25 DAVID
Ipyʼaguasu ha ojegia ikonsiénsiare
ÑEPYRŨRÃ David ojogueraha porã vaʼekue Saúlndi. David haʼe vaʼekue pe oraháva Saúlpe hiʼarmakuéra ha kon el tiémpo oiko voi chugui peteĩ henerál. Upéi okambiaitéma la situasión pórke Saúl ou ojukase Davídpe. Jehová opromete vaʼekue Davídpe omoĩtaha chupe ogoverna hag̃ua Israel. Upéicharõ jepe koʼág̃a David okañy vaʼerã pe desiértore, pono omano haʼe ni umi 600 kuimbaʼe oĩva hendive.
Saúl oñepyrũ oenvidia Davídpe ha upévare ou iñañaiterei. Haʼe oiko orrenegaháre ha oĩ vaʼekue oporojuka hag̃uáicha voi. Peteĩ jey, Davídpe oñepresenta pe oportunida ojuka hag̃ua Saúlpe, péro haʼe operdonánte chupe. Upéicharõ jepe Saúl osegi oiko hapykuéri. Peteĩ vuéltape haʼe oraha voi ijehérsitope ha osẽ oho David reka, pórke umi kuimbaʼe Zifpegua omombeʼu chupe moõpa okañy hína David. Upérõ guare koʼã kuimbaʼe 2 veseháma ojapo péicha Davídre.
¿Mbaʼépa ojapóta David ko situasiónpe? Primerorã haʼe omondo unos kuánto kuimbaʼépe ohecha hag̃ua moõpa oĩ hína rréi Saúl. Pe rréi orekóramo jepe 3.000 soldádo, David ndokyhyjéi. ¿Mbaʼérepa jaʼe upéva? Upe tiémpope haʼe oskrivi vaʼekue: “Ñandejára siémpre chepytyvõ. Jehová oĩ umi chepytyvõva ykére” (Sal. 54:4, introduksión). Upémarõ David odesidi ohotaha oike Saúl kampaméntope peteĩ pyhare. Péro oho mboyve, oporandu raẽ mávapa oñanima oho hendive.
Isovríno Abisái heʼi ohotaha hendive. Haʼe ningo haʼe vaʼekue peteĩ gerréro ipyʼaguasúva péro sapyʼánte ipyʼahatãma ha noponderái hapicháre. David ha Abisái oike mbeguekatu asy ohóvo Saúl kampaméntope. Upépe haʼekuéra ohecha enterovévante okepa joa hína. La Biblia heʼi Jehová voi omongete hague chupekuéra. Upéi otopa sapyʼa hikuái Saúlre. Haʼe okete ha umi guárdia oñatendéva hese okete avei. Saúl akã ypýpe katu ojejakutu ilánsa pe yvýre.
¿Mbaʼépa ojapóta David? Ifasiletereíta ningo chupe ojukántema hag̃ua Saúlpe. Péicha hasypeve ndoikomoʼãvéima okañyháre ha ikatu voi oiko mbaʼéma chugui la rréi. Abisái oime vaʼerã ni ndodudái raʼe David ojukasetaha iñenemígope. Upévare osẽ heʼi chupe: “Koestedía Ñandejára ontrega nde pópe ne enemígope. Ehejána che tajuka chupe. Una vénte aikutúta chupe pe lánsape”.
David ojecháma vaʼekue peichagua situasiónpe anteve. Oĩrõ guare pe desiérto de En-Guedípe, Saúl oho kuri oike pe kuéva David okañyháme hína. Upépe ndahasymoʼãi kuri Davídpe ojuka hag̃ua Saúlpe ha ni ndojepillamoʼãi chupe. Péro ojapo rangue upéva, haʼe ojagarránte oikytĩ Saúlgui michĩmi ijao ruguái. Pévante la ojapóva hese, péro lomímonte ojopýma kuri chupe ikonsiénsia. Haʼe oñeñandu vaieterei voi péicha otrata haguére pe rréi Jehová oelehi vaʼekuépe.
Oiméne ijetuʼu raʼe Davídpe ojoko hag̃ua Abisáipe ani hag̃ua ojuka Saúlpe. Epensamíntena la isituasiónre. Abisái oiko vaʼekue avei okañyháre David ndive. Ha enterove umi ótro kuimbaʼe oĩva hendivekuéra oime vaʼerã ikueráima oiko haguére péicha. Upéicharõ jepe, David ndojaposéi mbaʼeve Saúlre. Haʼe oñeʼẽ porãnte isovrínope ha heʼi chupe ipasiénsia hag̃ua. Upéi David oasegura Abisáipe: “Algún día Saúl omanótante voi entéro omanoháicha. Omanóne ág̃a gerrahápe térã Jehová voi okastigáta chupe”. Upéi heʼive: “Mbaʼéiko opensáta Jehová che ajapóramo algúna kósa upe haʼe oiporavo vaʼekuére. Ivaietereíta ningo Jehovápe g̃uarã”.
