Pe tembiʼu saʼipaite pe gérra ha pe kámbio klimátiko káusare: ¿Mbaʼépa heʼi la Biblia?

Pe gérra oikóva Ucrániape ha pe kámbio klimátiko káusare, ko múndo tuichakuére ijetuʼuetereive ñakonsegi hag̃ua aliménto. Ha upe provléma koʼýte ijetuʼu umi país imboriahuvévape.

• El 17 Julio de 2023, pe sekretário henerál pe Naciones Unidaspegua António Guterres heʼi: “Koʼág̃arupi umi aliménto ijakasove ha saʼive ojeprodusi. Upéva oiko pe gérra ha pe kámbio klimátiko káusare, ha avei hepyeterei rupi pe enerhía eléktrika”.

• Peteĩ páhina de notísia oĩva Internétpe heʼi: “Rusia ojei pe akuérdo oreko vaʼekuégui oexporta hag̃ua semílla Ucrániagui. Ha umi expérto okalkula ko desisión tuichaiterei operhudikataha ko múndope. Por ehémplo, ijakasovéta la hiʼupy ha hepyvéta la tembiʼu umi país imboriahuvévape, espesiálmente África del Norte ha Oriente Médiope” (Atalayar.com, 23 de Julio de 2023).

¿Mbaʼépa heʼi Biblia ko témare ha mbaʼépa heʼi oikotaha amo gotyove?

La Biblia heʼíma vaʼekue voi saʼipaitetaha la hiʼupy

• Jesús heʼi vaʼekue: “Peteĩ país opuʼãta ótro país rehe, ha umi goviérno opuʼãta ojuehe. Avei oĩta ñembyahýi” (Mateo 24:7).

• La Bíbliape, lívro de Apocalípsispe oñeñeʼẽ 4 kavaju arigua rehe. Peteĩva umi kavaju arigua orrepresenta pe gérra ha pe hapykuéri oúva orrepresenta pe ñembyahýi. Upéva ohechauka pe tembiʼu ijakasopaitéta ha hepyetereitaha. Upe profesía heʼi: “Ha ahecha peteĩ kavaju hũ, ha pe ohóva hiʼári oreko peteĩ valánsa ipópe. Ahendu peteĩ vos oúva umi 4 keruvín mbytégui ha heʼíva: ‘Un kílo trígo 1 denáriore,a ha 3 kílo seváda 1 denáriore’” (Apocalipsis 6:5, 6).

La Biblia heʼi koʼã profesía oñekumplíta hague “umi ára pahápe”, oséa ñane tiémpope (2 Timoteo 3:1). Eikuaasevéramo mbaʼépa heʼi la Biblia umi ára paháre ha umi kavaju ariguáre, ehecha pe vidéo hérava: Ko múndo okambiaite 1914 guive ha pe artíkulo hérava: “¿Mbaʼépa osignifika umi kavaju arigua?”.

¿Mbaʼéichapa la Biblia ikatu ñanepytyvõ?

• La Bíbliape jatopa heta konsého ideprovechoitereíva, umíva ñanepytyvõ jahasa jave umi situasión ijetuʼúva. Por ehémplo oúramo hepyeterei la hiʼupy térã ijakásoramo. Ehechamína algúno konsého pe artíkulo héravape: “Cómo vivir con menos.”

• La Biblia omeʼẽ avei esperánsa koʼẽrõite omehorataha la situasión. Por ehémplo Salmo 72:16 heʼi: “Ko yvy oprodusi porãitereíta, umi montáña ruʼãme entéro, hembypáta la ojekosecha vaʼerã”. Eikuaasevéramo umi mbaʼe porã ñaneraʼarõva amo gotyove ha mbaʼérepa ikatu jajerovia oñekumplitaha umíva, elee pe artíkulo hérava: “La esperanza real de un mañana mejor”.