼe ohóma vaʼerã oipytyvõ umi ombaʼapóvape pe tavernákulope. 25 Péro ohasa vove 50 áño, ojerretirátama ha nombaʼapovéima vaʼerã upépe. 26 Ikatu oipytyvõ umi iñermanokuéra ombaʼapóvape pe tavernákulope, péro haʼe nombaʼapovéima vaʼerã upépe. Koʼã mbaʼe rejapo vaʼerã umi levita rehe ha koʼã mbaʼe hína la ojapo vaʼerã hikuái”.+

9 Jehová oñeʼẽ Moiséspe pe desiérto de Sinaípe, pe primer mes+ del segundo áño osẽ rire hikuái Egíptogui, ha heʼi chupe: 2 “Umi israelita omboarete vaʼerã pe Páskua*+ itiempoitépe.+ 3 Hiʼaraitépe oprepara vaʼerã hikuái, ko méspe, pe día 14 kaʼaruete pytũ mboyve.* Haʼekuéra ojapo vaʼerã pe léi heʼiháicha ha oprepara vaʼerã ojejapoháicha jepi voi”.+

4 Upémarõ Moisés heʼi umi israelítape omboarete hag̃ua pe Páskua. 5 Ha haʼekuéra oprepara pe Páskua pe desiérto de Sinaípe, pe día 14 del primer mes kaʼaruete pytũ mboyve. Umi israelita ojapo Jehová heʼi hagueichaite Moiséspe.

6 Upérõ oĩ unos kuánto kuimbaʼe opyta vaʼekue ikyʼa Ñandejára renondépe opoko rupi peteĩ teʼonguére,+ upévare upe díape ndaikatúi vaʼekue oprepara hikuái pe Páskua. Upémarõ upe díape koʼã kuimbaʼe oho Moisés ha Aarón rendápe,+ 7 ha heʼi Moiséspe: “Ore ningo orekyʼa Ñandejára renondépe, pórke ropoko kuri peteĩ teʼonguére. ¿Mbaʼére piko upe haguére noñepermitimoʼãi oréve romeʼẽ itiempoitépe Jehovápe ore ofrénda umi ótro israelítaicha?”.+ 8 Upémarõ Moisés heʼi chupekuéra: “Pecheraʼarõ koʼápe, ha aháta aporandumi Jehovápe aikuaa hag̃ua mbaʼépa ikatu ojejapo pende kásope”.+

9 Upémarõ Jehová heʼi Moiséspe: 10 “Ere umi israelítape: ‘Oĩramo jepe pende apytépe térã pene familiare apytépe peteĩ kuimbaʼe opytáva ikyʼa Ñandejára renondépe opokóvo peteĩ teʼonguére,+ térã ohóva mombyry peteĩ viáhepe, haʼe lomímonte omboarete vaʼerã pe Páskua Jehovápe g̃uarã. 11 Haʼekuéra oprepara vaʼerã pe Páskua pe día 14 del segundo mes,+ kaʼaruete pytũ mboyve. Upévandi hoʼu vaʼerã hikuái pan ilevaduraʼỹva ha verdúra iróva.+ 12 Noñongatúi vaʼerã hikuái mbaʼevete al ótro día peve,+ ha nomopẽi vaʼerã avei ni peteĩ hendápe pe animál kanguekue.+ Haʼekuéra oprepara vaʼerã pe Páskua pe léi heʼiháicha. 13 Péro peteĩ kuimbaʼe ipotĩramo ha ndohói de viáhe mamove ha ndopreparái pe Páskua, upéicharõ ojejuka vaʼerã upe kuimbaʼépe,+ pórke haʼe nopresentái Jehovápe pe ofrénda itiempoitépe. Upe kuimbaʼe opaga vaʼerã hembiapo vaikuére.

14 Oikóramo pende apytépe peteĩ extranhéro, haʼe oprepara vaʼerã avei pe Páskua Jehovápe g̃uarã.+ Ojapo vaʼerã pe léi heʼiháicha, ha oprepara vaʼerã ojejapoháicha jepi voi.+ Peteĩ léinte oĩta umi israelita ha extranherokuérape g̃uarã’”.+

15 Pe día oñemopuʼãrõ guare pe tavernákulo,+ peteĩ arai ojahoʼi pe tavernákulo oĩháme pe Árka del Pákto,* péro kaʼarupytũ katu opyta hiʼári peteĩ tatarendy koʼẽmba peve.+ 16 Pe arai siémpre oĩ vaʼekue de diakue pe tavernákulo ári ha pe tatarendy katu siémpre oĩ pyharekue.+ 17 Pe arai ojupi jave pe tavernákulo árigui, umi israelita ensegída osẽ oho,+ ha pe arai opytahápe, upépe omoĩ hikuái ikampaménto.+ 18 Jehová heʼi vove umi israelítape oho hag̃ua, haʼekuéra osẽ oho, ha Jehová heʼi jave chupekuéra opyta hag̃ua, haʼekuéra opyta upépe.+ Pe arai opyta aja entéro pe tavernákulo ári, haʼekuéra opyta ikampaméntope. 19 Pe arai opytáramo heta día pe tavernákulo ári, umi israelita iñeʼẽrendu Jehovápe ha ndohói upégui.+ 20 Sapyʼánte pe arai opyta unos kuánto día pe tavernákulo ári. Jehová heʼi vove chupekuéra oho hag̃ua, haʼekuéra osẽ oho, ha Jehová heʼi jave chupekuéra opyta hag̃ua, haʼekuéra opyta upépe. 21 Sapyʼánte katu pe arai opyta sapyʼamínte, kaʼaruete guive pyhareve pevénte. Ha pe arai ojupívo, haʼekuéra osẽ oho. Tahaʼe de diakue térã pyharekue, pe arai ojupi vove haʼekuéra osẽ oho.+ 22 Tahaʼe jepe 2 día, un mes térã hetave tiémpo opytáramo pe arai pe tavernákulo ári, upe aja entéro umi israelita opyta ikampaméntope ha ndohói upégui. Péro pe arai ojupi jave katu osẽ oho hikuái. 23 Péicha Jehová heʼi jave umi israelítape oho hag̃ua, haʼekuéra osẽ oho, ha Jehová heʼi jave chupekuéra opyta hag̃ua, haʼekuéra opyta. Umi israelita iñeʼẽrendu Jehovápe, ha ojapo hikuái Jehová heʼíva Moisés rupive.

10 Upéi Jehová heʼi Moiséspe: 2 “Ejapo nembaʼerã mokõi trompéta+ de pláta ha koʼãva oñemoldea vaʼerã martíllope. Ha reipurúta reavisa hag̃ua pe puévlope oñembyatýta jave, ha avei ikatu hag̃uáicha ojeprepara hikuái okontinua hag̃ua iviáhe. 3 Oñembopúramo umi mokõi trompéta, pe puévlo kompletoite oñembyaty vaʼerã ne renondépe pe tavernákulo* entrádape.+ 4 Péro oñembopúramo peteĩ trompétante, upéicharõ umi kuimbaʼe omoakãva umi israelítape añónte oúta ne rendápe. Koʼã kuimbaʼe hína umi omoakãva mílespe.+

5 Ha oñembopu hatã ha upéi mbeguéramo, upéicharõ pe grúpo de 3 trívu oĩva éste gotyo+ osẽ vaʼerã. 6 Ha pe segunda ves oñembopúvape hatã ha upéi mbegue, umi grúpo de 3 trívu oĩva sur gotyo+ osẽ vaʼerã. Péicha oñembopu vaʼerã umi trompéta osẽmba peve umi grúpo de 3 trívu.

7 Oñembyatýta jave pe puévlope, oñembopu vaʼerã umi trompéta,+ péro oñembopu vaʼerã una vénte, hatã ha ipuku vaʼerã. 8 Aarón raʼykuéra, umi oservíva de saserdóte ombopu vaʼerã umi trompéta.+ Péicha oñembopu vaʼerã umi trompéta, ha upéva peteĩ léi siémpre okumpli vaʼerã hikuái.

9 Pehóramo gerrahápe peñorairõ hag̃ua pene enemigokuéra penembohasa asývandi, upéicharõ pembopu vaʼerã umi trompéta ikatu hag̃uáicha umi kuimbaʼe oñembyaty ha ojeprepara oñorairõ hag̃ua.+ Péicha Jehová pende Jára imanduʼáta penderehe ha pendesalváta pene enemigokuéragui.

10 Avei pevyʼa jave+ pembopu vaʼerã umi trompéta, tahaʼe umi fiéstape+ térã oñepyrũvo umi mes pejapo jave umi ofrénda ojehapýva+ ha umi ofrénda de paz,+ péicha pende Jára imanduʼáta penderehe. Che hína Jehová pende Jára”.+

11 Pe día 20 del segundo mes pe segundo áñope,+ pe arai ojupi pe tavernákulo árigui, upépe oĩ hína pe Árka del Pákto.*+ 12 Upémarõ umi israelita osẽ pe desiérto de Sinaígui ojeʼe haguéicha chupekuéra osẽ hag̃ua.+ Ha pe arai opyta desiérto de Paránpe,+ ha haʼekuéra opyta avei upépe. 13 Upérõ haʼekuéra primera ves osẽ upégui, pórke Jehová heʼi chupekuéra Moisés rupive ojapo hag̃ua upéicha.+

14 Primero osẽ pe grúpo de 3 trívu omoakãva Judá trívu. Nahsón,+ Aminadab raʼy omoakã hína Judá familiare. 15 Ha Isacar familiarépe omoakã hína Netanel,+ Zuar raʼy. 16 Ha Zabulón familiarépe katu omoakã hína Eliab,+ Helón raʼy.

17 Upéi pe tavernákulo oñedesarma,+ ha umi guersonita+ ha umi merarita+ osẽ oho ha ogueraha pe tavernákulo.

18 Upéi osẽ pe grúpo de 3 trívu omoakãva Rubén trívu. Elizur,+ Sedeur raʼy omoakã hína Rubén familiare. 19 Ha Simeón familiarépe omoakã hína Selumiel,+ Zurisadái raʼy. 20 Gad familiarépe katu omoakã hína Eliasaf,+ Deuel raʼy.

21 Upéi osẽ umi cohatita, ogueraháva umi mbaʼe sagrádova oĩva pe tavernákulope.+ Ha umi cohatita og̃uahẽrõ g̃uarã, pe tavernákulo oñearmambáma.

22 Upéi osẽ pe grúpo de 3 trívu omoakãva Efraín trívu. Elisamá,+ Amihud raʼy omoakã hína Efraín familiare. 23 Ha Manasés familiarépe omoakã hína Gamaliel,+ Pedahzur raʼy. 24 Benjamín familiarépe katu omoakã hína Abidán,+ Guideoní raʼy.

25 Upéi osẽ pe grúpo de 3 trívu omoakãva Dan trívu, haʼekuéra osẽ último umi israelita ova jave ótro lugárpe. Ahiézer,+ Amisadái raʼy omoakã hína Dan familiare. 26 Ha Aser familiarépe omoakã hína Paguiel,+ Ocrán raʼy. 27 Neftalí familiarépe katu omoakã hína Ahirá,+ Enán raʼy. 28 Upéicha oñemohenda vaʼekue umi israelita ha ijehérsito osẽ jave oviaha hag̃ua.+

29 Upéi Moisés oñeʼẽ Hobab ndive, haʼe hína pe isuégro madianita Reuel*+ raʼy, ha heʼi chupe: “Oréngo roho hína pe lugár Jehová opromete vaʼekuépe omeʼẽtaha oréve,+ jahána orendive.+ Ha ore roñangareko porãta nderehe, pórke Jehová opromete heta mbaʼe porã Israélpe g̃uarã”.+ 30 Péro haʼe heʼi chupe: “Ndaikatumoʼãi ningo aha, che aha jey vaʼerã che retãme, che hentekuéra rendápe”. 31 Upépe Moisés heʼi chupe: “Anína orereja, nde ningo reikuaa porã ko desiérto, ha ikatu rehechauka oréve moõ gotyopa roho vaʼerã. 32 Ha rehóramo orendive,+ entéro mbaʼe porã Jehová omeʼẽva oréve, katuete nderupytýta avei ndéve”.

33 Upéi osẽ hikuái Jehová montáña+ ypýgui ha 3 día aja oviaha. Ha umi 3 día aja Jehová Árka del Pákto+ ojegueraha henonderãkuéra ojetopa peve peteĩ lugár opytuʼu hag̃ua hikuái.+ 34 Ha haʼekuéra oviaha jave de diakue Jehová arai+ oĩ hiʼarikuéra.

35 Ojejagarra jave pe árka ojegueraha hag̃ua, Moisés heʼi jepi: “¡Jehová,+ epuʼãna ha taisarambipa umi ne enemigokuéra ha todiparapa ndehegui umi ndaijaʼéiva nderehe!”. 36 Ha oñemboguejy jave pe árka, haʼe heʼi: “¡Eju jeýna Jehová koʼápe, hetaite israelita oĩháme!”.+

11 Umi israelita oñepyrũ ojeplagea Jehová renondépe ohasa asy haguére. Ha Jehová orrenegaiterei ohendúvo chupekuéra, upévare Jehová ombou hiʼarikuéra tata ha ojuka unos kuánto oĩvape pe kampaménto jerére. 2 Upéi umi hénte ojerure asy Moiséspe oipytyvõ hag̃ua chupekuéra. Upémarõ haʼe oñemboʼe Jehovápe+ ha ndouvéi hiʼarikuéra pe tata. 3 Upéicha rupi upe lugárpe oñembohéra Taberá,* pórke upépe Jehová ombou hiʼarikuéra tata.+

4 Umi extranhéro oĩva ijapytepekuéra+ oñepyrũ opensa ijehénte ha tembiʼúrente voi ojepyʼapy.+ Umi israelita avei oñepyrũ hasẽ jey ha heʼi: “¡Máva piko omeʼẽta oréve soʼo roʼumi hag̃ua!+ 5 ¡Rohechagaʼuete ningo umi pira gratiete roʼúmi vaʼekue Egíptope, avei umi pepíno, umi sandía, umi sevollíta de óha,* umi sevói ha áho!+ 6 Péro koʼág̃a katu orekangypáma ha ndaigustovéima oréve mbaʼeve. Maná añoitémante la rohecháva koʼárupi”.+

7 Ha pe maná+ ojogua kuratũ raʼỹime+ ha ikolór ojogua yvyra aysýpe.* 8 Umi hénte isarambi ha ombyaty pe maná, upéi oipuru hikuái peteĩ molíno de máno omonguʼi hag̃ua, térã ojoso hikuái peteĩ anguʼápe omonguʼi porã meve. Upéi ombojy hikuái óllape térã ojapo chugui pan apuʼa,+ ha heʼẽngue ojogua pan heʼẽ oñembojeheʼa vaʼekue aséitere. 9 Pyharekue pe serrasón oguapývo pe kampaménto ári, oguapy avei pe maná.+

10 Moisés ohendu umi héntepe hasẽmba, káda família ha káda uno hasẽ hóga renondépe. Jehová katu ipochyeterei+ upévare ha Moisés avei ipochyeterei. 11 Upémarõ Moisés heʼi Jehovápe: “¿Mbaʼére piko chembohasa asyete? ¿Aime vaiete mbaʼe piko ne renondépe ajeve reheja chéve añenkarga ko puévlore?+ 12 ¿Ko puévlo piko che memby mbaʼe? ¿Che piko isykuéra mbaʼe ajeve ere chéve: ‘Egueraha chupekuéra nde jyva ári, ku mitãrerekua oguerahaháicha peteĩ mitãraʼýpe’? Ha reipota voi ajapo péicha rog̃uahẽ meve pe yvy repromete vaʼekuépe remeʼẽtaha ituakuéra ypykuépe.+ 13 ¿Moõgui piko reipota che anohẽ soʼo ameʼẽ hag̃ua koʼã héntepe? Haʼekuéra osegínte hasẽ chéve ha heʼi joa: ‘¡Emeʼẽ oréve soʼo roʼu hag̃ua!’. 14 Ndaikatumoʼãi aaguanta ko puévlope chejehegui reínte, ndachepuʼakamoʼãi hesekuéra.+ 15 Ha la péichante cheguerekótarõ, chejukántemana koʼag̃aite.+ Ha oimérõ aime porã ne renondépe, anivéna epermiti chéve ahecha koʼã mbaʼe vaiete”.

16 Ha Jehová heʼi Moiséspe: “Eiporavo 70 kuimbaʼe umi omoakãva* apytégui, umi kuimbaʼe reikuaáva odirihi ha omoakãha pe puévlope.+ Egueraha chupekuéra pe tavernákulope* ha toñemboʼy hikuái upépe nendive. 17 Che aguejýta+ ha añeʼẽta nendive upépe+ ha aipeʼáta ndehegui michĩmi pe espíritu sánto+ oĩva nde ári ha ameʼẽta chupekuéra. Haʼekuéra nepytyvõta reñenkarga hag̃ua pe puévlore ha ani hag̃ua nde aripaite opyta pe kárga.+ 18 Ere vaʼerã pe puévlope: ‘Koʼẽrõ g̃uarã peñesantifika+ vaʼerã Ñandejára renondépe, pórke oñemeʼẽta peẽme la soʼo peʼu hag̃ua. Jehová ohendu kuri penerasẽ+ hague ha peje: “¿Máva piko omeʼẽta oréve soʼo roʼu hag̃ua? Egíptope ningo roiko porãve kuri”.+ Jehová omeʼẽta katuete peẽme la soʼo peʼu hag̃ua.+ 19 Peʼúta ndahaʼéi un díante, ni 2 día, ni 5 día, ni 10 día, ni 20 día, 20 síno un mes aja entéro peʼúta la soʼo ha pene tĩnguárupi jepe osẽmbáta, penembopyʼajerepa peve peʼúta,+ pórke perrechasa kuri Jehovápe, oĩva hína pende apytépe. Peẽ peiko kuri avei penerasẽ henondépe ha peje: “¿Maʼerã voi piko ñasẽ raʼe Egíptogui?”’”.+

21 Upépe Moisés heʼi: “Chéngo aime ko puévlope ha ijapytepekuéra oĩ hína 600.000 kuimbaʼe+ ikatúva oho gerrahápe, péro nde ere: ‘¡Ameʼẽta peẽme heta porã la soʼo, ha peʼúta un mes aja entéro!’. 22 Umi ovecha, kavara ha umi vakakuéra oĩva guive oñekarneambáramo jepe, ndohupytypamoʼãi chupekuéra, térã ojepeska ha oñeguenohẽmbáramo umi pira oĩva guive pe márpe, ndohupytypamoʼãi avei chupekuéra”.

23 Upémarõ Jehová heʼi Moiséspe: “¿Nde piko reimoʼã Jehová ndaikatumoʼãiha mbaʼe ojapo upéva?+ Koʼág̃a rehecháta oñekumplípa la haʼe vaʼekue ndéve térãpa nahániri”.

24 Upéi Moisés osẽ ha omombeʼu pe puévlope mbaʼépa heʼi Jehová. Ha oiporavo pe puévlogui 70 kuimbaʼe umi omoakãva apytégui, ha ogueraha chupekuéra pe tavernákulo jerére ha opyta oñemboʼy hikuái upépe.+ 25 Upéi Jehová oguejy peteĩ araípe+ ha oñeʼẽ chupe,+ ha oipeʼa chugui michĩmi pe espíritu sánto+ oĩva hiʼári ha omeʼẽ umi 70 kuimbaʼe omoakãvape. Ha omeʼẽmírente chupekuéra pe espíritu sánto, haʼekuéra oñekomporta umi profétaicha,+ péro upéi ndojapovéi upéicha.

26 Péro opyta kuri mokõi kuimbaʼe pe kampaméntope, peteĩ héra Eldad ha pe ótro héra Medad. Ha pe espíritu sánto oguejy avei hiʼarikuéra, pórke chupekuéra ojeporavo kuri avei péro ndohói pe tavernákulope. Haʼekuéra oñepyrũ avei oñekomporta profétaicha pe kampaméntope. 27 Ha peteĩ mitãrusu odipara oho Moisés rendápe ha heʼi chupe: “¡Oime Eldad ha Medad oñekomporta hína profétaicha pe kampaméntope!”. 28 Upémarõ Josué+ Nun raʼy, haʼéva hína Moisés ajudánte imitãite guive, osẽ heʼi chupe: “¡Moisés, che ruvicha, ejokóna chupekuéra!”.+ 29 Péro Moisés heʼi chupe: “¿Nde piko ndeselóso hína cherehe? Ndovaléi ningo upéicha. ¡Hiʼãite chéve ko puévlo kompletoitégui oiko Jehová proféta ha Jehová tomeʼẽ chupekuéra ijespíritu!”. 30 Upéi Moisés ha umi kuimbaʼe omoakãva Israel oho jey pe kampaméntope.

31 Jehová ombou peteĩ yvytu atã pe márguio ha ogueru heta kodornís. Ha umi kodornís oñepyrũ hoʼa pe kampaménto jerére+ ha iñasãi mombyryeterei peve, un día ojeguata vaʼerã ojehasapa hag̃ua umi kodornís oĩha. Haimete voi 1 métro* pe yvy ape ári iñanambusu. 32 Upéicha rupi umi hénte opuʼã ombyaty umi kodornís upe día pukukue, upe pyhare ha al ótro día entéro avei. Pe saʼive ombyaty vaʼekue ombyaty 10 mbaʼyru guasu renyhẽ,* ha osegi omosarambi hikuái umi kodornís reʼongue pe kampaménto jerére omboséko hag̃ua. 33 Péro haʼekuéra oisuʼu ha oreko aja gueteri ijurúpe pe soʼo, Jehová orrenegaiterei hesekuéra. Upémarõ Jehová ombou peteĩ mbaʼasy vai ha ojuka hetaitereípe.+

34 Upéicha rupi ombohéra hikuái upe lugár Quibrot-Hataavá,*+ pórke upépe oñeñotỹ umi hénte iñembyahyirekoite vaʼekuépe.+ 35 Ha Quibrot-Hataavágui pe puévlo osẽ oho Hazerótpe, ha opyta hikuái Hazerótpe.+

12 Upéi Míriam ha Aarón oñepyrũ oñeʼẽ vai Moisés rehe omenda haguére peteĩ kuña cusítare.+ 2 Haʼekuéra heʼi: “¿Jehová piko ojevale Moisésre añónte oñeʼẽ hag̃ua? ¿Ndojevaléi piko avei ñanderehe oñeʼẽ hag̃ua?”.+ Ha Jehová ohendupa chupekuéra.+ 3 Moisés katu ivuenoiterei ha ndaipóri voi ótro haʼeichagua+ ko yvy ape ári.

4 Upeichaháguinte Jehová heʼi Moisés, Aarón ha Míriampe: “Peẽ mbohapyvéva, pesẽ tapeho pe tavernákulope”.* Upémarõ mbohapyvéva osẽ oho. 5 Ha Jehová oguejy pe araípe,*+ opyta pe tavernákulo entrádape ha ohenói Aarón ha Míriampe. Ha mokõivéva oñemoag̃ui hese. 6 Upépe Ñandejára heʼi chupekuéra: “Pehendumína la haʼétava peẽme: oĩramo pende apytépe Jehová proféta, peteĩ visión rupive+ aikuaaukáta chupe mávapa che, ha añeʼẽta chupe iképe.+ 7 ¡Péro che ndajapói upéicha Moisés ndive! Che ahejapaite hína ikárgope che róga.+ 8 Che ningo frénte a frénte añeʼẽ hendive,+ ojapoháicha mokõi kuimbaʼe oñemongeta jave. Oimeraẽ mbaʼe che haʼeséva, aexplika porã chupe. Ha che, Jehová, chete voi ajechauka chupe. ¿Mbaʼére piko upéicharõ ndapekyhyjéi raʼe peñeʼẽ vai hag̃ua Moisés rehe?”.

