¿Mbaʼéichapa reipuru vaʼerã ko folléto?

Ko follétope retopáta peteĩ téxto bíblico káda díape g̃uarã ha iguýpe katu peteĩ komentário. Pe téxto káda diagua ikatu relee oimeha órante, péro heta oĩ ohechakuaáva iporãveha ojelee pyharevekue. Upéicha ikatúta pe día pukukue ojepyʼamongeta pe informasión rehe. Rehesaʼỹijóramo pe téxto káda diagua nde rogayguakuérandi tuicha avei nepytyvõta. Umi ermáno ombaʼapóva Betélpe ohesaʼỹijo káda día pe téxto orambosa órape.

Káda komentário oñeguenohẽ peteĩ artíkulo osẽ vaʼekuégui Ñemañaháme (w) abril de 2023 guive marzo de 2024 peve. Opávo káda komentário oĩ peteĩ rreferénsia. Primeroite oñemoĩ mbaʼe áño ha mbaʼe mes guarépa pe Ñemañaha ojepurúva, ha upe rire oñemoĩ mbaʼe páhinaguipa oñeguenohẽ. Upéi katu oñemoĩ mbaʼe número de párrafopepa oĩ pe informasión (ehecha pe rrekuádro oĩva ko páhinape). Pe artíkulo oñemensionávape ikatu retopave informasión oñeʼẽva pe témare.