Jaiporu meme hag̃ua
Mbaʼéichapa ikatu ñapresenta koʼã folléto
Ko supleméntope oñemoĩ koʼã presentasión ikatúva reiporu reikuaveʼẽ hag̃ua koʼã folléto. Reiporu jave koʼã presentasión, reñeʼẽvaʼerã opyta porãve hag̃uáicha nde territóriope. Ikatu rejapo avei otroichagua presentasión. Reiporútaramo peteĩ folléto noĩriva ko supleméntope, peteĩ presentasión osẽva koʼápe ikatu nepytyvõ reprepara hag̃ua pe reikotevẽva. (Ehecha Nuestro Ministerio del Reino enero 2005-peguare, páhina 8).
Umi presentasión oñemoĩva koʼápe oguereko (1) peteĩ porandu oporomopensáva, reñepyrũ hag̃ua reñemongeta pe óga jára ndive, (2) moõpa ikatu retopa pe follétope informasión reiporu hag̃ua, ha (3) peteĩ téysto vívliko ikatútava reiporu peñemongeta aja. Ndénte ikatu remoĩmba ne ñeʼẽme pe ofaltáva, óga jára oikotevẽháicha.
Un libro para todo el mundo
“Ndépa reimoʼã umi konsého oĩva la Bíbliape iporãha gueteri ñandéve g̃uarã?” (Páhina 22, pe oĩva título guýpe; páhina 23, párrafo 3 pe rrekuádrogui; Pro. 25:11.)
Cómo lograr una vida llena de satisfacción
“Ñamañahápe ko múndo apére, ñande rapichakuéra oheka jahecha mbaʼéichapa ikatúta oiko porãve. Mbaʼépa nde ere, ikatúnepa jahupyty gueteri peteĩ jeikove ikatutahápe javyʼapa porã?” (Páhina 29, párrafo 6; 2 Ped. 3:13.)
Eñangapyhy opavave ára nde rekove ko yvy apeʼári!
“Heta oĩ opensáva ohovaʼerãha yvágape ohupyty hag̃ua jeikove opaʼỹva. Ndépa reikoséne ko Yvy ape ári opa ára g̃uarã?” (Taʼanga osẽva pe folléto apére; Rev. 21:4.)
¿Debería creer usted en la Trinidad?
“Heta tapicha opensa heta mbaʼe ojuavýva ojuehegui heʼi vove mbaʼeichaguápa Ñandejára. Ndépa ere iñimportanteha pe jagueroviáva?” (Páhina 3, párrafo 3, 7-8; Juan 17:3.)
El nombre divino que durará para siempre
“Haimete opavave jaikuaa pe ñemboʼe jaʼehápe ‘Ore Ru reiméva yvágape, toñemomarangatúkena nde réra’ (Mat. 6:9). Ndépa rehendúmava tekotevẽha jaikuaa Ñandejára réra ikatu hag̃uáicha jajesalva?” (Páhina 28, párrafo 1; Rom. 10:13.)
El gobierno que nos traerá el Paraíso
“Heta ñande rapicha ohechasetereíma opáramo umi provlemaita jaguerekóva koʼág̃a. Mbaʼépa nde ere, oĩnepa sapyʼánte peteĩ goviérno ikatútava oipeʼapa koʼã provléma?” (Páhina 3, párrafo 1; Mat. 6:9, 10.)
¿Qué nos sucede cuando morimos?
“Omanóvo umi tapicha jahayhúva, ndareíri jaikuaase moõpa oime hikuái, ha ikatúnepa jahecha jey chupekuéra. Ndépa repensámava umi mbaʼére?” (Eiporu umi porandu oĩva pe folléto kupépe; Job 14:14, 15.)
Cuando muere un ser querido
“Ko pyharevépe rohechaukaroína ko folléto ombopyʼaguapýva ha omeʼẽva esperánsa hetaiterei ñande rapicha ihénte manóvape. Ndépa reñeporandúmava mbaʼe esperánsapa oĩ umi omanóvape g̃uarã?” (Páhina 27, párrafo 3; Juan 5:28, 29.)
“Ndépa reikuaasémava mbaʼéichapa ikatu ñambopyʼaguapy pe mávape omano jave peteĩ tapicha ohayhuetereíva?” (Páhina 20, párrafo 1; Pro. 17:17.)
Mbaʼéichapa ikatu ñapresenta pe folléto ¿De veras se interesa Dios por nosotros?