9 Upévo Jehová orrenegaiterei hesekuéra, ha osẽ oho upégui. 10 Ha pe arai ojei pe tavernákulo árigui, ha Míriampe ojagarrapaite lépra, eládaicha morotĩ sakã opyta.+ Aarón ojerévo omaña hese, ohecha ojagarrapaiteha chupe lépra.+ 11 Upepete Aarón heʼi Moiséspe: “Moisés, ajerure ndéve ikatúramo, anína reheja ore ári ko kastígo. Añetehápe ivai la rojapo vaʼekue, ha orevýrogui oiko orerehe péicha. 12 Anína reheja chupe opyta peteĩ mitã omano vaʼekuéicha onase mboyve, ha onasévo pe hete ja oñembyaipa léntomava”. 13 Upémarõ Moisés ojerure asy Jehovápe: “¡Ñandejára, emongueramína chupe!”.+

14 Jehová heʼi Moiséspe: “Itúa ondyvúramo hováre, upéicharõ haʼe opyta vaʼerã oñemotĩ 7 día aja, ¿ajépa? Upéicharõ tojeaparta* chupe pe kampaméntogui oĩ hag̃ua haʼeño 7 día,+ ha upéi ae ikatúta ou jey pe kampaméntope”. 15 Upémarõ ojeaparta Míriampe pe kampaméntogui oĩ hag̃ua haʼeño 7 día,+ ha umi hénte ndohói moõve Míriam ou jey peve pe kampaméntope. 16 Upéi umi hénte osẽ Hazerótgui+ ha oho opyta desiérto de Paránpe.+

13 Upéi Jehová heʼi Moiséspe: 2 “Emondo unos kuánto kuimbaʼe ha toho tovichea* Canaán yvy, pe yvy apromete vaʼekue ameʼẽtaha umi israelítape. Remondo vaʼerã peteĩ kuimbaʼe de káda trívu orrepresentáva itúa trívupe, reiporavo vaʼerã umi omoakãva+ ipuévlope”.+

3 Upémarõ Moisés omondo chupekuéra desiérto de Parángui,+ Jehová heʼi haguéicha chupe. Enterove umi kuimbaʼe omoakã hína umi israelítape. 4 Péicha héra vaʼekue koʼã kuimbaʼe: Rubén trívugui: Samúa, Zacur raʼy. 5 Simeón trívugui: Safat, Horí raʼy. 6 Judá trívugui: Caleb,+ Jefuné raʼy. 7 Isacar trívugui: Igal, José raʼy. 8 Efraín trívugui: Hosea,+ Nun raʼy. 9 Benjamín trívugui: Paltí, Rafú raʼy. 10 Zabulón trívugui: Gadiel, Sodí raʼy. 11 José trívugui:+ Gaddí, Susí raʼy, Manasés trivugua.+ 12 Dan trívugui: Amiel, Guemalí raʼy. 13 Aser trívugui: Setur, Miguel raʼy. 14 Neftalí trívugui: Nahbí, Vofsí raʼy. 15 Gad trívugui: Gueuel, Makí raʼy. 16 Péicha héra vaʼekue umi kuimbaʼe Moisés omondo vaʼekue ovichea hag̃ua pe yvy. Ha Moisés ombohéra Josué,*+ Nun raʼy Hoséape.

17 Moisés omondótarõ guare umi kuimbaʼépe ovichea hag̃ua Canaán yvy, heʼi chupekuéra: “Tapeho Néguebpe ha upéi pejupi umi montáñare.+ 18 Pehecha vaʼerã mbaʼeichaguápa la ijyvykuéra,+ ha oimépa ikangy térãpa imbarete umi hénte oikóva upépe, heta térãpa imbovy hikuái. 19 Pehecha avei iporã térãpa ivai pe yvy, ha pehecha avei imurállapa térãpa nahániri umi siuda oikoha hikuái. 20 Pehecha oprodusi porãpa pe yvy térãpa nahániri,+ oĩpa heta yvyramáta térãpa nahániri. Pendepyʼaguasu+ vaʼerã ha pegueru michĩmi umi yva oĩva upépe”. Upe tiémpope ningo umi parrál oñepyrũ kuri hiʼaju.+

21 Upémarõ haʼekuéra osẽ oho ha ovichea pe yvy: pe desiérto de Zin+ guive, Rehob+ peve, oĩva Lebó-Hamat*+ ypýpe. 22 Oikérõ guare pe Néguebpe haʼekuéra og̃uahẽ Hebrónpe,+ oikohápe umi anaquim*+ Ahimán, Sesái ha Talmái.*+ Hebrón ningo oñemopuʼã vaʼekue 7 áño oñemopuʼã mboyve Zoan, upe siuda oĩva Egíptope. 23 Og̃uahẽrõ guare hikuái Escol Ñúme,*+ oikytĩ peteĩ parrál rakã orekóva un kácho parrál, ha omosaingo hikuái peteĩ yvyra puku rehe ogueraha hag̃ua éntre 2. Ogueraha avei hikuái unos kuánto granáda ha ígo.+ 24 Haʼekuéra ombohéra upe lugár Escol* Ñu,*+ pórke upépe oikytĩ hikuái pe parrál rakã hiʼa reheve.

25 Oñekompletávo umi 40 día,+ haʼekuéra ou jey ovichea rire pe yvy. 26 Ha ou jey hikuái Cadéspe,+ pe desiérto de Paránpe, Moisés, Aarón ha umi israelita rendápe. Haʼekuéra omombeʼu umi israelítape umi mbaʼe ohecha vaʼekue, ha ohechauka chupekuéra umi yva oguerúva upe lugárgui. 27 Umi kuimbaʼe heʼi Moiséspe: “Roike kuri pe yvy oremondo haguépe ha añetehápe upépe osyry kamby ha eirete.+ Ha koʼãva hína umi yva roguerúva upégui.+ 28 Péro umi hénte oikóva upépe imbarete, ha umi siuda imurallapáva tuichaiterei. Ha rohecha avei upépe umi anaquímpe.+ 29 Pe Néguebpe+ oiko umi amalequita,+ ha umi montáñare oiko umi hitita, umi jebuseo+ ha umi amorreo.+ Ha umi cananeo+ katu oiko pe mar ypýpe+ ha pe Jordán kóstare”.

30 Ha Caleb oñehaʼã otrankilisa umi héntepe ohendu hag̃ua Moiséspe, ha heʼi chupekuéra: “Jaha katu koʼag̃aite voi ha jajagarra pe yvy, pórke katuete ñandepuʼakáta hesekuéra”.+ 31 Péro umi ótro kuimbaʼe oho vaʼekue hendive heʼi: “¿Mbaʼéichaiko jaháta ñañorairõ umi héntendi? Haʼekuéra ningo imbareteve ñandehegui”.+ 32 Ha umi kuimbaʼe osegi omombeʼu ivaívante+ voi upe lugár oho vaʼekuégui ovichea, ha heʼi joa hikuái umi israelítape: “Pe yvy roho vaʼekue rohecha ningo ohundi umi oikóvape upépe. Ha umi hénte oikóva upépe tuichaichaiterei.+ 33 Upépe rohecha umi higántepe,* umi anaquímpe,+ henondepekuéra ore roñeñandu tukúicha oremichĩha, ha haʼekuéra oiméne upéichante avei orerecha”.

14 Upépe enterove umi israelita osapukái ha ojeplagea, ha osegi voi ojaheʼo hikuái upe pyhare pukukue.+ 2 Enterovete umi israelita oñepyrũ ojeplagea Moisés ha Aarón kóntrape,+ ha oñeʼẽ vai hesekuéra heʼívo: “¡Ikuentave vaʼerãmoʼã ñamanomba kuri Egíptope, térã ñamanomba ko desiértope! 3 ¿Maʼerã piko Jehová ñandegueraha hína upe lugárpe, umi hénte ñandejukapa hag̃ua espádape?+ Ñane enemigokuéra oguerahapáta ñandehegui ñane rembireko ha ñane familiakuéra.+ ¡Iporãvéta ningo jaha jeýnte Egíptope!”.+ 4 Heʼi voi katu hikuái ojupe: “¡Jaiporavo peteĩ ñanemoakã vaʼerã ha jaha jey Egíptope!”.+

5 Upémarõ Moisés ha Aarón oñesũ ha oñakãityete, ha enterove umi israelita ohecha chupekuéra ojapórõ guare upéicha. 6 Ha Josué,+ Nun raʼy, ha Caleb,+ Jefuné raʼy, omondoro ijao ohechauka hag̃ua ombyasyha la oikóva. Haʼekuéra ningo oho vaʼekue avei ovichea hag̃ua pe yvy. 7 Ha heʼi hikuái enterove umi israelítape: “Pe yvy roho vaʼekue rovichea hag̃ua ningo iporã, ha añetehápe iporãiterei voi.+ 8 Jehová ñandeguerohorýramo, katuete ñandegueraháta upe yvy opromete vaʼekuépe, ha omeʼẽta ñandéve pe yvy ýicha osyryhápe kamby ha eirete.+ 9 Péro ani pepuʼã Jehováre, ha ani pekyhyje umi hénte oikóvagui upe lugárpe,+ pórke ñande katuete ñandepuʼakáta hesekuéra. Avave ningo ndoprotehevéima chupekuéra, ha ñanendive katu oĩ Jehová.+ Aníke pekyhyje chuguikuéra”.

10 Upéicharõ jepe enterove umi israelita oamenasa ojapitaha chupekuéra itápe ojuka peve.+ Péro Jehová ojechauka chupekuéra pe tavernákulo* ári.+

11 Ha Jehová heʼi Moiséspe: “¿Arakaʼe peve piko ndacherrespetamoʼãi ko puévlo,+ ha arakaʼe peve piko ndojeroviamoʼãi cherehe hikuái? Hiʼarive che ajapóma heta milágro* henondepekuéra.+ 12 Koʼág̃a amboúta chupekuéra mbaʼasy ha ahundíta chupekuéra, ha ndehegui katu ajapóta peteĩ nasión tuichavéva ha ipoderosovéva”.+

13 Péro Moisés heʼi Jehovápe: “Nde ningo ndepoderóso rupi reguenohẽ vaʼekue ko puévlope Egíptogui, ha koʼág̃a rejapóramo péicha umi egipcio oikuaáta upéva,+ 14 ha haʼekuéra omombeʼúta umi oikóvape ko lugárpe. Ha umi hénte ohendu avei nde, Jehová, reimeha ko puévlondi,+ rejechaukaha chupekuéra ha reñeʼẽha hendivekuéra frénte a frénte.+ Haʼekuéra ohendu avei nde haʼeha Jehová, nde arai oĩha ko kampaménto ári, ha nde rehoha hína henonderãkuéra peteĩ araípe* de diakue ha peteĩ tatarendýpe* pyharekue.+ 15 Ha una vetépe rejukapáramo ko puévlope, upéicharõ enterove umi ótra nasión ohendúmava nde ndepoderosoha, heʼíta: 16 ‘Jehová ndaikatúi kuri omoinge ipuévlope pe yvy opromete vaʼekuépe, upéicha rupi ojukapa chupekuéra pe desiértope’.+ 17 Ha koʼág̃a Jehová, ehechaukamína mbaʼeichaitépa nde ndepoderóso, repromete haguéicha erérõ guare: 18 ‘Jehová ndaipochyreíri ha oporohayhueterei,*+ operdona umi ojavývape, hembiapo vaíva ha opekávape, péro ni mbaʼevéicharõ ndohejareimoʼãi umi ofallávape. Peteĩ túa ofalláramo akastigáta chupe, ha upe kastígo ohupytýta itaʼýrape, iniétope ha avei ivisniétope’.+ 19 Ha reporohayhuetereígui, eperdonamína ko puévlope ojavy haguére, eperdonamína ko puévlope eperdona haguéicha chupekuéra osẽ guive Egíptogui koʼag̃aite peve”.+

20 Upémarõ Jehová heʼi: “Aperdonáta chupekuéra nde ere haguéicha.+ 21 Péro che, Jehová, ahura ndéve che rekovére, pe yvy tuichakuére ojekuaataha mbaʼeichaitépa chepoderóso.+ 22 Upéicharõ jepe, ni peteĩ kuimbaʼe ohecha vaʼekue che podér ha umi milágro+ ajapo vaʼekue Egíptope ha pe desiértope, péro lomímonte osegi vaʼekue chedesafia ha opuʼã cherehe+ heta vése* ha nohenduséi che ñeʼẽ,+ 23 haʼekuéra ndohechamoʼãi asy pe yvy apromete vaʼekue ituakuérape. Ni peteĩ umi ndacherrespetái vaʼekue ndohechamoʼãi upe yvy.+ 24 Péro che siérvo Caleb+ idiferénte vaʼekue umi ótrogui,* ha osegi iñeʼẽrendu chéve ipyʼaite guive. Upévare amoingéta chupe pe yvy oho vaʼekuépe ohecha, ha umi ifamiliare ojagarráta upe yvy.+ 25 Umi amalequita ha umi cananeo+ oiko hína pe ñúme, upévare koʼẽrõ peẽ pejere vaʼerã ha peho pe desiértope Mar Rojo rapére”.+

26 Upéi Jehová heʼi Aarón ha Moiséspe: 27 “¡Arakaʼe peve piko ko puévlo oikóta péicha ojeplagea che kóntrape!+ Ahendu mbaʼeichaitépa umi israelita oñeʼẽ vai cherehe.+ 28 Ere chupekuéra: ‘Péicha heʼi Jehová: “¡Ahura peẽme che rekovére ajapotaha penderehe opa mbaʼe peje vaʼekue peñeʼẽ vaírõ guare cherehe!+ 29 Enterovete umi orekóva 20 áño guive, umi oñesensa ha oñeʼẽ vai vaʼekue che kóntrape, hoʼáta omanombaite ko desiértope.+ 30 Pende apytégui ni peteĩ ndoikemoʼãi pe yvy apromete vaʼekuépe ameʼẽtaha peẽme peiko hag̃ua.+ Caleb, Jefuné raʼy, ha Josué, Nun raʼy añoite oikéta.+

31 Amoingéta avei upépe pende raʼykuérape, umi peẽ peje vaʼekue oguerahapataha pene enemigokuéra.+ Haʼekuéra oikuaáta pe yvy peẽ pedespresia vaʼekue.+ 32 Peẽ katu pemanombaitéta ha pene reʼongue opytapáta ko desiértope. 33 Koʼág̃a guive pende raʼykuéragui oikóta pastór pe desiértope 40 áño pukukue,+ ha opagáta hikuái umi mbaʼe vai peẽ pejapo vaʼekuére,* enterovete peẽ pemanomba peve pe desiértope.+ 34 Peẽ ningo 40 día+ peho vaʼekue pevichea pe yvy, upévare 40 áño+ pepagáta pene rembiapo vaikuére, pepagáta un áño por káda día. Ha péicha peikuaáta mbaʼépa oiko umi opuʼãvare cherehe.

35 Che, Jehová, haʼéma péicha ajapotaha enterove koʼã hénte aña oñembyatývare koʼápe opuʼã hag̃ua cherehe: ko desiértope oñehundíta ha koʼápe omanombáta hikuái.+ 36 Umi kuimbaʼe omondo vaʼekue Moisés ovichea hag̃ua pe yvy ha omboliga vaʼekue umi héntepe oñeʼẽ vai hag̃ua ikóntrape, haʼekuéra ou jeýrõ guare ivaívante voi omombeʼu upe lugár ohecha vaʼekuére.+ 37 Koʼã kuimbaʼe omombeʼu vaʼekue ivaívante voi upe lugár ohecha vaʼekuére. Chupekuéra ojekastigáta ha omanóta Jehová renondépe.+ 38 Péro Caleb, Jefuné raʼy, ha Josué, Nun raʼy añoite nomanomoʼãi. Haʼekuéra oho vaʼekue avei umi ótro kuimbaʼéndi ovichea hag̃ua pe yvy”’”.+

39 Moisés heʼírõ guare koʼã mbaʼe umi israelítape, haʼekuéra oñembyasyeterei ha hasẽ. 40 Ha opuʼã hikuái pyharevete voi porã ha oho ojupi hag̃ua pe montáña ruʼãme, ha heʼi hikuái: “Ore rofalla kuri, péro koʼág̃a roiméma preparádo rojupi hag̃uáicha pe lugár Jehová heʼi haguépe”.+ 41 Péro Moisés heʼi: “¿Mbaʼére piko pejapose koʼág̃a Jehová ndeʼíri vaʼekue peẽme? Nosẽporãmoʼãi peẽme upéva. 42 Ani pejupi, pórke Jehová napenepytyvõmoʼãi, ha umi pene enemigokuéra penerundíta.+ 43 Umi amalequita ha umi cananeo oĩ pene renonderãme,+ ha haʼekuéra pendejukáta espádape. Jehová noĩmoʼãi penendive, pórke peẽ pepuʼã Jehováre ha napeneñeʼẽrendúi chupe”.+

44 Haʼekuéra ndoikuaaséi mbaʼeve ha oñepyrũ ojupi pe montáña ruʼã gotyo,+ péro Jehová Árka del Pákto ha Moisés opyta pe kampaménto mbytépe.+ 45 Upémarõ umi amalequita ha umi cananeo oikóva upe montáñape, oguejy ha oñepyrũ omuña ha ojuka ohóvo chupekuéra Hormá peve.+

15 Jehová oñeʼẽ jey Moiséspe ha heʼi: 2 “Ere umi israelítape: ‘Ág̃a peike vove pe yvy ameʼẽtavape peẽme peiko hag̃ua,+ 3 ha pejapo peteĩ ofrénda ojehapýva+ Jehovápe g̃uarã, tahaʼe peteĩ tóro térã vaka, ovecha térã kavara, hyakuã asy* hag̃ua Jehovápe,+ tahaʼe peteĩ ofrénda ojehapýva térã peteĩ sakrifísio oñekumpli hag̃ua peteĩ promésa, térã ofrénda voluntária,+ ỹrõ peteĩ ofrénda oñemboarete jave umi fiésta+ ojejapóva jepi voi, 4 upéicharõ pe oguerúva iñofrénda opresenta vaʼerã avei Jehovápe peteĩ ofrénda de semílla: una décima de efá* arína iporãva+ oñembojeheʼa pyréva 1 lítro* aséitere. 5 Ha ojejapo vove pe ofrénda ojehapýva+ térã ojesakrifika vove káda ovecha raʼyrusu mácho, haʼe ogueru vaʼerã avei 1 lítro* víno ojejapo hag̃ua pe ofrénda líkida. 6 Ha ojesakrifika vove peteĩ ovecha mácho, haʼe oofrese vaʼerã ofrénda de semíllaramo 2 décima de efá* arína iporãva, oñembojeheʼa pyréva 1 lítro un cuarto* aséitere. 7 Avei ogueru vaʼerã 1 lítro un cuarto* víno ojejapo hag̃ua pe ofrénda líkida, ikatu hag̃uáicha otimbo ha hyakuã asy* Jehovápe g̃uarã.

8 Péro reofreséramo peteĩ tóro rejapo hag̃ua peteĩ ofrénda ojehapýva,+ térã peteĩ sakrifísio rekumpli hag̃ua peteĩ promésa,+ térã peteĩ ofrénda de paz Jehovápe g̃uarã,+ 9 upéicharõ reofrese vaʼerã pe tórondi peteĩ ofrénda de semílla+ orekóva 3 décima de efá* arína iporãva, oñembojeheʼa pyréva 2 lítro* aséitere. 10 Avei reofrese vaʼerã 2 lítro* víno ojejapo hag̃ua pe ofrénda líkida,+ rejaporamoguáicha ofrénda ojehapýva, ikatu hag̃uáicha otimbo ha hyakuã asy* Jehovápe g̃uarã. 11 Péicha ojejapo vaʼerã ojeofrese vove peteĩ tóro, peteĩ ovecha mácho, peteĩ ovecha raʼyrusu máchova térã peteĩ kavara. 12 Tahaʼe haʼéva pe kantida peofreséva, peẽ pepresenta vaʼerã káda únondi pe arína oñembojeheʼa pyréva aséitere ha pe ofrénda líkida. 13 Péicha ojapo vaʼerã umi israelita opresenta jave peteĩ ofrénda ojehapýva ha hyakuã asýva* Jehovápe g̃uarã.

14 Ha peteĩ extranhéro oikóva penendive, térã peteĩ persóna oikómava pende apytépe heta tiémpore, ohapyséramo peteĩ ofrénda hyakuã asýva* Jehovápe g̃uarã, ojapo vaʼerã peẽ pejapohaichaite avei.+ 15 Oĩta peteĩ léinte peẽ israelita ha umi extranhérope g̃uarã. Ko léi siémpre pekumpli vaʼerã peẽ ha umi pene familiare. Jehová renondépe peteĩchaite pekumpli vaʼerã pe léi, tahaʼe extranhéro térã israelita.+ 16 Peteĩ léinte oĩ vaʼerã ha peteĩchante ojehusga vaʼerã umi israelita ha extranherokuéra oikóvape pende apytépe’”.

17 Jehová osegi oñeʼẽ Moiséspe ha heʼi chupe: 18 “Ere umi israelítape: ‘Peike vove pe yvy poguerahahápe hína peiko hag̃ua, 19 ha peʼu vove umi mbaʼe* oprodusíva pe yvy,+ peẽ pemeʼẽ vaʼerã upévagui peteĩ kontrivusión Jehovápe. 20 Pe trígo tenonderãite pekosecháva+ pemolina vaʼerã vai vai, ha pejapo chugui pan argólla ha pemeʼẽ ofréndaramo Ñandejárape. Ko ofrénda remeʼẽ vaʼerã chéve, remeʼẽháicha avei chéve umi mbaʼe reguenohẽ vaʼekue pe lugár oñemopotĩhágui semílla. 21 Peẽ ha pene familiare siémpre pemeʼẽ vaʼerã ofréndaramo Jehovápe peteĩ párte pende arína, umi trígo primeroite pemolina vai vai vaʼekuégui.

22 Ha peẽ pejavýramo ha ndapejapói koʼã léi Jehová omeʼẽ vaʼekue Moiséspe, 23 entéro umi mbaʼe Jehová heʼi vaʼekue Moisés rupive pejapo vaʼerãha peẽ ha pene familiare, pe día Jehová heʼi ypy guive chupe, 24 ha pejavýramo ha pe puévlo ndopillái upéva, upéicharõ pe puévlo oofrese vaʼerã peteĩ tóro raʼyrusu ojejapo hag̃ua peteĩ ofrénda ojehapýva ha hyakuã asýva* Jehovápe. Oofrese vaʼerã upévandi pe ofrénda de semílla ha ofrénda líkida ojejapoháicha jepi voi.+ Avei oofrese vaʼerã peteĩ kavara raʼyrusu ojejapo hag̃ua pe ofrénda ojepaga hag̃ua umi pekádore.+ 25 Ha pe saserdóte oofreséta koʼã mbaʼe umi israelita rehehápe oñeperdona hag̃ua chupekuéra. Ha oñeperdonáta chupekuéra,+ pórke ojavýnte kuri hikuái, ha omeʼẽ Jehovápe peteĩ ofrénda ojehapýva ha omeʼẽ avei Jehovápe peteĩ ofrénda ojepaga hag̃ua umi pekádore, upe mbaʼe vai ojapo vaʼekuére hikuái ojaposeʼỹre. 26 Oñeperdonáta entéro umi israelítape ha avei umi extranhéro oikóvape hendivekuéra, pórke haʼekuéra ojavýnte kuri ha ojapo ojaposeʼỹrente upe mbaʼe vai.

