Haʼekuéra “ihústo Ñandejára renondépe”

ZACARÍAS haʼe vaʼekue peteĩva umi saserdóte oúva Aarón familiarégui. Peteĩ vuéltape haʼe oreko álgo iñimportantetereíva ojapo vaʼerã. Upe díape otokáta chupe ohapy pe insiénso pe altár de óro oĩvape pe témplope. Péva haʼe vaʼekue peteĩ asignasión espesiál, pórke heta saserdótepe upéva otoka vaʼekue una ves en la vídante. Upéicha rupi oiméne Zacarías ha hembireko Elisabet ovyʼaiterei raʼe upérõ guare.

Zacarías ha Elisabet aréma la omenda hague ha Jehová hetáma ovendesi chupekuéra. Péro haʼekuéra oipotaiterei kuri la mitã ha hetáma ohaʼarõ upéva. Upe tiémpope upéva iñimportanteterei kuri Jehová siervokuérape g̃uarã. Zacarías ha Elisabet “ijedáma” kuri, péro la Biblia heʼi hesekuéra ‘ihústo hague Ñandejára renondépe’. Haʼekuéra heta oñemboʼe Jehovápe ko témare ha oĩ kuri segúro haʼe omeʼẽtaha chupekuéra la ojeruréva, haʼetéramo jepe imposívle.

Upéi og̃uahẽ pe moménto Zacarías oike hag̃ua pe témplope umi hénte oñemboʼe aja hína okápe. Haʼe oĩ aja haʼeño pe hyepýpe, ojaparesemi chupe peteĩ ánhel pe altár ykére. Pe ánhel heʼi Zacaríaspe Jehová ohendu hague iñemboʼe ha hembireko Elisabet opytataha hyeguasu. Upe mitãme oñembohéra vaʼerã kuri Juan, ha pe ánhel heʼi ojoguáta hague Elíaspe, pórke ‘ikyreʼỹ ha imbaretéta haʼéicha’. Tuicha rire haʼe orekóta kuri peteĩ asignasión iñimportánteva. Jehová oiporavo Juánpe omboʼe hag̃ua ipuévlope mbaʼépepa okambia vaʼerã oadora hag̃ua chupe haʼe oipotaháicha.

Péro Zacarías oduda oñekumplínepa la heʼíva pe ánhel, ha ojerure ikatúnepa oñemeʼẽ chupe peteĩ pruéva. Pe ánhel okorrehi Zacaríaspe, ha heʼi chupe: “Che hína Gabriel, che siémpre aime Ñandejára renondépe”. Upe heʼíva chupe pe ánhel ohechauka Zacarías ndodudái vaʼerãha kuri, pórke peteĩ ánhelma la heʼíva chupe upéva. Upéi Gabriel heʼi Zacaríaspe ndaikatumoʼãiha oñeʼẽ oñekumpli peve Ñandejára promésa. Upéicha rupi, Zacarías osẽvo pe témplogui ndaikatúi oñeʼẽ umi héntepe oexplika hag̃ua chupekuéra la oikóva, ha oseñeánte chupekuéra.

Ndajaikuaái mbaʼéichapa, péro Zacarías oexplika hembirekópe la oiko vaʼekue ha omombeʼu chupe orekotaha hikuái peteĩ mitã. Tiémpo riremi Elisabet opytáma hyeguasu. Haʼe nosẽi hógagui 5 mésere péro pe sexto méspe oho ovisita chupe peteĩ ihénte. Haʼe héra kuri María, Helí rajy. María oikévo pe ógape pe mitã oĩva Elisabet ryépe opo vyʼágui. Upépe Elisabet henyhẽ espíritu sántogui ha opilla María memby haʼetaha pe Mesías, upévare heʼi voi chupe: “Che Ruvicha sy ningo ou chevisita”. Elisabet ni michĩmi noenvidiái Maríape, upéva rangue oasegura chupe Jehová oĩtaha hendive iñasignasiónpe.

Elisabet imemby rire, ihénte ha ivesinokuéra ou ovisita chupe. Haʼekuéra oipota oñembohéra pe mitãme itúaicha. Péro Elisabet oikuaa pe ánhel Gabriel heʼi hague iménape upe mitã oñembohéra vaʼerãha Juan. Upévare haʼe nopenái hesekuéra ha heʼi: “¡Nahániri!, rombohérata chupe Juan”. Umi hénte katu oinsisti ha oporandu itúape mbaʼéichapa oñembohérata pe mitã. Zacarías ndaikatúiti kuri oñeʼẽ, upémarõ ojerure peteĩ tavlaʼi ha oskrivi hese: “Hérata Juan”. Upepete haʼe ikatu jeýma oñeʼẽ.

