¿Petüpaewi meta ikatsia asaü tsane?

BIBLIABAJ̈UTO JUMAITSI

“Dioso icatsia asaëyaexanaena petëpaevimi”(Hechos 24:15, Dios pejumelivaisibaxuto pejanalivaisibaxuto).

¿DEPAKUENIA NAKAYAWENONA BAJARAPALIWAISI?

Nakajamatabükuenebabata itsa wajamonaejiwiyo nakatotüpa (2 Corintios 1:3, 4).

Nakawekuajibiaej̈anaena wajakujunawabiabijawa petüpaejawa yabara (Hebreos 2:15).

Apojumeabitsi kajena wajawajünaeyabelia wajataenej̈a wajamonae petüpaewimi (Juan 5:28, 29).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, akueyabi paliwaisibeje nakajumekowünütsiaej̈anaena:

• Dioso nakarajuta wajaasaütsawanapaejumalinej̈a. Bibliabaj̈uto jumaitsi pakuenia Jehová rajuta pejumali jiwi (Salmo 36:9; Hechos 17:24, 25). Pakuenia bajaraponü bajayata pejumali rajuta jiwi, dajubi ata, nej̈ata kaüjüpatsi pekapitsapaenej̈a petüpaewi.

• Bajayata Dioso baja kajena asaüyaej̈ana petüpaewi. Bibliabaj̈uto jumaitsi pakuenia bajayata, ocho pajiwibeje petüpaekujinae Dioso asaüyaba. Bajarapamonaeyajuwünüwi pebijiwi, petiriawi, pewüjüawi, perujujiwi ata. Bajarapamonae bajayatami ikatsia jinawanapa mapanakuataje. Bajarapamonaeyajuwünüwi petüpaekujinae bepijiayo ikatsia najumalirajutatsi; itsiata, itsanü cuatro pamatakabibeje petüpaekujinae kapitsapaeyaej̈anatsi pemütjüwerena (Juan 11:39-44).

• Bitso kajena jitsipa Dioso petüpaewi pejumalirajutsinej̈a. Jehová apotsitaj̈anepanaetsi jiwi petüpaejawa, tsipaji bepekueyanü (1 Corintios 15:26). Bitso kajena jitsipa piajibiaej̈anaenej̈a jiwi petüpaejawa, bajaraj̈uata petüpaewi asaü tsane. Dioso bitso jitsipa petüpaewi pejinawanapaenej̈a mapairajawataje, bajarajüata ikatsia asaü tsane pamonae najamatabünapita (Job 14:14, 15).