Rreferénsia ojepurútava rreunionhápe Mbaʼéichapa Jaiko ha Japredika vaʼerã
© 2024 Watch Tower Bible and Tract Society of Pennsylvania
4-10 DE NOVIEMBRE
TESÓRO OĨVA ÑANDEJÁRA ÑEʼẼME SALMO 105
“Ñandejára imanduʼa siémpre pe kompromíso ojapo vaʼekuére”
Jajeroviákena Jehová oguerutaha pe múndo pyahu
11 Jahechamína unos kuánto promésa Jehová ojapo vaʼekue isiervokuéra yma guarépe. Koʼã promésa haʼetévaicha kuri la imposívleva oñekumpli hag̃ua. Jehová heʼi vaʼekue Abrahán ha Sárape orekotaha peteĩ mitã ijedaitereímaramo jepe hikuái (Gén. 17:15-17). Avei oasegura vaʼekue Abrahánpe omeʼẽtaha ifamiliarépe Canaán yvy. Péro heta tiémpore umi israelita esklávo vaʼekue Egíptope. Ha jaikuaa haʼekuéra haʼe hague Abrahán familiare, upévare oiméne opensa raʼe hikuái upe promésa núnka noñekumplimoʼãiha. Péro si oñekumpli vaʼekue. Heta áño upe rire Jehová heʼi vaʼekue Elisabétpe orekotaha peteĩ mitã ijedámaramo jepe. Avei oasegura vaʼekue Maríape hyeguasutaha vírhenramo jepe, ha upe mitã haʼetaha Ñandejára raʼy. Upéva okumplíta kuri peteĩ promésa Jehová ojapo vaʼekue miles de áño upe mboyve pe hardín de Edénpe (Gén. 3:15). Entéro umi kásope Jehová nopyrũi vaʼekue iñeʼẽre.
12 Ñapensávo kompletoite umi promésa Jehová ojapo vaʼekuére ha mbaʼéichapa okumplíma jahechakuaa mbaʼeichaitépa haʼe ipoderóso. Upéva ningo omombarete ñande jerovia haʼe katuete oguerutaha pe múndo pyahu (elee Josué 23:14; Isaías 55:10, 11). Upéicha rupi, ñande ñaimeve preparádo ñaipytyvõ hag̃ua ñande rapichakuérape ontende hag̃ua pe múndo pyahu ndahaʼeiha peteĩ suéño reínte, síno oñekumplitaha katuete. Hiʼarive Jehová heʼi vaʼekue pe yvága pyahu ha yvy pyahúre kóicha: “Koʼã ñeʼẽ ningo siertoite ha umi hénte ikatu ojerovia hese” (Apoc. 21:1, 5).
it-2-S 581 párr. 2
Pe Ñeʼẽ
Pe kreasión kompletoite, tahaʼe oikovéva térã nahániriva oĩ Ñandejára ñeʼẽ poguýpe. Upévare Haʼe ikatu ojevale koʼã ikreasiónre okumpli hag̃ua hembipota (Sl 103:20; 148:8). Ikatu ningo ñakonfia iñeʼẽre, pórke Ñandejára opromete jave álgo, katuete okumpli (Dt 9:5; Sl 105:42-45). Haʼe voi heʼi haguéicha iñeʼẽ “opyta opa ára g̃uarã”, núnka ndojevymoʼãi hendápe okumpliʼỹre ivolunta (Is 40:8; 55:10, 11; 1Pe 1:25).
Óro kuʼi oĩva la Bíbliape
¿Ñanepasiénsiapa ñahaʼarõ hag̃ua?
12 Abrahán visniéto hérava José ipasiénsia vaʼekue avei ha ohaʼarõkuaa. Haʼe ohasa kuri heta inhustísia ivaietereíva. Ñepyrũrã iñermanokuéra ovende chupe esklávoramo orekópe 17 áñorupi. Upéi oñemboja hese oviolase hague ipatrón rembirekópe. Ndasiértoiramo jepe upéva, ojegueraha chupe kárselpe (Gén. 39:11-20; Sal. 105:17, 18). José ifiélramo jepe haʼete la ndorekóiva Jehová vendisión, upéva rangue haʼete la ojekastiga meméva chupe. Péro ohasa rire 13 áño, de rrepénte ou okambiaite la isituasión. Oñenohẽ chupe kárselgui ha oiko chugui pe segunda persóna omanda guasuvéva Egíptope (Gén. 41:14, 37-43; Hech. 7:9, 10).
13 ¿Oñamargápa José ohasa haguére hetaite inhustísia? ¿Oúpa ndojeroviavéi Jehováre? Nahániri. Haʼe ipasiénsia ha ohaʼarõkuaa pórke ojerovia Jehováre. José oñemeʼẽ enkuénta Jehová omanehaha entéro mbaʼe. Upévare heʼi iñermanokuérape: “Anína pekyhyje. Chéngo ndahaʼéi Ñandejára aporohusga hag̃ua. Peẽ pene mála idéa ha cheperhudikase vaʼekue, péro Ñandejára chepytyvõ osẽ porã hag̃ua chéve opa mbaʼe. Ha péicha osalva heta héntepe, ojapoháicha voi hína koʼág̃a peve” (Gén. 50:19, 20, TNM). Amo ipahápe José ohechakuaa nohaʼarõreíri hague.
11-17 DE NOVIEMBRE
TESÓRO OĨVA ÑANDEJÁRA ÑEʼẼME SALMO 106
“Hesarái Ñandejára osalva hague chupekuéra”
¿Mávapa umi oñemoĩva Jehová ykére?
13 Umi israelita tuichaiterei oñemondýi ohecha rire pe milágro guasuete ohechaukáva Ñandejára podér. Upémarõ ojerure hikuái Moiséspe haʼénte oho hag̃ua oñeʼẽ Jehovándi (Éx. 20:18-21). Moisés ojupi Mónte Sinaípe ha opyta upépe heta díare. Posívlemente umi israelita opensa la ilíder oheja reiha chupekuéra pe desiértope. ¿Mbaʼépa ojapo hikuái? Ikatu oime ojeroviaiterei peteĩ líder umánore. Upémarõ ojedesespera hikuái ha heʼi Aarónpe: “Ejapo ñandéve peteĩ dios ñandegia hag̃ua, pórke ndajaikuaái mbaʼépa oiméne oiko raʼe Moisésgui, upe kuimbaʼe ñaneguenohẽ vaʼekue Egíptogui” (Éx. 32:1, 2).
