Haʼe oñeʼẽ vaʼerã mokõi kuimbaʼe ipochývandi

ABIGAÍL oikuaáma la oiko vaʼekue hógape. Mokõi kuimbaʼe ojoavy ha opyta ipochyete oñondive. Peteĩva haʼe hogaygua, iména Nabal. Ko kuimbaʼe ijarhél, ipyʼahatã ha oñembotavy. Pe ótro katu haʼe David, peteĩ kuimbaʼe ifiélva ha ivuénova. Oñenombra voi chupe ogoverna hag̃ua Israel amo gotyove. Upéicharõ jepe koʼág̃a David ipochyeterei hína pórke Nabal ofalla hendive. Abigaíl ningo haʼe vaʼekue peteĩ kuñataĩ iporãva ha iñarandúva. ¿Péro ipyʼaguasútapa oipytyvõ hag̃ua hogayguakuérape oikuaávo tuichaiterei ojapeligraha hína hikuái?

Abigaíl oikuaa la oiko vaʼekue pórke peteĩ isiérvo ou omombeʼu chupe. David ou hína kuri chupekuéra 400 kuimbaʼe reheve árma ipópe, sarambi ojapo hag̃uáicha ‘Nabal rehe ha entéro hogayguáre’. ¿Mbaʼérepa? Haʼe ningo ojerure kuri Nabálpe ombohasami hag̃ua chupekuéra hoʼu vaʼerã. Ndaivaíri la ojerure vaʼekue David, pórke haʼe ha isoldadokuéra peteĩ murállaicha oprotehe hína kuri Nabálpe, ipastorkuérape ha hymbakuérape. Péro ndahaʼéi upévante la David ojapo vaʼekue. Haʼe odefende avei Israélpe ani hag̃ua umi extranhéro oikéntema iterritóriope ha omondapa umi héntepe. Hiʼarive upe tiémpope Saúl oiko opersegi reiete Davídpe ojuka hag̃ua chupe. Upéicharõ jepe, David ojerurérõ guare Nabálpe la hoʼumi vaʼerã, haʼe osẽ osapukái vaipa chupekuéra. ¡Heʼi voi David haʼeha peteĩ esklávo okañy vaʼekue ipatróngui!

Nabal siérvo oikuaa kuri reiete oñehaʼãtaha oñemongeta ipatróndi ko situasiónre. Haʼe orrekonose vaʼekue Nabal “ijarhelha ha ndaikatuiha voi ni ñañeʼẽ hendive”. Péro si oikuaa vaʼekue Abigaíl ohendutaha chupe ha ojapotaha álgo osolusiona hag̃ua ko situasión. ¿Mbaʼépa ojapo raʼe Abigaíl?

Haʼe ndojedesesperái, péro ndoperdéi avei la itiémpo. Pyaʼe porã oñepyrũ ombyaty la hiʼupy orekóva, okarga karga umi vúrro ári ha omanda isiervokuérape ohóma hag̃ua David rendápe. Upéi haʼe ojupi peteĩ vúrro ári ha oho hapykuerikuéra. Abigaíl nomombeʼúi Nabálpe la ojapóva, posívlemente pono iména ojokose chupe ojapo hag̃ua pe oĩ porãva.

Abigaíl oho aja pe tapére ivúrro ári, peteĩ montáña omoʼã hína kuri chupe. Upévare derrepentete osẽmbaite David ha isoldadokuérape. Upepete haʼe oguejy la ivúrrogui ha direktoite oho David rendápe. Abigaíl ojeity pe yvýpe, oñesũ ko kuimbaʼe ipochyetéva renondépe ha ojerure asy ohendumínte hag̃ua chupe. ¡Ajépa iñumildete Abigaíl! Katuete upéva okonvense Davídpe ohenduse hag̃ua chupe.

Abigaíl oñerresponsavilisa upe oiko vaʼekuére. Haʼe orrekonose iména tuichaiterei ojavy hague ha David orekoha derécho ipochývo hendive. Upéi Abigaíl oñepyrũ omomanduʼa chupe Ijára Jehováre. Jehová ningo ndoipotamoʼãi kuri David ojuka hénte inoséntepe, ani hag̃ua upéi ombyasy la ojapo vaʼekue ha oñeñandu vai. Abigaíl heʼi Davídpe Jehová oipytyvõtaha chupe ogoverna hag̃ua Israélpe ha ipuʼaka hag̃ua iñenemigokuérare. Heʼi avei chupe ifamiliarénte ogovernataha hendaguépe. Ojekuaa porã Abigaíl oikuaáma hague Jehová oelehi hague Davídpe rreirã.