Reñeʼẽ rire peteĩ mbaʼe vaieterei ojehuramóvagui, ikatu ere:
“Ndépa repensámava mbaʼérepa Ñandejára oheja jaiko asy añetehápe ojepyʼapýramo ñanderehe? [Ehaʼarõ tokontesta.] Ko folléto ohechauka porã mbaʼérepa, ha ohechauka avei mbaʼépa Ñandejára ojapóta koʼẽrõitéma [Ehechauka umi taʼanga oĩva páhina 27-pe, ha párrafo 22-gui elee Salmo 145:16]. Mbaʼéichapa Ñandejára oipeʼapáta opaichagua jehasa asy yvyporakuéragui? Mbaʼépa ere ñañeʼẽramo upévagui aju jey vove?”. Eikuaveʼẽ pe folléto ha eporandu chupe arakaʼépa ikatu reju jey.
Reho jey vove, ikatu ere:
“Pe ajúrõ guare jaleékuri ko téysto vívliko [Elee térã emomanduʼa chupe mbaʼépa heʼi Salmo 145:16-pe]. Upéi ñañeporandúkuri mbaʼéichapa Ñandejára oipeʼapáta opaichagua jehasa asy yvyporakuéragui.” Eporandu chupe ikatúpa ogueru ifolléto. Upéi ehechauka chupe páhina 27 ha 28 ha ehesaʼỹijo hendive párrafo 23-25. Eikuaveʼẽ chupe peteĩ estúdio vívliko, térã ere chupe ikatuha reju jey pehecha hag̃ua párrafo 26 ha 27.
**********
Peteĩ mitãrusu térã mitãkuña ikatu heʼi:
“Heta mitãrusu ha mitãkuña chejavegua ojepyʼapy opensávo mbaʼéichapa oĩta ko múndo koʼágui 10 térã 15 añohápe. Mbaʼéichapa nde repensa ojeikotaha upéramo? [Ehaʼarõ tokontesta.] Umi mbaʼe vaieta jahecháva koʼág̃a ohechauka ñaimemahañaína umi ára pahápe [Elee 2 Timoteo 3:1-3]. Ko folléto okontesta koʼã mbaʼe oñeporandúva koʼápe [Elee umi porandu osẽva pe folléto apére, ha eikuaveʼẽ pe folléto]. Aju jey vove, reguerekóramo tiémpo michĩmi, ahechaukáta ndéve mbaʼéichapa opáta mbaʼasy ha nañandetujamoʼãvéima avei.” Eporandu chupe arakaʼépa ikatu reju jey.
Reho jey vove, ikatu ere:
“Akokuehe ñañemongetárõ guare, haʼékuri ahechaukataha ndéve mbaʼéichapa opáta mbaʼasy ha nañandetujamoʼãvéima avei. Upéva ikatu jahecha koʼápe.” Ejerure chupe ogueru hag̃ua ifolléto, ha elee ha ehesaʼỹijo hendive páhina 23 ha 24, párrafo 6 ha 7 pe follétogui. Eporandu chupe arakaʼépa ikatu reju jey pehecha hag̃ua párrafo 8 ha 9.
**********
Oñembaʼapo vove peteĩ mitã ndive, pe kakuaa ikatu omombeʼu avei pe mitã réra, ha heʼi:
“Ikatúramo, ________ oleesemi ndéve peteĩ téysto vívliko [Pe mitã olee Salmo 37:29 ha okomenta mbykymi]. Ko folléto ohechauka mbaʼéichapa Ñandejára okumplíta ipropósito yvypórape g̃uarã ha avei ko Yvýpe g̃uarã [Ehechauka umi taʼanga oĩva páhina 24 guive 27 peve]. Roju jey vove ahechaukáta ndéve pe promésa porãite rresurreksión rehegua oĩva Ñandejára Ñeʼẽme.” Eikuaveʼẽ pe folléto, ha ehecha pe óga jára ndive arakaʼépa ikatu peju jey.
Peho jey vove, pe kakuaa ikatu heʼi:
“Akokuehe jaleékuri Salmo 37:29, ha haʼékuri ndéve jahechataha mbaʼépa heʼi Ñandejára Ñeʼẽ pe rresurreksióngui. Ehechamína mbaʼépa heʼi koʼápe.” Ejerure chupe ogueru hag̃ua ifolléto ha pehesaʼỹijo oñondive páhina 24 ha 25, párrafo 12-14 pe follétogui. Eikuaveʼẽ chupe peteĩ estúdio vívliko, térã ere chupe ikatuha peju jey pehecha hag̃ua párrafo 15 ha 16.
Mbaʼéichapa ikatu ñapresenta pe folléto ¿Qué propósito tiene la vida? ¿Cómo descubrirlo?