Óro kuʼi oĩva la Bíbliape
Jehová ovendesi umi ojeroviávape hese
4 Ára ha ára Jefté ha itajýra ohecha mbaʼéichapa oho vai vaive umi hénte naiñeʼẽrendúiva Jehovápe. Haimete 300 áño upe mboyve, Ñandejára omanda vaʼekue umi isrraelítape ojuka hag̃ua umi hénte oadorávape umi dios fálsope, oikóvape pe Tiérra Prometídape. Péro umi isrraelíta ndojapói Jehová heʼíva (Deut. 7:1-4). Upéva rangue, heta oĩ ijapytepekuéra oñepyrũva hekovai ha omombaʼeguasu avei umi dioskuérape, ojapoháicha umi kananéo (elee Salmo 106:34-39).
18-24 DE NOVIEMBRE
TESÓRO OĨVA ÑANDEJÁRA ÑEʼẼME SALMOS 107, 108
“Peagradese Jehovápe pórke haʼe ivuenoiterei”
Ñamombaʼeguasu Jehovápe kongregasiónpe
2 Kongregasiónpe ndajahái javyʼa hag̃uánte, térã ñañembosarai hag̃ua ñande rapichakuéra ndive. Upépe ñande aty ñamombaʼeguasu hag̃ua Jehovápe, ha ymaiterei guive ojejapóva upéicha ohechaukaháicha ñandéve umi salmokuéra. “Maymáva rovake romombaʼeguasúta, ha rogueropurahéita opavave apytépe”, heʼi Salmo 35:18. Upéicha avei heʼi ñandéve Salmo 107:31, 32: “Perohory Ñandejárape, oporoporiahuverekógui ha ojapógui mbaʼe hechapyrãva yvypóra rehehápe. Tojererohory [kongregasiónpe]”.
Jaagradesékena Jehovápe ha haʼe ñanevendesíta
4 Ikatu hag̃uáicha siémpre ñandeagradesído, tekotevẽ jajepyʼamongeta opa mbaʼe Jehová ojapóvare ñanderehehápe. Ñapensamíntena mbaʼeichaitépa haʼe ñanderayhu. Pe salmísta ojapo vaʼekue upéicha, ha oñesorprende ohechávo umi mbaʼe porãita Jehová ojapóva (elee Salmo 40:5 ha 107:43).
Óro kuʼi oĩva la Bíbliape
it-2-S 409 párr. 6
Moab
Upéi, David ogovernaha tiémpope, oiko vaʼekue gérra éntre Israel ha Moab. David oreko vaʼekue ipoguýpe umi moabítape ha mbaretépe opagaka chupekuéra impuésto. Ogana rire David la gérra, ojuka hetaiterei soldádo moabítape. Amalisia David oikuaa hag̃ua mávapepa ojukáta ha mávapepa ohejáta oikove, heʼi chupekuéra oñeno hag̃ua yvýpe ojoykerepa en fíla ha upéi omedi chupekuéra peteĩ piólape ha umi opytáva pe pióla omeʼẽha peve, umívape ojuka, péicha ojapo dos vése. Upéi omedi jey una ves ha umívape oheja oikove (2Sa 8:2, 11, 12; 1Cr 18:2, 11). Posívlemente oikórõ guare upe gérra Benaya, Jehoiadá raʼy, “ojuka mokõi Ariel raʼýpe” haʼéva Moabgua (2Sa 23:20; 1Cr 11:22). Upe gérra ogana vaʼekue David umi moabítape, okumpli ko profesía Balaam heʼi vaʼekue mas de 400 áño upe mboyve: ‘Ahecháta, péro ndahaʼéi ensegída. Jacóbgui osẽta peteĩ estrélla, peteĩ vastón oipurúva umi rréi opuʼãta Israélgui. Ha ojokáta Moab syva, ha ojokáta umi gerréro salváhe akã’ (Nú 24:17). Avei posívlemente ko gérra oñegana vaʼekuére pe salmísta heʼi vaʼekue Ñandejárape g̃uarã Moab haʼeteha “peteĩ palangána” oservíva chupe ojepyhéi hag̃ua (Sl 60:8; 108:9).
25 DE NOVIEMBRE AL 1 DE DICIEMBRE
TESÓRO OĨVA ÑANDEJÁRA ÑEʼẼME SALMOS 109-112
Jaapojákena ñande Rréi Jesúspe
¿Arakaʼépa oiko Jesúsgui rréi?
22 Jesús omboʼe vaʼekue idisipulokuérape oñemboʼe jave ojerure hag̃ua Ñandejárape: “Tou ne Rréino”. Upéva ohechauka Ñandejára Rréino nogovernaiha gueteri upérõ. Jehová omoĩ raẽ vaʼerã igoviérno ha onombra Jesúspe Rréi. ¿Oikópa raʼe Jesúsgui Rréi ohomírente yvágape? Nahániri. Tekotevẽ kuri ohaʼarõʼimi upearã. Jesús orresusita riréma, apóstol Pedro ha Pablo omombeʼu oñekumpliha Jesús rehe pe profesía oĩva Salmo 110:1-pe. Upe profesíape Jehová heʼi vaʼekue: “Eguapy che deréchape amoĩ meve nde py guýpe entéro umi ne enemígope” (Hechos 2:32-35; Hebreos 10:12, 13). ¿Mboy tiémpopa Jesús ohaʼarõ kuri Jehová omoĩ hag̃ua chupe Rréiramo?
