Marandukúera

◼ Septiémbrepe ñaikuaveʼẽta Mbaʼépa añetehápe omboʼe la Biblia? Ñañehaʼãmbaitékena ñamoñepyrũ peteĩ estúdio ñañeʼẽ ñepyrũme voi óga jára ndive. Orekómarõ ko lívro katu jahechauka chupe mbaʼéichapa jastudia, ha ohechakuaa hag̃ua mbaʼéichapa oipytyvõta chupe. Octúbrepe ñaikuaveʼẽta Ñemañaha ha ¡Despertad! Jahechakuaáramo umi ñanerendúva oikuaaseveha, ñaikuaveʼẽ chupekuéra pe tratádo Reikuaasevépa la Biblia heʼíva? ikatu hag̃uáicha ñañepyrũ jastudia hendivekuéra. Noviémbrepe ñaikuaveʼẽta Ñaaprende Mboʼehára Guasúgui, naifamíliairamo pe óga jára katu ñaikuaveʼẽ chupe folléto Peñatende porãke peikóvo!.

◼ Septiémbrepe opyta porãta jajapo hag̃ua precursorado auxiliar oreko rupi cinco fín de semána.

◼ Kongregasionkuéra ojerure jeývo literatúra, ikatúma ojerure avei Ñemañaha ha ¡Despertad! volúmen 2007-peguáva, Índice de las publicaciones Watchtower 2006 ha CD-ROM Watchtower Library, 2007-pegua. Ñanemanduʼavaʼerã Watchtower Library, 2007 oñeguenohẽha ermanokuérape g̃uarãnte ha jajerurevaʼerãha kongregasión rupive.

◼ Diciémbrepe ñahesaʼỹijóta Rreunión de Servísiope pe vidéo Los testigos de Jehová: organizados para predicar las buenas nuevas. Ndaperekóiramo, ikatu vovéntema pejerurekuaa kongregasión rupive.

◼ Pe superintendénte presidénte, ỹrõ haʼe ojerurévape, ohechavaʼerã pe kuénta kongregasionpegua junio, julio ha agosto rehegua. Ojejaporire, ojekuaaukavaʼerã kongregasiónpe oñemeʼẽ jave infórme kuénta rehegua (Ojehechavaʼerã heʼíva Instrucciones para la contabilidad de la congregación [S-27]).

◼ Brasilpegua sukursál omomarandu umi Índice ojejerurevaʼekue 2002, 2003 ha 2004-pe guare ndaiporimoʼãveimaha. Hekovia oñemondóta peteĩntema 2001-2005 peveguáva. Umi kongregasión ojeruremavaʼekue, ikatu ojerure jeýnte pe Índice pyahu 2001-2005 peveguáva.