¿Depatsa meta pepakuene mapanakuapijiwije matakaitoroba?

BIBLIABAJ̈UTO JUMAITSI

“Dovathi [...] mapanacuapijivi pijatuxanenë” (Juan 14:30, Dios pejumelivaisibaxuto pejanalivaisibaxuto).

“Dioso pexënato patsica [...] dovathi pejamatabëcueneta pibisiacuene pexanabiabijavami piajibiaexanaenexa” (1 Juan 3:8).

¿DEPAKUENIA NAKAYAWENONA BAJARAPALIWAISI?

Yapütaenatsi pakuenia taj̈uj̈uaba pebejiobiaej̈anaejawatsi jiwi mapanakuataje (Lucas 10:18; 2 Corintios 4:4).

Jumej̈aniataenatsi pej̈aniakuene wajawajünaeyabelia mapanakuataje (Salmo 37:9; Hechos 3:21).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, akueyabi paliwaisibeje nakajumekowünütsiaej̈anaena:

• Dowatji pitorobijawa, Dioso pewerebiabimatakabinej̈a tokaüjütaruta. Jehová najamatabükuenewereta piajibiaej̈anaenej̈a Dowatji pitorobijawa mapanakuapijiwi. Dioso najumekapanepaeya jumaitsi pekopiarukaejawanej̈a Dowatji, j̈anebijitsianua Dowatji pibisiakuene pej̈anabiabijawa (Hebreos 2:14).

• Dioso itapeta Jesucristo pematakaitorobinünej̈a. Dowatji piajamatabübejenü mapanakuataje pitorobinü. Biji rajane Jesús apojamatabükuenejüpae. Dioso pejumeliwaisi nakajumaitsi pakujinae bajayata Jesús irata ponapona itaj̈utobejiobiatane jiwi. Ajena pamatakabi pematakaitorobinej̈a jamatabükuenetsiteka (Mateo 9:36).

• Dioso kajena apo penajumetsünütsinü. Bibliabaj̈uto j̈aniawaetsia yapütaeyaej̈ana pakuenia “Dioso acuenebi penajumetsënëtsijava” (Hebreos 6:18). Bajaraj̈uata, pakuenia Jehová najumekapanepaeya jumaitsi, bajarapakuenia ej̈anabiaba (Salmo 115:3). Dioso najumekapanepaeya jumaitsi pakuenia wekuaj̈uabiana mapanakuapijiwi pijatuj̈anenü (Juan 12:31).