Remomaitei rire pe óga járape, ikatu ere:
“Ñande rekove koʼág̃a oguerekómante heta provléma ha heta mbaʼe ñanedesilusionáva. Vaichápa ndéve upeichantevaʼerãha voi ko ñande rekove? [Ehaʼarõ tokontesta.] Ko folléto ohechauka oñekumplitaha gueteri pe propósito Ñandejára oguereko ypyvaʼekue yvypórape g̃uarã ha avei ko Yvýpe g̃uarã [Ehecha hendive pe taʼanga oĩva páhina 20 ha 21-pe. Upéi elee párrafo 9, ha ehesaʼỹijo Isaías 14:24 ha 46:11]. Aju jey vove, ahechaukáta ndéve mbaʼéichapa la Biblia omombeʼu Ñandejára ojapo jeytaha ko Yvýgui peteĩ Paraíso.” Eikuaveʼẽ chupe pe folléto ha eporandu chupe arakaʼépa ikatu reju jey.
Reho jey vove, ikatu ere:
“Akokuehe haʼékuri ndéve Ñandejára oipotaha yvyporakuéra oikove opa ára g̃uarã peteĩ paraísope ko Yvy ape ári [Ehechauka jey pe taʼanga oĩva páhina 20 ha 21-pe]. Ehechamína koʼápe mbaʼéichapa Jesús, Pedro ha David oñeʼẽ pe Paraísogui.” Ejerure chupe ogueru hag̃ua ifolléto. Ehechauka páhina 21 ha 22 ha ehesaʼỹijo hendive párrafo 10-13. Eikuaveʼẽ chupe peteĩ estúdio vívliko, térã ere chupe ikatuha reju jey pehecha hag̃ua peteĩ subtema peiporavóva páhina 29 térã 30-gui.
**********
Peteĩ mitãrusu térã mitãkuña ikatu heʼi:
“Heta oĩ mitãrusukuéra chejavegua ojepyʼapýva ndoikuaáigui mbaʼépa oikóta ñane renonderãme. Ndépa reimoʼã ko jeikove iporãvetaha umi ñande rire onasévape g̃uarã? [Ehaʼarõ tokontesta.] La Biblia heʼi jaguerekoha ñane renonderãme peteĩ múndo iporãitereíva [Ehechauka pe taʼanga oĩva páhina 31-pe, ha elee pe heʼíva upépe. Upéi elee 2Pedro 3:13]. Ko folléto ohechauka Ñandejára oguerekoha heta mbaʼe iporãva yvypórape g̃uarã [Ehechauka umi subtema osẽva létra hũvévape páhina 29 ha 30-pe, ha eikuaveʼẽ pe folléto]. Ikatúramo, ajuse jey ahechauka hag̃ua ndéve mbaʼéichapa Ñandejára heʼi opataha umi ñorairõ opaichagua.” Eporandu chupe arakaʼépa ikatu reju jey.
Reho jey vove, ikatu ere:
“Pe ajúrõ guare akokuehe, ahechauka mbykymi kuri ndéve Ñandejára ojapo jeytaha ko Yvýgui peteĩ paraíso [Ehechauka jey chupe pe taʼanga osẽva páhina 31-pe]. Mbaʼépa nde repensa pe promésa Ñandejára ojapóvagui oipeʼapataha opaichagua ñorairõ oĩva?”. Ejerure chupe ogueru hag̃ua ifolléto, ha pelee ha pehesaʼỹijo páhina 29, párrafo 3-6. Eporandu chupe arakaʼépa ikatu reju jey pehecha hag̃ua párrafo 7 ha 8.
**********
Ombaʼapo jave peteĩ mitã ndive, pe kakuaa ikatu omombeʼu avei pe mitã réra, ha heʼi:
“Ikatúramo, ________ ohechaukáta ndéve peteĩ taʼanga oĩva ko follétope ha oleéta ndéve peteĩ téysto vívliko [Pe mitã ohechauka pe taʼanga oĩva páhina 31-pe ha olee pe heʼíva upépe. Upéi olee Revelación 21:4]. Ko folléto omombeʼu mbaʼépa ojapóta Ñandejára koʼã provlemaita jaguerekóvagui [Ehechauka mbykymi umi subtema oĩva páhina 29 ha 30-pe, ha eikuaveʼẽ pe folléto]. Roju jey vove, amombeʼúta ndéve mbaʼéichapa la Biblia ohechauka opataha opaichagua mbaʼasy.”
Peho jey vove, pe kakuaa ikatu heʼi:
“Pe ñañemongetarõ guare haʼékuri amombeʼutaha ndéve mbaʼéichapa la Biblia ohechauka opataha opaichagua mbaʼasy. Ehechamína mbaʼépa heʼi koʼápe.” Ejerure chupe ogueru hag̃ua ifolléto, ha pehesaʼỹijo oñondive páhina 29, párrafo 9-14. Eikuaveʼẽ chupe peteĩ estúdio vívliko, térã ere chupe ikatuha peju jey pehecha hag̃ua párrafo 15-17.
