Haʼe raẽvete oñorairõ Jehová rehehápe

JEHOVÁ opromete vaʼekue iñamígo Abrahánpe: “Ajapóta ndehegui peteĩ nasión tuicháva”. Ha ndahaʼéi voi upévante, Jehová ohechauka vaʼekue voi Abrahánpe pe yvy porãite opytátava chupe ha ifamiliakuérape g̃uarã (Gén. 12:2; 13:​14, 15). Ko promésa ningo iñimportanteterei entéro persónape g̃uarã, ndahaʼéi Abrahánpe g̃uarãnte. Péro Satanás ndoipotái vaʼekue upe nasión ni oñepyrũ oexisti, pórke haʼe oikuaa upe nasióngui osẽtaha pe “kuña familiare” ohundítava chupe ha igoviérnope (Gén. 3:15).

Upévare Satanás oñakaramaite vaʼekue Abrahánre ha ihentekuérare. Lot haʼe vaʼekue peteĩva umi osufríva upéva káusare. Abrahán heʼi vaʼekue Lótpe ikatuha oiko oikosehápe pe Tiérra Prometídape. ¡Ajépa imbaʼeporãite Abrahán! Lot oelehi vaʼekue pe sóna iporãvéva oñeñemitỹ hag̃ua. Upe sóna opyta vaʼekue Sodoma ypýpe, oikohápe umi hénte ‘iñañáva ha ojapóva heta mbaʼe ivaietereíva Jehová renondépe’ (Gén. 13:​8-13). Péro peteĩ día pe rréi de Sodoma oñomoirũ 4 rréi cananeo ndive opuʼã hag̃ua pe rréi de Elam rehe. Haʼekuéra ikueráima kuri opaga haguére impuésto ko rréipe. Opuʼã rire hese hikuái, pe rréi de Elam oñomoirũ avei 3 rréi ndive ha oho oataka umi 5 rréi opuʼã vaʼekuépe hese. Pe rréi de Elam ha iñirũnguéra oataka pe nórteguio, ogana umi cananéope ha omoperõ chupekuéra. Ha oho jeývo hetãme, ogueraha Lótpe ha ihentekuérape.

¿Mbaʼépa ikatu kuri ojapo Abrahán upe situasiónpe? Haʼe ikatu kuri heʼi: “Ha upearã voi Lot odesidi oho oiko upe sónape. Tojecha haʼe”. Térã oñeimahinávo mbaʼépa tekotevẽta ojapo osalva hag̃ua Lótpe, ikatu kuri heʼi: “¿¡Mbaʼe che piko chepuʼakáta koʼã rréi ipoderosoitévare!? Che ningo peteĩ pastormínte, aikóva óga kárpape. Che ndahaʼéi peteĩ gerréro”. Hiʼarive, peteĩva umi oraha vaʼekue Lótpe haʼe vaʼekue rréi Sinárpe. Ha Abrahán ohóramo oñorairõ ikóntrape, ndaikatumoʼãvéima kuri oho jey ivállepe ni ohoséramo, pórke Ur opyta vaʼekue Sinárpe. Péro Abrahán nopensái vaʼekue upéicha. Haʼe oikuaa vaʼekue mbaʼépa Jehová oipotáta haʼe ojapo.

Upe tiémpope g̃uarã, Abrahán kampaméntope oĩmane rakaʼe mil persónarupi. Koʼãvagui haʼe ombyaty peteĩ grúpo oĩháme 318 kuimbaʼe oñorairõkuaáva ha ogueraha chupekuéra gerrahápe. Haʼekuéra oñomoirũ unos kuánto gerrérondi ha osẽ oho iñenemigokuéra rapykuéri. Abrahán ha iñirũnguéra ohupyty chupekuéra pe nórte gotyo Dan territóriope. Upémarõ Abrahán odividi pe grúpo oraha vaʼekue ha oataka chupekuéra upe pyharépe. Abrahán ha isiervokuéra saʼivéramo jepe, ipuʼaka iñenemigokuérare ha ombodiparapa chupekuéra. Umi 4 rréi ha isiervokuéra osẽ okañy ha oho pe nórte gotyove ha Abrahán umíva opersegi jey chupekuéra. Upéi Damasco ypýpe, Abrahán ogana chupekuéra ha orrekuperapaite umi mbaʼe haʼekuéra ogueraha vaʼekue Canaángui. Péicha Abrahán osalva Lot ha ifamiliakuérape.