27 Ha peteĩ persóna opekáramo ojapo rupi peteĩ mbaʼe vai ojaposeʼỹre, upéicharõ oofrese vaʼerã peteĩ kavara kuña de un áño ojejapo hag̃ua pe ofrénda ojepaga hag̃ua umi pekádore.+ 28 Pe saserdóte oofreséta upéva pe persóna rehehápe, ha péicha oñeperdonáta chupe+ upe mbaʼe vai ojapo vaʼekue ojaposeʼỹre Jehová renondépe. 29 Tahaʼe israelita térã extranhéro oikóva pende apytépe, peteĩ léinte oĩta peẽme g̃uarã ha chupekuéra g̃uarã, oĩramo ojapóva peteĩ mbaʼe vai ojaposeʼỹre.+

30 Péro oĩramo ojapóva peteĩ mbaʼe vai oikuaa porãramo jepe oĩ vaiha upéva,+ tahaʼe israelita térã extranhéro, upe persóna ombopochy hína Jehovápe ha ojejuka vaʼerã chupe. 31 Haʼe odespresia Jehová ñeʼẽ ha nokumplíri iléi, upévare ojejuka vaʼerã katuete chupe.+ Upe persóna oĩta rresponsávle upe mbaʼe vai ojapóvare’”.+

32 Umi israelita oĩ aja pe desiértope, otopa peteĩ kuimbaʼe ombyatýva hína jepeʼa peteĩ sábadope.+ 33 Umi otopa vaʼekue hese ombyatyhápe jepeʼa, ogueraha upe kuimbaʼépe, Moisés, Aarón ha entéro israelita rendápe. 34 Haʼekuéra ojagarra upe kuimbaʼépe ha oheja chupe préso,+ ndojekuaáigui mbaʼépa ojejapo vaʼerã chugui.

35 Ha Jehová heʼi Moiséspe: “Upe kuimbaʼépe ojejuka vaʼerã katuete.+ Penohẽ pe kampaméntogui ha pe puévlo ojapi vaʼerã chupe itápe omano meve”.+ 36 Upémarõ pe puévlo oguenohẽ chupe pe kampaméntogui ha ojapi chupe itápe omano meve, Jehová heʼi haguéicha Moiséspe.

37 Upéi Jehová heʼi Moiséspe: 38 “Eñeʼẽ umi israelítape ha ere chupekuéra: ‘Pembofléko vaʼerã pende ao ruguái, ha pe fléko ári pemoĩ vaʼerã peteĩ piolín hovy. Peẽ ha pene familiare siémpre pemoĩ vaʼerã upéva pende aóre.+ 39 Pemoĩ vaʼerã umi fléko pende ao ruguáire, péicha pemañávo hese penemanduʼáta entéro umi léi Jehová omeʼẽvare peẽme ha pekumplíta umíva.+ Peẽ ndapejapói vaʼerã pene korasõ ha pende resa oipotávante, pórke pejapo rupi umi mbaʼe peẽ petraisiona hína Ñandejárape.*+ 40 Ameʼẽ peẽme ko léi penemanduʼa ha pekumpli hag̃ua entéro umi léi ameʼẽva peẽme, péicha penepotĩta Ñandejára renondépe.+ 41 Che hína Jehová pende Jára, poguenohẽ vaʼekue Egíptogui oiko hag̃ua chehegui pende Jára.+ Che hína Jehová pende Jára’”.+

16 Coré+ haʼe hína Izhar+ raʼy, Izhar hína Cohat+ raʼy ha Cohat hína Leví+ raʼy, upéi Coré oho oñomoirũ Datán ha Abiram ndive, haʼekuéra hína Eliab+ raʼy. Omoirũ avei chupekuéra On, Pélez raʼy, Rubén+ familiare. 2 Haʼekuéra opuʼã Moisés rehe, ha omoirũ avei chupekuéra 250 israelita, koʼãva hína umi kuimbaʼe omoakãva pe puévlo, umi ojeporavo vaʼekue, umíva hína umi kuimbaʼe omanda guasúva. 3 Haʼekuéra oñembyaty Moisés ha Aarón kóntrape+ ha heʼi chupekuéra: “¡Orekueráima pendehegui! Enterovete israelita ningo hekopotĩ,*+ ha Jehová oĩ ijapytepekuéra.+ ¿Mbaʼére piko upéicharõ peẽ peñembotuichase Jehová kongregasiónpe?”.

4 Moisés ohendúvo upéva oñesũ ha oñakãityete. 5 Upéi Moisés heʼi Coré ha iñirũnguérape: “Koʼẽrõ pyhareve Jehová oikuaaukáta mávapepa haʼe oiporavo imbaʼerã,+ mávapa ipotĩ ha mávapa oñemoag̃ui vaʼerã hese.+ Ha upe haʼe oiporavóvape,+ upéva oñemoag̃uíta hese. 6 Pejapo ko haʼétava peẽme: Coré, nde ha ne irũnguéra+ pejagarra umi mbaʼyru ojehapyha insiénso,+ 7 ha pemoĩ pype tatapỹi ha hiʼári insiénso, ha pegueraha Jehová renondépe koʼẽrõ. Upe kuimbaʼe Jehová oiporavóva,+ upéva hína la ipotĩva.* ¡Peẽ Leví familiare+ ja pehasáma la rrája!”.

8 Ha Moisés heʼi Corépe: “Pehendumína peẽ Leví familiare. 9 ¿Napemombaʼeiete voi piko Ñandejára pendeporavo hague entéro israelitakuéra apytégui,+ ha opermiti peẽme peñemoag̃ui hese, ikatu hag̃uáicha pembaʼapo Jehová tavernákulope ha peipytyvõ umi ótro israelítape?+ 10 ¿Ha ndéve g̃uarã piko ndahaʼeiete voi mbaʼeve Ñandejára ndegueru hague, ndéve ha umi ne ermanokuéra levítape peñemoag̃ui hag̃ua hese, ha koʼág̃a katu peñehaʼãma oiko hag̃ua pendehegui saserdóte?+ 11 Upévare nde ha enterove umi nemoirũva peñembyaty hína pepuʼã hag̃ua Jehováre. ¿Ha mbaʼéreiko Aarón rehe peñeʼẽ vaíta?”.+

12 Upe rire Moisés ohenoika Datán ha Abirámpe,+ Eliab raʼykuérape, péro haʼekuéra heʼika chupe: “¡No, ndorohomoʼãi! 13 ¿Ndahaʼeiete voi piko ndéve g̃uarã mbaʼeve la oreguenohẽ pe yvy osyryhágui kamby ha eirete orejukapa hag̃ua ko desiértope?+ Ha koʼág̃a katu remandapaséma avei orerehe. 14 ¿Péro moõiko oime pe yvy osyryhápe kamby ha eirete+ ere vaʼekue oréve oreguerahataha? Nde ningo neremeʼẽi oréve pe yvy ore erensiarã ni ore parraltyrã. ¿Ha reipota piko umi kuimbaʼe ndesegi peteĩ siégoicha? ¡No, ndorohomoʼãi asy!”.

15 Moisés katu orrenegaiterei ha heʼi Jehovápe: “Ñandejára, aníkena reguerohory chuguikuéra iñofrénda de semílla. Che ningo ni peteĩ vúrro ndaipeʼáiva chuguikuéra, ha arakaʼeve ndaperhudikáiva chupekuéra”.+

16 Upémarõ Moisés heʼi Corépe: “Koʼẽrõ pyhareve eñepresenta Jehová renondépe, nde ha enterove umi nemoirũva. Reju vaʼerã nde, umi nemoirũva ha Aarón. 17 Káda uno ojagarra vaʼerã imbaʼyru ha omoĩ pype insiénso, ha káda uno opresenta vaʼerã imbaʼyru insiénso reheve Jehová renondépe. Nde, Aarón ha umi 250 kuimbaʼe oñepresenta vaʼerã imbaʼyru reheve”. 18 Upémarõ káda uno ojagarra imbaʼyru ha omoĩ pype tatapỹi ha insiénso, ha opyta oñemboʼy hikuái Moisés ha Aarón ndive pe tavernákulo* entrádape. 19 Coré ha umi omoirũva chupe+ oñembyaty avei ikontrapekuéra pe tavernákulo entrádape, ha upe jave ojechauka Jehová podér tuichaitéva enterove umi israelítape pe tavernákulo ári.+

20 Ha Jehová heʼi Moisés ha Aarónpe: 21 “Pejaparta koʼã héntegui, ikatu hag̃uáicha ahundi chupekuéra peteĩ tesapirĩme”.+ 22 Upépe haʼekuéra oñesũ ha oñakãityete, ha heʼi: “Ñandejára, nde hína pe remoingovéva enterovépe.+ ¿Peteĩ kuimbaʼe opeka haguérente piko ndepochýta enterovete israelítandi?”.+

23 Upémarõ Jehová heʼi Moiséspe: 24 “Ere umi israelítape: ‘¡Pejeíke Coré, Datán ha Abiram róga* ypýgui!’”.+

25 Ha Moisés oho Datán ha Abiram rendápe, ha umi kuimbaʼe omoakãva*+ Israel oho avei hendive. 26 Moisés heʼi umi israelítape: “¡Pejeíkena koʼã kuimbaʼe aña róga ypýgui, ha ani pepoko ni peteĩ ikosakuérare, ani hag̃ua peñehundi avei ipekadokuéra káusare!”. 27 Upepete umi hénte ojei Coré, Datán ha Abiram róga ypýgui. Datán ha Abiram katu osẽ oñemboʼy hóga entrádape ha hendivekuéra hembireko, itaʼyrakuéra ha umi mitã mimi jepe.

28 Upéi Moisés heʼi: “Péicha peikuaáta Jehová chembou hague ajapo hag̃ua entéro koʼã mbaʼe, ha ndahaʼeiha chejehegui reínte ajapóva. 29 Koʼã hénte omanóramo omanoháichante avei umi ótro hénte, ojehúramo chupekuéra la mísma kósa ojehúva enterove umi héntepe, upéicharõ Jehová nachemboúi.+ 30 Péro Jehová ojapóramo hesekuéra peteĩ mbaʼe oñeimoʼãʼỹva, ha pe yvy ojeavríramo ha omokõmbaite chupekuéra vívo* ha avei entéro mbaʼe orekóva, upéicharõ peẽ peikuaa porãta koʼã kuimbaʼe ndorrespetái hague Jehovápe”.

31 Heʼipamírente koʼã mbaʼe, pe yvy ojeka ipy guypekuéra.+ 32 Ha pe yvy ojeavri ha omokõ chupekuéra ha hogakuéra, avei kompléto Coré hentekuérape,+ ijesklavokuéra ha opa mbaʼe orekóva hikuái. 33 Pe yvy omokõmbaite chupekuéra vívo,* avei ihentekuéra ha ijesklavokuérape, ha pe yvy oñemboty jey hiʼarikuéra. Péicha haʼekuéra oñehundi umi israelitakuéra apytégui.+ 34 Ohendúvo chupekuéra osapukái, enterove israelita oĩ vaʼekue ijerére odipara oho upégui, pórke okyhyjeterei hikuái ha heʼi: “¡Cháke pe yvy ñanemokõta avei!”. 35 Upévo osẽ tata Jehová oĩhágui,+ ha ojuka umi 250 kuimbaʼe opresenta vaʼekuépe insiénso.+

36 Upéi Jehová heʼi Moiséspe: 37 “Ere Eleazar, Aarón raʼýpe, toipeʼa pe tatágui umi mbaʼyru ojehapyha insiénso,+ pórke umíva sagrádo hína. Ere avei chupe tomosarambi pe tata mombyrymi upégui. 38 Umi mbaʼyru oipuru vaʼekue umi kuimbaʼe omanómava opeka haguére, oñemopererĩ vaʼerã ojejapo hag̃ua chugui chápa ha ojerrevesti pype pe altár,+ pórke koʼãva oñepresenta kuri Jehová renondépe ha sagrádoma avei. Koʼãva omomanduʼáta umi israelítape la oiko vaʼekue”.+ 39 Upémarõ Eleazar ojagarra umi mbaʼyru de kóvre opresenta vaʼekue umi okaipa ha omano vaʼekue. Upéi haʼe oinupã umi mbaʼyru ha omopererĩ orrevesti hag̃ua pe altár, 40 Jehová heʼi haguéicha Moisés rupive. Upéva omomanduʼáta umi israelítape ni peteĩ ndahaʼéiva saserdóte* ndaikatuiha oñemoag̃ui Jehová renondépe ohapy hag̃ua insiénso,+ ha avave ndojapói vaʼerãha Coré ha iñirũnguéra ojapo vaʼekue.+

41 Al día sigiénte enterovete umi israelita oñeʼẽ vai jey Moisés ha Aarón rehe,+ ha heʼi: “Peẽ mokõive pejukapa Jehová puévlope”. 42 Umi israelita oñembyatypárõ guare Moisés ha Aarón kóntrape, ojere hikuái omaña pe tavernákulo oĩha gotyo, ha upepete pe arai ojahoʼipa pe tavernákulo, ha Jehová podér tuichaitéva ojechauka chupekuéra.+

43 Upémarõ Moisés ha Aarón oho pe tavernákulo renondépe,+ 44 ha Jehová heʼi Moiséspe: 45 “Pejaparta koʼã hénte apytégui, ikatu hag̃uáicha ahundi chupekuéra peteĩ tesapirĩme”.+ Upepete haʼekuéra oñesũ ha oñakãityete.+ 46 Upéi Moisés heʼi Aarónpe: “Ejagarra pe mbaʼyru ha emoĩ pype tatapỹi pe altárgui.+ Ha emoĩ avei insiénso ha pyaʼe porã tereho umi hénte oĩháme, ha ejerure hesekuéra ikatu hag̃uáicha oñeperdona chupekuéra ipekádo,+ pórke Jehová ipochyetereíma hína ha peteĩ mbaʼasy ivaietereíva oñepyrũma”. 47 Upémarõ Aarón pyaʼe porã ojagarra koʼã mbaʼe Moisés heʼi vaʼekue, ha odipara oho umi hénte apytépe, ha upérõ g̃uarã pe mbaʼasy ivaietéva oñepyrũma ojagarra umi héntepe. Ha Aarón omoĩ insiénso imbaʼyrúpe ha ojerure hesekuéra, ikatu hag̃uáicha oñeperdona chupekuéra ipekádo. 48 Haʼe opyta oñemboʼy umi omano vaʼekue ha umi oikovéva gueteri apytépe, ha mbeguekatúpe opa ohóvo pe mbaʼasy vai. 49 Umi omano vaʼekue pe mbaʼasy vaígui ohupyty en totál 14.700, péro umívape ndoikéi hína umi omano vaʼekue Coré káusare. 50 Upéi Aarón oho jey Moisés rendápe pe tavernákulo entrádape opa rire pe mbaʼasy vaiete.

17 Upéi Jehová heʼi Moiséspe: 2 “Ere umi israelítape togueru ndéve peteĩ vastón por káda trívu, umi omoakãva umi trívu+ omeʼẽ vaʼerã ndéve en totál 12 vastón, ha káda uno réra reskrivi vaʼerã ivastónre. 3 Reskrivi vaʼerã Aarón réra pe vastón orrepresentávare Leví trívupe, pórke oĩ peteĩ vastón káda trívupe g̃uarã. 4 Emoĩ umi vastón pe tavernákulope,* pe Árka del Pákto*+ renondépe, upe lugár ajechaukahápe jepi ndéve.+ 5 Ha pe kuimbaʼe che aiporavóva,+ ivastón ipotykurúta ha péicha ajurumbotýta umi israelítape anivéma hag̃ua oñeʼẽ vai cherehe+ ni penderehe avei”.+

6 Upémarõ Moisés oñeʼẽ umi israelítandi, ha umi kuimbaʼe omoakãva káda trívu omeʼẽ chupe peteĩ vastón, en totál 12 vastón, ha umíva apytépe oĩ avei Aarón vastón. 7 Upéi Moisés ogueraha omoĩ umi vastón Jehová renondépe pe tavernákulope, oĩháme pe Árka del Pákto.*

8 Al día sigiénte Moisés oike pe tavernákulope, oĩháme pe Árka del Pákto,* ha ohecha ipotykuruha Aarón vastón orrepresentáva Leví trívupe. Pe ivastón heta ipotykuru, ipotypa ha oreko voi heta alméndro hiʼajupámava. 9 Upéi Moisés oguenohẽ umi vastón Jehová renondégui ohecha hag̃ua pe puévlo de Israel. Haʼekuéra ohecha, ha umi kuimbaʼe omoakãva chupekuéra ogueraha ivastón.

10 Upémarõ Jehová heʼi Moiséspe: “Emoĩ jey Aarón vastón+ pe Árka del Pákto* renondépe omomanduʼa+ hag̃ua umi irrevéldeva familiakuérape koʼã mbaʼe oiko vaʼekue,+ anive hag̃ua oñeʼẽ vai cherehe ha pono omano hikuái”. 11 Upéi pyaʼe porã Moisés ojapo Jehová heʼíva chupe. Heʼi hagueichaite chupe ojapo.

12 Upépe umi israelita heʼi Moiséspe: “¡Koʼág̃a katuete romanombáta, kompletoite voi roñehundipáta! 13 Oimeraẽ oñemoag̃uíva Jehová tavernákulore ningo omanóta.+ ¿Ha péicha piko ore romanomba vaʼerã?”.+

18 Upéi Jehová heʼi Aarónpe: “Nde, nde raʼykuéra ha umi ne familiarépe ojekulpáta oĩramo nokumplíriva umi léi oñeʼẽva pe lugár sagrádore+ ha avei ndojejapoporãiramo pe traváho ojapo vaʼerã umi saserdóte.+ 2 Ere avei umi ne ermanokuéra levítape, umi nde túa trivupeguápe toñemoag̃ui, ikatu hag̃uáicha nepytyvõ ndéve ha nde raʼykuérape+ pe tavernákulo renondépe, upe oĩháme pe Árka del Pákto.*+ 3 Umi levita ojapo vaʼerã pe traváho remeʼẽva chupekuéra ha avei opa mbaʼe ojejapo vaʼerã pe tavernákulope.+ Péro haʼekuéra noñemoag̃uíri vaʼerã umi tembiporu oĩvare pe lugár sagrádope ha pe altárpe, pórke upéicharõmante napemanomoʼãi peẽ ni haʼekuéra.+ 4 Haʼekuéra nemoirũta ha ojapóta umi tembiapo remeʼẽva chupekuéra pe tavernákulope* ha opa mbaʼe tekotevẽva ojejapo upépe, péro ni peteĩ ndahaʼéiva saserdóte* ndaikatumoʼãi oñemoag̃ui penderehe.+ 5 Peẽ peñenkarga vaʼerã umi traváho otokávare peẽme pe lugár sántope+ ha pe altárpe,+ ani hag̃ua chepochy+ jey umi israelítare. 6 Umi israelita apytégui, che, Jehová, ameʼẽ peẽme umi pene ermáno levítape peteĩ rregáloramo.+ Haʼekuéra chembaʼe hína ha ombaʼapóta pe tavernákulope.+ 7 Nde ha nde raʼykuéra peiméta rresponsávle umi traváho ojapo vaʼerãre umi saserdotekuéra, tahaʼe pe altárpe térã pe kortína+ rire,* ha peẽ pejapo porã vaʼerã pene rembiapo.+ Koʼã traváho ojapo vaʼerã umi saserdóte ningo che ameʼẽ peẽme peteĩ rregáloramo. Ha oimeraẽ ndahaʼéiva saserdóte* oñemoag̃uíramo pe tavernákulore, ojejuka vaʼerã”.+

8 Jehová oñeʼẽ jey Aarónpe ha heʼi chupe: “Aheja nde kárgope umi kontrivusión oñemeʼẽva chéve g̃uarã.+ Ameʼẽ ndéve ha nde raʼykuérape peteĩ párte entéro kontrivusión sagráda omeʼẽvagui umi israelita, upéva opytátama peẽme g̃uarã.+ 9 Koʼã ofrénda ojehapýva sagradoiterei hína, ha opytáta nembaʼerã ha nde raʼykuérape g̃uarã: entéro umi ofrénda de semílla,+ entéro ofrénda ojepaga hag̃ua umi pekádore+ ha umi ofrénda por la kúlpa+ haʼekuéra oguerúva ha ojapóva chéve g̃uarã. Koʼãva hína umi mbaʼe sagradoitereíva ndéve g̃uarã ha nde raʼykuérape g̃uarã. 10 Peẽ peʼu vaʼerã koʼã ofrénda peteĩ lugár sagrádope.+ Enterove kuimbaʼe ikatu hoʼu. Upéva sagrádo hína ndéve g̃uarã.+ 11 Koʼã mbaʼe opytáta avei ndéve g̃uarã: umi mbaʼe oguerúva chéve umi israelita rregáloramo+ ha avei umi iñofrénda oñembokacháva.+ Che ameʼẽ ndéve, nde raʼykuérape ha nde rajykuérape, ha upéva ahejaitéma peẽme g̃uarã.+ Enterove ipotĩva oĩva nde rógape ikatúta hoʼu.+

12 Umi mbaʼe iporãvéva oguerúva hikuái Jehovápe, che ameʼẽ avei ndéve: pe trígo tenonderãite okosecháva hikuái,+ pe víno ha pe aséite ipyahuvéva.+ 13 Umi tenonderãite okosecháva hikuái umi mbaʼe oprodusívagui ijyvy, haʼekuéra oguerúta Jehovápe, ha umíva penembaʼerã hína.+ Enterove ipotĩva oĩva nde rógape ikatúta hoʼu.

14 Entéro mbaʼe umi israelita omeʼẽtéva chéve,* opytáta penembaʼerã.+

15 Entéro umi ijypykue+ haʼekuéra oguerútava Jehovápe, tahaʼe itaʼýra ypykue térã umi animál raʼy ypykue, umíva penembaʼerã hína. Péro katuete opaga vaʼerã hikuái umi itaʼýra ypykue rehe,+ ha opaga vaʼerã avei hikuái umi animál naipotĩrivare che renondépe.+ 16 Haʼekuéra opaga vaʼerã umi ijypykuéva rehe orekópe un mes pára arríva, 57 grámo* de pláta,+ asegún pe kiláhe ojepurúva pe tavernákulope. Ha pe siclo ojepurúva pe tavernákulope oreko vaʼerã 20 guerá.* 17 Péro umi tóro raʼy ypykue, umi ovecha raʼy ypykue mácho ha umi kavara raʼy ypykuére añoite ndopagái vaʼerã hikuái,+ umíva sagrádo hína. Koʼãva ruguykuépe nde rehypýi vaʼerã pe altár+ ha ikyrakue katu rehapy vaʼerã ikatu hag̃uáicha otimbo ha hyakuã asy* Jehovápe g̃uarã, ojejapoháicha pe ofrénda ojehapýva.+ 18 Umi animál roʼokue opytáta nembaʼerã, opytaháicha avei ndéve g̃uarã umi animál pechokue ha ikuartokue a la derechapegua oñembokacha vaʼekue Ñandejára renondépe.+ 19 Entéro umi kontrivusión sagráda umi israelita omeʼẽva Jehovápe ameʼẽma ndéve,+ nde raʼykuérape ha nde rajykuérape, ha umíva ahejaitéma peẽme g̃uarã.+ Péva peteĩ kompromíso* opytátava heta tiémpore, Jehová ojapóva nendive ha ne familiare ndive”.