23 Heta áño 1914 mboyve, peteĩ grúpo de persóna oservíva Jehovápe ipyʼaite guive, ohechakuaáma kuri áño 1914 haʼetaha peteĩ áño iñimportánteva. Haʼekuéra oikuaa upe áñope oñekumplitaha peteĩ profesía oĩva la Bíbliape. Ha umi mbaʼe oikóva áño 1914 guive ohechauka ndojavýi hague hikuái. Upe áñope Jesúsgui oiko Rréi ha oñepyrũma ogoverna (Salmo 110:2). Upe riremínte, oñemosẽ Satanáspe yvágagui ha oñembou chupe ko yvy ape ári, ha koʼág̃a ‘mbykypaitéma pe tiémpo hembýva chupe’ (Apocalipsis 12:12). Kapítulo 9-pe jahecháta mbaʼérepa jaʼekuaa oñehundi potaitemaha Satanáspe. Jahecháta avei koʼẽrõitéma Ñandejára Rréino oñenkargataha ojejapo hag̃ua Ñandejára volunta ko yvy ape ári (ehecha nóta 22).
Mbaʼépa ojapo pe Rréino 100 áñope
14 Jehová ningo onombra Itaʼýrape Rréi Mesiániko 1914-pe, péro upéva ndeʼiséi upérõ guare oñekumplipamaha pe jajeruréva jaʼévo “Tou ne Rréino” (Mat. 6:10). La Bíbliape ojeprofetisáma vaʼekue Jesús ‘ogovernataha iñenemigokuéra apytépe’ (Sal. 110:2, NM). Ñane tiémpope umi goviérno oĩva Satanás poguýpe, oñemoĩ gueteri pe Rréinore. Ha jajerure jave tou pe Rréino, añetehápe jajerure hína Ñandejárape pe Rréi Mesiániko ha umi 144.000 ogovernátava hendive, tou tohundi umi yvypóra goviérno ha entéro oñemoĩvape pe Rréinore ko yvy ape ári. Upéicha oñekumplíta ko promésa: “Ohundietéta opavave koʼã goviérno”. Jahechaháicha, pe Rréi ohundipaitéta umi polítikope (Dan. 2:44, NM; Apoc. 6:1, 2; 13:1-18; 19:11-21). Añetehápe ningo ndajahapukuvéima upearã. Ko 2014-pe oñekumpli 100 áño Ñandejára Rréino oñepyrũ hague ogoverna. ¡Ajépa ou porãite pe téxto ojeporúva ko áñope oĩva Mateo 6:10-pe: “Tou ne Rréino”!
Esegíkena eñakãrapuʼã
Reiporu hag̃ua hekoitépe pe katupyry rerekóva rekuʼe vaʼerã. Upévare iporã reñeporandu: “¿Ainvitápa umi ermánope osẽ hag̃ua chendive predikasiónpe? ¿Mbaʼéichapa ikatu aipytyvõ umi ipyahúvape kongregasiónpe, imitãva térã hasykatúvape? ¿Ahápa amopotĩ salón otoka jave chéve térã añekuaveʼẽpa ambaʼapo hag̃ua asambleahápe? ¿Ikatúpa ajapo meme prekursorádo auxiliár? ¿Ikatúpa amopaʼũ che tiémpo ajagarra hag̃ua che prekursorádo rregulár, térã aha aservi peteĩ kongregasión oñekotevẽhápe hetave puvlikadór?”. Nde haʼéramo peteĩ ermáno, ¿reñehaʼãpa rekumpli umi mbaʼe oñehaʼarõva ndehegui reservi hag̃ua siérvo ministeriál térã ansiánoramo? Rehechauka avei reprogresaha, kyreʼỹme reñekuaveʼẽramo rejagarrave hag̃ua rresponsavilida (Sal. 110:3).
Óro kuʼi oĩva la Bíbliape
Ejeroviákena nde pyʼaite guive Ñandejára Rréinore
15 Pe pákto Jehová ojapo vaʼekue Abrahán ha David ndive, oasegura pe kuña desendénsia ogovernataha. Péro ndahaʼéi peteĩ goviérno ihústova añónte oñekotevẽva, síno oñekotevẽ avei ñaneguenohẽ vaʼerã pekádo poguýgui. Upéicharõmante ikatúta jaike Ñandejára família apytépe ha jahupytýta heta vendisión. Upévare pe desendénsia tekotevẽ vaʼekue avei oservi kómo saserdóte ikatu hag̃uáicha ñanemopotĩ ñande pekádogui. Upémarõ, ñande Apohare iñaranduetéva ojapo ótro kompromíso legál ojehupyty hag̃ua upéva: pe pákto ikatu hag̃uáicha oĩ oservíva kómo saserdóte Melquisedec ojapo haguéicha.
16 Rréi David rupive Jehová omombeʼu ojapotaha peteĩ pákto Jesús ndive ojehupyty hag̃ua mokõi mbaʼe. Primero, oguapy hag̃ua ‘ideréchape’ ohundipa peve iñenemigokuérape. Segundo, oservi hag̃ua ‘opa árare kómo saserdóte Melquisedec ojapo haguéicha’ (elee Salmo 110:1, 2, 4). Heta tiémpo Abrahán desendientekuéra oike mboyve pe Yvy Oñepromete vaʼekuépe, Melquisedec haʼe vaʼekue rréi Salémpe ha avei “Ñandejára Ijojahaʼỹva saserdóte” (Heb. 7:1-3). Jehová voi onombra vaʼekue chupe oiko hag̃ua chugui rréi ha saserdóte. Escrituras Hebréaspe, hese añoite ojeʼe ojapo hague koʼã mokõi tembiapo. Ndaipóri avei mbaʼeve ohechaukáva oĩ hague ótro haʼe mboyve térã haʼe rire oservi vaʼekue rréi ha saserdóteramo. Upévare ojeʼe hese ‘opytaha saserdóteramo opa ára g̃uarã’.
17 Pe pákto rupive, Jehová voi onombra Jesúspe oservi hag̃ua saserdóteramo. Upévare Jesús rehe ojeʼe haʼetaha “peteĩ saserdóte haʼe haguéicha avei Melquisedec” (Heb. 5:4-6). Péicha Jehová oñekompromete oipurutaha pe Rréino Mesiániko okumpli hag̃ua hembipota ko Yvy ha yvyporakuérape g̃uarã.
