2. Najamatabükuenejüpaeya panakuenebarebeje

¿DEJ̈UA BEYAPÜTANETSI BAJARAPALIWAISI YABARA?

Itsa pebi, pijawa yajawa najamatabüjüpaeya nakuenebabeje, bajarapakuenia nakuenebabeje aviónmo pekaponaenü, peyawenonaenü yajawa. Kaejiwi kanakujitsia aponajamatabüj̈ainaebeje, biji rajane namataenetsia nayawenonabeje, piakuenebiliwaisi topatsi atatsibeje.

BIBLIABAJ̈UTO JUMAITSI: “Dioso apo tae beanijajivibeje. Becaejivi saya tane Dioso” (Mateo 19:6).

Cristian jumaitsi: “Pebi, pijawa yajawa namataenetsia benayawenonabeje, nej̈ata barüyaya ponaponabeje”, bajaraponü jai.

¿DEJ̈UAJITSIA META PENAMATAMOTSILIWAISI?

Penakojiobijiwibeje itsa najamatabükuenejüpaeya nakuenebabeje piakuenebiliwaisi topatsi atatsibeje, yasipitsapaenabeje aponabaraanaepanaenejewa.

Alexandra jumaitsi: “Penakojiobijiwibeje najamatabükuenejüpaeya benakuenebabeje j̈aniawaetsia peponaponaenej̈abeje. Itsa j̈anü, tamonabeje apopanakuenebinü tsipae najamatabükuenejüpaeya, nej̈ata kaeliwaisi apopaj̈ainaenübeje tsipae panenakanaüjütsinej̈a patajaliwaisi yabara”, bajarapowa jai.

¿DEBEITSIMÜ TSIPAE?

NAKUENEKANAÜJÜRE

• ¿Üj̈amünej̈a meta papalata itsa kamatamota?

• ¿Saikaya jamatabüwekuaponaponame nijawa, itsa jume, amona nejamatejemanej̈a pepakuene?

• Nijawa pijamonae, itsa jume, amona pijamonae yajawa nasiwa, ¿itsiata meta j̈amü j̈aniawaetsia apoyajawaponaponaemü?

PEBI, PIJAWA PENABARÜKUAIKUAIJAINEJ̈ABEJE

• Waj̈aitsibeje, ¿depajamatabükuenejawata najuanakuenebatsibeje?

• ¿Dej̈ua meta nakatosajinabeje wajanajamatabükuenej̈anetsinej̈abeje?

• ¿Dej̈ua nakayawenonaejitsipabeje wajanakuenebinej̈abeje najamatabükuenejüpaeya?

TAEMA PEMUJ̈UJIOBILIWAISIANÜ

• Najamatabüj̈ainare: Paj̈amübeje apopanamuj̈usitsimübeje najamatabükuenejüpaeya. Itsiata, ¿deitsi tsipae meta itsa najamatabükuenejüpaeya panamuj̈usitamebeje? ¿Panajamatabüsaütsipamebeje paneamoneyabinej̈abeje?

• Pütsa jamatabüjumaitsimü: “J̈anü kueneamoneyabajü”, pütsa jamatabüjamü. Biji rajane bejamatabüjumaitsimü: “Paj̈anübeje bepakueneamoneyabajübeje”

Ethan jumaitsi: “J̈aniawaetsia panenajuaponaponaenej̈abeje, najamatabüj̈ainare nijawajawabelia, itsa jume, amonajawabelia”, bajaraponü jai.

BIBLIABAJ̈UTO JUMAITSI: “Pëtsa panatoexaname itsakuenejawayo ata, xua ëpaxamënexa pacatoxanepana. Biji rajane paexanare xua itsamonaenexa ata toxanepanatsi” (Filipenses 2:3, 4).