La hénte iviolénto umi polítiko kóntrape: ¿Mbaʼépa heʼi la Biblia?

Oĩ hetaiterei ivioléntova umi polítiko kóntrape, upéicha rupi ko múndo tuichakuére la hénte ojepyʼapyeterei.

¿Mbaʼérepa oĩ hetaite ivioléntova umi polítiko kóntrape? ¿Opánepa algún día pe violénsia? ¿Mbaʼépa heʼi la Biblia?

La Biblia oñeʼẽma vaʼekue voi pe división polítikare

La Biblia heʼi ñane tiémpope, térã “umi ára pahápe”, umi hénte iviolentotaha ha noñontendemoʼãiha.

• “Eikuaáke umi ára pahápe pe situasión ijetuʼúta ha ipeligrósota. Pórke umi hénte [...] imalagradesídota, ombotavýta hapichápe, [...] ndoikoporãsemoʼãi avavéndi, [...] isalváheta, [...] itraisionérota, ikaprichósota, ijorgullósota” (2 Timoteo 3:1-4).

La Biblia heʼíma vaʼekue avei oikotaha sarambi, ha upéva jahecha oñekumpliha ñane tiémpope umi hénte opuʼã jave umi polítiko kóntrape ha ojerrevela jave hesekuéra (Lucas 21:9, nóta). Péro pe violénsia ha pe división polítika ndahaʼemoʼãi pára siémpre.

Koʼẽrõitéma opáta pe violénsia

La Biblia omyesakã Ñandejára ohunditaha umi goviérno umáno, ha hekovia omoĩtaha igoviérno oĩva yvágape.

• “Ñandejára omoĩta peteĩ rréino núnka noñehundimoʼãiva. [...] Omonguʼíta ha ohundíta enterove [umi ótro] rréino, ha ko rréino añoite opytáta opa ára g̃uarã” (Daniel 2:44).

Irréino rupive Ñandejára omoĩta pyʼaguapy ko yvy tuichakuére ha enterovetéva jaikóta peteĩ ñeʼẽme.

• Jesucristo hína pe “Prínsipe de Paz” ogovernátava ko Rréino, ha igoviérno poguýpe “pe pyʼaguapy núnka ndopamoʼãi” (Isaías 9:6, 7).

• Koʼág̃ama voi umi oñemoĩva ko goviérno poguýpe oaprendéma hína oiko hag̃ua pyʼaguapýpe. La Biblia heʼi: “Umi hénte ojapóta ijespádagui arádo, ha ilánsagui ojapóta erramiénta ojepoda hag̃ua. Umi tetã ndohupimoʼãvéima ijespáda ótro tetã kóntrape, ha noñemboʼemoʼãvéima chupekuéra mbaʼéichapa oñorairõ vaʼerã” (Isaías 2:3, 4).

Reikuaasevéramo, ikatu relee pe artíkulo “¿Qué cosas logrará el Reino de Dios?” ha ehecha pe vidéo ¿Mbaʼépa hína Ñandejára Rréino?