David oñetrankilisaite ohechakuaávo mbaʼeichaitépa Abigaíl iñarandu ha ivuéna. Upémarõ heʼi: “Toñembotuicha Jehová Israel Járape, haʼe nembou che rendápe koestedía”. David ovendesi avei Abigaílpe iñakãguapy haguére ha umíldemente oasepta ikonsého. David heʼi chupe: “Ajapóta la rejerure vaʼekue chéve”.

Nabal ndoikuaaiete kuri la oikopa vaʼekue. Upe pyharépe haʼe ofarrea ha “tuichaiterei okaʼu”. Upévare Abigaíl ohaʼarõnte koʼẽmba peve, ikatu hag̃uáicha iména ojera. Péro upéva ndeʼiséi ojehasataha chugui la arhél. Upépe Abigaíl omombeʼupaite chupe la oiko vaʼekue. ¿Opensápa raʼe Abigaíl iména ojaʼotaha térã ombyepotitaha chupe? Ndajaikuaái, péro okyhyje reíta kuri. Abigaíl oñeʼẽmba rire, “Nabal ikorasõ rasy ha haʼete voi la omanótava, nopuʼãvéi ha itáicha hatã”. Ohasa rire 10 díarupi “Jehová okastiga Nabálpe ha omano”. Jehová ojapo upéva pórke haʼe iñaña David ndive, pe kuimbaʼe haʼe oelehi vaʼekue rreirã. Ko Jehová ojapo vaʼekue ou porã avei Abigaílpe, pórke péicha opyta lívre pe kuimbaʼe ijarheletévagui.

Péro Jehová oreko kuri hetave mbaʼe iporãva Abigaílpe g̃uarã. David oikuaárõ guare Nabal omano hague, heʼika Abigaílpe omendaseha hese ha haʼe oasepta. Ohasa rire un tiémpo, umi israelita enemigokuéra osekuestra Abigaílpe. Péro sapyʼaitérõ g̃uarã iména David pyʼaguasúpe oho orreskata chupe. Upe rire Davídgui oiko rréi, primerorã ogoverna Judápe ha upéi Israel kompletoitépema. Tiémpo rire Abigaíl imemby peteĩ mitãkuimbaʼe. Péicha ojekuaa Jehová ovendesi hague Abigaílpe iñarandu ha ipyʼaguasu haguére.

¿Moõpa oñeñeʼẽ hese la Bíbliape?

• 1 Samuel 25:​1-43; 30:​1-6, 16-20

¿Mbaʼépa ere chupe?

¿Mbaʼérepa jaʼekuaa Abigaíl ipyʼaguasu hague?

1. 3. ¿Mbaʼérepa Nabal oagradese vaʼerã kuri la David ha isoldadokuéra ojapóva hesehápe? (ia 89, 90 párr. 9, 10). B

   Rrespuésta

   

   Hanan Isachar/Alamy Stock Photo

2. 4. ¿Mbaʼépa Abigaíl ontendekase raʼe Davídpe heʼírõ guare chupe la jatopáva 1 Samuel 25:​29-pe? (it “Vída” párr. 45-wcgr).

   Rrespuésta

Ejepyʼamongetamína ndejehe

• David ojapo vaʼekue la Abigaíl heʼíva chupe. ¿Mbaʼépa menakuéra ikatu oaprende upévagui? C

  Rrespuésta

  

• ¿Mbaʼépa ermanakuéra ikatu oaprende Abigaílgui oiméramo iména ndahaʼéi Testígo?

  Rrespuésta

• ¿Mbaʼéichapa ikatu ndepyʼaguasu Abigaíl ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Abigaílpe Jehová omoingove jey vove chupe?

  Rrespuésta

Reikuaave hag̃ua

¿Mbaʼépa ikatu ojapo peteĩ ermáno térã ermána ovyʼave hag̃ua imatrimóniope oiméramo hembiayhu ndoservíri Jehovápe?

Pe matrimónio odura vaʼerã pára siémpre (4:30).

Abigaíl oipytyvõ vaʼekue Davídpe ojejokokuaa hag̃ua ipochyetereírõ guare. ¿Mbaʼépa ikatu nepytyvõ oĩrõ jepe nembopochýva?

‘Pe iñakãguapýva ndaipochyreíri’ (w14 1/12 12, 13).