20 Upéi Jehová heʼi Aarónpe: “Umi israelitakuéra apytépe ndereguerekomoʼãi peteĩ erénsia ni nde yvyrã.+ Che hína pe párte otokáva ndéve ha ne erénsia umi israelitakuéra apytépe.+

21 Che ameʼẽma umi levítape imbaʼerã pe diésmo*+ opa mbaʼe ojeprodusívagui Israélpe, ojapo haguére hikuái pe tembiapo oñemeʼẽva chupekuéra pe tavernákulope. 22 Umi israelita noñemoag̃uivéima vaʼerã pe tavernákulore, pórke ojapóramo upéicha opekáta ha omanóta. 23 Umi levita okumpli vaʼerã umi hembiapo pe tavernákulope ha chupekuéra ojekulpáta oĩramo nokumplíriva umi léi oñeʼẽva pe lugár sagrádore.+ Umi israelitakuéra apytépe noñemeʼẽmoʼãi chupekuéra peteĩ erénsia. Kóva peteĩ léi siémpre okumpli vaʼerã haʼekuéra ha ifamiliare.+ 24 Che ameʼẽma rupi umi levítape imbaʼerã pe diésmo omeʼẽtava umi israelita, upéva haʼekuéra omeʼẽta hína Jehovápe g̃uarã. Upévare che haʼéma voi kuri: ‘Umi israelitakuéra apytépe noñemeʼẽmoʼãi chupekuéra peteĩ erénsia’”.+

25 Upéi Jehová heʼi Moiséspe: 26 “Ere umi levítape: ‘Umi israelita omeʼẽta peẽme pe diésmo, ha upéva opytáta peẽme pene erensiarã.+ Ha upe diésmogui peẽ pemeʼẽ jey vaʼerã peteĩ diésmo Jehovápe.+ 27 Upéva haʼéta pene kontrivusión chéve g̃uarã, haʼeramoguáicha pende semílla,+ víno ha aséite teete. 28 Péicha peẽ avei pemeʼẽta Jehovápe pene kontrivusión pe diésmo omeʼẽvagui peẽme umi israelita. Ha upe kontrivusión pemeʼẽtava Jehovápe g̃uarã, pemeʼẽ vaʼerã pe saserdóte Aarónpe. 29 Opa mbaʼe oñemeʼẽva peẽme sagrádo hína, ha umívagui peẽ pemeʼẽ vaʼerã Jehovápe iporãnguete’.+

30 Ha ere vaʼerã chupekuéra: ‘Peẽ pemeʼẽ vove iporãnguete umi kontrivusióngui, upéicharõ upéva haʼéta chéve g̃uarã pende semílla, víno ha aséite teete. 31 Peẽ ha pende rogaygua ikatúta peʼu oimehápe, pórke upéva hína pene rembiapo repykue, pembaʼapo haguére pe tavernákulope.+ 32 Pemeʼẽramo pe iporãvéva umi kontrivusióngui, peẽ ndapepekamoʼãi. Avei ndapeipuruvaíri vaʼerã umi mbaʼe sagrádova umi israelita omeʼẽva, pórke osino pemanóta’”.+

19 Jehová oñeʼẽ jey Moisés ha Aarónpe, ha heʼi: 2 “Che, Jehová, ameʼẽ peẽme ko léi: ‘Ere umi israelítape togueru ndéve peteĩ vakílla pytã, isánova ha ndoguerekóiva ni peteĩ defékto,+ ha ndojejokuáiva gueteri júgore. 3 Peẽ pemeʼẽ vaʼerã Eleazar pe saserdótepe oguenohẽ hag̃ua pe kampaméntogui, ha pe vakílla ojejuka vaʼerã henondépe. 4 Upéi Eleazar ojagarra vaʼerã michĩmi pe vakílla ruguykue ha omoheʼõ pype ikuã. Ha upe tuguýpe ohypýi vaʼerã pe yvy 7 vése pe tavernákulo* entráda oĩha gotyo.+ 5 Upéi pe vakílla ojehapýta henondépe. Ojehapýta pe vakílla pirekue, hoʼokue, huguykue ha hekakakue.+ 6 Ha pe saserdóte ojagarra vaʼerã sédro rakã, ñana máso* ha ílo pytã asýva, ha opoi pe tatápe pe vakílla okái jave. 7 Upéi pe saserdóte ojohéi vaʼerã ijao ha ojahu, ha upe rire ae ikatúta oike jey pe kampaméntope, péro opytáta ikyʼa kuarahy oike peve.

8 Pe ohapy vaʼekue pe vakílla, ojohéi vaʼerã avei ijao ha ojahu, ha opytáta ikyʼa kuarahy oike peve.

9 Peteĩ kuimbaʼe ipotĩva ombyatýta pe vakílla+ ojehapy vaʼekue tanimbukue ha ogueraháta omoĩ peteĩ lugár ipotĩvape mombyry pe kampaméntogui. Ha upe tanimbu oñeñongatu vaʼerã ojeprepara hag̃ua pe y oipurútava umi israelita omopotĩ hag̃ua umi mbaʼe ikyʼáva.+ Péva peteĩ ofrénda ojepaga hag̃ua umi pekádore. 10 Pe kuimbaʼe ombyaty vaʼekue pe vakílla tanimbukue ojohéi vaʼerã avei ijao ha ojahu, ha opytáta ikyʼa kuarahy oike peve.

Kóva haʼéta peteĩ léi siémpre okumpli vaʼerã umi israelita ha umi extranhéro oikóva pende apytépe:+ 11 oimeraẽ opokóva peteĩ omano vaʼekuére opytáta ikyʼa 7 día.+ 12 Pe tercer díape haʼe oñemopotĩ vaʼerã pe y ojepurúvape oñemopotĩ hag̃ua umi ikyʼávape, ha pe séptimo díape opytátama ipotĩ. Péro noñemopotĩriramo pe tercer díape, haʼe naipotĩmoʼãi gueteri pe séptimo díape. 13 Oĩramo opokóva peteĩ omano vaʼekuére ha noñemopotĩri chupe, haʼe omongyʼáma Jehová tavernákulo.+ Upéicharõ upe persónape ojejuka vaʼerã,+ pórke ndojehypýiri kuri chupe pe y ojepurúvape oñemopotĩ hag̃ua umi ikyʼávape,+ ha upévare haʼe osegi gueteri ikyʼa.

14 Kóva ko léi oñekumpli vaʼerã peteĩ kuimbaʼe omanóramo peteĩ ógape:* enterove oikéva upe ógape ha enterove oĩmava voi upe ógape, opytáta ikyʼa 7 día. 15 Entéro mbaʼyru ndojetapaporãi vaʼekue,* opytáta ikyʼa.+ 16 Oimeraẽ oĩva ñúre ha opokóva peteĩ ojejuka vaʼekuére espádape, térã peteĩ teʼonguére, ỹrõ peteĩ omano vaʼekue kanguekuére térã peteĩ sepultúrare, upéicharõ opytáta ikyʼa 7 día.+ 17 Ha oñemopotĩ hag̃ua upe persónape, ojejagarra vaʼerã michĩmi pe vakílla tanimbukue ojepurúva ojepaga hag̃ua umi pekádore ha ojehapy vaʼekue. Upe tanimbu oñemoĩ vaʼerã peteĩ mbaʼyrúpe ha oñeñohẽ hiʼári y ipotĩva. 18 Upéi peteĩ kuimbaʼe ipotĩva+ ojagarráta peteĩ ñana máso ha omoingéta pe ýpe ha ohypýita pe óga, umi mbaʼyru ha umi hénte oĩ vaʼekuépe upépe. Avei ohypýita umi opoko vaʼekuépe peteĩ omano vaʼekue kanguekuére, térã opoko vaʼekue peteĩ ojejuka vaʼekuére, peteĩ teʼonguére térã peteĩ sepultúrare. 19 Pe kuimbaʼe ipotĩva ohypýita pe persóna ikyʼávape pe tercer díape, ha avei pe séptimo díape. Péicha haʼe omopotĩta chupe ipekádogui pe séptimo díape.+ Upéi haʼe ojohéi vaʼerã ijao ha ojahu, ha ipotĩ jeýta kuarahy oike rire.

20 Péro pe persóna oñemongyʼa vaʼekue noñemopotĩriramo, upéicharõ ojejuka vaʼerã chupe,+ pórke omongyʼáma Jehová tavernákulo. Chupe ndojehypýiri kuri pe y ojepurúvape oñemopotĩ hag̃ua umi ikyʼávape, upévare haʼe ikyʼa.

21 Kóva hína peteĩ léi siémpre pekumpli vaʼerã: pe ohypýiva hapichápe pe y ojepurúvape oñemopotĩ hag̃ua umi ikyʼávape,+ ojohéi vaʼerã ijao, ha upe opoko vaʼekue upe ýre opytáta ikyʼa kuarahy oike peve. 22 Oimeraẽ mbaʼe opokóvare pe persóna ikyʼáva, opytátama avei ikyʼa. Ha oĩramo ótro opokóva koʼã mbaʼére, opytáta avei ikyʼa kuarahy oike peve’”.+

20 Pe primer méspe, kompletoite umi israelita oike pe desiérto de Zínpe, ha opyta oiko hikuái pe lugár héravape Cadés.+ Upépe Míriam+ omano ha oñeñotỹ.

2 Upe lugárpe ndaipóri y hoyʼu hag̃ua hikuái,+ upévare oñembyaty hikuái Moisés ha Aarón kóntrape. 3 Ha umi israelita oñepyrũ oiko vai Moisés ndive+ ha heʼi chupe: “¡Ikuentave vaʼerãmoʼã romanomba kuri ore ermanokuéra omanórõ guare Jehová renondépe! 4 ¿Maʼerã piko pegueru Jehová puévlope pejukapa hag̃ua ko desiértope? Ore ha ore rymbakuéra ningo romanombáta koʼápe.+ 5 ¿Maʼerã piko oreguenohẽ raʼe Egíptogui oregueru hag̃ua ko lugár vaietépe?+ ¡Koʼápe ndaikatúi ñañotỹ mbaʼeveichagua semílla, ni ígo, ni parrál ni granáda, ha ndaipóri avei y royʼu hag̃ua!”.+ 6 Upémarõ Moisés ha Aarón osẽ umi israelita oĩhágui ha oho pe tavernákulo* entrádape, oñesũ ha oñakãityete hikuái. Ha upe javete Jehová ojechauka chupekuéra.+

7 Ha Jehová heʼi Moiséspe: 8 “Ejagarra ne vastón, ha nde ha ne ermáno Aarón pembyaty vaʼerã pe puévlope. Ha henondepekuéra peje pe ita guasúpe tosẽ chugui y, ha péicha nde remeʼẽta chupekuéra y, hoʼu hag̃ua haʼekuéra ha avei hymbakuéra”.+

9 Upémarõ Moisés ojagarra ivastón oĩ vaʼekue Jehová renondépe,+ haʼe heʼi hagueichaite chupe. 10 Upéi Moisés ha Aarón heʼi umi héntepe oñembyaty hag̃ua pe ita guasu renondépe, ha Moisés heʼi chupekuéra: “¡Peẽ rrevélde peikóva, pehendumi la haʼétava peẽme! ¿Peẽ piko peipota hína roguenohẽ peẽme y ko ita guasúgui?”.+ 11 Upévo Moisés ohupi ivastón ha oinupã pe ita guasu 2 vése. Ha pe y oñepyrũ osẽ chugui, ha enterove umi hénte ha hymbakuéra hoyʼu joa upépe.+

12 Upéi Jehová heʼi Moisés ha Aarónpe: “Peẽ ndapehechaukái rupi pejeroviaha cherehe ha nachemombaʼeguasúi haguére umi israelitakuéra renondépe, peẽ napemoingemoʼãi ko puévlope pe yvy apromete vaʼekuépe ameʼẽtaha chupekuéra”.+ 13 Koʼãva hína Meribá* ykuéra,+ upe lugárpe ningo umi israelita oiko vai vaʼekue Jehovándi. Ha upérõ haʼe omombaʼeguasu héra pe puévlo renondépe.

14 Upémarõ Moisés omondo Cadésgui peteĩ mensahéro pe rréi de Edom rendápe,+ heʼi hag̃ua chupe: “Umi israelita ningo ne ermáno+ ha heʼika ndéve: ‘Nde ningo reikuaa porã umi mbaʼe vai rohasámava. 15 Ore tuakuéra ningo oho vaʼekue Egíptope,+ ha roiko upépe heta áñore.+ Umi egipcio katu heta oremaltrata, oréve ha ore tuakuérape.+ 16 Upéi rojerure asy Jehovápe orepytyvõmi hag̃ua,+ ha haʼe ohendu ore ñemboʼe ha omondo peteĩ ánhel+ oreguenohẽ hag̃ua Egíptogui, ha koʼág̃a ápe roime hína Cadéspe oĩva nde território ypyetépe. 17 Upévare rojerurese ndéve ikatúramo rohasami hag̃ua nde territóriorupi. Ndoroikemoʼãi ni peteĩ pende kokuépe ni pende parraltýpe ha ndoroyʼumoʼãi avei ni peteĩ pende pósogui. Ore rohótante pe Rréi Rapérupi ha ndorojedesviamoʼãi upe tapégui a la derécha ni a la iskiérda, rohasapa peve nde território’”.+

18 Péro pe rréi de Edom heʼika chupekuéra: “Peẽ ndapehasái vaʼerã che territóriorupi, cháke pehasáramo asẽta peẽme espáda reheve pojukapa hag̃ua”. 19 Upémarõ umi israelita heʼika chupe: “Ore ningo rohótante pe tape guasúre, ha ore térã ore rymbakuéra roʼúramo nde y, ropagáta hese.+ Oréngo rohasasénte yvýrupi nde territóriorupi”.+ 20 Upéicharõ jepe pe rréi de Edom heʼika jey chupekuéra: “Peẽ ndapehasamoʼãi che territóriorupi”.+ Upémarõ pe rréi de Edom osẽ ohug̃uaitĩ chupekuéra ha oraha hendive hetaiterei hénte ha peteĩ ehérsito ipoderósova. 21 Péicha pe rréi de Edom nopermitíri umi israelítape ohasa iterritóriorupi, upévare haʼekuéra ojerénte chugui.+

22 Upéi entéro umi israelita osẽ oho Cadésgui ha og̃uahẽ hikuái Sérro Hórpe.+ 23 Ha Jehová oñeʼẽ Moisés ha Aarónpe pe Sérro Hórpe, upe montáña opyta hína umi edomita território opahápe. Upépe haʼe heʼi chupekuéra: 24 “Aarón omanóta ha oñeñotỹta umi ituakuéra ypykuéicha.*+ Haʼe ndoikemoʼãi pe yvy che ameʼẽtavape umi israelítape, pórke peẽ mokõivéva napechemombaʼeguasúi kuri Meribá y kóstape.+ 25 Eraha Aarón ha itaʼýra Eleazárpe ha pejupi Sérro Hórpe. 26 Eipeʼa Aaróngui pe ao oipurúva pe saserdóte+ ha emonde itaʼýra Eleazar+ rehe, upéi Aarón omanóta upépe”.

27 Upémarõ Moisés ojapo Jehová heʼi hagueichaite chupe, ha ojupi hikuái pe Sérro Hórpe. Ha entéro umi israelita omaña hesekuéra. 28 Upéi Moisés oipeʼa Aaróngui pe ao oipurúva pe saserdóte ha omonde Aarón raʼy Eleazar rehe. Upe rire Aarón omano upe montáña ári.+ Ha Moisés ha Eleazar oguejy pe montáñagui. 29 Umi israelita ohechakuaávo Aarón omano hague, enterove hasẽ joa ha oñembyasy hese hikuái 30 día aja.+

21 Pe rréi de Arad,+ pe cananeo oikóva hína Néguebpe oikuaárõ guare umi israelita ouha hína Atarim rapére, osẽ oataka umi israelítape ha unos kuántope ojagarra ha ogueraha. 2 Upémarõ umi israelita ojapo peteĩ kompromíso Jehovándi, ha heʼi chupe hikuái: “Oreajudáramo rojagarra hag̃ua ko puévlo, ore katuete rohundipaitéta umi isiudakuéra”.* 3 Jehová ohendu umi israelítape ha oipytyvõ chupekuéra ipuʼaka hag̃ua umi cananéore. Ha umi israelita ohundipaite chupekuéra, ohundi umi héntepe ha isiudakuéra entéro. Upévare ombohéra hikuái upe lugár Hormá.*+

4 Upéi umi israelita okontinua iviáhe Sérro Hor guive,+ ha oho hikuái pe Mar Rojo rapére ojere hag̃ua Edom territóriogui,+ ha tapére ou ikaneʼõiterei hikuái. 5 Ha umi hénte oñepyrũ oñeʼẽ vai Ñandejára ha Moisés kóntrape,+ ha heʼi: “¿Maʼerã piko oreguenohẽ raʼe Egíptogui orejukapa hag̃ua ko desiértope? Koʼápe ndaipóri y ni mbaʼeve jaʼu hag̃ua,+ ha orembyajúma avei ko maná puerkésa”.+ 6 Upémarõ Jehová ombou chupekuéra mbói iponsóñava ha oisuʼu chupekuéra, upéicha rupi heta israelita omano.+

7 Ha umi hénte ou Moisés rendápe ha heʼi chupe: “Ore ningo rofalla roñeʼẽ vaívo Jehováre ha avei nderehe.+ Eñeʼẽmína Jehovápe orerehehápe ha ejerure chupe toipeʼami umi mbói ore apytégui”. Ha Moisés ojerure asy Ñandejárape pe puévlo rehehápe.+ 8 Upémarõ Jehová heʼi Moiséspe: “Ejapo peteĩ mbói iponsóñava raʼanga ha emoĩ peteĩ póstere. Upéicharõ peteĩ mbói oisuʼúramo peteĩ persónape, omaña vaʼerã pe mbói raʼangáre ha nomanomoʼãi”. 9 Moisés ensegída ojapo peteĩ mbói raʼanga kóvregui+ ha omoĩ peteĩ póstere.+ Ha umi mbói oisuʼu jave umi héntepe, haʼekuéra omaña pe mbói raʼangáre ha nomanói.+

10 Upe rire umi israelita osẽ ha oho oiko pe lugár héravape Obot.+ 11 Upéi osẽ jey hikuái Obótgui ha oho oiko pe lugár héravape Iyé-Abarim,+ opytáva pe desiérto oĩvape Moab rovái, éste gotyo. 12 Upe rire osẽ hikuái upégui ha oho opyta Zered Ñúme.*+ 13 Upéi oho hikuái oiko peteĩ sóna héravape Arnón,+ ko lugár oĩ hína pe desiérto og̃uahẽvape umi amorreokuéra território oríllape. Umi moabita território katu og̃uahẽ Arnón peve, upéicharõ Arnón opyta éntre umi amorreokuéra território ha umi moabitakuéra território. 14 Upévare pe lívro oñeʼẽvape Jehová Gerrakuéra rehe imanduʼa koʼã lugár rehe, heʼívo: “Vaheb oĩva Sufápe ha umi lugár oĩva Arnón ñúme,* 15 ha umi ñu* vaháda ojepysóva Ar oĩha gotyo ha oho hese Moab oríllare”.

16 Upéi oho hikuái Beer peve. Upépe oĩ pe póso Jehová heʼi haguépe Moiséspe: “Embyaty pe puévlope ha che ameʼẽta chupekuéra y”.

17 Upérõ umi israelita opurahéi ha heʼi:

“¡Tosẽ y pe pósogui! ¡Tojepurahéi chupe!*

Upéi haʼekuéra osẽ pe desiértogui ha oho pe lugár héravape Mataná. 19 Matanágui oho hikuái Nahaliélpe ha upégui oho jey hikuái Bamótpe.+ 20 Ha Bamótgui oho hikuái pe ñu guasu oĩvape umi moabitakuéra territóriope,+ opytáva hína Pisgá altúrape.+ Upe lugár guive ikatu ojehecha Jesimón.+

21 Upéi umi israelita omondo mensahéro Sehón rendápe, umi amorreokuéra rréi rendápe. Ha heʼika chupe:+ 22 “Rojerurese ndéve permíso rohasami hag̃ua nde territóriorupi. Ndoroikemoʼãi ni peteĩ pende kokuépe ni pende parraltýpe ha ndoroyʼumoʼãi avei ni peteĩ pende pósogui. Ore rohótante pe Rréi Rapérupi rohasapa peve nde território”.+ 23 Péro pe rréi Sehón nopermitíri umi israelítape ohasa iterritóriorupi. Upéva rangue oho ombyaty ipuévlope ha osẽ umi israelitakuéra kóntrape pe desiértope. Haʼe oho oñorairõ umi israelítandi pe lugár héravape Jáhaz.+ 24 Ha umi israelita oñorairõ hendivekuéra espáda reheve+ ha ogana chupekuéra, ha ojagarra chuguikuéra ijyvy+ Arnón+ guive Jaboc+ peve, oĩva hína umi ammonita território ypýpe. Péro ndohasái hikuái Jazer,+ pórke upe peve og̃uahẽ hína umi ammonita território.+

25 Umi israelita ojagarrapaite umi amorreokuéra+ siuda ha oñepyrũ oiko upépe, oiko hikuái Hesbónpe ha umi puevloʼi oĩvape ijerére. 26 Hesbón haʼe vaʼekue pe siuda oiko haguépe Sehón, umi amorreokuéra rréi. Haʼe ningo oñorairõ kuri pe rréi de Moab ndive ha oipeʼa chugui ijyvy Arnón peve. 27 Upéicha rupi ojejapo vaʼekue peteĩ poesía oñeñembohory hag̃ua upe oiko vaʼekuére:

“¡Peju Hesbónpe!

¡Toñemopuʼã pe siuda de Hesbón ha toñemopyenda mbarete pe iváse!

28 ¡Pórke Hesbóngui osẽ tata, peteĩ tatarendy osẽ kuri Sehón retãgui!

¡Upéva ombokusugue Árpe, oĩva hína Moábpe, ha ohundipaite umi kuimbaʼe omanda guasúva oikóvape umi serroháre Arnónpe!

29 ¡Aichejáranga Moab, Kemós+ retã! ¡Reñehundipaitéta!

¡Itaʼyrakuéra odiparapáta, ha Sehón umi amorreokuéra rréi, ojagarrapaitéta umi itajyrakuéra!

¡Ojagarrapáta pe tata Medebá peve!”.+

31 Péicha umi israelita oñepyrũ oiko umi amorreokuéra yvýpe. 32 Upéi Moisés omondo unos kuánto kuimbaʼe Jazérpe+ ovichea hag̃ua upe lugár. Umi israelita ojagarra umi puevloʼi oĩva ijerére ha omosẽmba umi amorreokuéra oikóvape umírupi. 33 Upe rire ojere ha oho hikuái Basán Rapére. Upémarõ Og+ pe rréi de Basán ha entéro ijehérsito osẽ oñorairõ umi israelítandi Edréipe.+ 34 Ha Jehová heʼi Moiséspe: “Ani rekyhyje chugui,+ pórke roipytyvõta rejagarra hag̃ua chupe, ipuévlo ha ijyvy kompletoite.+ Ha rejapóta hese rejapo hagueichaite Sehón rehe, umi amorreokuéra rréi oiko vaʼekue Hesbónpe”.+ 35 Upémarõ umi israelita ojuka pe rréipe, itaʼyrakuérape, ipuévlope, ha ni peteĩ ndopytái.+ Upéi ojagarra chuguikuéra ijyvy.+

22 Upe rire umi israelita osẽ ha oho oiko pe desiérto de Moábpe, oĩva hína pe Jordánpe, Jericó rovaiete.+ 2 Ha Balac,+ Zipor raʼy, ohecha opa mbaʼe ojapo vaʼekue Israel umi amorreokuérare, 3 upéicha rupi haʼe ha umi moabita okyhyjeterei, pórke hetaiterei umi israelita. Umi moabita ningo oryrýi osusũ opytávo okyhyjetereígui chuguikuéra.+ 4 Upémarõ umi moabita heʼi umi kuimbaʼe omoakãvape* Madián:+ “Koʼã hénte ningo ohundipaitéta opa mbaʼe oĩva ñande jerére ha omoperõta ñande yvy, umi tóro omoperõháicha pe kapiʼipe”.

Upérõ ningo Balac, Zipor raʼy, rréi kuri Moábpe. 5 Haʼe omondo peteĩ mensahéro Balaam rendápe. Balaam hína Beor raʼy ha oiko siuda de Petórpe,+ oĩva hína Rrío Éufrates ypýpe. Balac ohenoika chupe ha heʼi: “Peteĩ puévlo osẽ kuri Egíptogui ha hetaitereígui hikuái ojagarrapaite voi ko yvy,+ ha koʼág̃a oiko hína hikuái che território renondetépe. 6 Upévare ajerure ndéve ejumi hag̃ua ha emaldesi chéve ko puévlo,+ pórke haʼekuéra ningo imbareteve chehegui. Upéicharõ ikatu mbaʼe chepuʼaka hesekuéra ha amosẽmba chupekuéra upe lugár oĩhágui, pórke che aikuaa porã nde revendesívape oñevendesi, ha upe remaldesívape oñemaldesi”.