2-8 DE DICIEMBRE
TESÓRO OĨVA ÑANDEJÁRA ÑEʼẼME SALMOS 113-118
¿Mbaʼéichapa ikatu jahechauka jaagradeseha Jehovápe?
¿Mbaʼérepa rejevautisa vaʼerã?
13 Jehová ningo oheja omano Itaʼýra ñandesalva hag̃ua, péva haʼe peteĩ rregálo ijojahaʼỹva haʼe omeʼẽ vaʼekue ñandéve. ¿Mbaʼérepa ikatu jaʼe upéva? Ñapensamíntena mbaʼéichapa ojoayhu Jehová ha Itaʼýra. Jesús heʼi vaʼekue voi: “Pe Túa cherayhu” ha ‘che ahayhu pe Túape’ (Juan 10:17; 14:31). Haʼekuéra ningo ojoayhuvéntema ohasa rupi oñondive tiémpo umi miles de millones de áño aja (Prov. 8:22, 23, 30). Ñapensamíntena mbaʼeichaitépa oiméne hasy asy rakaʼe Jehovápe opermitírõ guare Itaʼýra osufri ha omano. Péro Jehová ningo ohayhueterei yvyporakuérape, umíva apytépe ndéve avei, upévare haʼe ontrega vaʼekue Itaʼýra ohayhuetéva peteĩ sakrifísioramo, ikatu hag̃uáicha nde ha umi ótra persóna oikove pára siémpre (Juan 3:16; Gál. 2:20). Kóva haʼe hína pe rrasón tuichavéva ñanemomýiva jahayhu hag̃ua Ñandejárape.
14 Nde ningo amás día rehayhuve Jehovápe pórke reikuaa porãve chupe. Katuete ningo nde reñemoag̃uiseve hese koʼág̃a ha avei pára siémpre voi. Ha nde ningo ikatu hína rejapo upéva. Haʼe mborayhúpe nemokyreʼỹ embovyʼa hag̃ua pe ikorasõ (Prov. 23:15, 16). Ha upéva nde ikatu rejapo ndahaʼéi umi mbaʼe eréva rupivénte síno umi mbaʼe rejapóva rupive avei. Upévare reikóramo Jehová oipotaháicha, rehechaukáta nde añetehápe rehayhuha chupe (1 Juan 5:3). Ha upéva hína pe mbaʼe iporãvéva ikatúva redesidi nde rekovépe.
Jaagradesékena ha ñaporopytyvõ
Pe salmísta ningo oporandu: “Mbaʼéicha piko ikatúta amyengovia Ñandejárape haʼe ipyʼaporãite haguére chendive?” (Sal. 116:12). Mbaʼéichapa Ñandejára oipytyvõrakaʼe chupe? Jehová ningo oipytyvõ chupe ‘ojepyʼapy ha vyʼaʼỹme ojechárõ guare’. Ha oñangareko voi hese ani hag̃ua ojejuka chupe. Upévare, haʼe opagase Jehovápe umi mbaʼe porãite ojapóvare hese. Mbaʼéichapa ikatu ojapo upéva? Haʼe voi heʼi: ‘Ajapóta opa mbaʼe aprometevaʼekue Ñandejárape’ (Sal. 116:3, 4, 8, 10-14). Upeichaite, pe salmísta odesidi ojapopaitetaha umi mbaʼe oprometevaʼekue Jehovápe, ha umi hembiaporã omeʼẽvaʼekue chupe.
Ñande avei ikatu jajapo upéicha. Upearã jajapovaʼerã opa mbaʼe Jehová heʼíva. Ñamotenondevaʼerã Jehová servísio ñande rekovépe ha jaheja ijespíritu sánto tañanesãmbyhy opa mbaʼe jajapóvape (Ecl. 12:13; Gál. 5:16-18). Ha jaikuaa ningo arakaʼeve ndajapagapamoʼãiha Jehovápe umi mbaʼe porãita ojapóvare ñanderehe. Upéicharõ jepe, ikatu ñambovyʼa Jehovápe ñañehaʼãramo jaservi chupe ñande pyʼaite guive (Pro. 27:11). Ajépa tuichaite mbaʼe upéva!
¿Mbaʼe mbaʼépa ikatu ñaaprende Levíticogui?
9 Leksión 2: Ñande jaservi Jehovápe jahechauka hag̃ua jaagradeseha chupe. Jahechamína avei peteĩ mbaʼe iñimportánteva ojapo vaʼekue umi israelita oadora hag̃ua Ñandejárape: Umi ofrénda de paz. Levíticope ñaaprende umi israelita ikatu hague omeʼẽ peteĩ ofrénda de paz “oagradese hag̃ua Ñandejárape” (Lev. 7:11-13, 16-18). Haʼekuéra ndojapói upe ofrénda ojejerure rupi chupekuéra, síno ojapose rupi. Pe persóna omeʼẽva ko ofrénda voluntária ojapo upéva ohayhu rupi Ijára Jehovápe. Upe ojapóva pe ofrénda, ifamília, ha pe saserdóte ikatu vaʼekue hoʼu pe animál ojesakrifikáva roʼokue. Péro oĩ algúna párte upe animálgui oñemeʼẽva Jehovápe añoite. ¿Mbaʼe pártepa rakaʼe umíva?
10 Leksión 3: Ñameʼẽ Jehovápe pe iporãvéva jahayhu rupi chupe. Jehovápe g̃uarã ningo pe animál kyrakue haʼe vaʼekue pe párte iporãvéva umi animálgui. Avei omyesakã vaʼekue umi rriñón ha pe ígado ivaliosoitereiha chupe g̃uarã (elee Levítico 3:6, 12, 14-16). Jehová ningo ovyʼaiterei vaʼekue peteĩ israelita ijeheguiete oofrese jave chupe koʼã párte ha pe ikyrakue. Pe israelita ojapóva pe ofrénda ohechauka ohayhuetereiha Jehovápe, ha omeʼẽseha chupe pe iporãvéva. Péicha avei Jesús omeʼẽ vaʼekue Jehovápe pe iporãvéva, oservívo Itúape ipyʼaite guive ha ohayhúgui chupe (Juan 14:31). Jesús ningo vyʼápe ojapo vaʼekue Ñandejára volunta, ha ohayhueterei vaʼekue Iléi (Sal. 40:8). ¡Mbaʼeichaitépa oiméne ovyʼa raʼe Jehová ohechávo Itaʼýra oserviha chupe ipyʼaite guive!
