Eñembokatupyryvékena: eipytyvõkena umi olee memévape ñande rrevistakuéra

Mbaʼérepa iñimportánte. Heta héntepe ogusta ñande rrevistakuéra, péro ndostudiaséi la Biblia. Ikatu oime oñekontentáma voi oreko haguére irrelihión térã heʼi naitiempoiha upearã. Upéicharõ jepe, olee pyʼỹi rupi ñande rrevistakuéra ikatu hína mbeguekatúpe oñanima avei oheka pe añetegua oĩva Ñandejára Ñeʼẽme (1 Ped. 2:2). Ikatu peteĩ artíkulo oleéva opokoiterei hese térã isituasión ou okambia. Javisita pyʼỹiramo upe persónape ha sapyʼami jepe ñañeʼẽ hendive, mbeguekatúpe ojepokuaavéta ñanderehe. Upéva ñanepytyvõta jaikuaa hag̃ua mbaʼépa ointeresa térã oipyʼapyve chupe. Ha peichaháguinte ikatu hína oñepyrũ ostudia la Biblia ñanendive.

Mbaʼéichapa ikatu rejapo:

Eprograma káda mes arakaʼépa eraháta pe persónape umi rrevísta osẽ ramovéva. Ikatu avei eho hendápe ótro moméntope ha epresenta chupe pe puvlikasión jaofreséva hína upe méspe térã eñeʼẽ hendive peteĩ artíkulo oĩvare umi rrevísta reheja vaʼekuépe, péicha katuete haʼe oleesétama avei upe artíkulo. Káda evisita chupe eanota mbaʼéguipa peñeʼẽ raʼe. (Ehecha Ñane Marandu Porã enero 2014, páh. 3.)
Ejeprepara porã evisita mboyve chupe. Aníkena ehejánte umi rrevísta ha eho jeýma. Eñehaʼã vaʼerã eñemongeta pe ogajárandi, ikatu hag̃uáicha ojepokuaa nderehe. Péicha ifasilvéta ndéve reipytyvõ hag̃ua chupe oaprendeseve hag̃ua la Bíbliagui.
Aníkena reheja ohasa rei umi oportunida oñepresentáva emoñepyrũ hag̃ua hendive peteĩ estúdio. Por ehémplo, oporandúramo ndéve mbaʼépa omboʼe la Biblia peteĩ témare, emeʼẽ chupe peteĩ puvlikasión jaipurúva jepi ñambostudia hag̃ua la héntepe ha peanalisa oñondive la rrespuésta. Eho mboyve hógagui, ejapo chupe peteĩ porandu ohóva pe téma peñemongeta vaʼekuére ha peanalisa pe semána oúvape. Nemanduʼákena revisita meméramo peteĩ persónape, ha káda visítape peñemongeta peteĩ téma vívliko peiporavóma vaʼekuére, rekondusimaha hína peteĩ estúdio vívliko. ¿Rehejámapa raʼe chupe pe folléto Notísia porã? ¿Rehechaukámapa mbykymi jepe chupe mbaʼéichapa ojestudia? ¿Pehechámapa pe vidéo ¿Mbaʼérepa restudia vaʼerã la Biblia? térã ¿Mbaʼéichapa rojapo peteĩ estúdio vívliko? Oiméramo jepe yma ndostudiaséi raʼe la Biblia, ikatu oime koʼág̃a okambiáma isituasión. Upévare, etantea jeýnte vaʼerã.

Taréa ko méspe g̃uarã:

Emoĩ peteĩ lístape máva mávapepa ikatu egueraha ñande rrevistakuéra káda mes. Ha eraha rire káda únope umi rrevísta ko mespegua, ere chupekuéra ótro méspe egueraha jeytaha umi osẽ pyahúva.