7 Upémarõ umi kuimbaʼe omoakãva Moab ha Madián oho Balaam+ rendápe, ha ogueraha chupe pláta oporomaldesi* hag̃ua. Haʼekuéra omombeʼu avei mbaʼe mbaʼépa heʼika chupe Balac. 8 Ha Balaam heʼi chupekuéra: “Pepytána peke koʼápe ko pyharépe, ha amombeʼúta peẽme mbaʼépa heʼi chéve Jehová”. Upémarõ umi prínsipe de Moab opyta oke Balaam rógape.

9 Ha Ñandejára oñeʼẽ Balaámpe ha heʼi:+ “¿Mávaiko koʼã kuimbaʼe opytáva nendive?”. 10 Balaam heʼi Ñandejára teépe: “Balac, Zipor raʼy, Moabpegua rréi heʼika chéve: 11 ‘Pe puévlo osẽ vaʼekue Egíptogui ningo hetaiterei, ojagarrapaite voi ko yvy, upévare ejumína ha emaldesi chéve ko puévlo,+ upéicharõ ikatu mbaʼe chepuʼaka hesekuéra ha amosẽ upe oĩhágui’”. 12 Péro Ñandejára heʼi Balaámpe: “Nderehói vaʼerã hendivekuéra, ha neremaldesíri vaʼerã pe puévlope, pórke che avendesíma chupekuéra”.+

13 Upéi Balaam opuʼã pyharevete ha heʼi umi prínsipe ombou vaʼekuépe Balac: “Tapeho jeýnte pene retãme, pórke Jehová nopermitíri chéve aha penendive”. 14 Upémarõ umi prínsipe de Moab osẽ oho jey Balac rendápe, ha heʼi chupe: “Balaam ndouséi orendive”.

15 Péro Balac omondo jey unos kuánto prínsipe hendápe, ha omondo voi hetave ha iñimportantevéva umi primero oho vaʼekuégui. 16 Haʼekuéra og̃uahẽ Balaam rendápe ha heʼi chupe: “Balac, Zipor raʼy, heʼika ndéve: ‘Anína reheja mbaʼeve ndejoko reju hag̃ua che rendápe, 17 pórke che ameʼẽta ndéve heta mbaʼe ha rombotuicháta, ha ajapóta oimeraẽ mbaʼe reipotáva. Ejumíntena che rendápe ha emaldesi chéve ko puévlope’”. 18 Péro Balaam heʼi Balac siervokuérape: “Balac omeʼẽramo jepe chéve hóga renyhẽ pláta ha órogui, che ndaikatumoʼãi ajapo mbaʼeve Jehová ndeʼíriramo chéve, tahaʼe michĩva térã tuicháva.+ 19 Péro pepytána avei koʼápe ko pyharépe, ha jahecha mbaʼépa heʼi chéve Jehová”.+

20 Upéi, upe pyharépe Ñandejára oñeʼẽ Balaámpe ha heʼi: “Oimérõ koʼã kuimbaʼe ou raʼe nde piári, tereho hendivekuéra. Péro nde ere vaʼerã umi mbaʼe che haʼéva añoite ndéve”.+ 21 Upémarõ Balaam opuʼã pyharevete, onsilla hymba vúrro* ha oho umi prínsipe de Moab ndive.+

22 Péro Ñandejára orrenegaiterei Balaam oho haguére, ha Jehová ánhel oho oñemoĩ pe tapépe ohapejoko hag̃ua chupe. Balaam ningo oho hína kuri hymba vúrro ári, ha mokõi isiérvo oho avei hendive. 23 Péro pe vúrro ohechávo Jehová ánhel oñemboʼyha hína pe tape mbytépe ha ipópe orekoha peteĩ espáda, pe vúrro oñehaʼã ojedesvia chugui oho hag̃ua pe ñúre. Upémarõ Balaam oñepyrũ ogarrotea hymba vúrro oho jey hag̃ua pe tapére. 24 Upévo Jehová ánhel oho oñemoĩ pe tape poʼípe ohasáva peteĩ parraltýrupi, ha mokõive ládo oĩ peteĩ múro. 25 Pe vúrro ohechávo Jehová ánhelpe, oñepyrũ oñemboja pe múrore ha ojopy Balaámgui ipy pe múrore, upévare Balaam oñemoĩ jey ogarrotea chupe.

26 Upémarõ Jehová ánhel ohomieve henonderãkuéra ha opyta jey oñemboʼy pe tape ipoʼivehápe, ha upépe ndaikatúi ojepia moõve gotyo, ni a la derécha ni a la iskiérda. 27 Ha pe vúrro ohecha jeývo Jehová ánhel, ojeity yvýpe ha upépe oñempaka Balaámgui. Upéva omorrenegaiterei Balaámpe ha oñemoĩ ogarrotea jey hymba vúrro ivastónpe. 28 Upéi Jehová oheja pe vúrro oñeʼẽ*+ Balaámpe ha heʼi: “¿Mbaʼe mbaʼéiko che ajapo nderehe ajeve péicha chegarrotea vaipa koʼã 3 vése?”.+ 29 Balaam heʼi pe vúrrope: “Nde ningo reñembohory cherehe ha chemorrenega. Ha arekórire peteĩ espáda che pópe, ajeʼíma rojuka vaʼerãmoʼã”. 30 Upémarõ pe vúrro heʼi Balaámpe: “Che ningo ne rymba vúrro ymaite guivéma ha mboy tiémpoma piko reiko che ári, ¿ha che piko ajapómava nderehe péicha?”. Ha Balaam heʼi chupe: “Nahániri”. 31 Upépe Jehová ohesapeʼa+ Balaámpe ohecha hag̃ua Jehová ánhel, oñemboʼýva hína pe tape mbytépe ha orekóva ijespáda ipópe. Balaam katu ensegída oñesũ ha oñakãityete voi.

32 Ha Jehová ánhel heʼi chupe: “¿Mbaʼéreiko regarrotea ne rymba vúrro koʼã 3 vése? Che voi asẽ ne renonderãme rohapejoko hag̃ua, pórke nderejaposéi hína la haʼéva ndéve.+ 33 Pe vúrro ningo cherecha kuri ha oñehaʼã ojedesvia chehegui koʼã 3 vése.+ ¡Eguatána ekalkula, ko vúrro ndojedesviáirire chehegui, ajeʼíma rojuka vaʼerãmoʼã ha aheja ko vúrro oikove!”. 34 Ha Balaam heʼi Jehová ánhelpe: “Afalla ningo raʼe, pórke che ndaikuaái kuri nde reimeha pe tapépe cherapejoko hag̃ua. Ha nde ndereipotáiramo aha, ndahamoʼãinte upéicharõ”. 35 Péro Jehová ánhel heʼi chupe: “Tereho katu umi kuimbaʼéndi, péro nde eréta umi mbaʼe che haʼévante ndéve”. Upémarõ Balaam okontinua iviáhe umi prínsipe de Moab ndive.

36 Balac oikuaávo Balaam oumaha, pyaʼe porã osẽ oho ohug̃uaitĩ chupe pe siuda de Moábpe, oĩva pe Arnón oríllape, opahápe Moab território. 37 Ha Balac heʼi Balaámpe: “Chéngo amondo kuri nde piarigua, ¿ha mbaʼéreiko nderejúi che rendápe? ¿Nde piko reimoʼã che ndaikatumoʼãiha ameʼẽ ndéve heta mbaʼe ha avei rombotuicha?”.+ 38 Balaam heʼi Balácpe: “Oĩ porã, koʼág̃a ajúma ne rendápe, ¿péro ikatúpa haʼe ndéve peteĩ mbaʼe? Che ningo ikatúta haʼe ndéve umi mbaʼe Ñandejára heʼívante chéve”.+

39 Upéi Balaam oho Balac ndive Quiryat-Huzótpe. 40 Ha Balac osakrifika unos kuánto tóro ha ovecha, ha oguerahaka michĩmi umi animál roʼokue Balaam ha umi prínsipe oĩvape hendive. 41 Al ótro día pyhareve, Balac ogueraha Balaámpe ha ojupi hikuái Bamot-Baálpe. Upe guive ningo haʼe ohecha pe puévlo de Israélpe.+

23 Upéi Balaam heʼi Balácpe: “Ejapo koʼápe 7 altár+ ha eprepara chéve 7 tóro ha 7 ovecha mácho”. 2 Balac ojapo ensegída Balaam heʼi vaʼekue. Upéi Balac ha Balaam oofrese peteĩ tóro ha peteĩ ovecha mácho káda altár ári.+ 3 Ha Balaam heʼi Balácpe: “Epytána koʼápe ko ne ofrénda ojehapýva ypýpe, ha che aháta amoite. Ikatu mbaʼe ningo Jehová oñeʼẽ chendive. Oimeraẽ mbaʼe oikuaaukáva chéve, amombeʼúta ndéve”. Upémarõ haʼe osẽ oho upégui ha ojupi peteĩ sérro perõme.

4 Upéi Ñandejára oñeʼẽ Balaámpe,+ ha Balaam heʼi chupe: “Amopuʼã umi 7 altár en fíla, ha aofrese peteĩ tóro ha peteĩ ovecha mácho káda altár ári”. 5 Ha Jehová heʼi Balaámpe mbaʼépa heʼíta:+ “Tereho jey Balac rendápe, ha péicha ere vaʼerã chupe”. 6 Upémarõ Balaam oho jey, ha ohecha Balac ha umi prínsipe de Moab oñemboʼy hína pe ofrénda ojehapýva ypýpe. 7 Upéi Balaam heʼi ko poesía:+

‘Eju emaldesi chéve Jacóbpe.

Si, eju ekondena Israélpe’.+

 8 ¿Mbaʼéicha piko che amaldesíta umi hénte Ñandejára nomaldesíri vaʼekuépe?

¿Ha mbaʼéicha piko che akondenáta umi hénte Jehová nokondenái vaʼekuépe?+

11 Upéi Balac heʼi Balaámpe: “¿Mbaʼe piko ko rejapóva cherehe? Chéngo rogueru kuri remaldesi hag̃ua che enemigokuérape ha ipahápe nde revendesi chupekuéra”.+ 12 Balaam katu heʼi chupe: “¿Ha che piko ndaʼéi vaʼerã kuri umi mbaʼe Jehová heʼívante chéve?”.+

13 Ha Balac heʼi chupe: “Ejúna jaha chendive ótro hendápe, upe guive ikatúta avei rehecha chupekuéra. Ehecháta mbovymípente, nderehechapamoʼãi chupekuéra. Ha upe guive emaldesi chéve chupekuéra”.+ 14 Upémarõ ogueraha chupe Zofim ñúme, Pisgá ruʼãme.+ Upépe omopuʼã 7 altár ha oofrese peteĩ tóro ha peteĩ ovecha mácho káda altár ári.+ 15 Upéi Balaam heʼi Balácpe: “Epytána koʼápe ko ne ofrénda ojehapýva ypýpe, ha che aháta amoite añeʼẽ Ñandejárandi”. 16 Ha Jehová oñeʼẽ Balaámpe, ha heʼi chupe mbaʼépa heʼíta:+ “Tereho jey Balac rendápe, ha péicha ere vaʼerã chupe”. 17 Upémarõ Balaam oho jey, ha ohecha Balac ha umi prínsipe de Moab oñemboʼy hína pe ofrénda ojehapýva ypýpe. Ha Balac oporandu chupe: “¿Mbaʼéiko heʼi Jehová?”. 18 Upépe Balaam heʼi ko poesía:+

“Epuʼãke Balac, ha ehendu.

Ejapysakáke cherehe Zipor raʼy.

Haʼe heʼíramo peteĩ mbaʼe, ¿ndojapomoʼãi piko upéva?

Haʼe oñeʼẽramo, ¿nokumplimoʼãi piko upéva?+

21 Haʼe nopermitíri mbaʼeveichagua máhia ojapo mbaʼeve Jacob rehe.

Haʼe nopermitíri oiko mbaʼe vai Israel rehe.

22 Ñandejára oguenohẽ chupekuéra Egíptogui.+

Haʼe ningo tóro ñarõ ratĩcha chupekuéra g̃uarã.+

Koʼág̃arupi umi hénte ikatu heʼi Jacob ha Israel rehe:

‘¡Maʼẽmína mbaʼéichapa heta mbaʼe guasu ojapo Ñandejára!’.

25 Upémarõ Balac heʼi Balaámpe: “Oĩ porã ningo la ndaikatúi remaldesi chupekuéra, péro upéicharõ anive avei revendesi chupekuéra”. 26 Ha Balaam heʼi Balácpe: “¿Ndaʼéi piko raʼe ndéve ajapotaha opa mbaʼe Jehová heʼíva chéve?”.+

27 Balac katu heʼi Balaámpe: “Ejúna jaha jey chendive ótro hendápe. Ikatu ningo oĩ porã mbaʼe Ñandejára teépe g̃uarã remaldesi chupekuéra upe guive”.+ 28 Upémarõ Balac ogueraha chupe Peor ruʼãme omaña hag̃uáicha Jesimón gotyo.+ 29 Upépe Balaam heʼi Balácpe: “Emopuʼã koʼápe 7 altár, ha eprepara chéve 7 tóro ha 7 ovecha mácho”.+ 30 Upéi Balac ojapo Balaam heʼi hagueichaite chupe, ha oofrese peteĩ tóro ha peteĩ ovecha mácho káda altár ári.

24 Balaam ohechakuaávo Jehovápe ogustaha* ovendesi Israélpe, noñehaʼãvéima ojapo paje Israel rehe ohundi hag̃ua.+ Upémarõ haʼe ojere omaña pe desiérto gotyo. 2 Ha Balaam ohecha umi israelita rogakuéra oñemohendaha por trívu,+ ha upe jave Ñandejára espíritu oguejy Balaam ári.+ 3 Upéi haʼe heʼi ko poesía:+

10 Upéi Balac ipochyeterei Balaam ndive. Ha Balac ojepopete oñembohorývo Balaam rehe, ha heʼi chupe: “Chéngo rogueru kuri remaldesi hag̃ua che enemigokuérape,+ péro ipahápe nde revendesi chupekuéra koʼã 3 vése. 11 Koʼag̃aite aipota reho jey nde rógape. Che ningo ameʼẽse kuri ndéve heta mbaʼe ha rombotuichase kuri,+ péro Jehová nopermitíri ndéve rehupyty upéva”.

12 Balaam heʼi Balácpe: “Che piko ndaʼéi kuri umi kuimbaʼe remondo vaʼekuépe che rendápe: 13 ‘Balac omeʼẽramo jepe chéve hóga renyhẽ pláta ha órogui, che ndaikatumoʼãi ajapo mbaʼeve Jehová ndeʼíriramo chéve, tahaʼe iporãva térã ivaíva. Haʼéta Jehová heʼívante chéve’.+ 14 Koʼág̃a aháta che puévlope. Péro ejumína ha tamombeʼu ndéve mbaʼépa ko puévlo ojapóta nderehe amo gotyove”. 15 Ha Balaam heʼi ko poesía:+

20 Upéi Balaam ohecha umi amalequítape, ha okontinua ipoesía kóicha:

21 Upéi ohecha umi quenítape,+ ha okontinua ipoesía kóicha:

“Isegúro upe reikoha, nde róga oĩ pe ita guasu ári.

22 Péro oĩta ohapýva umi quenítape.*

¿Mboy tiémpopa ofalta gueteri Asiria ogueraha hag̃ua chupekuéra esklávoramo?”.

23 Ha osegi heʼi ipoesía:

“¡Aichejáranga! ¿Mávapa nomanomoʼãi Ñandejára ojapo vove koʼã mbaʼe?

Péro haʼe avei oñehundietéta”.

25 Upéi Balaam+ opuʼã ha oho jey hapére. Ha Balac katu oho avei hapére.

25 Umi israelita opytárõ guare oiko Sitímpe,+ haʼekuéra oñepyrũ hekovai umi moabítandi.+ 2 Umi kuña moabita oinvita umi israelítape oho hag̃ua ojejapohápe sakrifísio idioskuérape,+ ha upépe umi israelita hoʼu umi sakrifísio ha oñesũ idioskuéra renondépe.+ 3 Péicha umi israelita omoirũ chupekuéra oadora hag̃ua Baal de Peórpe,+ ha Jehová ipochyeterei hendivekuéra. 4 Upémarõ Jehová heʼi Moiséspe: “Ejagarra umi omoakãvape koʼã héntepe, ejuka ha emosaingo chupekuéra Jehová renondépe de diaite, upéicharõmante che, Jehová, chepochyjeráta umi israelítandi”. 5 Upéi Moisés heʼi umi hués de Israélpe:+ “Káda uno peẽ pejuka vaʼerã umi kuimbaʼe oĩvape pende poguýpe, umi oho vaʼekuépe oadora Baal de Peórpe”.+

6 Péro upe javete, ou peteĩ kuimbaʼe israelita, ha ogueru hendive pe kampaméntope peteĩ kuña madianítape.+ Upéva haʼe ojapo Moisés ha enterove israelita rovake, ha upérõ haʼekuéra ojaheʼo joa hína pe tavernákulo* entrádape. 7 Finehás+ haʼe Eleazar raʼy, Eleazar hína pe saserdóte Aarón raʼy. Ha Finehás ohechávo upéva, upepete opuʼã umi israelitakuéra apytégui ha ojagarra ogueraha ipópe peteĩ lánsa. 8 Ha osegi pe kuimbaʼe israelítape hóga* peve, ha upépe oikutu ha omovandea ilánsa pe kuimbaʼe ha pe kuñáre, mokõivévare voi omovandea pe kuña órgano sexuálrupi. Upépe opa pe mbaʼasy ohundíva hína kuri umi israelítape.+ 9 Ha ojekastiga haguére chupekuéra omano 24.000.+

10 Upémarõ Jehová heʼi Moiséspe: 11 “Finehás,+ Eleazar raʼy, pe saserdóte Aarón niéto ningo chembopochyjera umi israelítandi, pórke haʼe nopermitíri kuri ojeadora ótro dióspe síno chéve añoiténte.+ Upéicha rupi ndajukapái umi israelítape, pórke che aipota hína chéve añoiténte cheadora hikuái.+ 12 Upévare, ere chupe ajapoha hína hendive peteĩ kompromíso ahechauka hag̃ua chepyʼaporãha hendive. 13 Ha pe kompromíso rupive, haʼe ha ifamiliare oservíta de saserdóte heta tiémpore,+ pórke haʼe nopermitíri kuri ojeadora ótro dióspe síno chéve añoiténte.+ Péicha pe ojapo vaʼekue rupive, haʼe opaga umi israelita pekádore”.

14 Ha pe kuimbaʼe israelita ojejuka vaʼekue pe kuña madianítandi héra Zimrí, Salu raʼy. Zimrí hína peteĩ omoakãva umi simeonita tuakuéra ypykue familiarépe. 15 Ha pe kuña madianita ojejuka vaʼekue héra Cozbí, Zur+ rajy. Zur ningo omoakã vaʼekue itúa ypykue familiarépe Madiánpe.+

16 Upéi Jehová heʼi Moiséspe: 17 “Tapeho peataka umi madianítape ha pejuka chupekuéra.+ 18 Haʼekuéra penemoñuhã kuri pe káso oiko vaʼekuére Peórpe+ ha avei Cozbí kásope. Cozbí ojejuka vaʼekue+ ojekastigárõ guare umi israelítape pe oiko vaʼekuére Peórpe, ha itúa hína peteĩ kuimbaʼe omoakãva umi madianítape”.+

26 Ha Jehová okastiga+ rire umi israelítape, heʼi Moisés ha Eleazárpe, haʼéva hína pe saserdóte Aarón raʼy: 2 “Pejapo peteĩ sénso peikuaa hag̃ua mboy israelítapa oĩ, peanota vaʼerã enteroite kuimbaʼe orekóvape 20 áño guive, asegún máva familiarépa hikuái. Peanota vaʼerã umi ikatúva guive oservi Israel ehérsitope”.+ 3 Upémarõ Moisés ha pe saserdóte Eleazar+ oñeʼẽ umi israelítape desiérto de Moábpe,+ Jordán ypýpe, Jericó rovái,+ ha heʼi chupekuéra: 4 “Pejapo peteĩ sénso ha peanota vaʼerã enteroite kuimbaʼe orekóvape 20 áño guive, Jehová heʼi hagueichaite Moiséspe”.+

Koʼãva hína umi israelita osẽ vaʼekue Egíptogui: 5 Rubén,+ Israel raʼy ypykue. Koʼãva hína Rubén raʼykuéra:+ Hanok, chugui ou hína umi hanokita, Palú, chugui ou hína umi paluita, 6 Hezrón, chugui ou hína umi hezronita, Carmí, chugui ou hína umi carmita. 7 Koʼãva hína umi família ou vaʼekue Rubéngui, ha en totál oñeanota chupekuéra 43.730.+

8 Palú raʼy hína Eliab. 9 Eliab raʼykuéra hína: Nemuel, Datán ha Abiram. Koʼãva hína Datán ha Abiram ojeporavo vaʼekue umi israelitakuéra apytégui. Haʼekuéra opuʼã vaʼekue Moisés ha Aarón kóntrape+ Coré ha iñirũnguérandi.+ Péicha opuʼã vaʼekue hikuái Jehováre.+

10 Upérõ pe yvy ojeavri ha omokõ chupekuéra. Coré katu omano iñirũnguérandi pe tata ojukárõ guare umi 250 kuimbaʼépe.+ Pe oiko vaʼekue hesekuéra omomanduʼa umi israelítape mbaʼépa ndovaléi ojapo.+ 11 Péro Coré raʼykuéra nomanói vaʼekue.+

12 Koʼãva hína Simeón raʼykuéra:+ Nemuel, chugui ou hína umi nemuelita, Jamín, chugui ou hína umi jaminita, Jakín, chugui ou hína umi jakinita, 13 Zérah, chugui ou hína umi zerahíta, Shaúl, chugui ou hína umi shaulita. 14 Koʼãva hína umi família ou vaʼekue Simeóngui, ha en totál oñeanota chupekuéra 22.200.+

15 Koʼãva hína Gad raʼykuéra:+ Zefón, chugui ou hína umi zefonita, Haguí, chugui ou hína umi haguita, Suní, chugui ou hína umi sunita, 16 Ozní, chugui ou hína umi oznita, Erí, chugui ou hína umi erita, 17 Arod, chugui ou hína umi arodita, Arelí, chugui ou hína umi arelita. 18 Koʼãva hína umi família ou vaʼekue Gádgui, ha en totál oñeanota chupekuéra 40.500.+

19 Koʼãva hína Judá raʼykuéra:+ Er ha Onán.+ Péro Er ha Onán omano vaʼekue Canaánpe.+ 20 Koʼãva hína umi ótro Judá raʼykuéra: Selá,+ chugui ou hína umi selanita, Pérez,+ chugui ou hína umi perezita, Zérah,+ chugui ou hína umi zerahíta. 21 Koʼãva hína Pérez raʼykuéra: Hezrón,+ chugui ou hína umi hezronita, Hamul,+ chugui ou hína umi hamulita. 22 Koʼãva hína umi família ou vaʼekue Judágui, ha en totál oñeanota chupekuéra 76.500.+

23 Koʼãva hína Isacar raʼykuéra:+ Tolá,+ chugui ou hína umi tolaíta, Puvá, chugui ou hína umi punita, 24 Jasub, chugui ou hína umi jasubita, Simrón, chugui ou hína umi simronita. 25 Koʼãva hína umi família ou vaʼekue Isacárgui, ha en totál oñeanota chupekuéra 64.300.+

26 Koʼãva hína Zabulón raʼykuéra:+ Séred, chugui ou hína umi seredita, Elón, chugui ou hína umi elonita, Jahleel, chugui ou hína umi jahleelita. 27 Koʼãva hína umi família ou vaʼekue Zabulóngui, ha en totál oñeanota chupekuéra 60.500.+

28 Koʼãva hína José raʼykuéra:+ Manasés ha Efraín,+ káda uno ifamiliakuéra reheve. 29 Koʼãva hína Manasés+ raʼykuéra: Makir,+ chugui ou hína umi makirita. Ha Makir raʼy hína Galaad,+ chugui ou hína umi galaadita. 30 Koʼãva hína Galaad raʼykuéra: Yézer, chugui ou hína umi yezerita, Hélec, chugui ou hína umi helequita, 31 Asriel, chugui ou hína umi asrielita, Siquem, chugui ou hína umi siquemita, 32 Semidá, chugui ou hína umi semidaíta, Héfer, chugui ou hína umi heferita. 33 Héfer raʼy hína Zelofehad, ha haʼe katu ndaitaʼýrai vaʼekue, kuña memete ifamília.+ Zelofehad rajykuéra+ héra hína: Mahlá, Noá, Hoglá, Milcá ha Tirzá. 34 Koʼãva hína umi família ou vaʼekue Manasésgui, ha en totál oñeanota chupekuéra 52.700.+

35 Koʼãva hína Efraín raʼykuéra:+ Sutélah,+ chugui ou hína umi sutelahíta, Béker, chugui ou hína umi bekerita, Tahán, chugui ou hína umi tahanita. 36 Sutélah raʼy hína Erán, ha chugui ou umi eranita. 37 Koʼãva hína umi família ou vaʼekue Efraíngui, ha en totál oñeanota chupekuéra 32.500.+ Koʼãva hína José raʼykuéra, káda uno ifamiliakuéra reheve.

