¿Deitsibeje nej̈ata Dowatji penamuj̈unaewetsij̈aebeje?

Adán, Evabeje tüpa apopejumekowünütsij̈aebeje Dioso (Génesis 3:6, 23).

Eva jumekowünüta jomo, nej̈ata j̈ane panaekuaito janiitawetatsi. J̈uakujinae rajuta Adán. Bajaraponü ata nej̈ata j̈ane.

J̈ua Adán, Evabeje ej̈ana bitso abeje, tsipaji Dioso apojumekowünütsibeje. Bajaraj̈uata Dioso kapitsapatsibeje pej̈aniairawekua.

Bajaraj̈uata nej̈ata, toayapübejetsibeje peponaponanej̈abeje pej̈i yajawa. J̈uakujinae perujujiwiyobeje, tüpabeje baja. Petüpaekujinaebeje apoponaebeje atjübüabetsia, itsajawabelia ata. Saya baja kopiarukabeje.

Pakuenia atsabeno ajumalijibi, bajarapijinia itsi petüpaewi (Génesis 3:19).

Daj̈itatsi pitsapatsi Adán, Evabejejawawerena, bajaraj̈uata daj̈itatsi batüpatsi. Petüpaewi apotae, apojumetae ata; bajaraj̈uata itsakuenejawa ata apoej̈anae (Salmo 146:4).

Jehová kajena apojitsipae jiwi petüpaejawa. Bajaraj̈uata, saya kaeepatoyokujinae Dioso ikatsia jumalikanawiabiana petüpaewi. Itsa bajarapamonae baja jumekowünütsiana, kaeto ata baja apotüpae tsane. Nej̈ata jinawanapaena daj̈itamatakabijawabelianej̈a.