Upéi Zacarías henyhẽ espíritu sántogui ha oñepyrũ oprofetisa. Haʼe omeʼẽ esperánsa enterovépe, ha heʼi Jehová oiporiahuvereko ha osalvataha la héntepe. Oprofetisa avei itaʼýra Juan ohóta hague ‘Jehová renonderã oprepara hag̃ua haperã’. Ha upéva oñekumpli kuri, pórke Jesús oñepyrũ mboyve oñeʼẽ Ñandejára Rréinore, Juan el Bautista oipytyvõ kuri la héntepe ikatu hag̃uáicha oĩ preparádo oasepta hag̃ua chupe.

Pe Mesías okambiáta kuri hetaiterei mbaʼe ojapóva Ñandejára puévlo. Por ehémplo, ymave Ñandejára siervokuéra ipyʼaguasu vaʼerã kuri ha oho gerrahápe oñorairõ hag̃ua iñenemigokuéra kóntrape. Péro upéva opátama kuri, pórke Jehová ndoipotavéima isiervokuéra oho gerrahápe. Upéicharõ jepe, entéro umi oaseptáva pe Mesíaspe osegi vaʼerã kuri ipyʼaguasu. Zacarías ha Elisabet ojapo haguéicha, umi oaseptáva pe Mesíaspe ndokyhyjéi vaʼerã ombotuicha hag̃ua Jehovápe, ha oho vaʼerã opredika umi notísia porã oñeʼẽva Jesús rehe.

¿Moõpa oñeñeʼẽ hesekuéra la Bíbliape?

• Lucas 1:​5-25, 36-45, 57-80

¿Mbaʼépa ere chupe?

¿Mbaʼérepa jaʼekuaa Zacarías ha Elisabet ipyʼaguasu hague?

Einvestigamína

1. 1. Zacarías ha Elisabet ningo iñimperfékto vaʼekue, ¿mbaʼérepa upéicharõ la Biblia heʼi hesekuéra ‘ndojapói hague mbaʼeve ivaíva’? (Luc. 1:6; it “Ndojapói mbaʼeve ivaíva” párr. 2-wcgr).

   Rrespuésta

1. 3. Gabriel heʼi Zacaríaspe ombohéra vaʼerãha itaʼýrape Juan, ¿mbaʼépa heʼise pe téra “Juan”? (it “Juan” párr. 1-wcgr).

   Rrespuésta

2. 4. ¿Zacarías piko opyta vaʼekue noñeʼẽi ha nohendúi avei? (w08 1/3 30 párr. 6).

   Rrespuésta

Ejepyʼamongetamína ndejehe

• Zacarías tiémpope, umi judío opermiti vaʼekue peteĩ kuimbaʼépe ojedivorsia hembirekógui ndaikatúiramo imemby. ¿Mbaʼéichapa Zacarías ehémplo ohechauka iñimportantetereiha menakuéra ifiél ha ohayhu hembirekópe? B

  Rrespuésta

  

• Elisabet oapoja vaʼekue iménape, ihénte ha ivesinokuéra ojopýramo jepe chupe ojapo hag̃ua ótra kósa (Luc. 1:​58-61). ¿Mbaʼépa tembirekokuéra ikatu oaprende chugui?

  Rrespuésta

• ¿Mbaʼéichapa ikatu ndepyʼaguasu Zacarías ha Elisabet ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Zacarías ha Elisabétpe, Jehová omoingove jeýramo chupekuéra ko yvy ape ári?a

  Rrespuésta

Reikuaave hag̃ua

Ehechamína mbaʼépa ojapo vaʼekue Zacarías ikatúrõ guare oñeʼẽ jey.

“Hérata Juan” (6:59).

Jehová ojevale vaʼekue Elisabet rehe omokyreʼỹ hag̃ua Maríape, ¿mbaʼépa ñaaprende upévagui?

¿Mbaʼéichapa Jehová ñanemombaretéta? (w23.10 14, 15 párr. 10-14).