38 Koʼãva hína Benjamín raʼykuéra:+ Bela,+ chugui ou hína umi belaíta, Asbel, chugui ou hína umi asbelita, Ahiram, chugui ou hína umi ahiramita, 39 Sefufam, chugui ou hína umi sufamita, Hufam, chugui ou hína umi hufamita. 40 Bela raʼykuéra hína: Ard ha Naamán.+ Árdgui ou hína umi ardita, Naamángui ou hína umi naamita. 41 Koʼãva hína umi família ou vaʼekue Benjamíngui, ha en totál oñeanota chupekuéra 45.600.+

42 Dan+ raʼy hína: Suham, chugui ou hína umi suhamita. Kóva hína Dan raʼy ha ifamiliakuéra. 43 Koʼãva hína umi suhamita, ha en totál oñeanota chupekuéra 64.400.+

44 Koʼãva hína Aser raʼykuéra:+ Imná, chugui ou hína umi imnita, Isví, chugui ou hína umi isvita, Berías, chugui ou hína umi berita. 45 Koʼãva hína Berías raʼykuéra: Héber, chugui ou hína umi heberita, Malkiel, chugui ou hína umi malkielita. 46 Aser rajy héra vaʼekue Sérah. 47 Koʼãva hína umi família ou vaʼekue Asérgui, ha en totál oñeanota chupekuéra 53.400.+

48 Koʼãva hína Neftalí raʼykuéra:+ Jahzeel, chugui ou hína umi jahzeelita, Guní, chugui ou hína umi gunita, 49 Jézer, chugui ou hína umi jezerita, Silem, chugui ou hína umi silemita. 50 Koʼãva hína umi família ou vaʼekue Neftalígui, ha en totál oñeanota chupekuéra 45.400.+

51 En totál oñeanota umi israelita: 601.730.+

52 Upe rire Jehová heʼi Moiséspe: 53 “Koʼãvape remeʼẽ vaʼerã pe yvy otokáva chupekuéra asegún mboýpa oñeanota káda trívupe.+ 54 Umi hetavévape remeʼẽ vaʼerã tuichave pe yvy, ha umi imbovyvévape remeʼẽ vaʼerã michĩve pe yvy.+ Remeʼẽ vaʼerã pe erénsia otokáva chupekuéra asegún mboýpa oĩ káda trívupe. 55 Pe yvy ojesortea+ vaʼerã ha oñemeʼẽ asegún pe otokáva chupekuéra. Káda famíliape oñemeʼẽ vaʼerã ijyvyrã pe erénsia oñemeʼẽvagui itrívupe. 56 Upearã ojejapóta pe sortéo ojekuaa hag̃ua pe erénsia otokáva káda trívupe, ha upéi ojerrepartíta ijyvyrã umi hetavévape ha avei umi imbovyvévape”.

57 Koʼãva hína umi levita+ ha ifamiliakuéra oñeanota vaʼekue: Guersón, chugui ou hína umi guersonita, Cohat,+ chugui ou hína umi cohatita, Merarí, chugui ou hína umi merarita. 58 Koʼãva hína umi família oúva umi levítagui: umi libnita,+ umi hebronita,+ umi mahlita,+ umi musita+ ha umi coreíta.+

Cohat raʼy hína Amram.+ 59 Ha Amram rembireko héra Jokébed,+ haʼe hína Leví rajy onase vaʼekue Egíptope. Upéi Jokébed imemby Amrámgui: Aarón, Moisés ha iñermanakuéra Míriam.+ 60 Ha Aarón raʼykuéra hína koʼãva: Nadab, Abihú, Eleazar ha Itamar.+ 61 Péro Nadab ha Abihú omano vaʼekue ojapo haguére Jehová renondépe ofrénda* noñepermitíriva.+

62 En totál oñeanota vaʼekue 23.000, oñeanota enteroite kuimbaʼe orekóva guive un mes pára arríva.+ Haʼekuéra noñeanotái vaʼekue umi israelítandi,+ pórke chupekuéra noñemeʼẽi vaʼerã kuri yvy umi israelita apytépe.+

63 Koʼãvape oanota vaʼekue Moisés ha pe saserdóte Eleazar, osensárõ guare umi israelítape pe desiérto de Moábpe, Jordán ypýpe, Jericó rovái. 64 Péro umíva apytépe, ndaipóri ni peteĩ umi oñeanota vaʼekue Moisés ha Aarón pe saserdóte osensárõ guare umi israelítape pe desiérto de Sinaípe.+ 65 Pórke Jehová heʼi kuri hesekuéra: “Omanombaitéta ko desiértope”.+ Upéicha rupi omanombaite hikuái, ni peteĩ voi ndopytái. Caleb, Jefuné raʼy, ha Josué, Nun raʼy añoite ojesalva.+

27 Upéi ou Zelofehad rajykuéra.+ Zelofehad hína Manasés trivugua, Héfer raʼy, Galaad raʼy, Makir raʼy, Manasés raʼy, ha Manasés hína José raʼy. Zelofehad rajykuéra héra: Mahlá, Noá, Hoglá, Milcá ha Tirzá. 2 Haʼekuéra ou Moisés ha Eleazar pe saserdóte rendápe, umi kuimbaʼe omoakãva+ umi héntepe, ha avei enterove israelita rendápe pe tavernákulo* entrádape, ha heʼi hikuái: 3 “Ore ru ningo omano vaʼekue pe desiértope, péro haʼe noĩri kuri Coré ha iñirũnguéra+ apytépe opuʼãrõ guare hikuái Jehováre. Haʼe nomanói vaʼekue ijapytepekuéra, síno omano ipekadokuérente. Péro haʼe ndaitaʼýrai vaʼekue. 4 Upéicharõ, ¿opa reíta piko ore túa réra ihentekuéra apytégui ndaitaʼýrai haguérente? Upévare, pemeʼẽna oréve ore yvyrã ore túa ermanokuéra apytépe”. 5 Upémarõ Moisés oho omombeʼu Jehovápe+ mbaʼépa heʼi koʼã kuñataĩ.

6 Ha Jehová heʼi Moiséspe: 7 “Oĩ porã hína Zelofehad rajykuéra heʼíva. Remeʼẽ vaʼerã katuete chupekuéra ijyvyrã, pe yvy otokáva itúape iñermanokuéra apytépe. Ha remoĩ vaʼerã iñakãrekuéra pe itúa yvy.+ 8 Ha ere umi israelítape: ‘Peteĩ kuimbaʼe omanóramo ha ndaitaʼýrai, upéicharõ peẽ pemeʼẽ vaʼerã itajýrape pe iñerénsia. 9 Ha ndaitajýrairamo, pemeʼẽ vaʼerã pe kuimbaʼe omanóva erénsia iñermanokuérape. 10 Ha pe kuimbaʼe naiñermánoiramo, upéicharõ pemeʼẽ vaʼerã iñerénsia itúa ermanokuérape. 11 Ha itúa naiñermánoiramo, upéicharõ iñerénsia pemeʼẽ vaʼerã ipariénte serkánope, ha opytáta imbaʼerã. Ko léi siémpre okumpli vaʼerã umi israelita Jehová heʼi hagueichaite Moiséspe’”.

12 Upéi Jehová heʼi Moiséspe: “Ejupi ko montáña de Abarímpe+ ha ehecha pe yvy ameʼẽtava umi israelítape.+ 13 Ág̃a rehecha rire pe yvy, remanóta ha reñeñotỹta umi nde tuakuéra ypykuéicha,*+ oiko haguéicha avei ne ermáno Aarón rehe.+ 14 Pórke umi israelita ojeplageárõ guare che kóntrape pe desiérto de Zínpe, peẽ napeneñeʼẽrendúi chéve ha nachemombaʼeguasúi umi israelita renondépe ameʼẽrõ guare chupekuéra y”.+ (Umíva hína Meribá ykuéra+ oĩva Cadéspe,+ pe desiérto de Zínpe).+

15 Upémarõ Moisés heʼi Jehovápe: 16 “Ñandejára Jehová, nde ningo remeʼẽ vída enterove persónape,* eiporavomína peteĩ kuimbaʼe omoakã vaʼerã umi israelítape. 17 Ha upe kuimbaʼe tomoakã chupekuéra opa mbaʼépe ha togia chupekuéra entéro mbaʼe ojapótavape, ani hag̃ua Jehová nde puévlo opyta umi ovecha ndorekóivaicha pastór”. 18 Upévare Jehová heʼi Moiséspe: “Eiporavo Josué, Nun raʼýpe, haʼe hína peteĩ kuimbaʼe ikyreʼỹ ha ivaléva, ha emoĩ nde po iñakã ári.+ 19 Egueraha Eleazar pe saserdóte renondépe ha enterove umi israelita renondépe, upépe enombra chupe hovakekuéra.+ 20 Emeʼẽ vaʼerã chupe michĩmi nde autorida,+ ikatu hag̃uáicha enterove umi israelita ohendu chupe.+ 21 Josué oñemboʼy vaʼerã Eleazar pe saserdóte renondépe, ha haʼe oipurúta pe Urim*+ oikuaa hag̃ua mbaʼépa Jehová odesidi. Ha haʼe heʼi jave chupekuéra ojapo hag̃ua peteĩ mbaʼe, ojapo vaʼerã hikuái, ojapo vaʼerã Josué ha enterove umi israelita”.

22 Upéi Moisés ojapo Jehová heʼi hagueichaite chupe. Ogueraha Josuépe Eleazar pe saserdóte renondépe ha enterovete umi israelita renondépe. 23 Upépe haʼe omoĩ ipo Josué akã ári ha onombra chupe+ omoakã hag̃ua umi israelítape. Péicha Moisés ojapo Jehová heʼi hagueichaite chupe.+

28 Upéi Jehová heʼi Moiséspe: 2 “Ere umi israelítape ojapo hag̃ua koʼã mbaʼe: ‘Aníke penderesarái pejapo hag̃ua chéve umi ofrénda, peẽ peofrese vaʼerã chéve umi hiʼupy. Umi ofrénda ojehapýva hyakuã asýva* chéve g̃uarã ojejapo vaʼerã itiempoitépe’.+

3 Ha ere chupekuéra: ‘Kóva hína pe ofrénda ojehapýva peofrese vaʼerã Jehovápe: mokõi ovecha mácho de un áño isánova. Upéva peofrese vaʼerã káda día.+ 4 Peteĩ ovecha raʼyrusu mácho pesakrifika vaʼerã pyhareve ha pe ótro katu kaʼaruete pytũ mboyve.+ 5 Ha káda únondi peofrese vaʼerã ofrénda de semíllaramo una décima de efá* arína iporãva oñembojeheʼa pyréva 1 lítro* aséitere.+ 6 Kóva hína peteĩ ofrénda ojehapýva+ ha hyakuã asýva* Jehovápe g̃uarã, ha ojesegi vaʼerã ojejapo ojeʼéma haguéicha pe Sérro Sinaípe. 7 Peofrese vaʼerã avei pe ofrénda líkida, 1 lítro* káda ovecha raʼyrusu máchondi.+ Peñohẽ vaʼerã pe vevída orekóva alkoól pe lugár sagrádope peteĩ ofrénda líkidaramo Jehovápe g̃uarã. 8 Ha peofrese vaʼerã avei pe ótro ovecha raʼyrusu mácho kaʼaruete pytũ mboyve. Peofrese vaʼerã avei hendive pe ofrénda de semílla ha pe ofrénda líkida pejapo haguéicha pyhareve. Upéva pejapo vaʼerã ofrénda ojehapývaicha ha hyakuã asýva* Jehovápe g̃uarã.+

9 Péro pe sábado,+ peofrese vaʼerã mokõi ovecha mácho de un áño isánova, ha 2 décima de efá* arína iporãva oñembojeheʼa pyréva aséitere ofrénda de semíllaramo ha avei pe ofrénda líkida. 10 Kóva hína pe ofrénda ojehapýva pemeʼẽ vaʼerã pe sábado, ha upévandi pemeʼẽ vaʼerã avei umi ofrénda ojehapýva pemeʼẽva jepi voi ha pe ofrénda líkida.+

11 Pe primer día de káda mes peofrese vaʼerã Jehovápe ofrénda ojehapývaramo mokõi tóro raʼyrusu, peteĩ ovecha mácho, ha 7 ovecha mácho de un áño isánova.+ 12 Avei peofrese káda tóro ndive ofrénda de semíllaramo+ 3 décima* arína iporãva oñembojeheʼa pyréva aséitere. Ha pe ovecha mácho+ ndive peofrese vaʼerã 2 décima* arína iporãva oñembojeheʼa pyréva aséitere. 13 Ha káda ovecha mácho de un áño ndive peofrese vaʼerã ofrénda de semíllaramo una décima* arína iporãva oñembojeheʼa pyréva aséitere. Péva pejapo vaʼerã ofrénda ojehapývaramo ha hyakuã asýva*+ Jehovápe g̃uarã. 14 Ha pemeʼẽ vaʼerã 2 lítro* víno ofrénda líkidaramo káda tóro ndive,+ ha 1 lítro un cuarto* káda ovecha mácho ndive,+ ha 1 lítro* káda ovecha raʼyrusu mácho ndive.+ Koʼãva hína pe ofrénda ojehapýva ojejapo vaʼerã káda mes, káda áño. 15 Koʼã ofrénda ojehapýva pesegi vaʼerã pejapo ha avei umi ofrénda líkida. Ha pejapo hag̃ua pe ofrénda ojepaga hag̃ua umi pekádore peofrese vaʼerã Jehovápe peteĩ kavara máchova.

16 Pe día 14 pe primer méspe, haʼéta hína pe Páskua Jehovápe g̃uarã.+ 17 Ko méspe, pe día 15 ojejapóta peteĩ fiésta. Siete día aja peʼu vaʼerã pan ilevaduraʼỹva.+ 18 Pe primer día ojejapóta peteĩ rreunión sagráda. Ha ndapejapói vaʼerã mbaʼeveichagua traváho pohýi. 19 Ha peofreséta Jehovápe ofrénda ojehapývaramo mokõi tóro raʼyrusu, peteĩ ovecha mácho, ha 7 ovecha mácho de un áño. Entéro koʼã animál isáno vaʼerã.+ 20 Peofrese vaʼerã káda tóro ndive ofrénda de semíllaramo 3 décima* arína iporãva oñembojeheʼa pyréva aséitere,+ ha 2 décima* pe ovecha mácho ndive. 21 Ha peofrese vove umi 7 ovecha raʼyrusu mácho, káda únondi peofrese vaʼerã avei una décima* arína iporãva oñembojeheʼa pyréva aséitere. 22 Avei peofrese vaʼerã peteĩ kavara ojejapo hag̃ua pe ofrénda ojepaga hag̃ua pende pekádore, ikatu hag̃uáicha oñeperdona peẽme. 23 Peẽ pemeʼẽ vaʼerã koʼã mbaʼe pe ofrénda ojehapýva oñemeʼẽvandi káda pyhareve, péva ningo peteĩ párte peẽ pemeʼẽva jepi voi ofrénda ojehapývaramo. 24 Péicha avei peofrese vaʼerã 7 día aja hiʼupýicha peteĩ ofrénda ojehapýva ha hyakuã asýva* Jehovápe g̃uarã. Peẽ pesegi vaʼerã peofrese pe ofrénda ojehapýva ha avei pe ofrénda líkida, ha umívandi pemeʼẽ vaʼerã koʼã ofrénda. 25 Ha pe 7 diahápe pejapo vaʼerã peteĩ rreunión sagráda.+ Ha ndapejapói vaʼerã mbaʼeveichagua traváho pohýi.+

26 Oñepyrũvo hiʼaju umi tenonderãite oprodusi vaʼekue pende kokue,+ upe pepresentaha día Jehovápe pe ofrénda de semílla ipyahúva,+ pejapo vaʼerã peteĩ rreunión sagráda pe Fiésta de la Kosécha* aja.+ Ha ndapejapói vaʼerã mbaʼeveichagua traváho pohýi.+ 27 Peofrese vaʼerã ofrénda ojehapývaramo ha hyakuã asýva* Jehovápe g̃uarã mokõi tóro raʼyrusu, peteĩ ovecha mácho, ha 7 ovecha mácho de un áño.+ 28 Káda tórondi peofrese vaʼerã ofrénda de semíllaramo 3 décima* arína iporãva oñembojeheʼa pyréva aséitere. Ha pe ovecha mácho ndive katu peofrese vaʼerã 2 décima.* 29 Ha umi 7 ovecha raʼyrusu mácho ndive, káda únondi peofrese vaʼerã avei una décima* arína iporãva. 30 Avei peofrese vaʼerã peteĩ kavara raʼyrusu oñeperdona hag̃ua peẽme pende pekádo.+ 31 Koʼã ofrénda ndive pesegi vaʼerã pemeʼẽ umi ofrénda ojehapýva, umi ofrénda de semílla ha umi ofrénda líkida. Ha umi animál isáno vaʼerã’”.+

29 “‘Ha pe primer día pe séptimo méspe, pejapo vaʼerã peteĩ rreunión sagráda. Ndapejapói vaʼerã mbaʼeveichagua traváho pohýi.+ Upe díape pembopu vaʼerã umi trompéta.+ 2 Peẽ peofrese vaʼerã ofrénda ojehapývaramo ha hyakuã asýva* Jehovápe g̃uarã peteĩ tóro raʼyrusu, peteĩ ovecha mácho, ha 7 ovecha mácho de un áño, enterovete isáno vaʼerã. 3 Peofrese vaʼerã avei ofrénda de semíllaramo arína iporãva oñembojeheʼa pyréva aséitere. Pe tóro ndive peofrese vaʼerã 3 décima de efá,* ha pe ovecha mácho ndive 2 décima.* 4 Ha peofrese vove umi 7 ovecha raʼyrusu mácho, káda únondi peofrese vaʼerã avei una décima* arína oñembojeheʼa pyréva aséitere. 5 Avei peofrese vaʼerã peteĩ kavara raʼyrusu mácho ojejapo hag̃ua pe ofrénda ojepaga hag̃ua umi pekádore. 6 Koʼã ofrénda pejapo vaʼerã pe ofrénda ojehapývandi káda mes ha pe ofrénda de semíllandi.+ Avei pejapo vaʼerã pe ofrénda ojehapýva pejapóva jepi voi, pe ofrénda de semílla+ ha pe ofrénda líkida.+ Koʼã mbaʼe pejapo vaʼerã ojeʼéma haguéicha peẽme, peofrese vaʼerã ofrénda ojehapývaramo ha hyakuã asýva* Jehovápe g̃uarã.

7 Ha pe día 10 pe séptimo méspe, pejapo vaʼerã peteĩ rreunión sagráda,+ ha peñembyasy vaʼerã* pene rembiapo vaikuégui. Ndapejapói vaʼerã mbaʼeveichagua traváho.+ 8 Peofrese vaʼerã ofrénda ojehapývaramo ha hyakuã asýva* Jehovápe g̃uarã peteĩ tóro raʼyrusu, peteĩ ovecha mácho, ha 7 ovecha mácho de un áño, enterovete isáno vaʼerã.+ 9 Peofrese vaʼerã avei ofrénda de semíllaramo arína iporãva oñembojeheʼa pyréva aséitere. Pe tóro ndive peofrese vaʼerã 3 décima,* ha pe ovecha mácho ndive 2 décima.* 10 Ha peofrese vove umi 7 ovecha raʼyrusu mácho, káda únondi peofrese vaʼerã avei una décima* arína oñembojeheʼa pyréva aséitere. 11 Umívandi peofrese vaʼerã avei peteĩ kavara raʼyrusu ojejapo hag̃ua pe ofrénda ojepaga hag̃ua umi pekádore.+ Peofrese vaʼerã avei pe ofrénda pejapóva jepi voi pe día oñeperdonahápe umi pekádo. Ha pejapoháicha jepi voi pesegi vaʼerã pejapo pe ofrénda ojehapýva, pe ofrénda de semílla ha pe ofrénda líkida oñemeʼẽva hendive.

12 Ha pe día 15 pe séptimo méspe, pejapo vaʼerã peteĩ rreunión sagráda. Ndapejapói vaʼerã mbaʼeveichagua traváho pohýi, ha pejapo vaʼerã peteĩ fiésta Jehovápe 7 día aja.+ 13 Pejapo vaʼerã ofrénda ojehapýva,+ okái ha hyakuã asýva* Jehovápe g̃uarã, 13 tóro raʼyrusu, mokõi ovecha mácho, ha 14 ovecha mácho de un áño, enterovete isáno vaʼerã.+ 14 Peofrese vove umi 13 tóro, káda únondi peofrese vaʼerã ofrénda de semíllaramo 3 décima* arína iporãva oñembojeheʼa pyréva aséitere. Ha peofrese vove umi mokõi ovecha mácho, káda únondi peofrese vaʼerã 2 décima* arína iporãva oñembojeheʼa pyréva aséitere. 15 Peofrese vove umi 14 ovecha raʼyrusu mácho, káda únondi peofrese vaʼerã una décima.* 16 Avei peofrese vaʼerã peteĩ kavara raʼyrusu ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

17 Ha pe segundo díape, peofrese vaʼerã 12 tóro raʼyrusu, mokõi ovecha mácho, ha 14 ovecha mácho de un áño, enterovete isáno vaʼerã.+ 18 Peofrese vaʼerã avei pe ofrénda de semílla ha pe ofrénda líkida umi tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 19 Avei peofrese vaʼerã peteĩ kavara raʼyrusu ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

20 Ha pe tercer díape, peofrese vaʼerã 11 tóro, mokõi ovecha mácho, ha 14 ovecha mácho de un áño, enterovete isáno vaʼerã.+ 21 Peofrese vaʼerã avei pe ofrénda de semílla ha pe ofrénda líkida umi tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 22 Avei peofrese vaʼerã peteĩ kavara ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

23 Ha pe cuarto díape, peofrese vaʼerã 10 tóro, mokõi ovecha mácho, ha 14 ovecha mácho de un áño, enterovete isáno vaʼerã.+ 24 Peofrese vaʼerã avei pe ofrénda de semílla ha pe ofrénda líkida umi tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 25 Avei peofrese vaʼerã peteĩ kavara raʼyrusu ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

26 Ha pe quinto díape, peofrese vaʼerã 9 tóro, mokõi ovecha mácho, ha 14 ovecha mácho de un áño, enterovete isáno vaʼerã.+ 27 Peofrese vaʼerã avei pe ofrénda de semílla ha pe ofrénda líkida umi tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 28 Avei peofrese vaʼerã peteĩ kavara ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

29 Ha pe sexto díape, peofrese vaʼerã 8 tóro, mokõi ovecha mácho, ha 14 ovecha mácho de un áño, enterovete isáno vaʼerã.+ 30 Peofrese vaʼerã avei pe ofrénda de semílla ha pe ofrénda líkida umi tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 31 Avei peofrese vaʼerã peteĩ kavara ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

32 Ha pe séptimo díape, peofrese vaʼerã 7 tóro, mokõi ovecha mácho, ha 14 ovecha mácho de un áño, enterovete isáno vaʼerã.+ 33 Peofrese vaʼerã avei pe ofrénda de semílla ha pe ofrénda líkida umi tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 34 Avei peofrese vaʼerã peteĩ kavara ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

35 Ha pe octavo díape pejapo vaʼerã peteĩ rreunión sagráda, ha ndapejapói vaʼerã mbaʼeveichagua traváho pohýi.+ 36 Peofrese vaʼerã peteĩ tóro, peteĩ ovecha mácho ha 7 ovecha mácho de un áño, enterovete isáno vaʼerã.+ Umíva peofrese vaʼerã ofrénda ojehapývaramo, okái ha hyakuã asýva* Jehovápe g̃uarã. 37 Peofrese vaʼerã avei pe ofrénda de semílla ha pe ofrénda líkida pe tóro ndive, umi ovecha mácho ha umi ovecha raʼyrusu mácho ndive. Pemeʼẽ vaʼerã káda únondi umi ofrénda pejapoháicha jepi voi. 38 Avei peofrese vaʼerã peteĩ kavara ojejapo hag̃ua pe ofrénda ojepaga hag̃ua umi pekádore. Pejapo vaʼerã avei pe ofrénda ojehapýva pejapóva jepi voi, pe ofrénda de semílla ha pe ofrénda líkida oñemeʼẽva hendive.+

39 Koʼã ofrénda pemeʼẽ vaʼerã Jehovápe pejapo jave umi fiésta haʼe heʼíva pejapo hag̃ua.+ Peofrese vaʼerã avei umi ofrénda pekumpli hag̃ua pene promésa,+ umi ofrénda voluntária,+ umi ofrénda ojehapýva,+ umi ofrénda de semílla,+ umi ofrénda líkida+ ha umi ofrénda de paz’”.+ 40 Upéi Moisés omombeʼu umi israelítape opa mbaʼe Jehová heʼi vaʼekue chupe.