Folléto oĩva umi irrelihión kristianoʼỹvape g̃uarã
Cómo hallar paz y felicidad duraderas
Repredika jave peteĩ estudiánte chínope, ikatu ere:
“Che ahecha haimete opavave estudiánte ojepyʼapyha oikóvo oipotágui jaiko oñondivepa pyʼaguapy ha vyʼápe. Ndépa reimoʼã avei upéva iñimportanteha? [Ehaʼarõ tokontesta.] Ajépa iporãvaʼerã jahecháramo oiko ko heʼíva koʼápe.” Elee Salmo 37:11, ha eikuaveʼẽ pe folléto (km-S 2/98, páhina 5).
“¡Mira! Estoy haciendo nuevas todas las cosas”
Peteĩ budista ijedamímavape ikatu ere:
“Oimevaʼerã nde rejepyʼapy, che ajepyʼapyháicha avei, rehecha jave umi mbaʼe vaieta oñepensáva koʼág̃a, ha mbaʼéichapa umíva ombyai ohóvo ñane familiakuérape. Mbaʼérepa nde ere hetaitereiveha koʼág̃a pe inmoralida ñane mitãrusu ha mitãkuñanguéra apytépe? [Ehaʼarõ tokontesta.] Ndépa reikuaa ojehaimahague peteĩ lívrope upeichataha koʼág̃a, peteĩ lívro oñepyrũvaʼekue ojehai oĩ mboyve gueteri rrelihión Musulmán, Cristiano ha Hindú avei? [Elee 2Timoteo 3:1-3.] Oiméne rehechakuaa koʼã mbaʼe oikoha hetavéramo jepe ohóvo pe arandu [Elee versíkulo 7]. Ko folléto chepytyvõ antende hag̃ua hendápe porã umi mbaʼe heta ñande rapicha ndaikatúiva gueteri ontende. Releesénepa nde avei?” (km-S 8/99 páhina 8.)
La guía de Dios: el camino del Paraíso
Reñeʼẽ jave peteĩ musulmánpe ikatu ere:
“Añehaʼãmbaiteʼaína añemongeta hag̃ua peteĩ musulmán ndive. Chéverõ g̃uarã peteĩ musulmán oguerovia peteĩnte oĩha Ñandejára ha oguerovia umi profétape avei. Upéichapa añete? [Ehaʼarõ tokontesta.] Ahechaukase ndéve oĩha peteĩ profesía yma guare heʼíva ko Yvýgui oikotaha peteĩ Paraíso. Ikatúpa alee ndéve mbaʼépa oskrivivaʼekue peteĩ proféta? [Ehaʼarõ tokontesta. Upéi elee Isaías 11:6-9.] Ko profesía chemomanduʼa pe Corán-pe heʼívare, oĩháicha ko follétope.” Ehechauka chupe páhina 9, ha elee pe oĩva létra hũvévape. Rehechakuaáramo oikuaaseveha, ehesaʼỹijo hendive párrafo 7-9, oĩva páhina 8-pe (km-S 11/99 páhina 8).
¿Por qué debemos adorar a Dios con amor y verdad?
Ko presentasión ikatu iporã peteĩ hindú ifamíliavape g̃uarã:
“Añemongetaʼaína heta tapicha ndive ojepyʼapýva ohechágui mbaʼe situasiónpa ohasahína pe família heta tetã rupi. Ndépa mbaʼe repensa ikatuha oipytyvõ peteĩ famíliape oiko porã hag̃ua oñondive? [Ehaʼarõ tokontesta.] Heta oĩ oikuaáva mbaʼépa heʼi pe lívro Hindú pe família rehe, péro neʼĩrava gueteri ohecha mbaʼépa heʼi la Biblia upe mbaʼére, ikatu hag̃uáicha ombojoja. Ikatúpa ahechaukami ndéve mbaʼépa heʼi koʼápe [Elee Colosenses 3:12-14]. Ko folléto ohesaʼỹijo mbaʼépa heʼi umi lívro Hindú ha mbaʼépa heʼi la Biblia avei.” Eikuaveʼẽ pe folléto, ha ehechauka umi osẽva páhina 8 ha 9-pe ha 20 ha 21-pe (km-S 9/99 páhina 8).
¿Habrá algún día un mundo sin guerra?
Repredika jave peteĩ judíope ikatu ere:
“Haimete opavavégui omanóma peteĩ ñande rapicha jahayhúva, ha upéva hasyeterei ñandéve. Mbaʼépa nde repensa oikoha ñandehegui ñamano rire?” Ehaʼarõ tokontesta. Upéi ehechauka pe follétope “La muerte y el alma, ¿qué son?”, osẽva páhina 22-pe. Elee páhina 23, párrafo 17-pe, heʼihápe ikatuha jaikove jey. Emombeʼu chupe Job ohaʼarõhague oikove jeytaha. Eikuaveʼẽ pe folléto, ha eporandu chupe ikatúpa reju jey pehecha hag̃ua umi téysto vívliko oĩva pe párrafo 17-pe opakuévo (km-S 10/99 páhina 8).