¿MBAʼÉPA IKATU JAJAPO OJUPIPA JAVE UMI PRÉSIO?

Jaasepta la situasión

Umi présio ojupíramo mbeguekatúpe ikatu hína ni ndajapillaguasúi, koʼýte ñande suéldo ojupíramo avei. Péro umi présio ojupíramo degolpete ha ndahaʼéi la ñagana hetavéva, ikatu jaju jajepyʼapyeterei ha jaiko ñañekevrantaháre, koʼýte jarekóramo família ñamantene vaʼerã.

Ñande ningo ndaikatúi jajapo mbaʼeve anive hag̃ua ojupi umi présio. Péro jaaseptáramo upeichaha la situasión ha jajadapta, ikatu hína ojapo porã ñanderehe upéva.

¿MBAʼÉREPA IÑIMPORTÁNTE?

Jaaseptáramo ndaikatuiha jajapo mbaʼeve anive hag̃ua ojupi umi présio, ifasilvéta ñandéve...

... ñaime trankílo. Ñapensa ha jadesidi porãvéta ningo ñanetrankíloramo.
... ani hag̃ua jajagarra peteĩ kostúmbre vai. Por ehémplo, ikatu jaju ndajapagasevéi ñane kuénta térã jajogua umi mbaʼe nañaikotevẽiva.
... ani hag̃ua jaiko vai pláta káusare ñane famíliandi.
... jahecha mbaʼépa ikatu jajapo jajogua hag̃ua umi mbaʼe ñaikotevẽva. Upéva ikatu heʼise jagasta saʼive vaʼerãha ha jadesidi mbaʼépa añetehápe ñaikotevẽ.

¿MBAʼÉPA IKATU JAJAPO?

Ñaimékena dispuésto jajadaptávo. Ojupi dególpe jave umi présio, iporãta ñañehaʼãramo saʼive jagasta. Oĩ ningo umi hénte oikoséva mas de la iposivilida omeʼẽva, ha upévare ojere vaipave chupekuéra. Upéicha rupi oforsapaite chupekuéra la situasión. Péro oiméramo jareko família, katuete jakuida ha ñamanteneséta chupekuéra. Upéicharõ jepe, ñanemanduʼákena avei ñane família oikotevẽvetaha ñañemotiémpo ha jahechauka chupekuéra jahayhuha, ha ñañangareko hesekuéra.

“¿Máva piko pende apytépe ikatúta oikove pukumie ojepyʼapy haguére?” (Lucas 12:25).

“Ani peñekevrantaiterei la ikatúvare oiko koʼẽrõ, pórke koʼẽrõ oĩta voi hína ótra kósa pejepyʼapy hag̃ua. Ovaléma voi umi provléma káda día oñembohovái vaʼerã” (Mateo 6:34).

Jaikoséramo mas de la ñande posivilida omeʼẽva, ikatu hína ojere vaipave ñandéve.