30 Ha Moisés oñeʼẽ umi kuimbaʼe omoakãvape+ Israel trivukuéra, ha heʼi: “Jehová heʼi ojejapo vaʼerãha ko mbaʼe: 2 peteĩ kuimbaʼe katuete okumpli vaʼerã iñeʼẽ+ ojapóramo peteĩ promésa+ Jehovápe, térã ohuráramo+ ndojapomoʼãiha peteĩ mbaʼe. Ojapopaite vaʼerã umi mbaʼe heʼi vaʼekue ojapotaha.+

3 Peteĩ kuñataĩ ojapóramo peteĩ promésa Jehovápe, térã ohuráramo ndojapomoʼãiha peteĩ mbaʼe oiko aja gueteri itúa rógape, 4 ha itúa ohendúramo upe promésa ojapo vaʼekue, térã oñekomprometeha Ñandejárape ndojapomoʼãiha peteĩ mbaʼe, ha ndeʼíri chupe mbaʼeve, upéicharõ pe kuñataĩ okumpli vaʼerã umi mbaʼe opromete vaʼekue. Entéro mbaʼe opromete vaʼekue ndojapomoʼãiha, haʼe okumpli vaʼerã katuete. 5 Péro pe túa ohendúvo itajýra ojapoha peteĩ promésa térã oñekomprometéramo Ñandejárape ndojapomoʼãiha peteĩ mbaʼe, ha oproivi chugui, upéicharõ natekotevẽmoʼãi okumpli umi mbaʼe oñekompromete vaʼekue. Péicha oikóramo Jehová operdonáta chupe, pórke itúa oproivi chugui.+

6 Péro ko kuñataĩ omendáramo okumpli aja gueteri ipromésa, térã pe oñekompromete vaʼekue opensa porãʼỹre, 7 ha pe iména ndeʼíriramo chupe mbaʼeve oikuaaha díape, upéicharõ katuete okumpli vaʼerã umi mbaʼe opromete vaʼekue, térã umi mbaʼe oñekompromete vaʼekue ndojapomoʼãiha. 8 Péro pe iména oproivíramo chugui pe oikuaaha díape, upéicharõ haʼe natekotevẽmoʼãi okumpli ipromésa, térã pe opensa porãʼỹre oñekompromete vaʼekue ojapotaha.+ Péicha oikóramo Jehová operdonáta chupe.

9 Péro peteĩ viúda térã peteĩ kuña ojedivorsia vaʼekue ojapóramo peteĩ promésa, katuete okumpli vaʼerã entéro mbaʼe opromete vaʼekue.

10 Péro peteĩ kuñakarai oiko aja gueteri iménandi hógape, ojapóramo peteĩ promésa térã oñekomprometéramo ndojapomoʼãiha peteĩ mbaʼe, 11 ha iména ohendúramo upe promésa ojapo vaʼekue, térã oñekomprometeha Ñandejárape ndojapomoʼãiha peteĩ mbaʼe, ha ndeʼíriramo chupe mbaʼeve, upéicharõ pe kuñakarai okumpli vaʼerã. 12 Péro pe ména ohenduha díape hembireko ojapoha peteĩ promésa térã oñekomprometeha ndojapomoʼãiha peteĩ mbaʼe, ha oproivi chugui, upéicharõ natekotevẽmoʼãi okumpli umi mbaʼe oñekompromete vaʼekue.+ Péicha oikóramo Jehová operdonáta chupe, pórke iména oproivi chugui. 13 Pe ména odesidi vaʼerã hembireko okumplítapa térãpa nokumplimoʼãi ipromésa, térã upe mbaʼe ohura ha oñekompromete vaʼekue ndojapomoʼãiha. 14 Péro ohasáramo unos kuánto día ha iména ndeʼíri chupe mbaʼeve, upéicharõ haʼe odesidi hembireko ikatuha okumpli umi promésa ojapo vaʼekue, térã umi mbaʼe oñekompromete vaʼekue ndojapomoʼãiha. Haʼe opermiti hína chupe okumpli umíva, pórke ndeʼíri kuri mbaʼeve upe ohenduha díape hembirekópe ojapórõ umi promésa. 15 Péro pe ména ohendu rire ohasáramo unos kuánto día, ha upe rire ae haʼe oproivi chugui okumpli ipromésa, upéicharõ hese opẽta pe hembireko nokumplíri vaʼekue”.+

16 Koʼãva hína umi léi Jehová omeʼẽ vaʼekue Moiséspe, ha heʼíva mbaʼépa ojejapo vaʼerã peteĩ tembireko térã tajýra ojapóramo peteĩ promésa. Koʼã mbaʼe ojapo vaʼerã peteĩ ména ha hembireko, térã peteĩ túa ha itajýra kuñataĩ oikóva hógape.

31 Upéi Jehová heʼi Moiséspe: 2 “Eñevenga+ umi madianítare umi mbaʼe ojapo vaʼekuére umi israelita kóntrape.+ Ha upe rire remanóta ha reñeñotỹta umi nde tuakuéra ypykuéicha”.*+

3 Upémarõ Moisés oñeʼẽ umi israelítape, ha heʼi: “Peprepara umi kuimbaʼe oĩva pende apytépe oho hag̃ua oñorairõ Madián kóntrape. Péicha Jehová oñevengáta umi madianítare. 4 Pemondo vaʼerã pe ehérsitope 1.000 kuimbaʼe káda trívu de Israélgui”. 5 Upémarõ oñemondo umi miles oĩvagui Israélpe,+ 1.000 kuimbaʼe káda trívugui, péicha ojeprepara 12.000 kuimbaʼe oho hag̃ua gerrahápe.

6 Ha Moisés omondo 1.000 kuimbaʼe káda trívugui pe ehérsitope, ha oho avei Finehás.+ Haʼe hína pe saserdóte Eleazar raʼy ha oñenkarga umi tembiporu sagrádovare ha umi trompéta+ de gérra rehe. 7 Ha Jehová heʼi haguéicha Moiséspe, haʼekuéra oho oñorairõ umi madianítandi ha ojukapaite umi kuimbaʼépe. 8 Ha ojuka avei hikuái umi rréi de Madiánpe, umíva hína Eví, Réquem, Zur, Hur ha Reba. Koʼãva hína umi 5 rréi de Madián. Ojuka avei hikuái Balaámpe,+ haʼe hína Beor raʼy. 9 Péro umi israelita ojagarra ha ogueraha umi kuña ha umi mitãnguéra madianítape. Oguerahapaite avei chuguikuéra umi hymbakuéra ha opa mbaʼerepy orekóva. 10 Ha ohapy umi isiudakuéra oikoha hikuái ha umi kampaménto kompletoite. 11 Haʼekuéra ogueraha entéro mbaʼe oipeʼa ha osakea vaʼekue chuguikuéra, ogueraha hikuái umi hénte ha avei hymbakuéra. 12 Upéi haʼekuéra ogueraha umi prisionéro, umi mbaʼe osakea ha oipeʼa vaʼekue Moiséspe, Eleazar pe saserdótepe ha enterove umi israelítape. Upérõ umi israelita kampaménto oĩ vaʼekue pe desiérto de Moábpe,+ Jordán ypýpe, Jericó rovái.

13 Upémarõ Moisés, Eleazar pe saserdóte ha entéro kuimbaʼe omoakãva umi israelítape osẽ pe kampaméntogui, ha oho ohug̃uaitĩ chupekuéra. 14 Péro Moisés ipochyeterei umi kuimbaʼe omoakãvandi pe ehérsito, umíva hína umi héfe de 1.000 soldádo ha umi héfe de 100 soldádo. Upérõ haʼekuéra og̃uahẽ oúvo gerrahágui. 15 Moisés heʼi chupekuéra: “¿Mbaʼére piko ndapejukapái umi kuñanguérape? 16 Koʼãva hína umi omboliga vaʼekue umi israelítape+ oñemomombyry hag̃ua Jehovágui ha oadora hag̃ua pe dios fálso oĩva Peórpe.+ Balaam voi heʼi vaʼekue chupekuéra ojapo hag̃ua upéicha. Upévare ojekastiga vaʼekue Jehová puévlope.+ 17 Ha koʼág̃a pejukapaite vaʼerã umi mitãʼi oĩva guive umi mitãnguéra apytépe, ha pejuka vaʼerã avei umi kuña orekóma vaʼekuépe rrelasión sexuál kuimbaʼéndi. 18 Péro ani pejuka umi mitãkuña ndorekóiva gueteri rrelasión sexuál kuimbaʼéndi.+ 19 Upéi pehaʼarõ vaʼerã 7 día peike hag̃ua pe kampaméntope. Avei peñemopotĩ+ vaʼerã pe tercer díape ha pe séptimo díape, ojapo vaʼerã avei upéicha umi oporojuka vaʼekue, umi opoko vaʼekue peteĩ teʼonguére+ ha umi hénte pegueru vaʼekue. 20 Ha pemopotĩ vaʼerã pekádogui umi pende ao, oimeraẽ mbaʼe de kuéro, opa mbaʼe ojejapo vaʼekue kavara pirekuégui ha yvyrágui”.

21 Upéi Eleazar pe saserdóte heʼi umi kuimbaʼe oho vaʼekuépe gerrahápe: “Kóva hína pe léi Jehová omeʼẽ vaʼekue Moiséspe: 22 ‘Pe óro, pláta, kóvre, iérro, estáño, plómo 23 ha opa mbaʼe ikatúva oñemopotĩ tatápe, pembohasa vaʼerã tatárupi ha ipotĩtama. Upéi umíva pemopotĩ vaʼerã avei ýpe.*+ Péro entéro mbaʼe ndaikatúiva pemopotĩ tatápe, pemopotĩ vaʼerã ýpe. 24 Avei pejohéi vaʼerã pende ao pe séptimo díape ha penepotĩtama, ha upéi ikatútama peike pe kampaméntope’”.+

25 Upéi Jehová heʼi Moiséspe: 26 “Ejapo peteĩ lísta umi mbaʼe ojegueru vaʼekuégui, ekonta mboy hénte ha animálpa ojegueru. Ko lísta rejapo vaʼerã pe saserdóte Eleazar ndive ha umi omoakãvandi ituakuéra ypykue familiarépe. 27 Edividi umi mbaʼe ojegueru vaʼekue ha peteĩ párte emeʼẽ umi oho vaʼekuépe gerrahápe ha pe ótra párte emeʼẽ umi israelita opyta vaʼekuépe.+ 28 Ha umi mbaʼe oñemeʼẽ vaʼekuégui umi soldádo oho vaʼekuépe gerrahápe, de káda 500 emeʼẽ Jehovápe peteĩ,* tahaʼe persóna, vaka, vúrro térã ovecha. 29 Ha ejagarra pe párte otoka vaʼekuégui chupekuéra ha emeʼẽ Eleazar pe saserdótepe kontrivusiónramo Jehovápe g̃uarã.+ 30 Ha pe ótra párte oñemeʼẽ vaʼekuégui umi israelítape, emeʼẽ umi levítape+ peteĩ de káda 50, tahaʼe persóna, vaka, vúrro, ovecha térã oimehaichagua animál. Umi levita oñenkarga hína umi mbaʼe ojejapóvare Jehová tavernákulope”.+

31 Upémarõ Moisés ha Eleazar pe saserdóte ojapo Jehová heʼi hagueichaite Moiséspe. 32 Umi mbaʼe ojegueru vaʼekue gerrahágui ha omohemby vaʼekue hikuái, en totál ohupyty 675.000 ovecha, 33 72.000 vaka, 34 ha 61.000 vúrro. 35 Umi mitãkuña ndorekóiva gueteri rrelasión sexuál kuimbaʼéndi+ en totál ohupyty 32.000. 36 Pe párte otokáva umi oho vaʼekuépe gerrahápe, ohupyty en totál 337.500 ovecha, 37 ha umívagui oñemeʼẽ Jehovápe en totál 675 ovecha. 38 Umi vaka en totál ohupyty 36.000, ha umívagui oñemeʼẽ Jehovápe 72 vaka. 39 Ha umi vúrro en totál ohupyty 30.500, ha umívagui oñemeʼẽ Jehovápe 61 vúrro. 40 Umi persóna* katu ohupyty en totál 16.000, ha umívagui oñemeʼẽ Jehovápe 32 persóna.* 41 Upéi Moisés omeʼẽ Eleazar pe saserdótepe koʼã kontrivusión Jehovápe g̃uarã,+ haʼe ojapo Jehová heʼi hagueichaite chupe.

42 Ha pe ótra párte oñemeʼẽ vaʼekue umi israelítape, upéva hína pe Moisés ombojaʼo vaʼekue chupekuéra umi kuimbaʼe oho vaʼekuégui gerrahápe, 43 ohupyty en totál 337.500 ovecha, 44 36.000 vaka, 45 30.500 vúrro, 46 ha 16.000 persóna.* 47 Upéi Moisés ojagarra pe párte otokávagui umi israelítape, ha de káda 50 omeʼẽ peteĩ umi levítape,+ tahaʼe persóna térã animál. Umi levita oñenkarga hína umi mbaʼe ojejapóvare Jehová tavernákulope.+ Péicha Moisés ojapo Jehová heʼi hagueichaite chupe.

48 Upéi oñemboja Moisés rendápe umi kuimbaʼe omoakãva pe ehérsito,+ umi héfe de 1.000 soldádo ha umi héfe de 100 soldádo, 49 ha heʼi hikuái Moiséspe: “Ore ningo rokontapáma umi kuimbaʼe oĩva ore poguýpe ha oho vaʼekue gerrahápe, ha ndofaltái ni peteĩ.+ 50 Upévare epermitína oréve, káda uno toromeʼẽ Jehovápe ofréndaramo umi mbaʼe rojuhu vaʼekue, umi kósa de óro, tovilléra, vrasaléte, umi kuãirũ ojepurúva ojesella hag̃ua, umi namichãi ha opaichagua joya, ikatu hag̃uáicha oñeperdona oréve* ore pekádo Jehová renondépe”.

51 Ha Moisés ha Eleazar pe saserdóte ojagarra chuguikuéra umi óro ha opaichagua joya. 52 Pe óro omeʼẽ vaʼekue umi héfe de 1.000 soldádope ha umi héfe de 100 soldádope, pe kontrivusión omeʼẽ vaʼekue Jehovápe g̃uarã ohupyty en totál 191 kílo.* 53 Káda uno umi kuimbaʼe oho vaʼekue gerrahápe ogueraha kuri imbaʼerã peteĩ párte umi mbaʼe ojegueru vaʼekuégui. 54 Moisés ha Eleazar pe saserdóte ojagarra pe óro umi héfe de 1.000 soldádogui ha umi héfe de 100 soldádogui, ha omoinge hikuái pe óro pe tavernákulope* Jehová renondépe ikatu hag̃uáicha haʼe imanduʼa umi israelítare.

32 Rubén familiare+ ha Gad familiare+ oreko hetaiterei animál, ha ohecha hikuái pe yvy oĩva Jazer+ ha Galaádpe iporãitereiha hymbakuéra rendag̃ua. 2 Upémarõ Gad familiare ha Rubén familiare oñemboja Moisés rendápe, Eleazar pe saserdóte ha umi kuimbaʼe omoakãva umi trívu rendápe, ha heʼi chupekuéra: 3 “Rohecha ningo pe yvy oĩva Atarot, Dibón, Jazer, Nimrá, Hesbón,+ Elealé, Sebam, Nebo+ ha Beónpe+ 4 iporãitereiha ojeguereko hag̃ua animál, ha ore ningo hetaiterei ore rymba.+ Jehová voi ningo oipeʼa vaʼekue chuguikuéra koʼã yvy, ha enterove israelita ohecha vaʼekue upéva”.+ 5 Ha osegi heʼi hikuái: “Oĩ porãramo ndéve g̃uarã, emeʼẽna oréve ko yvy orembaʼerã ha ani orembohasa pe ótro ládo pe Jordángui”.

6 Upépe Moisés heʼi Rubén familiare ha Gad familiarépe: “¿Peẽ piko pepytáta koʼápe pene ermanokuéra oho aja gerrahápe? 7 Peẽ ningo péicha pemokangýta pe puévlo de Israélpe, ha ndoikesemoʼãi hikuái pe yvy Jehová omeʼẽtavape chupekuéra. 8 Yma péicha voi ojapo vaʼekue pende tuakuéra amondórõ guare chupekuéra Cadés-Barnéagui ohecha hag̃ua pe yvy.+ 9 Og̃uahẽrõ guare hikuái Escol Ñúme*+ ha ohecha pe yvy, haʼekuéra omokangy pe puévlope ani hag̃ua oike pe yvy Jehová omeʼẽtavape chupekuéra.+ 10 Upe díape Jehová ipochyeterei vaʼekue ha ohura voi:+ 11 ‘Umi kuimbaʼe osẽ vaʼekue Egíptogui ha orekóva 20 áño guive ndohechamoʼãi pe yvy+ apromete vaʼekue ameʼẽtaha Abrahán, Isaac ha Jacóbpe,+ pórke haʼekuéra naiñeʼẽrendúi ipyʼaite guive. 12 Péro Caleb,+ Jefuné raʼy pe quenizita, ha Josué+ Nun raʼy añoite oikéta, pórke haʼekuéra iñeʼẽrendu Jehovápe ipyʼaite guive’.+ 13 Upérõ Jehová ipochyeterei Israel ndive, ha upévare oheja chupekuéra okorre rei pe desiértore 40 áño,+ omanomba peve pe henerasión ojapo vaʼekue mbaʼe vai Jehová renondépe.+ 14 Ha koʼág̃a peẽ avei penerembiapo vai hína pende tuakuéra ojapo haguéicha, ha upévare Jehová ipochyetereive Israel ndive. 15 Ha peẽ ndapejaposevéiramo Ñandejára heʼíva, haʼe pendereja rei jeýta ko desiértope, ha pende káusare oñehundíta ko puévlo”.

16 Upe rire oñemboja hikuái hendápe, ha heʼi chupe: “Ehejána oréve torojapo raẽ koʼápe itágui ore rymbakuéra korarã, ha toromopuʼã umi siuda ore raʼykuérape g̃uarã. 17 Péro preparadoite roiméta roho hag̃ua roñorairõ,+ ha rohóta voi umi israelita renonderã oikepa peve hikuái ijyvyrãme. Upe aja ore raʼykuéra opytáta oiko umi siuda imurallapávape, ha umi hénte oikóva ko nasiónpe ndojapomoʼãi hesekuéra mbaʼeve. 18 Káda israelita oreko mboyve ijyvy oñemeʼẽtava chupekuéra, ore ndorojumoʼãi ore rógape.+ 19 Pórke oréve noñemeʼẽmoʼãi hína ore yvyrã ijapytepekuéra pe ótro ládo pe Jordángui, pórke oñemeʼẽma oréve ore yvyrã koʼápe, éste gotyo pe Jordángui”.+

20 Moisés heʼi chupekuéra: “Peẽ pejapo vaʼerã ko haʼétava peẽme: Jehová renondépe, káda uno pejagarra vaʼerã umi árma ha peho gerrahápe,+ 21 ha pehasa pe ótro ládo pe Jordángui Jehová renondépe. Ha haʼe omosẽ vove henonderãgui umi iñenemígope,+ 22 ha peẽ pejagarrapa vove pe yvy Jehová renondépe,+ upe rire ae ikatúta peju jey,+ ha Jehová ni Israel napendekulpamoʼãi mbaʼevére. Upéicha pejapóramo Jehová renondépe, ko yvy opytáta penembaʼerã.+ 23 Péro ndapejapóiramo péicha, pepekáta Jehová renondépe. Ha katuete pepagáta pende pekádore. 24 Ikatu pemopuʼã umi siuda pende raʼykuérape g̃uarã, ha pejapo itágui umi kora pene rymbakuérape g̃uarã,+ péro pekumpli vaʼerã katuete pepromete vaʼekue”.

25 Rubén familiare ha Gad familiare heʼi Moiséspe: “Ore ningo rojapóta pe ere hagueichaite oréve. 26 Ore raʼykuéra, ore rembirekokuéra ha ore rymbakuéra opytapáta umi siuda oĩvape Galaádpe,+ 27 péro ore rohasáta pe rrío, enterove kuimbaʼe ore apytépe oĩva oho hag̃uáicha gerrahápe ha oñorairõ Jehová renondépe,+ rojapóta nde ere hagueichaite”.

28 Upémarõ Moisés oñeʼẽ pe saserdóte Eleazárpe, Josué, Nun raʼýpe ha umi omoakãvape Israel trívu asegún káda família, ha heʼi mbaʼépa ojejapo vaʼerã hendivekuéra. 29 Moisés heʼi chupekuéra: “Gad familiare ha Rubén familiare ojagarráramo hiʼarmakuéra ha ohasa penendive pe Rrío Jordán, entéro umi kuimbaʼe oĩva oho hag̃uáicha gerrahápe Jehová renondépe, ha pejagarráramo pe yvy, upéicharõ peẽ pemeʼẽ vaʼerã chupekuéra imbaʼerã pe yvy oĩva Galaádpe.+ 30 Péro umi kuimbaʼe ndojagarráiramo umi árma ha ndohasái penendive pe rrío, upéicharõ haʼekuéra opyta vaʼerã oiko pende apytépe Canaánpe”.

31 Upépe Gad familiare ha Rubén familiare heʼi: “Opa mbaʼe Jehová heʼi vaʼekue rojapopaitéta. 32 Rojagarráta ore armakuéra Jehová renondépe ha rohasáta Canaánpe,+ péro pe yvy oĩva koʼa gotyo pe Jordángui opytáta oréve orembaʼerã”. 33 Upémarõ Moisés omeʼẽ chupekuéra ijyvyrã Gad familiarépe, Rubén familiarépe+ ha Manasés trívu alamitarépe.+ Manasés hína José raʼyre. Omeʼẽ chupekuéra pe yvy oĩva Sehónpe,+ umi amorreokuéra rréi território, ha Og+ pe rréi de Basán yvykue, omeʼẽ chupekuéra umi yvy isiudakuéra reheve ha avei umi siuda oĩva guive ijerére.

