Mbaʼe rehepa oñeñeʼẽta seksión 14-pe

Umi kristiáno ypykue opredika vaʼekue umi notísia porã oñeʼẽva Ñandejára Rréinore umi lugár mombyryvehápe jepe ko yvy ape ári. Jesús ogia chupekuéra oikuaa hag̃ua moõpa opredika vaʼerã, ha pe espíritu sánto rupive oipytyvõ chupekuéra oñeʼẽ hag̃ua umi héntepe iñidiómape. Jehová ombopyʼaguasu ha omombarete chupekuéra oaguanta hag̃ua ojepersegi mbaretérõ jepe chupekuéra.

Jesús ohechauka vaʼekue apóstol Juánpe peteĩ visiónpe mbaʼéichapa pe lugár Jehová oĩha. Ótra visiónpe, Juan ohecha pe Rréino oĩva yvágape ipuʼakaha Satanás rehe ha ohundi chupe pára siémpre. Ohecha avei Jesúspe ogovernamaha umi 144.000 ndive, ko yvýgui katu oiko peteĩ hardín iporãitereíva ha enterove oadora Jehovápe pyʼaguapýpe ha peteĩ ñeʼẽme.