Peteĩ vidéo ohechaukáva mbaʼéichapa ombaʼapo ohóvo umi doktór
Heta doktór ha avogádo ojepyʼapyve ohóvo umi hasývare, ohecha hag̃ua mbaʼépa ikatu ha mbaʼépa ndikatúi ojejapo hesekuéra. Upévare koʼág̃a ojeporuve ohóvo umi tratamiénto ou porãva peteĩ Testigo de Jehovápe (Hech. 15:28, 29). Jaikuaa hag̃ua umi mbaʼégui, ojejapo pe vidéo hérava Asistencia médica sin transfusiones. Necesidades y derechos del paciente. Ehechákena ko vidéo, ha ani nderesarái umi mbaʼe reaprendévagui (Nóta: Ko vidéope ojehechauka mbykymi umi operasión ojejapóva. Tuvakuéra oikuaavaʼerã itaʼyrakuérapa ikatu ohecha umíva térãpa nahániri).
1) Mbaʼérepa oĩ koʼág̃a umi doktór ostudia jeýva ohecha hag̃ua osegítapa omoĩ tuguy umi hasývape? 2) Emombeʼu máva mávapa umi mbohapy operasión guasu ikatúva ojejapo oñemoĩʼỹre tuguy. 3) Mboy doktórpa oĩ ko múndo tuichakue heʼíva ikatuha oñatende umi hasývare omoĩʼỹre tuguy? Mbaʼérepa ojapo hikuái upéva? 4) Ojestudiave rire heta ospitálpe, mbaʼépa ojekuaave koʼág̃a pe tuguy ñemoĩgui? 5) Mbaʼeichagua pelígropa oĩ oñemoĩramo tuguy? 6) Mbaʼépa heʼi koʼág̃a heta doktór ikatupyrýva ohechávo osẽ porãha umi tratamiénto ojejapóva oñemoĩʼỹre tuguy? 7) Mbaʼéguipa osẽ pe anémia? Mbaʼéicha vovépa pe anémia ojapo vai ñanderehe? Mbaʼépa ikatu ojejapo upéicha jave? 8) Mbaʼéichapa ikatu ñande rete ojapove umi glóbulo rojo ñande ruguýpe ñanderasy jave? 9) Mbaʼe mbaʼépa ojejapo koʼág̃a ani hag̃ua pe hasýva huguyeterei ojopera jave? 10) Oĩramo peteĩ mitã hasýva, térã peteĩ emerhénsia ikatuhápe oñemano, ikatúpa ojeporu porã hesekuéra avei umi tratamiénto tuguy noñemoĩrihápe? 11) Mbaʼépa ojapovaʼerã umi doktór iporã hag̃ua pe tratamiénto omeʼẽva? 12) Mbaʼérepa iñimportánte peteĩ kristiáno oiporavo hasy mboyve mbaʼeichagua tratamiénto oiporuʼỹva tuguýpa oipotáta? Mbaʼéichapa ikatu ojapo upéva?
Ko vidéope ojehechaukávagui oĩ umi tratamiénto káda úno odesidivaʼerã oiporútapa térãpa ndoiporumoʼãi. Jajapovaʼerã ñane konsiénsia heʼiháicha ñandéve, ñaaprendehaguéicha Ñandejára Ñeʼẽgui. Ndépa reikuaáma mbaʼe tratamiéntopa reipotáta ndéve ha nde raʼykuérape g̃uarã, ndojeporuihápe tuguy? Iporã avei jaikuaauka ñane hénte ag̃ui ndahaʼéiva Testígope mbaʼe tratamiéntopa jaiporavo ha mbaʼérepa (Ehecha “Preguntas de los lectores”, osẽvaʼekue La Atalaya 15 de junio 2004 ha 15 de octubre 2000-pe).