¿Mbaʼéichapa reipuru vaʼerã ko folléto?

Umi ótra páhinape retopáta peteĩ téxto bíblico káda díape g̃uarã ha iguýpe katu peteĩ komentário. Pe téxto káda diagua ikatu relee oimeha órante, péro heta oĩ ohechakuaáva iporãveha ojelee pyharevekue. ¿Mbaʼérepa? Upéicha ikatúta ára pukukue aja rejepyʼamongeta pe informasión rehe. Tuicha penepytyvõta avei pehesaʼỹijóramo pe téxto káda diagua pende rogayguakuérandi. Umi ermáno ombaʼapóva Betélpe oĩva opárupi ko yvy ape ári, káda día orambosa mboyve ohesaʼỹijóma pe téxto.

Pe komentário oĩva pe téxto guýpe, oñenohẽ peteĩ artíkulo osẽ vaʼekuégui Ñemañaháme (w) abril de 2015 guive marzo de 2016 peve. Pe komentário guyetépe, primeroite voi oñemoĩ mbaʼe áño ha mbaʼe fécha guarépa pe Ñemañaha ojepurúva, ha upe rire oñemoĩ mbaʼe artíkuloguipa oñeguenohẽ (1, 2, 3, 4 térã 5). Upéi katu oñemoĩ mbaʼe número de párrafopepa oĩ pe informasión. (Ehecha pe rrekuádro oĩva ko páhinape.) Pe artíkulope ikatu retopave informasión oñeʼẽva pe témare. Pe Ñemañaha apére térã páhina 2-pe oĩ mbaʼe páhinapepa oĩ káda artíkulo.