Kampáña espesiál oñeñeʼẽ hag̃ua Ñandejára Rréinore septiémbrepe

Septiémbrepe jarekóta peteĩ kampáña espesiál, ha ñañehaʼãmbaitéta ñamombeʼu hag̃ua ikatúvape guive, Ñandejára Rréino añoite osolusionataha yvyporakuéra provléma (Mt 24:14). ¿Mbaʼéichapa nde ikatu repartisipa ko kampáñape? Septiembre aja elee peteĩ téxto oñeʼẽva Ñandejára Rréinore opa ikatúvape. Retopáramo oñeinteresáva eofresekuaa chupe pe rrevísta Ñemañaha número 2 de 2020. Upéi eñehaʼã eñeʼẽ jey hendive ótra okasiónpe, péro nderehejái vaʼerã ohasaiterei tiémpo upearã. Ko vuéltape eñehaʼã emoñepyrũ peteĩ kúrso bíblico eipurúvo pe folléto Jaikóta vyʼápe. Umi ojapóva iprekursorádo auxiliár septiémbrepe ikatúta odesidi ojapótapa 15 térã 30 óra.

Saʼíma ningo ofalta Ñandejára Rréino ohundi hag̃ua entéro umi goviérno oĩvape ko yvy ape ári (Da 2:44; 1Co 15:24, 25). Upévare, jareko reheve tiémpo jaaprovecha vaʼerã ko oportunida ñaneñeʼẽrendu hag̃ua Jehovápe ha Irréinope.