11 Ñande servísio Jehovápe ningo ojogua umi ofrénda de pázpe, pórke péicha jahechauka ñandejeheguiete mbaʼeichaitépa jahayhu chupe. Ñande ñameʼẽ Jehovápe pe iporãvéva, ha jajapo upéva jahayhúgui chupe ñande pyʼaite guive. Katuete oiméne Jehová ovyʼaiterei ohechávo hetaiterei hénte oserviha chupe ohayhuetereígui chupe ha umi imandamientokuéra. Jehová ndahaʼéi ku omombaʼénteva umi mbaʼe jajapóva, síno avei ohecha ha omombaʼe mbaʼérepa jajapo upéva. Por ehémplo, oiméramo ñandeedáma ha ndaikatúi jajapo heta mbaʼe iservísiope jaipotaháicha, ikatu ñaime segúro Jehová oikuaa ha ontendeha ñane situasión. Ikatu hína ñapensa saʼietereiha la ikatúva ñameʼẽ chupe, péro Jehová ohecha mbaʼeichaitépa jahayhu chupe ha upéva ñanemomyiha jajapo hag̃ua la ikatumíva entéro. Haʼe ningo vyʼápe oasepta ñameʼẽramo chupe pe iporãvéva.
Óro kuʼi oĩva la Bíbliape
Oñeporandúva jepi
Añetehápe Jehová omombaʼeterei isiervokuéra iñeʼẽrendúva rekove. Koʼã mbaʼe Haʼe ohaikavaʼekue ijespíritu rupive Salmo 116:15-pe, noñeʼẽi peteĩ tapicha omanóvarente.
Oĩ jave omanóva ojejapo jepi peteĩ diskúrso, ha upévape ndovaléi ojeporu ko versíkulo oñeñeʼẽ hag̃ua pe omanóvare, tahaʼe jepe raʼe peteĩ kristiáno iñeʼẽrendúva Jehovápe. ¿Mbaʼérepa? Hetave mbaʼe heʼise rupi ko téysto. Pe salmísta ontendekasevaʼekue Jehovápe g̃uarã tuichaiterei mbaʼeha enterove isiérvo rekove ha omanombárõ hikuái tuichaiterei operdetaha. Upéicha rupi arakaʼeve ndohejamoʼãi oiko upéva (ehecha Sal. 72:14 ha 116:8).
9-15 DE DICIEMBRE
TESÓRO OĨVA ÑANDEJÁRA ÑEʼẼME SALMO 119:1-56
“¿Mbaʼéichapa umi mitãrusu ha mitãkuña ikatu siémpre ojapo iporãva?”
¿Mbaʼépa jajapo vaʼerã ani hag̃ua ñasẽ pe tape ipoʼívagui?
6 Ñande ningo jaháma hína pe tape ipoʼívare. ¿Péro mbaʼépa ñanepytyvõta jasegi hag̃ua jaguata upérupi? Ñapensamína peteĩ ehémplore. Umi tape ojupíva umi montáñare oreko jepi peteĩ varréra de proteksión pe tape oríllare, ani hag̃ua umi oviaháva upérupi hoʼa mbaʼe pe varránkape. ¡Ha ndaiporichéne ojeplageáva oñemoĩ haguére koʼãichagua varréra de proteksión! Upeichaite avei umi mbaʼe Jehová ñanemboʼéva la Biblia rupive, pórke umíva ñandeprotehe ha ñanepytyvõ ani hag̃ua ñasẽ pe tape poʼígui (elee Salmo 119:9, 10, 45, 133).
“Ani jaheja ikangy ñane mborayhu”
11 Entéro kristiáno ningo jahayhu pe añetegua, ha Ñandejára Ñeʼẽme jatopa upéva. Jesús heʼi vaʼekue Itúape: “Ne ñeʼẽ hína pe añetegua” (Juan 17:17). Jahayhu hag̃ua pe añetegua oĩva la Bíbliape jaikuaa raẽ vaʼerã la oĩva pype (Col. 1:10). Péro tekotevẽ jajapo hetave mbaʼe. Jahechamína mbaʼéichapa pe Salmo 119 heʼíva ikatu ñanepytyvõ jahayhu hag̃ua pe añetegua oĩva la Bíbliape (elee Salmo 119:97-100). Káda día jalee vaʼerã la Biblia, ha pe día pukukue jajepyʼamongeta vaʼerã hese. Ñapensárõ mbaʼéichapa ñanevenefisia umi konsého oĩva pype, jahayhuvéta Ñandejára Ñeʼẽ.
12 Pe salmísta heʼi: “Ñandejára, chegustaiterei ne ñeʼẽ, haʼete voi heʼẽ asýva che jurúpe, chéve g̃uarã heʼẽve eiretégui” (Sal. 119:103, TNM). Umi puvlikasión onohẽva Ñandejára organisasión ha oñemopyendáva Iñeʼẽme, haʼete voi umi tembiʼu hetereíva. Jaʼu jave peteĩ tembiʼu ñandegustáva ñañemotiémpo jadisfruta hag̃ua. Upéicha avei jastudia jave Ñandejára Ñeʼẽ ndajajapói vaʼerã pyaʼe pyaʼe. ¿Mbaʼérepa? Pórke péicha jadisfrutáta jaleévo “umi palávra porã porã”. Avei ifasilvéta ñandéve ñanemanduʼa hag̃ua umi mbaʼe jaleévare ha jaipurúta umíva ñaipytyvõ hag̃ua ótrope (Ecl. 12:10, TNM).
