¿Depakuenia j̈anebiana Dioso mapanakuapijikueneje?

BIBLIABAJ̈UTO JUMAITSI

“Dioso atjübüpijinü nutsiana pematakaitorobijawa kaetoata apowerebiabitsi tsane” (Daniel 2:44, Traducción del Nuevo Mundo).

“Daxitanacuanëpijivi rajane baja vajatuxanenë Cristobeje, Diosobeje, evetaponaponaenabeje [matakaitorobaponaponaenabeje]. Bajaraponëbeje evetaponaponaenabeje daxitamatacabijavabelianexa” (Apocalipsis 11:15, Dios pejumelivaisibaxuto pejanalivaisibaxuto).

¿DEPAKUENIA NAKAYAWENONA BAJARAPALIWAISI?

• Dioso pematakaitorobijawa pej̈aniakuene. Kaejiwi kanakujitsiatsi nakayawenona ajena pamatakabijawa (Lucas 11:28).

• Pakujinae Dioso nakamatakaitorobiana nakabarüyayaej̈anaena wajajinawanapaenej̈a pej̈anianakuata, adomaejibinejewa (Apocalipsis 21:3, 4).

¿PEJ̈ANIAJAILIWAISIANÜ META RUBENA BIBLIABAJ̈UTOTA WAJAJUMEKOWÜNÜTSINEJ̈A?

Jãjã, anijaliwaisibeje nakajumekowünütsiaej̈anaena:

• Jesús yapütaeyaej̈ana pakuenia ej̈anaena Dioso pematakaitorobijawata. Pakujinae Jesús ponapona mapairajawataje rajuta pej̈aekuene pamonae pijani, jumeyaba piawitanewi, najumalirajutanua petüpaewi pejinawanapaenej̈a ikatsia (Mateo 15:29-38; Juan 11:38-44). Dioso itapeta Jesús pematakaitorobinej̈a. Nej̈ata pakuenia bajayata Jesús ej̈anabiaba mapanakuataje, nakayapütaeyaej̈ana j̈ua pej̈aniakuene ej̈anaena Dioso pijajiwinej̈a pewajünaeyabelia (Apocalipsis 11:15).

  Bajaraj̈uata Jesús kujaruba pijajiwijawabelia pewajükaenej̈a Diosojawabelia, pej̈anaenej̈a pejitsipaekuenia mapanakuataje pematakaitorobijawata (Mateo 6:9, 10).

• J̈ua daj̈ita pibisiakuene tanetsi nakayapütaeyaej̈ana imoj̈oyo pewajünae tsane Dioso pematakaitorobikuene pepatsinej̈a. Jesús tajüwelia yapütaeyaej̈ana pakuenia Dioso pej̈anebiwajünaeya mapanakuaje pematakaitorobijawata, kopiaya irayawünüka penabejawa, j̈anibokuene, ira penaj̈uabikuene (Mateo 24:3, 7).

  Taenajetarubenatsi baja ajena pamatakabijawata pibisialiwaisianü pakuenia tajüwelia Jesús jumaitsi, bajaraj̈uata apojumeaibitsi kajena. Imoj̈oyo pewajünae tsaponae baja Dioso piajibiaej̈anaenej̈a bajarapapibisialiwaisianü pematakaitorobijawata.