¿Mbaʼépa ojapo David oĩrõ guare ojopýva chupe ojuka hag̃ua ikontráriope?
David oikuaa porã vaʼekue Jehová okastigatanteha voi Saúlpe itiempoitépe. Salmo 54-pe haʼe heʼi vaʼekue voi: “Haʼe opagáta che enemigokuérape, ha ojerepa jeýta hesekuéra umi mbaʼe vai ojapo vaʼekue hikuái” (Sal. 54:5). Upéi David ha Abisái osẽ Saúl kampaméntogui ha oho ojupi peteĩ montáña ruʼãme. Upe guive David osapukái Saúlpe ha isoldadokuérape. Haʼe ojaʼo umi soldádope ndokuidaporãi haguére pe rréire. Saúlpe katu orreklama oiko haguére opersegi chupe. David heʼi voi ijehe haʼeha “peteĩ tungusumínte” ndoapeligráiva avavépe. Upérõ Saúl opyta otĩeterei ha heʼi: “Umi mbaʼe ajapóvare ahechauka chetavyha. Tuichaiterei ningo ajavy”.
¿Okambiápa raʼe Saúl upe rire? David oikuaámane raʼe ndahaʼemoʼãiha upéicha. Upéicharõ jepe, ni michĩmi nombyasýi ipyʼaguasu haguére opena hag̃ua ikonsiénsiare. Tiémpo rire Jehová ovendesi Davídpe ipyʼaguasu ha ifiél haguére. Orresivi voi hetave mbaʼe pe oñeimahina vaʼekuégui.
¿Moõpa oñeñeʼẽ hese la Bíbliape?
¿Mbaʼépa ere chupe?
¿Mbaʼérepa jaʼekuaa David ipyʼaguasu hague ko kásope?
Einvestigamína
1. Abisái sapyʼánte ipyʼahatãma vaʼekue ha noponderái hapicháre. ¿Mbaʼéichapa haʼe ohechauka vaʼekue ipyʼaguasuha odefende hag̃ua Jehová puévlope ha Davídpe? (it “Abisái” párr. 3-5-wcgr).
2. ¿Mbaʼérepa David oñekompara vaʼekue ‘peteĩ ynambu oikóvare montáñare’? (1 Sam. 26:20; it “Ynambu” párr. 4-wcgr). A
Ekaterina Kolomeets/stock.adobe.com
Taʼanga A
3. ¿Mbaʼérepa David tekotevẽ kuri ipasiénsia? (w17.08 6 párr. 14, 15).
4. ¿Mbaʼéichapa David ohechauka vaʼekue iñumildeha heta áño upe rire? (w21.09 10 párr. 8). B
Taʼanga B
Ejepyʼamongetamína ndejehe
Saúl ojavy hetáramo jepe, David osegi orrespeta chupe. ¿Mbaʼéichapa ikatu jasegi David ehémplo umi mbaʼe ñapensávape...
... ñande tuakuérare? C
Taʼanga C
... umi autoridáre? D
Taʼanga D
... ansianokuérare? E
Taʼanga E
David ipyʼaguasu vaʼekue ha opena ikonsiénsiare. ¿Mbaʼéicha javépa ñande avei tekotevẽta ñandepyʼaguasu ñapena hag̃ua ñane konsiénsiare?
¿Mbaʼéicha javépa ikatu avei rehechauka ndepyʼaguasuha David ipyʼaguasu haguéicha ko kásope?
Ejepyʼamongetamína Jehováre
Alee rire ko rreláto, ¿mbaʼépa aaprendeve Jehovágui?
Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?
Alee rire ko rrelátope la ohasa vaʼekue David, ¿mbaʼépa aporandúne chupe Jehová omoingove jey vove chupe?
Reikuaave hag̃ua
Ehechamína mbaʼeichaitépa oiko vaʼekue umi mbaʼe oñemombeʼúva ko rrelátope.
Ani ñanderesarái pe oporohayhúva oaguantaha entéro mbaʼe (1:29).
Ñepyrũrã Saúl iñumílde vaʼekue péro upe rire ijejapóma. ¿Mbaʼépa umi mitã ikatu oaprende upe rrelátogui?