Opárupi hepypa entéro mbaʼe: ¿Mbaʼépa heʼi la Biblia?

Junio de 2022-pe, pe presidénte del Grupo Banco Mundial heʼi: “Oho vaipaite jeýma hese ñane ekonomía mundiál”. Heʼi avei ko vuéltape ndahaʼeiha “umi présionte la ojupipáva pyaʼeterei, síno avei umi hénte saʼive orekoha la pláta”.

Pe Fondo Monetario Internacional heʼi “pyaʼeterei ojupiha pe kombustívle ha umi hiʼupy, ha upéva koʼýte operhudika umi hénte oikóvape umi país imboriahuvévape”.

La Biblia ñanepytyvõ ñantende hag̃ua mbaʼérepa jahasa koʼãichagua provléma ekonómikore, ñanemboʼe jaikokuaave hag̃ua la jarekomívare ha omombeʼu avei oñesolusionaitetaha ko provléma.

Ojupipa umi présio koʼã “ára pahápe”

• La Biblia ohenói koʼã tiémpo jaikóvape “umi ára paha” (2 Timoteo 3:1).

• Jesús heʼi vaʼekue koʼã tiémpope ojehechataha “heta mbaʼe oporomongyhyjéva” (Lucas 21:11). Koʼág̃arupi derrepentete ou hepypa entéro mbaʼe, ha sapyʼánte upéva omongyhyje umi héntepe. Heta oĩ ojepreokupáva henonderãre ha oikuaase mbaʼéichapa omantenéta ifamíliape.

• La Biblia opredesíma voi kuri ñane tiémpope tuichaiterei ojupitaha umi présio. Por ehémplo Apocalipsis 6:6-pe heʼi: “Un kílo trígo 1 denáriore, ha 3 kílo seváda 1 denáriore” (1 denário hína un día de traváho repykue).

¿Eikuaasevépa mbaʼépa heʼi la Biblia “umi ára paháre” ha umi profesía oĩvare Apocalípsispe? Ehechamína ko vidéo hérava: Ko múndo okambiaite 1914 guive, ha elee avei ko artíkulo: “¿Mbaʼépa osignifika umi kavaju arigua?”.

Oĩ hína solusión

• “Umi hénte ojogapóta ha oikóta hóga teépe, oñotỹta parrál ha hoʼúta hiʼa. Nomopuʼãmoʼãi peteĩ óga ótro oiko hag̃ua pype, noñemitỹmoʼãi ótrope g̃uarãnte” (Isaías 65:21, 22).

• “Ko yvy oprodusi porãitereíta, umi montáña ruʼãme entéro, hembypáta la ojekosecha vaʼerã” (Salmo 72:16).

• “Péro Jehová heʼi: ‘Umi iñinoséntevape oñemaltrata, umi imboriahúva osufri, upévare che aipytyvõta chupekuéra’” (Salmo 12:5).a

Koʼẽrõitéma Ñandejára osolusionaitéta umi provléma ekonómiko, ha ndahaʼéi peteĩ paíspente, síno ko múndo tuichakuére. ¿Mbaʼéichapa ojapóta upéva? Eleemína ko artíkulo hérava: “¿Es realista esperar un sistema económico justo?”.

Ijetuʼu añete ko situasión, péro la Biblia ikatu ñanepytyvõ jaipuru porã hag̃ua ñande pláta ojupipáramo jepe la presiokuéra (Proverbios 23:4, 5; Eclesiastés 7:12). Eleemína koʼã artíkulo hérava: “Jakuida ñande pláta” ha “Cómo vivir con menos”.