Ñandejára vendisión nembovyʼáta pára siémpre

• ¿Reikosénepa peteĩ lugár ndaiporihápe gérra ha violénsia?

• ¿Nahiʼãipa ndéve ko múndope opaite umi mbaʼasy, sufrimiénto ha ñemano?

• ¿Reipotaitereímapa opaite umi provléma ha umi mbaʼe ndepyʼapýva?

• ¿Reikosépa peteĩ lugár ndaiporiveihápe umi desástre naturál?

Ñande Apohare ñanderayhuetéva ojapo vaʼekue ko yvy, ha opromete yvyporakuérape ikatutaha oiko pyʼaguapýpe, vyʼápe ha pára siémpre. Ha upéva ndahaʼéi peteĩ suéño reínte.

Upévare ko rrevístape ñahesaʼỹijóta koʼã téma:

• ¿Añetehápepa ñanderayhu Ñandejára?

• ¿Mbaʼépa hína pe mensáhe haʼe oipotáva jaikuaa?

• ¿Mbaʼépa omombeʼu Ñandejára profetakuéra umi mbaʼe haʼe oprometévagui?

• ¿Mbaʼépa ikatu jajapo koʼág̃ama voi javyʼa hag̃ua, ha avei Ñandejára ñanevendesi hag̃ua pára siémpre?

Ñepyrũrã ikatu ñahesaʼỹijo mbaʼéichapa ñande Apohare ñanderayhuetéva ohechauka ojepyʼapyha ñanderehe.