¿Mbaʼépa Jehová ojapo ohecha rire mbaʼeichaitépa Abrahán ojerovia mbarete ha ipyʼaguasu? Abrahán ohasárõ guare Salem ypýrupi, pe rréi upe siudapegua hérava Melquisedec, osẽ ohug̃uaitĩ chupe. Ko kuimbaʼe haʼe vaʼekue avei Jehová saserdóte. Melquisedec ojotopárõ guare Abrahán ndive ovendesi chupe Jehová rérape ha Abrahán iñumílde rupi omeʼẽ pe 10 por ciento Melquisedécpe entéro mbaʼe orrekupera vaʼekuégui.

Ojekuaa porã Jehová oguerohory hague la Abrahán ojapóva osalva hag̃ua Lótpe. Jahechakuaa avei Abrahán ogana hague Jehová rupivénte. Ko gérra Abrahán oñorairõ vaʼekue, oime vaʼerã haʼe pe primera gérra oñeanota vaʼekue pe “lívro oñeʼẽvape Jehová Gerrakuéra rehe” (Núm. 21:14). Tiémpo rire, Abrahán familiare oñorairõrõ guare umi cananeo kóntrape ojagarra hag̃ua pe Tiérra Prometída, Jehová oipytyvõ vaʼekue avei chupekuéra ogana hag̃ua hetaiterei vése.

Upéicharõ jepe, koʼã Abrahán familiare ohejárõ guare Ñandejárape, haʼe ndoprotehevéima chupekuéra. Ha amo ipahápe haʼekuéra orrechasárõ guare pe Mesíaspe, Jehová orrechasaitéma avei chupekuéra. Upévare Jehová novendesivéima pe puévlo de Israélpe síno oñepyrũ ovendesi pe grúpo oĩháme umi kristiáno unhído, oĩva Jesucristo poguýpe. Jesús oproivi vaʼekue idisipulokuéragui oñorairõ gerrahápe (Mat. 26:52). Upéva rangue omboʼe chupekuéra mbaʼéichapa ikatu oñemoĩ mbarete Satanás kóntrape. Iñehémplo rupive haʼe ohechauka vaʼekue tekotevẽha avei ñandepyʼaguasu ñañemoĩ hag̃ua Satanás rehe, ku jahataramoguáicha avei gerrahápe.

¿Moõpa oñeñeʼẽ hese la Bíbliape?

• Génesis 14:​1-24

• Hebreos 7:​1-4

¿Mbaʼépa ere chupe?

¿Mbaʼérepa jaʼekuaa Abrahán ipyʼaguasu hague ko kásope?

Einvestigamína

1. 1. ¿Mbaʼépa ohechauka umi mbaʼe ojeʼéva ko rrelátope siertoha? (w89 1/7 5, 6-wcgr).

   Rrespuésta

2. 2. ¿Mbaʼéichapa koʼág̃arupi pe sóna ymave oĩ haguépe Sodoma ha Gomorra? ¿Mbaʼérepa ikatu jaʼe ndojoavyiha la Biblia heʼívandi? (it “Mar Salado” párr. 6-wcgr). A

   Rrespuésta

   

   BestTravelPhotography/iStock via Getty Images Plus

3. 3. Melquisedec haʼe vaʼekue rréi ha saserdóte Salémpe. ¿Moõpa opyta vaʼekue Salem? (it “Salem”-wcgr).

   Rrespuésta

4. 4. ¿Mbaʼérepa ikatu jaʼe Melquisedec orrepresenta hague Jesúspe? (it “Súmo saserdóte” párr. 27, 28-wcgr). B

   Rrespuésta

   

Ejepyʼamongetamína ndejehe

• Abrahán oheja vaʼekue Lótpe oho hag̃ua oiko pe sóna iporãvehápe. ¿Mbaʼéichapa ikatu jajogua Abrahánpe jatrata lájape ñane hentekuérape, ermanokuérape ha ótrope? C

  Rrespuésta

  

• Abrahán ndohejareíri vaʼekue isovrínope ojejopy vaírõ guare ha oho osalva chupe. ¿Mbaʼépa ñaaprende la Abrahán ojapo vaʼekuégui?

  Rrespuésta

• ¿Mbaʼéichapa ikatu ndepyʼaguasu Abrahán ipyʼaguasu haguéicha ko kásope?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Abrahánpe térã Lótpe Jehová omoingove jey vove chupekuéra?

  Rrespuésta

Reikuaave hag̃ua

Ehechamína mbaʼéichapa Abrahán amás día ojeroviave vaʼekue ohóvo Jehováre.

Jajeroviákena haʼekuéraicha: Abrahán (párte 1) (10:43).

¿Mbaʼéichapa Abrahán ohechauka vaʼekue avei ipyʼaguasuha osẽ riréma Úrgui?

Abrahán ipyʼaguasu vaʼekue (w12-S 1/1 6, 7-wcgr).