Ani ñamaña umi mbaʼe ndovaléivare
2 Umi mbaʼe jahecháva rupive ningo heta mbaʼe ñamoinge ñane akãme. Upévare ñañangarekovaʼerã ani hag̃ua jaiporu vai ha ñamoinge ivaíva ñane akãme. Upéicha oikotahína ñanderehe ñamañáramo umi mbaʼe ñanemokyreʼỹtavare jajapo hag̃ua ivaíva ha jaipota potave hag̃ua opa mbaʼe. Upearã voi ningo ko múndo aña oĩva Satanás poguýpe ape ha pégotyo omoĩ umi taʼanga ha propagánda ikatúva ñandegueraha vai jahasakuévonte jepe ñamañáramo hese (1 Juan 5:19). Ha upévare voi pe salmísta ojerure Ñandejárape: ‘Ani reheja che resa omaña umi mbaʼe ndovaléivare, chemokyreʼỹ uvei aguata hag̃ua nde rapére’ (Sal. 119:37, ÑÑB).
Óro kuʼi oĩva la Bíbliape
w05-S 15/4 10 párr. 2
Jajeroviákena Jehová ñeʼẽre
2 Salmo 119-pe ohechauka porã mbaʼeichaitépa ivalióso Ñandejára mensáhe térã iñeʼẽ. Amalisia ifásil hag̃ua oñememorisa, pe salmísta omohenda por avesedário umi 176 vérso 22 estrófape, ha káda estrófape oĩ kuri 8 versíkulo ha káda uno umi versíkulo oñepyrũvo ojepuru la mísma létra hebrea. Oipuru avei heta palávra ojojoguáva, por ehémplo Ñandejára ñeʼẽ, léi, instruksión, tape, mandamiénto, konsého, redesidíva, heʼíva ha ñeʼẽ. Ko artíkulope ha pe sigiéntepe oñeñeʼẽta Salmo 119 rehe ha ojepurúta peteĩ traduksión de la Biblia ijexáktova. Jajepyʼamongetávo Jehová siervokuéra yma guare ha koʼag̃agua ohasa vaʼekuére, ñantende porãvéta ko Salmo ha javaloravéta Ñandejára Ñeʼẽ, la Biblia.
16-22 DE DICIEMBRE
TESÓRO OĨVA ÑANDEJÁRA ÑEʼẼME SALMO 119:57-120
¿Mbaʼéichapa ikatu jagueropuʼaka umi mbaʼe ñanembosufríva?
w06-S 15/6 20 párr. 2
“Mbaʼeichaite piko ahayhu nde léi”
2 ¿Mbaʼéichapa okonsola vaʼekue pe salmístape Ñandejára léi? Haʼe oikuaa vaʼekue Jehová ojepyʼapyha hese ha upéva oipytyvõ chupe. Umi iñenemigokuéra ombohasáramo jepe chupe heta mbaʼe ijetuʼúvare, haʼe ovyʼa ohechávo mbaʼeichaitépa ideprovécho Ñandejára léi. Orrekonose Jehová otrata porã hague chupe. Avei Ñandejára léi omoaranduve kuri chupe iñenemigokuéragui ha hiʼarive oipytyvõ chupe osegi hag̃ua oikove. Okumpli rupi umi léi, oiko pyʼaguapýpe ha ikonsiénsia potĩ (Salmo 119:1, 9, 65, 93, 98, 165).
Ñañangarekókena ñande jeroviáre jaservíramo noñeñeʼẽihápe ñane idióma
9 Pe oskrivi vaʼekue Salmo 119 oaguanta vaʼerã kuri avei peteĩ situasión ijetuʼúva. Umi ombaʼapóva pe rréipe g̃uarã otaky hese, péro Ñandejára Ñeʼẽ oipytyvõ chupe ogueropuʼaka hag̃ua upe situasión (Sal. 119:23, 61). Haʼe oheja Ñandejára Ñeʼẽ opoko ikorasõre (elee Salmo 119:11, 46).
“Ndapeikuaái mbaʼe día ni mbaʼe óratapa”
9 Quinto, ndajaikuaái rupi arakaʼetépa oñehundíta ko múndo aña, ikatu jagueropuʼaka umi mbaʼe ijetuʼúva ha upéicha ñamombareteve ñande jerovia (elee Salmo 119:71). Jahechaháicha, koʼã ára paha “ijetuʼueterei ha hasy jagueropuʼaka” (2 Tim. 3:1-5, NM). Ko múndo oĩva Satanás poguýpe ndaijaʼéi ñanderehe ha ikatu oĩ ñandepersegíva (Juan 15:19; 16:2). Péro ñanderekomirĩ ha jahejáramo Jehová ñanesãmbyhy, ikatúta ñaaguanta umi mbaʼe ipohýiva ha upéva ñanepytyvõta ñamombareteve hag̃ua ñande jerovia. Koʼẽ koʼẽre ningo ñañemoag̃uivéta Jehováre ñaimoʼãʼỹháicha ha arakaʼeve ndajahejamoʼãi chupe (Sant. 1:2-4; 4:8).
Jehová hína “Ñandejára omeʼẽva opaichagua konsuélo”
3 Ñande Ru Jehová ñanderayhuetéva, ñanekonsola ñaikotevẽve jave (elee 2 Corintios 1:3, 4). Ndaipóri ótro haʼéicha ontende porãva la jahasáva. Ñandejára opromete isiervokuérape: “Che siémpre ameʼẽ peẽme konsuélo” (Is. 51:12, TNM; Sal. 119:50, 52, 76).
5 Ani jaduda Jehová katuete ñanepytyvõtaha. Upévare, siémpre ikatu ñamombeʼupaite chupe umi mbaʼe ñañandúva. ¡Ajépa ñañeñandu porãmie jaikuaávo haʼe ontendeha la jahasáva ha katuete ñanekonsolataha ñaikotevẽ jave! Péro, ¿mbaʼéichapa ojapo upéva?