34 Gad familiare omopuʼã* umi siuda hérava Dibón,+ Atarot,+ Aroer,+ 35 Atrot-Sofán, Jazer,+ Jogbehá,+ 36 Bet-Nimrá+ ha Bet-Harán.+ Koʼãva hína umi siuda imurallapáva omopuʼã vaʼekue hikuái, avei haʼekuéra ojapo itágui umi kora ijovecha ha kavarakuérape g̃uarã. 37 Ha Rubén familiare omopuʼã umi siuda hérava Hesbón,+ Elealé,+ Quiryataim,+ 38 Nebo,+ Baal-Meón,+ okambia hikuái koʼã siuda réra, ha avei Sibmá. Ha oñepyrũ ombohéra pyahu hikuái umi siuda omopuʼã jey vaʼekue.

39 Makir familiare+ oho oñorairõ Galaad kóntrape, ha ojagarra hikuái upe yvy, ha omosẽmbaite avei umi amorreo oĩ vaʼekuépe upépe. Makir hína Manasés raʼyre. 40 Upémarõ Moisés omeʼẽ Galaad Makir familiarépe, ha haʼekuéra opyta oiko upépe. Makir hína Manasés raʼyre.+ 41 Jaír, haʼéva hína Manasés trivugua, oho oñorairõ ikontrapekuéra ha ojagarra umi ikampamentokuéra, ha umi lugár ombohéra Havot-Jaír.*+ 42 Ha Nóbah oho avei oñorairõ ikontrapekuéra ha ojagarra Quenat ha umi puevloʼi oĩva ijerére. Upéi ombohéra hag̃ua upe lugár oipuru héra tee, Nóbah.

33 Koʼãva hína umi lugár opyta hague umi israelita osẽrõ guare Egíptogui. Haʼekuéra osẽ vaʼekue peteĩ ehérsitoicha, grúpo por grúpo,+ ha Moisés ha Aarón odirihi vaʼekue chupekuéra.+ 2 Moisés oanota vaʼekue moõ moõpa opyta hikuái oviahárõ guare, oanotapaite umi lugár Jehová heʼi haguépe chupekuéra opyta hag̃ua. Koʼãva hína umi lugár opyta hague hikuái oviahárõ guare:+ 3 haʼekuéra osẽ Ramesésgui+ pe día 15 pe primer méspe.+ Upe diaitépe, pe Páskua+ rire, umi israelita pyʼaguasúpe osẽ oho, ha umi egipcio ohecha chupekuéra. 4 Upe aja katu umi egipcio oñotỹ joa umi taʼyrakuéra ypykue omano vaʼekuépe, umívape Jehová ojuka kuri,+ pórke Jehová ohusga ha okastiga umi idioskuérape.+

5 Upérõ umi israelita osẽ Ramesésgui ha oho opyta Sucótpe.+ 6 Upéi osẽ hikuái Sucótgui ha oho opyta Ezámpe,+ pe desiérto rembeʼýpe. 7 Upe rire osẽ hikuái Ezámgui ha oho Pihahirot gotyo, oĩva Baal-Zefón+ rovái, ha opyta hikuái Migdol+ renondépe. 8 Upéi haʼekuéra osẽ Pihahirótgui ha ohasa pe mar mbytérupi+ og̃uahẽ meve pe desiértope.+ Ha oguata hikuái 3 día Ezam+ desiértore ha oho opyta Marápe.+

9 Upéi osẽ hikuái Marágui ha og̃uahẽ Elímpe. Ha Elímpe oĩ 12 ykua yvu ha 70 palméra máta, upémarõ opyta hikuái upépe.+ 10 Upe rire osẽ hikuái Elímgui ha oho opyta Mar Rojo ypýpe. 11 Ha pe Mar Rojo ypýgui osẽ hikuái ha oho opyta desiérto de Sínpe.+ 12 Upéi oho hikuái desiérto de Síngui ha opyta Dofcápe. 13 Ha Dofcágui osẽ hikuái ha oho opyta Alúspe. 14 Upéi osẽ hikuái Alúsgui ha oho opyta Refidímpe,+ ha upépe katu ndaipóri vaʼekue y hoʼu hag̃ua umi hénte. 15 Upéi osẽ hikuái Refidímgui ha oho opyta pe desiérto de Sinaípe.+

16 Ha osẽ hikuái oho pe desiérto de Sinaígui ha opyta Quibrot-Hataavápe.+ 17 Upéi Quibrot-Hataavágui osẽ hikuái ha oho opyta Hazerótpe.+ 18 Upe rire osẽ hikuái Hazerótgui ha oho opyta Ritmápe. 19 Ha Ritmágui osẽ hikuái ha oho opyta Rimón-Pérezpe. 20 Upéi Rimón-Pérezgui osẽ hikuái ha oho opyta Libnápe. 21 Upe rire osẽ hikuái Libnágui ha oho opyta Risápe. 22 Riságui osẽ hikuái ha oho opyta Quehelatápe. 23 Upéi Quehelatágui osẽ hikuái ha oho opyta Sérro Séferpe.

24 Upe rire osẽ hikuái Sérro Séfergui ha oho opyta Haradápe. 25 Ha Haradágui osẽ hikuái ha oho opyta Maquelótpe. 26 Maquelótgui katu osẽ hikuái+ ha oho opyta Táhatpe. 27 Upéi osẽ hikuái Táhatgui ha oho opyta Tarépe. 28 Ha Tarégui osẽ hikuái ha oho opyta Mitcápe. 29 Upéi Mitcágui osẽ hikuái ha oho opyta Hasmonápe. 30 Hasmonágui katu osẽ hikuái ha oho opyta Moserótpe. 31 Upéi osẽ hikuái Moserótgui ha oho opyta Bene-Jaacánpe.+ 32 Ha upéi osẽ hikuái Bene-Jaacángui ha oho opyta Hor-Haguidgádpe. 33 Upéi osẽ hikuái Hor-Haguidgádgui ha oho opyta Jotbatápe.+ 34 Ha osẽ rire hikuái Jotbatágui oho opyta Abronápe. 35 Upéi osẽ hikuái Abronágui ha oho opyta Ezión-Guéberpe.+ 36 Ha osẽ rire hikuái Ezión-Guébergui oho opyta Cadéspe, pe desiérto de Zínpe.+

37 Upéi osẽ hikuái Cadésgui ha oho opyta Sérro Hórpe,+ pe Edom território rembeʼýpe. 38 Ha Aarón pe saserdóte ojupi pe Sérro Hórpe Jehová heʼi rupi chupe, ha upépe omano pe primer día del quinto mes, 40 áño umi israelita osẽ rire Egíptogui.+ 39 Aarón oreko vaʼekue 123 áño omanórõ guare pe Sérro Hórpe.

40 Upéi pe rréi de Arad+ oikuaa umi israelita ouha. Upe rréi ningo peteĩ cananeo oiko vaʼekue Néguebpe, upe lugár opyta hína Canaánpe.

41 Tiémpo rire umi israelita osẽ pe Sérro Hórgui+ ha oho opyta Zalmonápe. 42 Upéi osẽ hikuái Zalmonágui ha oho opyta Punónpe. 43 Ha upéi osẽ hikuái Punóngui ha oho opyta Obótpe.+ 44 Upe rire osẽ hikuái Obótgui ha oho opyta Iyé-Abarímpe, Moab território oríllape.+ 45 Upéi osẽ hikuái Iyímgui ha oho opyta Dibón-Gádpe.+ 46 Ha osẽ rire hikuái Dibón-Gádgui oho opyta Almón-Diblatáimpe. 47 Upéi osẽ hikuái Almón-Diblatáimgui ha oho opyta umi montáña de Abarímpe,+ opytáva Nebo rovái.+ 48 Upéi osẽ hikuái umi montáña de Abarímgui ha oho opyta pe desiérto de Moábpe, Jordán ypýpe, Jericó rovái.+ 49 Ha osegi opyta hikuái pe Jordán ypýpe, pe lugár héravape Bet-Jesimot guive Abel-Sitim peve,+ pe desiérto de Moábpe.

50 Ha Jehová oñeʼẽ Moiséspe pe desiérto de Moábpe, Jordán ypýpe, Jericó rovái, ha heʼi chupe: 51 “Ere umi israelítape: ‘Pehasáta pe Jordán ha peikéta Canaánpe.+ 52 Ha pemosẽmbaite vaʼerã umi hénte oikóvape upe yvýpe ha pehundipa vaʼerã umi estátua ojejapo vaʼekue itágui+ ha umi ojejapo vaʼekue metálgui,+ ha pehundipaite vaʼerã umi lugár yvate.+ 53 Ha peẽ pejagarráta pe yvy ha peikóta pype, pórke ameʼẽta peẽme penembaʼerã upe yvy.+ 54 Pejapo vaʼerã sortéo+ perreparti hag̃ua hekoitépe pe yvy pene hentekuérape. Umi hetavévape pemeʼẽ vaʼerã tuichave ijyvyrã, ha umi mbovyvévape pemeʼẽ vaʼerã michĩve ijyvyrã.+ Káda únope oñemeʼẽta ijyvyrã asegún osẽ pe sortéope. Oñemeʼẽta peẽme pende yvyrã, pe erénsia oñemeʼẽvagui pende trívupe.+

55 Péro peẽ napemosẽiramo umi hénte oikóvape upe yvýpe,+ umi pehejáva guive pendestorváta ohoramoguáicha pende resápe yvyra kuʼi ha haʼetéta ñuatĩ pendekutúva pende kostádope. Haʼekuéra penembohasa asýta umi lugár peikohápe.+ 56 Ha ajapóta penderehe umi mbaʼe vai apensa vaʼekue ajapotaha hesekuéra’”.+

34 Upéi Jehová oñeʼẽ jey Moiséspe ha heʼi: 2 “Ere umi israelítape koʼã mbaʼe: ‘Ág̃a peike vove Canaánpe,+ upe yvy ameʼẽtavape peẽme pene erénsiaramo, koʼãva haʼéta hína umi frontéra.+

3 Sur gotyo pe frontéra oĩta desiérto de Zínpe ha ohóta hese Edom território rembeʼy pukukue, ha éste gotyo, pe frontéra sur haʼéta hína pe opahápe Mar Salado.*+ 4 Ko frontéra ohasáta Acrabim arriváda+ sur gotyo ha ohóta hese Cadés-Barnea+ peve, oĩva desiérto de Zínpe. Upéi ohóta hese Hazar-Addar+ peve ha og̃uahẽta Azmónpe. 5 Ha Azmón guive pe frontéra ohóta Egipto Yrape* peve ha upéi og̃uahẽta pe Mar Grande* peve.+

6 Oéste gotyo pe frontéra haʼéta hína pe Mar Grande rembeʼy. Upéva haʼéta hína pe frontéra oéste gotyo.+

7 Ha nórte gotyo pe frontéra oĩta Mar Grande guive Sérro Hor peve. 8 Ha upéi pe Sérro Hor guive pe frontéra ohóta Lebó-Hamat*+ peve ha og̃uahẽta Zedad+ peve. 9 Upéi pe frontéra ohóta Zifrón peve ha og̃uahẽta Hazar-Enánpe.+ Péichata hína pene frontéra oĩva nórte gotyo.

10 Upéi pe frontéra oĩva éste gotyo pemarka vaʼerã Hazar-Enán guive Sefam peve. 11 Ha pe frontéra ohóta Sefam guive Riblá peve, opytáva Áingui éste gotyo, upéi pe frontéra oguejýta ha ohasáta pe vaháda oĩvare éste gotyo pe Mar de Kinéretgui.*+ 12 Upéi pe frontéra ohóta Rrío Jordán peve ha og̃uahẽta Mar Salado+ peve. Péva haʼéta pende yvy+ ha umi ifrontéra’”.

13 Upéi Moisés heʼi umi israelítape koʼã mbaʼe: “Kóva hína pe yvy pesorteátava+ perreparti hag̃ua umi 9 trívu imédiope. Jehová heʼi hagueichaite pemeʼẽ vaʼerã chupekuéra. 14 Pórke oñemeʼẽma ijyvyrã Rubén trivuguápe, asegún máva familiarépa hikuái, ha Gad trivuguápe, asegún máva familiarépa hikuái, ha avei Manasés trívu alamitarépe.+ 15 Umi mokõi trívu imédio orekóma ijyvyrã éste gotyo pe Jordángui, Jericó rovái, kuarahyresẽ gotyo”.+

16 Upéi Jehová oñeʼẽ jey Moiséspe ha heʼi: 17 “Koʼãva hína umi kuimbaʼe orrepartítava peẽme pende yvyrã: Eleazar+ pe saserdóte ha Josué,+ Nun raʼy. 18 Ha peẽ pegueraha vaʼerã peteĩ kuimbaʼe omoakãva káda trívu, ikatu hag̃uáicha penepytyvõ perreparti hag̃ua pe yvy.+ 19 Koʼãva hína umi kuimbaʼe: Judá trívugui+ Caleb,+ Jefuné raʼy. 20 Simeón trívugui+ Semuel, Amihud raʼy. 21 Benjamín trívugui+ Elidad, Kislón raʼy. 22 Dan trívupe+ omoakãva Buquí, Joglí raʼy. 23 Manasés trívupe+ omoakãva Haniel, Efod raʼy. Manasés hína José raʼyre.+ 24 Efraín trívupe+ omoakãva Quemuel, Siftán raʼy. 25 Zabulón trívupe+ omoakãva Elizafán, Parnac raʼy. 26 Isacar trívupe+ omoakãva Paltiel, Azán raʼy. 27 Aser trívupe+ omoakãva Ahihud, Selomí raʼy. 28 Neftalí trívupe+ omoakãva Pedahel, Amihud raʼy”. 29 Koʼãvape Jehová heʼi vaʼekue orreparti hag̃ua pe yvy umi israelítape Canaánpe.+

35 Jehová oñeʼẽ Moiséspe desiérto de Moábpe, Jordán ypýpe,+ Jericó rovái, ha heʼi: 2 “Ere umi israelítape omeʼẽ vaʼerãha iñerénsiagui umi levítape umi siuda oiko hag̃ua,+ ha omeʼẽ vaʼerã avei chupekuéra umi pastoty oĩva umi siuda jerére.+ 3 Umi levita oikóta umi siudápe ha umi pastoty katu hymbakuérape g̃uarã, omopuʼã hag̃ua igalponkuéra ha oimeraẽ ótro animál rendag̃ua. 4 Ha umi pastoty pemeʼẽtava umi levítape, oreko vaʼerã 445 métro* pe murálla guive kompletoite pe siuda jerére. 5 Peẽ pemedi vaʼerã pe siuda murálla guive ha oreko vaʼerã 890 métro* káda ládo, tahaʼe éste, sur, oéste ha nórte gotyo, ha pe siuda opyta vaʼerã mbytépe. Péichata hína umi pastoty oĩtava pe siuda jerére.

6 Pemeʼẽta umi levítape 6 siuda ikatuhápe okañy* umi oporojuka vaʼekue.+ Pemeʼẽ vaʼerã avei chupekuéra 42 siuda. 7 En totál pemeʼẽ vaʼerã 48 siuda umi ipastoty reheve.+ 8 Oñemeʼẽ vaʼerã chupekuéra umi siuda umi israelita erénsiagui.+ Umi trívu tuichavévagui peipeʼa vaʼerã hetave, ha umi trívu michĩvévagui peipeʼa vaʼerã saʼive.+ Káda trívu omeʼẽta umi siuda umi levítape, asegún pe erénsia oñemeʼẽ vaʼekue chupekuéra”.

9 Jehová osegi oñeʼẽ Moiséspe ha heʼi: 10 “Ere umi israelítape: ‘Pehasáta pe Jordán ha peikéta Canaánpe.+ 11 Peẽ peiporavo vaʼerã umi siuda opyta porãtava peẽme oho hag̃ua okañy upépe umi oporojuka vaʼekue ojaposeʼỹre.+ 12 Koʼã siudápe ikatúta oho okañy ojukaséramo chupe pe omano vaʼekue pariénte.*+ Upéicharõ ndojejukamoʼãi chupe ojehusga mboyve umi hénte renondépe.+ 13 Umi 6 siuda peẽ pemeʼẽtava oservíta ojeho hag̃ua oñekañy upépe. 14 Peẽ pemeʼẽta mbohapy siuda pe Jordángui éste gotyo,+ ha mbohapy Canaánpe.+ Koʼã siuda oservíta hína oñekañy hag̃ua. 15 Koʼã 6 siuda oservíta okañy hag̃ua umi israelita, umi extranhéro+ ha umi aréma oikóva pende apytépe. Ikatu hag̃uáicha oho upépe oimeraẽ oporojuka vaʼekue ojaposeʼỹre.+

16 Péro oĩramo oinupãva hapichápe iérrope ha omano, haʼe upéicharõ peteĩ asesíno. Upe oporojuka vaʼekuépe ojejuka vaʼerã katuete.+ 17 Péro olastimáramo hapichápe peteĩ ita ikatu vaʼerãichaguápe ojuka, ha ojuka voi chupe, upéicharõ haʼe peteĩ asesíno hína. Upe oporojuka vaʼekuépe ojejuka vaʼerã katuete. 18 Ha oinupãrõ hapichápe peteĩ yvyra ikatu vaʼerãichaguápe ojuka, ha ojuka voi chupe, upéicharõ haʼe peteĩ asesíno hína. Upe oporojuka vaʼekuépe ojejuka vaʼerã katuete.

19 Pe ovengáva pe ojejuka vaʼekue ruguykue ojuka vaʼerã pe asesínope. Otopa vove hese ojukáta chupe. 20 Péro oĩramo omyañáva hapichápe ndaijaʼéigui hese térã ojapi chupe álgope ojaposégui voi upéicha,+ 21 térã ndaijaʼéigui hese ombyepoti chupe ha ojuka, upéicharõ upe mbaʼe vai apoha ojejuka vaʼerã katuete. Péva peteĩ asesíno hína. Pe ovengáva pe ojejuka vaʼekue ruguykue ojukáta chupe otopa vove hese.

22 Péro oiméramo ojuka raʼe hapichápe ojukaseʼỹre, omyaña rupi chupe térã ojapi rupi chupe álgope, péro ndahaʼéi ndaijaʼéigui hese la ojapóva upéva,+ 23 térã ndohechái chupe ha oity hese peteĩ ita ha ojuka pe hapichápe, péro ndahaʼéi kuri iñenemígo ni ndoperhudikaséi kuri chupe, 24 upéicharõ pe mbaʼe vai apoha ha pe ovengáva pe ojejuka vaʼekue ruguykue oho vaʼerã umi hénte renondépe, ojehusga hag̃ua chupekuéra ko léipe heʼiháicha.+ 25 Ha umi hénte osalva vaʼerã upe oporojuka vaʼekuépe ani hag̃ua pe ovengáva pe ojejuka vaʼekue ruguykue ojuka chupe, ha oñemondo jey vaʼerã chupe pe siuda ikatuhápe oñekañy, upe oho haguépema voi. Ha haʼe opyta vaʼerã upépe, omano meve pe súmo saserdóte oñenombra vaʼekue oñeñohẽrõ guare iñakãre aséite.+

26 Péro pe oporojuka vaʼekue osẽramo pe siuda oho haguégui okañy, 27 ha pe ovengáva pe ojejuka vaʼekue ruguykue otopa hese osẽ hague pe siudágui ha ojuka chupe, upéicharõ ndojekulpamoʼãi ko persónape ojuka haguére chupe. 28 Pórke haʼe opyta vaʼerã oiko pe siuda ikatuhápe oñekañy omano meve pe súmo saserdóte. Péro omano rire pe súmo saserdóte, upe oporojuka vaʼekue ikatúma oho jey ijyvy teépe.+ 29 Koʼãva hína umi léi pekumpli vaʼerã peẽ ha pene familiare peporohusga jave, peiko peikohápe.

30 Oimeraẽ ojukáva peteĩ persónape* ojejuka vaʼerã chupe, haʼe rupi peteĩ asesíno.+ Péro upearã oĩ vaʼerã unos kuánto ohecháva upe oiko vaʼekue,+ pórke avavépe ndojejukái vaʼerã oĩramo peteĩ testígonte. 31 Ndovaléi pejagarra mbaʼeve pe oporojuka vaʼekuégui opagaséramo* hekovére,* haʼe omerese voi hína omano, ha katuete ojejuka vaʼerã chupe.+ 32 Ha ndapejagarrái vaʼerã avei mbaʼeve peteĩ oho vaʼekuégui pe siuda ikatuhápe oñekañy, peichahágui opagaséramo* oho jey hag̃ua oiko ijyvýpe omano mboyve pe súmo saserdóte.

33 Peẽ napemongyʼái vaʼerã pe yvy peikoha, pórke pe tuguy oñeñohẽva omongyʼa hína pe yvy,+ ha ndaikatúi ojepaga pe tuguy oñeñohẽ vaʼekuére, ndahaʼéiramo pe oporojuka vaʼekue ruguy rupive.+ 34 Napemongyʼái vaʼerã pe yvy peikoha, pórke che aiko avei upépe, ha che, Jehová, aime hína umi israelita apytépe’”.+

36 Umi kuimbaʼe omoakãva Galaad familiarépe, oñemboja ha oñeʼẽ Moiséspe ha umi omoakãvape israelitakuérape. Galaad hína Makir raʼyre,+ ha Makir hína Manasés raʼyre, haʼe hína José familiare. 2 Haʼekuéra heʼi: “Jehová ningo heʼi kuri ndéve resortea+ ha rerreparti hag̃ua umi israelítape ijyvyrã, ha Jehová heʼi avei kuri ndéve remeʼẽ hag̃ua ore ermáno Zelofehad erénsia umi itajyrakuérape.+ 3 Péro koʼã kuñataĩ omendáramo umi kuimbaʼe ótro trivupeguáre, pe erénsia oñemeʼẽ vaʼekue chupekuéra ojepeʼáta ore trívugui ha opytáta iména trívupe g̃uarã. Péicha ojepeʼáta peteĩ párte pe erénsia otokávagui ore trívupe. 4 Ha ág̃a og̃uahẽ vove Israélpe pe Áño de Liverasión,*+ pe erénsia otokáva umi kuñataĩme opytaitétama iména trívupe, ha péicha pe yvy otoka vaʼekue umi kuñataĩme ojepeʼáta pe erénsia otokávagui ore tuakuéra trívupe”.

5 Upéi Moisés heʼi umi israelítape mbaʼépa heʼi Jehová: “Siérto hína la heʼíva José raʼykuéra trivupegua. 6 Koʼã mbaʼe heʼi kuri Jehová ojapo vaʼerãha Zelofehad rajykuéra: ‘Haʼekuéra ikatu omenda omendasévare, péro omenda vaʼerã peteĩ oĩvare itúa trívu famíliape. 7 Ni mbaʼevéicharõ umi israelita erénsia noñembohasái vaʼerã peteĩ trívugui ótro trívupe, pórke umi israelita erénsia opyta vaʼerã ituakuéra ypykue trívupe. 8 Ha umi kuñataĩ orekóva peteĩ erénsia peteĩ trívupe umi israelitakuéra apytépe, omenda vaʼerã peteĩ itúa trivupeguáre.+ Péicha umi israelita erénsia opytáta ituakuéra ypykue trívupe. 9 Ni peteĩ israelita erénsia noñembohasái vaʼerã peteĩ trívugui ótro trívupe, pórke umi erénsia oñemeʼẽ vaʼekue umi trívu de Israélpe opytaite vaʼerã chupekuéra’”.

10 Zelofehad rajykuéra ojapo Jehová heʼi hagueichaite Moiséspe.+ 11 Upémarõ Zelofehad rajykuéra+ Mahlá, Tirzá, Hoglá, Milcá ha Noá omenda itúa parientekuérare.* 12 Haʼekuéra omenda Manasés familiare rehe. Manasés hína José raʼyre. Péicha pe iñerensiakuéra osegi kuri itúa trívu famíliape.

13 Koʼãva hína umi léi ha opa mbaʼe Jehová heʼi vaʼekue umi israelítape Moisés rupive pe desiérto de Moábpe, Jordán ypýpe, Jericó rovái.+