¿Añetehápepa umi Olimpiáda ouni la héntepe? ¿Mbaʼépa heʼi la Biblia?

Áño 2024-pe, ojekalkula amo 5.000 millón de persónarupi ohechataha umi Olimpiáda ojejapóva veránope. Upépe opartisipáta hetaiterei atléta oúva 206 paísgui. Thomas Bach, pe presidénte Comité Olímpico Internacionalpegua, heʼi: “Ko evénto ojejapóva ouni ha omoĩ pyʼaguapy ko múndo tuichakuére. [...] Jasegíkena enterovéva jaapoja pe idéa omeʼẽva umi Olimpliáda: enterove jaiko vaʼerãha pyʼaguapýpe ha unído, ñanediferénteramo jepe ojuehegui”.

¿Ikatúnepa umi Olimpiáda rupive ojehupyty ko mbaʼe iporãitéva? ¿Jaikóne piko algún día pyʼaguapýpe ha unído?

¿Ikatúpa umi Olimpiáda ogueru pyʼaguapy ha unida?

Umi Olimpiáda ko añopegua omopensa la héntepe ndahaʼéi sólamente umi huégore, síno avei pe polítika ha umi provléma oĩvare ko múndope oporodividíva. Por ehémplo, pe derécho orekóva la hénte, umi provléma oĩva oñemboyke rupi umi orekóvape diferénte rrelihión, diferénte pire kolór térã haʼe rupi kuña térã kuimbaʼe.

Umi depórte internasionál, umi ojejapovaichagua umi Olimpiádape, ñaneentretene porã. Upéicharõ jepe, koʼãichahápe ojekuaa mbaʼéichapa umi hénte opensa ha ojapo umi mbaʼe odividíva chupekuéra. Umi depórte omokyreʼỹ avei la héntepe osegínte hag̃ua opensa ha ojapo upéicha, oipytyvõ rangue chupekuéra oiko hag̃ua pyʼaguapýpe ha unído.

La Biblia heʼi vaʼekue voi mbaʼéichapa oñekomportáta heta hénte ha upévare ijetuʼúta oĩ hag̃ua unida ko múndope (2 Timoteo 3:1-5). Reaprendesevéramo ko profesíagui, elee pe artíkulo “¿Predijo la Biblia como sería la gente en nuestros días?”

Peteĩ esperánsa oĩtaha pyʼaguapy ha unida ko múndope

La Bíbliape jatopa peteĩ esperánsa iporãitereíva oĩtaha pyʼaguapy ha unida ko múndope. Opromete entéro persóna oĩva ko yvy ape ári oĩtaha unído, oiko vove ‘Ñandejára Rréino’ poguýpe. Kóva haʼe peteĩ goviérno yvagapegua (Lucas 4:43; Mateo 6:10).

Pe Rréi ogovernáva ko Rréino haʼe Jesucristo. Haʼe oguerúta pyʼaguapy ko múndo tuichakuére. La Biblia opromete:

• “Umi ihústovape oho porãta. [...] Oĩta pyʼaguapy opa ára g̃uarã” (Salmo 72:7).

• “Umi imboriahúva ningo ojerure asy ajúda, ha haʼe katuete osalváta chupekuéra. [...] Heta hénte osufri umi governánte iñañáva poguýpe, péro pe rréi osalváta chupekuéra” (Salmo 72:12, 14).

Ñane tiémpope, umi mbaʼe Jesús omboʼe vaʼekue oipytyvõ hetaiterei persónape oĩva 239 paíspe. Osegi rupi koʼã enseñánsa, umi testígo de Jehová oĩva ko múndo tuichakuére, oaprende oiko hag̃ua pyʼaguapýpe. Reaprendeséramo mbaʼéichapa ojapo hikuái upéva, eleemína pe rrevísta Ñemañaha, orekóva ko téma: “¡Nde ikatu ndepuʼaka pe ódiore!”.