Óro kuʼi oĩva la Bíbliape
Ani jaheja ikangy ñane mborayhu
11 Entéro kristiáno ningo jahayhu pe añetegua, ha Ñandejára Ñeʼẽme jatopa upéva. Jesús heʼi vaʼekue Itúape: “Ne ñeʼẽ hína pe añetegua” (Juan 17:17). Jahayhu hag̃ua pe añetegua oĩva la Bíbliape jaikuaa raẽ vaʼerã la oĩva pype (Col. 1:10). Péro tekotevẽ jajapo hetave mbaʼe. Jahechamína mbaʼéichapa pe Salmo 119 heʼíva ikatu ñanepytyvõ jahayhu hag̃ua pe añetegua oĩva la Bíbliape (elee Salmo 119:97-100). Káda día jalee vaʼerã la Biblia, ha pe día pukukue jajepyʼamongeta vaʼerã hese. Ñapensárõ mbaʼéichapa ñanevenefisia umi konsého oĩva pype, jahayhuvéta Ñandejára Ñeʼẽ.
12 Pe salmísta heʼi: “Ñandejára, chegustaiterei ne ñeʼẽ, haʼete voi heʼẽ asýva che jurúpe, chéve g̃uarã heʼẽve eiretégui” (Sal. 119:103, TNM). Umi puvlikasión onohẽva Ñandejára organisasión ha oñemopyendáva Iñeʼẽme, haʼete voi umi tembiʼu hetereíva. Jaʼu jave peteĩ tembiʼu ñandegustáva ñañemotiémpo jadisfruta hag̃ua. Upéicha avei jastudia jave Ñandejára Ñeʼẽ ndajajapói vaʼerã pyaʼe pyaʼe. ¿Mbaʼérepa? Pórke péicha jadisfrutáta jaleévo “umi palávra porã porã”. Avei ifasilvéta ñandéve ñanemanduʼa hag̃ua umi mbaʼe jaleévare ha jaipurúta umíva ñaipytyvõ hag̃ua ótrope (Ecl. 12:10, TNM).
23-29 DE DICIEMBRE
TESÓRO OĨVA ÑANDEJÁRA ÑEʼẼME SALMO 119:121-176
¿Mbaʼépa ikatu jajapo ani hag̃ua jaike akãrasýpe?
Jahejákena Jehová Léi ha umi prinsípio togia ñane konsiénsia
5 Jaipotáramo Ñandejára Léi ñanepytyvõ, ndahaʼéi jalee ha jaikuaánte vaʼerã umíva, síno tekotevẽ jahayhu ha jarrespeta umi Léi. La Biblia heʼi: “Ndapechaʼéi vaʼerã umi mbaʼe ivaívare ha pehayhu vaʼerã pe iporãva” (Amós 5:15). ¿Mbaʼéichapa ikatu jajapo upéva? Tekotevẽ jahecha opa mbaʼe Jehová ohechaháicha. Ñapensamína ko situasiónre. Ñamoĩ chupe rehoha doktórpe ha heʼi ndéve tekotevẽha ekaru porã, ejapo ehersísio ha ekambia heta mbaʼe rejepokuaáva rejapo. Nde resegi la ikonsého ha rehechakuaa reñeñandu porãveha. ¿Mbaʼépa repensáta pe doktór rehe ha umi konsého omeʼẽvare ndéve?
6 Péicha avei, ñande Apohare omeʼẽ ñandéve Léi ñandeprotehéva umi mbaʼe vai ikatúvagui ñanderupyty japeka haguére. Avei umi Léi ñanepytyvõ osẽ porãve hag̃ua ñandéve opa mbaʼe. Por ehémplo, la Biblia ñanemboʼe ndovaleiha ñandejapu, ñamonda, ñanderekovai, ñaneviolénto ni ñañentremete pe espiritísmore (elee Proverbios 6:16-19; Apoc. 21:8). Jahecha jave oho porãveha ñandéve ñaneñeʼẽrendu haguére Jehovápe, jahayhuve chupe ha ñamombaʼeve umi Léi omeʼẽva.
Jahejátapa Jehová ohechauka ñandéve ñande raperã?
17 Javyʼaite ningo jareko rupi Jehovápe ñane amígoramo ha ñanepytyvõ haguére jaha hag̃ua tape porãre! Ñaneñeʼẽrendúramo chupe ndajaʼamoʼãi koʼã mbohapy ñuhã jahechavaʼekuépe: jajapo umi hénte hembiapo vaíva ojapoháicha, jajapo ñane korasõ oipotáva ha jaha ‘umi mbaʼe guaʼu rapykuéri’. Jajeíramo koʼã mbaʼégui añoite jahupytýta pe jeikove opaʼỹva. Pe artíkulo oúvape ñahesaʼỹijovéta mbohapy ñuhã oitýmava hetápe. Ñañatendéramo Jehová heʼívare jahechakuaáta ipeligrosoha umi tape vai ha ñañehaʼãmbaitéta jajei chuguikuéra (Sal. 119:128).
Óro kuʼi oĩva la Bíbliape
Ñaimékena segúro Ñandejára Ñeʼẽ haʼeha la verda
2 Enterove Jehová siervokuéra ningo ñaime konvensído Ñandejáragui ouha pe añetegua, ha haʼe siémpre oipotaha pe iporãvéva ñandéve g̃uarã (Sal. 31:5; Is. 48:17). Ñande ningo jaikuaa porã umi mbaʼe jaleéva la Bíbliape haʼeha la verda. Jaguerovia voi opa mbaʼe heʼíva Ñandejára ‘siertogua memeteha’ (elee Salmo 119:160). Ñande ñaime de akuérdo peteĩ biblista heʼi vaʼekuéndi: “Ñandejára ningo ndaijapúi ni michĩmi entéro mbaʼe heʼívape, ha ndaipóri ni peteĩ posivilida haʼe ojavýne hag̃ua. Ñandejára puévlo ojerovia la haʼe heʼívare, pórke haʼekuéra okonfia hese”.
