¿Mbaʼéichapa reipuru vaʼerã ko folléto?

Umi ótra páhinape retopáta peteĩ téxto bíblico káda díape g̃uarã ha iguýpe katu peteĩ komentário. Pe téxto káda diagua ikatu relee oimeha órante, péro heta oĩ ohechakuaáva iporãveha ojelee pyharevekue. ¿Mbaʼérepa? Upéicha ikatúta ára pukukue aja rejepyʼamongeta pe informasión rehe. Tuicha nepytyvõta avei rehesaʼỹijóramo pe téxto káda diagua nde rogayguakuérandi. Umi ermáno ombaʼapóva Betélpe oĩva opárupi ko yvy ape ári, káda día ohesaʼỹijóma pe téxto orambosa mboyve.

Káda téxto bíblico guýpe oñemoĩ peteĩ komentário. Koʼãva oñenohẽ peteĩ artíkulo osẽ vaʼekuégui Ñemañaháme (w) abril de 2016 guive marzo de 2017 peve. Opávo káda komentário oĩ peteĩ rreferénsia. Primeroite oñemoĩ mbaʼe áño ha mbaʼe mes guarépa pe Ñemañaha ojepurúva, ha upe rire oñemoĩ mbaʼe número de artíkulo de estúdioguipa oñeguenohẽ (1, 2, 3, 4 térã 5). Upéi katu oñemoĩ mbaʼe número de párrafopepa oĩ pe informasión (ehecha pe rrekuádro oĩva ko páhinape). Pe artíkulo oñemensionávape ikatu retopave informasión oñeʼẽva pe témare. Rrevísta Ñemañaha páhina 2-pe oñemoĩ mbaʼe páhinapepa oĩ káda artíkulo.