30 DE DICIEMBRE AL 5 DE ENERO
TESÓRO OĨVA ÑANDEJÁRA ÑEʼẼME SALMOS 120-126
Umi hasẽ vaʼekue ohokuévo oñemitỹ, upéi vyʼápe okosecha
Ikatu jahupyty umi méta jarekóva Jehová servísiope
10 Jehová ovyʼa avei ñande ñañehaʼãmbaitéramo ñakumpli hag̃ua ñane méta, oiméramo jepe nañanekyreʼỹi hína. ¿Mbaʼérepa? Pórke ñande ñañehaʼãmbaite jajapo upéva jahayhúgui chupe, ndahaʼéiramo jepe la ñandegustáva upe jajapóva hína. Jehová ningo ovendesi vaʼekue Páblope ha ñandéve avei ñanevendesíta jasegírõ ñambaʼapo jejopy (Sal. 126:5). Ha jahechávo mbaʼéichapa Jehová ñanevendesi, upéva voi ñanemokyreʼỹ jeýta. Peteĩ ermána oikóva Polóniape hérava Lucyna heʼi: “Avése nasẽséi predikasiónpe, koʼýte chekaneʼõ jave. Péro aháramo, avyʼaiterei upe rire ha upéva ningo peteĩ rregálo tuichaitereíva”. Jahechamína koʼág̃a mbaʼépa ikatu jajapo nañanekyreʼỹi jave.
¿Imbaretétapa nde jerovia?
17 ¿Ha nde? ¿Omanómapa avei ndehegui peteĩ rehayhúva? Upéicharõ emombaretékena nde jerovia eleévo umi rreláto oĩva la Bíbliape oñeʼẽva umi rresurreksiónre. ¿Reñembyasýpa hína pórke peteĩ ne hénte oñemosẽ kongregasióngui? Upéicharõ estudiákena la Biblia ndete reĩ hag̃ua konvensído Jehová ñandekorrehiha ñane vienrãnte. Tahaʼe haʼéva la provléma oñepresentáva ndéve, eaprovechákena upéva emombarete hag̃ua nde jerovia. Emombeʼupaitékena Jehovápe mbaʼéichapa reñeñandu. Ha ani eñemomombyry, síno ejeheʼa meme umi ermáno ha ermanakuérare (Prov. 18:1). Ejapókena umi mbaʼe nepytyvõtava reaguanta hag̃ua, nerasẽtaramo jepe rejapóvo koʼã mbaʼe, lomímontekena ejapo (Sal. 126:5, 6). Aníkena efalta rreunionhápe, esẽ meme epredika, ha estudia káda día la Biblia. Epensa memékena umi mbaʼe porãita Jehová omeʼẽtavare ndéve amo gotyove. Ha káda ke rehecha Jehová nepytyvõha, nde jerovia imbareteve reíta ohóvo.
w01-S 15/7 18, 19 párr. 13, 14
Pesegíkena peñemitỹ
13 Umi okosecháva Ñandejárape g̃uarã, ha koʼýte umi ojepersegívape g̃uarã, tuicha okonsola la heʼíva Salmo 126:5, 6: “Pe hesay hováre oñemitỹva, upéi vyʼápe okosecháta. Pe hasẽva ohóvo kokuépe, ha oraháva isemílla vosápe, katuete vyʼápe ou jeýta, ha oguerúta la okosecha vaʼekue”. Umi mbaʼe heʼíva pe salmísta umi oñemitỹ ha okosechávare ohechauka mbaʼeichaitépa Jehová okuida ha ovendesi vaʼekue umi oho jey vaʼekuépe hetãme Babilóniagui. Umi israelita ningo ovyʼaiterei vaʼekue ojelivera haguére chupekuéra, péro oiméne hasẽ rakaʼe hikuái oñemitỹvo pe ijyvykuéra opyta vaʼekuépe nandi vera. Upépe haʼekuéra nombaʼapovéi vaʼekue umi 70 áño oĩ aja hikuái país ahénope. Péro umi osegi vaʼekue oñemitỹ ha omopuʼã jey pe lugár, upéi ovyʼa ohechávo la itravahokue.
14 Ikatu ningo ñanerasẽ jahasávo umi situasión ijetuʼúvare, ikatu voi jahasa asy hína jajapo haguére iporãva tahaʼe ñande térã ñane ermanokuéra (1 Pedro 3:14). Ñepyrũrã ikatu voi jasufri ñañemitỹnguévo, haʼete rupi ndajaprodusíriva mbaʼeve. Péro jasegíramo ñañemitỹ ha jarrega, Ñandejára omongakuaáta, ha katuete iporãvéta voi la rresultádo upe ñahaʼarõ vaʼekuégui (1 Corintios 3:6). Upéva jahechakuaa pe rresultádo ojehupytývare ñakomparti rupi la héntendi ñane puvlikasionkuéra ha la Biblia.
Óro kuʼi oĩva la Bíbliape
¿Mávarehepa jajesareko hína?
1 KOʼÁG̃A jaiko hína umi tiémpo ijetuʼúvape ha hasýva jagueropuʼaka hag̃ua. Ha jaikuaaháicha amás día ivaivéta ohóvo pe situasión og̃uahẽ meve pe múndo pyahu jaikotahápe pyʼaguapýpe (2 Tim. 3:1). Upévare iporã ñañeporandu: “¿Mávarehepa ajesareko hína? Térã ¿mávapepa ajerure chepytyvõ ha chegia hag̃ua?”. Oime vaʼerã katuete jaʼéta jajerureha Jehovápe, ha upéva oĩ porãiterei.
2 ¿Mbaʼépa heʼise jajesarekoha Jehováre? Ha, ¿mbaʼéichapa ikatu ñaime segúro jajesarekoha hese ñambohovái jave umi situasión ijetuʼúva? Ojapo hetaiterei tiémporema peteĩ salmísta heʼi hague tekotevẽtereiha jajesareko Jehováre jahasa jave peteĩ mbaʼe ijetuʼúva (elee Salmo 123:1-4). Haʼe okompara upéva peteĩ esklávo ojapóvare. Peteĩ esklávo ningo siémpre ojesareko ipatrón rehe. Péro ndojapói upéva oipotáguinte omeʼẽ chupe hemikotevẽ, síno oikuaa hag̃ua mbaʼépa ogusta ipatrónpe ha ojapo hag̃ua la ohaʼarõva chugui. Péicha avei, ñande jastudia vaʼerã la Biblia káda día jaikuaa hag̃ua mbaʼépa Jehová rembipota. Jajapóramo upéva, haʼe katuete ñanepytyvõta ñaikotevẽve jave (Efes. 5:17).